• Ƀ/$

სავაჭრო ომებში მოლაპარაკებებს ალტერნატივა არ გააჩნია

23 ოქტომბერი 14:57 | ეკონომიკა

საერთაშორისო სავაჭრო ცენტრის აღმასრულებელი დირექტორი არანჩა გონსალესი აშშ–ევროკავშირს შორის სავაჭრო დავების მოლაპარაკებების მაგიდასთან, მსოფლიო სავაჭრო ორგანიზაციის მონაწილეობით დარეგულირების მოწოდებით გამოდის.

ამის შესახებ ესპანელმა ტოპმენეჯერმა თბილისში მიმდინარე „აბრეშუმის გზის ფორმის“ ფარგლებში უთხრა ჟურნალისტებს.


„დამატებითი საიმპორტო გადასახადი, რომლებიც აშშ–მა ევროკავშირის რამდენიმე წევრ ქვეყანას დაუწესა, ხელს ვერ შეუწყობს მსოფლიო ეკონომიკაში არსებული ვითარების სტაბილიზაციას“, – განაცხადა გონსალესმა?


„ეს ყველაფერი მსოფლიო ვაჭრობას უფრო ტურბულენტურს ხდის“, – თქვა მან.


„მეტი კოოპერაციაა საჭირო. ყველაზე მთავარი და გამოსავალი ისაა, რომ დავსხდეთ მოლაპარაკებების მაგიდასთან და იქ გადავწყვიტოთ პრობლემები. ამ მოლაპარაკებებში ხიდის ფუნქციის შესრულება კი მსოფლიო სავაჭრო ორგანიზაციას შეუძლია“, – განაცხადა არანჩა გონსალესმა.


მისი თქმით, გადაწყვეტილება, თუ ასეთი მოლაპარაკებების მაგიდაზე მიიღება, „დაეხმარება როგორც აშშ–სა და ევროკავშირს, ისე მთლიანად, მსოფლიო ვაჭრობას“.


მანამდე აშშ–მა ესპანეთს ისეთს პროდუქციაზე დაუწესა საექსპორტო დამატებითი გადასახადები, როგორიცაა ახალი ყველი, ზეთისხილი და ზეითუნის ხეთი. დამატებით დაიბეგრება ასევე ევროკავშირიდან შესული სხვა პროდუქცია, რომელთა ჯამური ღირებულება $3 მლრდ–ს შეადგენს.


ამით ყველაზე მეტად ევროკავშირის წევრი ოთხი ქვეყანა დაზარალდა: ესპანეთი, საფრანგეთი, გერმანია და დიდი ბრიტანეთი. მსოფლიო სავაჭრო ორგანიზაციის გადაწყვეტილების შესაბამისად, ამ ოთხმა ქვეყანამ Airbus-ს საბაზროზე დაბალპროცენტიანი დაფინანსება შესთავაზეს. ამით კომპანია შეძლებს უახლესი და მოწინავე მოდელების თვითმფრინავების წარმოების გაგრძელებას.


„თბილისის აბრეშუმის გზის ფორუმი“, რომელზეც 2000 უცხოელი დელეგატია წარმოდგენილი, 22 ოქტომბერს გაიხსნა და დღეს, 23 ოქტომბერს დაიხურება.


სხვა სიახლეები