• Ƀ/$

იაპონელი ჟურნალისტები საქართველოს შესახებ ფილმს გადაიღებენ

4 ივლისი 20:05 | ეკონომიკა

ეკონომიკი სამინისტროს ტურიზმის ეროვნული ადმინისტრაციის ორგაზებით იაპონიის წამყვანი გამოცემების წარმომადგენლები თბილისში, სიღნაღში, წინანდალში, მცხეთაში, ანაურსა და ყაზბეგში იმყოფებოდნენ.

ტურის შემდეგ საქართველოს შესახებ იაპონიის წამყვან გამოცემებში ვრცელი სტატიები დაიბეჭდება.
პრესის ჟურნალისტების პარალელურად საქართველოს იაპონიიდან წამყვანი ტელეკომპანიის TBS Nationwide Network გადამღები ჯგუფი ეწვია.


ჟურნალისტები საქართველოს შესახებ გადაცემისთვის “Discovery of the World’s Mysteries” ფილმს მოამზადებენ. გადაცემას 15 მილიონამდე მაყურებელი ჰყავს.


სტატისტიკური მონაცემებით 2019 წლის 6 თვეში იაპონიიდან საქართველოში საერთაშორისო მოგზაურთა რაოდენობა 26 %-ით გაიზარდა 2018 წლის ანალოგიურ პერიოდთან შედარებით.


„საქართველოს ტურიზმის ეროვნული ადმინისტრაცია აქტიურად მუშაობს იაპონიის ბაზარზე საქარველოს ცნობადობის გასაზრდელად. ჩვენ ბოლო ერთი კვირის განმავლობაში ჩამოყვანილი გვყავდა მაღალრეიტინგული როგორც ბეჭდური მედიის, ასევე ტელევიზიის ჯგუფები, მათთვის ჩვენ გავმართეთ პრეს-ტური საქართველოს ტურისტული პოტენციალის გასაცნობად, შედეგად დამზადდება როგორც სტატიები, ასევე გადაცემა საქართველოს შესახებ, რომელსაც იაპონიაში მილიონობით ადამიანი გაეცნობა.“-აცხადებს ტურიზმის ეროვნული ადმინისტრაციის ხელმძღვანელი მარიამ ქვრივიშვილი.


მსგავს თემაზე:

იაპონური ტელევიზიები 4K-დან 8K გარჩევადობის ფორმატში მაუწყებლობაზე გადადიან


იაპონელი ღვინის მაგისტრი: ქართული ღვინის ხარისხი კიდევ უფრო გაუმჯობესებულია


National Geographic-ს პარტნიორობას ქართული და ამერიკული ტუროპერატორები გაუწევენ



სხვა სიახლეები