• Ƀ/$

თბილისის ავტოპარკს 60 ახალი ავტობუსი დაემატა

9 ოქტომბერი 11:36 | ეკონომიკა

თბილისის ავტოპარკს  ISUZU-ს მარკის 60 ახალი 8-მეტრიანი ავტობუსი დაემატა. 

ახალი ტრანსპორტის პრეზენტაცია დედაქალაქის მერმა კახა კალაძემ რიყის მოედანზე გამართა.


"თბილისისთვის შევიძინეთ 220 ახალი ავტობუსი, მათგან 60 უკვე ქალაქშია და ხვალიდან მოემსახურება ჩვენს მოსახლეობას",- განაცხადა კახა კალაძემ.


მისივე თქმით, თბილისში სატრანსპორტო რეფორმა გრძელდება და დანარჩენი ავტობუსები ქალაქში წლის ბოლომდე შემოვა. 


"ყვითელი ავტობუსები, რომლებიც დღეს დედაქალაქს ემსახურება არის უმძიმეს მდგომარეობაში. მათ ყველანაირი რესურსი ამოწურული აქვთ და წარმოადგენენ ძალიან დიდი პრობლემას. სწორედ ამიტომ ვენი მიზანია რაც შეიძლება მალე ჩავანაცვლოთ ავტოპარკი ასეთი თანამედროვე, ევროპული ტიპის ავტობუსებით. რეფორმა გრძელდება და დანარჩენი ავტობუსები წლის ბოლომდე შემოვა დედაქალაქში",- აღნიშნაა კახა კალაძემ. 


დღეს თბილისს 650 ავტობუსი ემსახურება, საიდანაც 145 ლურჯი MAN-ის ავტობუსია, რომელიც თბილისის მუნიციპალიტეტმა ჯერ კიდევ წინა მერის მენეჯმენტის პირობებში შეიძინა.


 


 


სხვა სიახლეები