• Ƀ/$

ეკონომიკის მინისტრმა საქართველოს ლოჯისტიკური შესაძლებლობები შანხაის კონფერენციის მონაწილეებს გააცნო

7 ნოემბერი 13:22 | ეკონომიკა

შანხაიში მიმდინარე კონფერენციაზე - „საერთაშორისო ლოგისტიკის ახალი შესაძლებლობები“ ეკონომიკის მინისტრმა ნათია თურნავამ საქართველოს ლოჯისტიკურ შესაძლებლობებზე გაამახვილა ყურადღება. 

„შანხაის ფორუმზე გამოსვლისას, მომეცა საშუალება, რათა მსხვილი ლოგისტიკური კომპანიების წარმომადგენლებისთვის მიმეწოდებინა ინფორმაცია, რაოდენ მსხვილი ინვესტიცია ხორციელდება ქვეყნის მთავრობისგან სატრანსპორტო ინფრასტრუქტურაში, იქნება ეს საპორტო, სარკინიგზო, თუ სახმელეთო. ყველა ეს დიდი პროექტი, რომელსაც ჩვენ ვახორციელებთ, განიხილება არა მხოლოდ ერთი ქვეყნის ჭრილში, არამედ მას აქვს უდიდესი მნიშვნელობა მთლიანად შუა დერეფნისთვის, რაც ძალიან მნიშვნელოვანია,“ - განაცხადა ეკონომიკის მინისტრმა ნათია თურნავამ, რომელმაც მოხსენება გააკეთა ფორუმზე „საერთაშორისო ლოგისტიკის ახალი შესაძლებლობები“. ფორუმი შანხაის საერთაშორისო იმპორტის გამოფენის ფარგლებში გაიმართა.


მინისტრის განცხადებით, აღნიშნული ინფორმაცია მნიშვნელოვანია ჩინეთის უდიდესი გადამზიდავი კომპანიებისთვის, რომ მათ აღნიშნული დერეფნისა და მასში არსებული ინფრასტრუქტურის მეშვეობით ტვირთები მიაწოდოს ევროპის ბაზარს და პირიქით მიიღონ ევროპული ტვირთები ჩინეთისთვის. „დღეს ჩვენ თვალნათლივ დავინახეთ და დავრწმუნდით, როგორია აბრეშუმის გზა მოქმედებაში და რაოდენ დიდი მნიშვნელობა ენიჭება საქართველოს და მის ინფრასტრუქტურულ პროექტებს. შუა დერეფანი, რომლის მონაწილეც არის საქართველო, არის სარტყელისა და გზის ინიციატივისა და ისტორიული აბრეშუმის გზის მარშრუტის უმნიშვნელოვანესი მონაკვეთი,“ - განაცხადა ნათია თურნავამ.


მსგავს თემაზე:

შანხაის 24.9 მილიარდ პიქსელიან პანორამულ ფოტოზე მგზავრების სახის ნაკვთებიც დეტალურად ჩანს


შანხაი პეკინს 600 კმ/სთ სიჩქარის მატარებლით დაუკავშირდება



სხვა სიახლეები