• Ƀ/$

1 ბოთლი ღვინის საექპორტე ღირებულება 7.9%-ით $2.39-დან $2.58-მდე გაიზარდა

5 ნოემბერი 11:28 | ეკონომიკა

საქართველოდან მსოფლიოს 53 ქვეყანაში 2019 წლის იანვარ-ოქტომბერში 75.6 მლნ-მდე ბოთლი (0.75 ლ) ღვინოა ექსპორტირებული, რაც 2018 წლის ამავე მაჩვენებელს 11%-ით აღემატება. 

ექსპორტირებული ღვინის ღირებულება $195 მლნ-ს აღწევს,  რაც 2018 წლის ანალოგიურ  მონაცემზე 20%-ით მეტია. 1 ბოთლი ღვინის საექპორტე ღირებულება 7.9%-ით $2.39-დან $2.58-მდე გაიზარდა.


ექსპორტი გაიზარდა ქართული ღვინის სტრატეგიულ ბაზრებზე: აშშ - 51% (603 762 ბოთლი), დიდი ბრიტანეთი - 3% (106 855), პოლონეთი - 16% (3 225 982) და ჩინეთი - 12% (6 060 265).


ზრდა დაფიქსირდა ასევე შემდეგ ქვეყნებში: ლიეტუვა - 56% (570 948), გერმანია - 34% (506 565), ბელარუსი - 62% (2 193 257), ისრაელი - 85% (240 893), ესტონეთი - 20% (559 412), რუსეთი - 11% (47 201 598), მოლდოვა - 7090% (509 018), ნიდერლანდები - 28% (81 562), ჩეხეთი 98% - (66 144), შვედეთი - 460% (64 962), ბულგარეთი - 73% (32 934), ავსტრალია - 16% (19 756), კანადა - 12% (134 850), მონღოლეთი - 38% (224 652), და ა.შ.


ექსპორტიორი ქვეყნების ათეულია: რუსეთი (47 201 598), უკრაინა (8 306 807), ჩინეთი (6 060 265), პოლონეთი (3 225 982), ყაზახეთი (2 958 618), ბელარუსი (2 193 257), ლატვია (1 089 768), აშშ (603 762), ლიეტუვა (570 948) და ესტონეთი (559 412).


10 თვის მონაცემებით, სხვადასხვა მოცულობის ღვინის ექსპორტი 302-მა კომპანიამ განახორციელა.


ამასთან, მსოფლიოს 23 ქვეყანაში ექსპორტირებულია 23.8 მლნ ბოთლი (0.5 ლ) ბრენდი, რაც 52%-ით აღემატება 2018 წლის ანალოგიურ მაჩვენებელს. ბრენდის ექსპორტით მიღებულმა შემოსავალმა 50.8 მლნ აშშ დოლარი შეადგინა (ზრდა 58%). მსოფლიოს 27 ქვეყანაში ექსპორტირებულია 521.7 ათასი ბოთლი (0.5 ლ) ჭაჭა, ექსპორტის ზრდამ 62% შეადგინა. ჭაჭის ექსპორტით მიღებული შემოსავალი 1.5 მლნ აშშ დოლარს აღწევს (ზრდა 58%).


მთლიანად ღვინის, ბრენდი, ჭაჭის, საბრენდე სპირტისა და ჩამოსასხმელი ბრენდის ექსპორტის შედეგად მიღებულია 284 მლნ აშშ დოლარი, რაც 12%-ით აღემატება გასული წლის ანალოგიური პერიოდის მაჩვენებელს.


მსგავს თემაზე:

იაპონელი მეღვინეები ქართული ქვევრის ღვინის დაყენების ტექნოლოგიას გაეცნენ


რუსეთში ღვინოზე აქციზის გადასახადი იზრდება


ქართული ღვინის ექსპორტი აშშ-ს ბაზარზე 60%-ით გაიზარდა


შეერთებულ შტატებში "ქართული ღვინის ფორუმი" გაიმართა



სხვა სიახლეები