• Ƀ/$

იანვარ-ოქტომბერში საქართველოს აეროპორტებში მგზავრთნაკადი 4%-თ 4.556 მლნ-მდე გაიზარდა

12 ნოემბერი 10:23 | მედია ბიზნესისთვის - M2B

,,საქართველოს აეროპორტების გაერთიანების“ ინფორმაციით, 2019 წლის 10 თვის მონაცემებით, საქართველოს აეროპორტები ჯამში - 4.556 მლნ მგზავრს მოემსახურა. რაც 4% აღემატება წინა წლის ანალოგიურ პერიოდს 4%-ით აღემატება. 

რაც შეეხება ოქტომბრის თვეს, მგზავრთნაკადის ზრდა თბილისის გარდა, ქვეყნის ყველა საერთაშორისო და ადგილობრივ აეროპორტში დაფიქსირდა:


საერთაშორისო აეროპორტები:


თბილისის საერთაშორისო აეროპორტი ოქტომბერში 284 442 მგზავრს მოემსახურა, რაც -15% ნაკლებია წინა წლის ანალოგიურ პერიოდთან შედარებით (2018 წელი 335 094 მგზავრი ). შოთა რუსთაველის სახელობის აეროპორტში მგზავრთნაკადის -1% კლებაა 10 თვის ჭრილშიც. აეროპორტი იანვარ-ოქტომბერში 3.256 მლნ მგზავრს მოემსახურა (2018 წელი 3.286 მლნ მგზავრი).         


ქუთაისის საერთაშორისო აეროპორტში  მგზავრთნაკადი 2019 წლის ოქტომბერში 44% გაიზარდა და 89 232 მგზავრი შეადგინა (2018 წელი 62 000 მგზავრი). რაც შეეხება 10 თვის მონაცემებს, იანვარ-ოქტომბერში ქუთაისის საერთაშორისო აეროპორტი  719 324 მგზავრს მოემსახურა, რაც წინა წლის ანალოგიურ პერიოდთან შედარებით 40% მეტია. (2018 წელი 512 386 მგზავრი).


ბათუმის საერთაშორისო აეროპორტით 2019 წლის ოქტომბერში 47 536 მგზავრმა ისარგებლა. რაც 13 %-ით მეტია შარშანდელ ანალოგიურ პერიოდთან შედარებით (2018 წელი 41 980 მგზავრი). რაც შეეხება 10 თვის ჭრილს, ბათუმის საერთაშორისო აეროპორტში შარშანდელ ანალოგიურ პერიოდთან შედარებით მგზავრთნაკადი 3%-ით გაიზარდა და 571 629 მგზავრი შეადგინა. (2018 წელი 555 693 მგზავრი).


,,საქართველოს აეროპორტების გაერთიანების პროგნოზით, თბილისის აეროპორტში ათ თვეში 12 % ზრდის მოლოდინი იყო, ბათუმის აეროპორტში კი 15 %-იანი ზრდის. ერთადერთი საერთაშორისო აეროპორტი, სადაც არსებული მაჩვენებლები და მოლოდინები ერთმანეთს ემთხვევა -  ქუთაისის საერთაშორისო აეროპორტია. რადგან ამ აეროპორტს რუსული ავიასანქციები ფაქტობრივად არ შეხებია. 2019 წლის 8 ივლისამდე ქუთაისიდან მოსკოვის მიმართულებით ერთადერთი ავიაკომპანია ,,ურალი“ დაფრინავდა.


ადგილობრივი აეროპორტები:


მესტიის აეროპორტი 10 თვეში 7 086 მგზავრს მოემსახურა. რაც 15% მეტია გასული წლის ანალოგიურ პერიოდთან შედარებით (2018 წელი 6 151 მგზავრი). ოქტომბრის თვეში მესტიის აეროპორტით 852 მგზავრმა ისარგებლა, რაც  5 % მეტია შარშანდელ ანალოგიურ პერიოდთან შედარებით (2018 წელი 810 მგზავრი).


ამბროლაურის აეროპორტით, 2019 წლის იანვარ-ოქტომბერში 1669 მგზავრმა ისარგებლა, რაც 17% მეტია გასული წლის ანალოგიურ პერიოდთან შედარებით (2018 წელი 1428 მგზავრი).


რაც შეეხება ოქტომბრის თვეს, ოქტომბერში ამბროლაურის აეროპორტი 222 მგზავრს მოემსახურა, რაც 40 % მეტია წინა წლის ანალოგიურ პერიოდთან შედარებით (2018 წელი 159 მგზავრი).


10 თვის ჯამში ადგილობრივი აეროპორტებით 8 755 მგზავრმა ისარგებლა რაც 16%-ით აღემატება წინა წლის ანალოგიურ პერიოდში გადაყვანილი მგზავრების რაოდენობას (2018 წელი 7 579 მგზავრი). 


მსგავს თემაზე:

სამოქალაქო თვითმფრინავის მომავალი, როგორი იქნება ის 20 და 50 წლის შემდეგ


პეკინის $18 მლრდ-იანი აეროპორტი ოფიციალურად გაიხსნა


თბილისიდან ლონდონამდე 1 საათში - ჰიპერბგერითი თვითმფრინავის შესაძლებლობები


თბილისის შემდეგ Ryanair ქუთაისის აეროპორტში იწყებს ოპერირებას



სხვა სიახლეები

ექსკლუზივი