• Ƀ/$

ლისის ტბიდან მარშალ გელოვანის გამზირამდე ახალი გზის მშენებლობა იწყება

31 ივლისი 12:26 | მედია ბიზნესისთვის - M2B

თბილისის მერია მარშალ გელოვანის გამზირისა და მუხრან მაჭავარიანის ქუჩის დამაკავშირებელი ახალი გზის მშენებლობას იწყებს. ამის შესახებ თბილისის მერმა დედაქალაქის მთავრობის სხდომაზე განაცხადა.

კახა კალაძის თქმით, ლისის ტბიდან ჩამოსასვლელი გზა სუპერმარკეტ „აგრო ჰაბსა“ და ყოფილ „მათე მოტორსს“ შორის გაივლის და მარშალ გელოვანს დაუკავშირდება.


„მოეწყობა 2 კილომეტრის სიგრძის, ოთხზოლიანი ბეტონის საავტომობილო გზა, ამსვლელ-ჩამომსვლელი ორ-ორი ზოლით. პროექტი ასევე  ითვალისწინებს საყრდენი კედლების, წყალამრიდების და თანამედროვე სტანდარტების შესაბამისი გარე განათების ქსელის მოწყობას. 15 მილიონი ჯდება ამ პროექტის განხორციელება და 7 თვე დასჭირდება სამუშაოებს“, - განაცხადა დედაქალაქის მერმა. 


მსგავს თემაზე:

„ვეფხი და მოყმის“ მიმდებარე გზაგასაყარი ლისის ტბას ახალი გზით დაუკავშირდება


220 ერთეული ISUZU-ს მარკის 8 მეტრიანი ვტობუსი თბილისში წლის ბოლომდე გამოჩნდება



სხვა სიახლეები