• Ƀ/$

აშშ–ის სენატი თურქეთს ნატოდან გაძევევებით დაემუქრა

8 ოქტომბერი 12:07 | მედია ბიზნესისთვის - M2B

ამერიკელი სენატორი დემოკრატიული პარტიიდან ლინდსი გრეჰემი აცხადებს, რომ თუ თურქეთი სირიაში სამხედრო ოპერაციას დაიწყებს, კონგრესი ანკარისთვის სანქციების ორპარტიულ კანონპროექტს განიხილავს.


”ჩვენ წარვადგენთ ორპარტიულ კანონპროექტს თურქეთის წინააღმდეგ სანქციების შესახებ იმ შემთხვევაში, თუ ისინი სირიაში შეიჭრებიან. ქურთულ ძალებზე იერიშის მიტანის შემთხვევაში ჩვენ თურქეთის ნატოდან გარიცხვას მოვითხოვთ, ვინაიდან ქურთები აშშ–ს „ისლამური სახელმწიფოს“ განადგურებაში დაეხმარნენ”, – დაწერა გრეჰემმა Twitter- ზე.


სენატორმა აღნიშნა, თურქეთისთვის ნატოს წევრობის შეჩენრება მხოლოდ მისი იდეა არ არის და ამ საკითხზე უკვე ჰქონდა კონსულტაციები სენატორ კრის ვან ჰოლენთან.


როგორც ინტერნეტ გამოცემა Ridus იტყობინება, 7 ოქტომბერს, თურქეთის სამხედრო საჰაერო ძალებმა სირიის და ერაყის საზღვარზე ორი ხიდი გაანადგურეს, რითაც რეალურად დაიწყეს სამხედრო ოპერაცია სირიის ქურთების წინააღმდეგ, რის შესახებაც პრეზიდენტმა რეჯეფ ერდოღანმა ბოლო თვეების განმავლობაში არაერთხელ განაცხადა.


თურქეთმა აღნიშნული სამხედრო ოპერაციის დაწყება, აშშ–ის მუქარის გამო, რამდენჯერმე გადადო.
კერძოდ, პრეზიდენტი დონალდ ტრამპი ორჯერ დაემუქრა თურქეთს ეკონომიკის "განადგურებით", ხოლო ორშაბათს, 7 ოქტომბერს, დღეს მან კიდევ ერთხელ გააფრთხილა ოფოციალური ანკარა სირიაში აშშ-ის მოკავშირეების წინააღმდეგ შეტევასთან დაკავშირებით. თავის მხრივ, ერდოღანი ირწმუნება – მიუხედავად იმისა, რომ თურქეთი არ აპირებს შეერთებულ შტატებთან დაპირისპირებას, ვერც იმაზე დახუჭავს თვალს, რომ ვაშინგტონი ტერორისტულ დაჯგუფებებს უჭერს მხარს.


აშშ–ის მიერ მხარდაჭერილი სირიის დემოკრატიული ძალები, რომელჭა შემადგენლობაში ქურთული რაზმებიც შედიან, თურქეთს „ტოტალური ომით“ დაემუქრნენ იმ შემთხვევაში, თუ ეს უკანასკნელი სირიის ჩრდილოეთში სამხედრო ოპერაციას წამოიწყებს. საფრანგეთის თავდაცვის მინისტრი ფლორანს პარლი შიშობს, რომ თურქეთის სამხედრო ოპერაცია „უსაფრთხოების ზონის“ უზრუნველყოფასთან დაკავშირებით „ისლამური სახელმწიფოს“ პოზიციებს გააძლიერებს. თურქეთის სამხედრო ინტერვენციის კატეგორიული წინააღმდეგია სირიის ხელისუფლებაც, თუმცა ასადის რეჟიმი ანკარას ვერაფერს უპირისპირებს.


მსგავს თემაზე:

ტრამპის მუქარამ ლირა 2%–ით დააგდო



სხვა სიახლეები