• Ƀ/$

რეფინანსირების სესხის მოცულობა ისტორიულ მაქსიმუმზეა, საპროცენტო განაკვეთი კი 2008 წლის ნიშნულს დაუბრუნდა

23 ოქტომბერი 16:28 | ფინანსები

ეროვნულმა ბანკმა რეფინანსირების სესხების გაცემა 2008 წლის იანვრიდან დაიწყო და მას შემდეგ ყოველ ხუთშაბათს რეგულარულად გასცემს.

როგორც სესხის მოცულობა, ასევე საპროცენტო განაკვეთი ერთმანეთისგან მკვეთრად განსხვავდება. 2008 წლის 23 იანვარს საპროცენტო განაკვეთი 10%-ს შეადენდა. იმავე წლის ივლისში განაკვეთი 12%-მდე გაიზარდა, წლის ბოლოს კი 8%-მდე შემცირდა. ამის შემდეგ, 2010 წლის ივნისამდე მუდმივი კლების ტენდენცია შეინიშნებოდა. 2009 წლის 25 ნოემბრიდან 2010 წლის 25 მაისამდე განაკვეთი 5%-ზე ნარჩუნდებოდა, 16 ივნისს კი ის 6.25%-მდე გაიზარდა და წლის ბოლოს უკვე 7.5%-ს მიაღწია. კლების ახალი ციკლი 2012 წლის ივნისიდან დაიწყო და 2013 წლის დეკემბრამდე გასტანა, როდესაც განაკვეთი 6-დან 3.75 პროცენტამდე შემცირდა. 2015 წელს ის 8%-მდე გაიზარდა, შემდეგ 6.5%-მდე შემცირდა, ახლა კი 8.5%-ს შეადგენს. ამჟამინდელი განაკვეთი 2008 წლის ოქტომბრის შემდეგ ყველაზე მაღალია.



რეფინანსირების განაკვეთთან ერთად 11 წლის განმავლობაში მკვეთრად იცვლებოდა რეფინანსირების სესხის მოცულობაც. 2008 წლის სექტემბერსი ეს თანხა 4 მლნ-ს არ აღემატებოდა, დეკემბერში ის  53 მლნ-მდე გაიზარდა. დღეს ეს თანხა უკვე 2 მლრდ-ს აჭარბებს და 2.27 მლრდ-ით რეკორდულ მაჩვენებელზეა.



როგორც საპროცენტო განაკვეთის, ასევე სესხის მოცულობის ცვლილება უმეტესწილად დროში ინფლაციისა და ვალუტის კურსის ცვლილებას ემთხვეოდა. ეროვნული ბანკის გაცხადებული ამოცანა ინფლაციის კონტროლია, სამიზნე ინფლაციის მისაღწევად რეფინანსირების სესხზე საპროცენტო განაკვეთის ზრდა სების ერთ-ერთი ინსტრუმენტია. სექტემბერში ინფლაციის ნომინალურმა განაკვეთმა სამიზნე მაჩვენებელს 2.13-ჯერ გადააჭარბა.


მსგავს თემაზე:

102 000-ზე მეტ პირს ბოლო 2 თვეში რეფინანსირების განაკვეთზე მიბმული სესხი მესამედ გაუძვირდა



სხვა სიახლეები