• Ƀ/$

რუსთავში ღვარცოფსაწინააღმდეგო სანიაღვრე არხების მოწყობა მიმდინარეობს

7 ნოემბერი 11:43 | ეკონომიკა

რუსთავის მიმდებარედ არსებული იაღლუჯის მთის ფერდობებზე ფორმირებული ღვარცოფული ნაკადებისაგან, ქალაქის ქუჩებისა და საცხოვრებელი მიკრორაიონების დაცვის მიზნით, ღვარცოფული ნაკადებისაგან დაცვის სამუშაოები მიმდინარეობს. 

წლების განმავლობაში რუსთავის ტერიტორია, კერძოდ ქუთაისის ქუჩის, შარტავას გამზირის, ლეონიძის და თბილისის ქუჩების მიმდებარე ტერიტორია, მთებიდან წამოსული წვიმის ნაკადით იტბორებოდა. არსებული პრობლემის მოსაგვარებლად, პროექტის შესაბამისად რუსთავის მიმდებარედ იაღლუჯის მთის ფერდობის ძირში მოეწყობა სანიაღვრე არხი, რომელიც უზრუნველყოფს წვიმის შედეგად მოსული ნალექის გატარებას და ქალაქ რუსთავის დაცვას დატბორვისგან. პროექტი სახელმწიფო ბიუჯეტიდან ფინანსდება და მისი ღირებულება 12.5 მლნ ლარია.


ამ ეტაპზე, სანიაღვრე არხის მოსაწობად ქვაბულის ამოღება და რკინა-ბეტონის არხის მოწყობა მიმდინარეობს. პროექტი 2019 წლის ზაფხულში დაიწყო და 2020 წლის შემოდგომაზე დასრულდება.


მსგავს თემაზე:

რუსთავში ახალი გაზგამანაწილებელი სადგური აშენდება


ლილომდე და რუსთავამდე მიწიზედა მეტროს ხაზის დაფინანსებისთვის მოლაპარაკებები იწყება



სხვა სიახლეები