• Ƀ/$

წავკისის, კოჯრისა და ტაბახმელას მარშრუტებზე ახალი მწვანე ავტობუსები დაინიშნა

25 ოქტომბერი 12:28 | მედია ბიზნესისთვის - M2B

ISUZU-ს მარკის 8-მეტრიანი ავტობუსები დამატებით, ახალ მარშრუტებზე გავიდა. EURO 6 ემისიის სტანდარტის ავტობუსები დღეიდან N4, 10, 42 და 103 მარშრუტებზე იმოძრავებენ.

აღნიშნული ავტობუსები შესაბამისად წავკისის, ტაბახმელას, იყალთოს გორასა და კოჯრის მიმართულებით გადაადგილდებიან.


ძველი ავტობუსების ახლით ჩანაცვლება თბილისის მუნიციპალური ავტობუსების პარკის განახლების პროექტის მიხედვით ხორციელდება, რომლის ფარგლებშიც, თბილისის სატრანსპორტო კომპანიამ  220 ერთეული ISUZU-ს მარკის ავტობუსი შეისყიდა. ახალი ავტობუსები უკვე მოძრაობენ N28, 34, 56, 66 და 78 მარშრუტებზე. უახლოეს დღეებში მათ ასევე დაემატება N108 მარშრუტიც.


ახალი ISUZU-ს მარკის ავტობუსი გათვლილია 53 მგზავრზე, აქვს 21 დასაჯდომი ადგილი და სრულად ადაპტირებულია შშმ პირებისთვის. ავტობუსში განთავსებულია, როგორც wifi მოდემი, რომელიც უზრუნველყოფს მთლიანი ავტობუსის wifi-ს სიგნალით დაფარვას, ასევე თანამედროვე სტანდარტის, ინტეგრირებული გათბობის, კონდიცირებისა და ვენტილაციის საინფორმაციო ხმოვანი სისტემები. ავტობუსის სალონში დამონტაჟებულია ანტივანდალური ვიდეომონიტორინგის სისტემა და usb დამტენები.უახლოეს დღეებში დაიწყება და წლის ბოლომდე დასრულდება.


პროექტის მთლიანი ღირებულება 65 მლნ ლარს შეადგენს.


მსგავს თემაზე:

8-მეტრიანი „ისუზუს“ მარკის ავტობუსი პირველად წყნეთის N34 ავტობუსს ჩაანაცვლებს


ორხევის დასახლებას ISUZU-ს მარკის 5 ახალი ავტობუსი მოემსახურება


თბილისის ვიცე-მერი: მეტროს მგზავრთნაკადი ყოველწლიოურად 11%-ით იზრდება



სხვა სიახლეები