• Ƀ/$

საქსტატი: ნოემბერში წლიური ინფლაციის დონემ 7% შეადგინა

3 დეკემბერი 14:14 | ეკონომიკა

სტატისტიკის ეროვნული სამსახურის მონაცემებით, 2019 წლის ნოემბერში წინა თვესთან შედარებით ინფლაციის დონემ საქართველოში 0.9%, ხოლო წლიური ინფლაციის დონემ 7% შეადგინა.

ამავე პერიოდში თამბაქოს გარეშე ინფლაციის მაჩვენებელმა1 წინა თვესთან შედარებით 0.8% შეადგინა, ხოლო წინა წლის შესაბამის თვესთან შედარებით სახეზე გვაქვს სამომხმარებლო ფასების 6.3%-იანი ზრდა.


რაც შეეხება საბაზო ინფლაციას, აღნიშნულმა მაჩვენებელმა 2019 წლის ნოემბერში გასული წლის ნოემბერთან შედარებით 4.9% შეადგინა, ხოლო თამბაქოს გარეშე წლიური საბაზო ინფლაციის მაჩვენებელი 3.5%-ით განისაზღვრა. 


ყოველთვიური ინფლაციის მაჩვენებლის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე: სურსათი და უალკოჰოლო სასმელები: ჯგუფში დაფიქსირდა ფასების 1.2%-იანი მატება.


შესაბამისად, ჯგუფის წვლილმა თვის ინდექსში 0.41%-ული პუნქტი შეადგინა.


ფასები გაიზარდა შემდეგ ქვეჯგუფებზე: ბოსტნეული და ბაღჩეული (9.3%), რძე, ყველი და კვერცხი (2.7%), ყავა, ჩაი და კაკაო (2.1%), პური და პურპროდუქტები (1.3%) და თევზეული (1%).


ამასთან, ფასები შემცირდა ხილსა და ყურძენზე (-5.8%); ალკოჰოლური სასმელები, თამბაქო: ჯგუფში ფასები მომატებულია 2%-ით, რაც 0.14%-ული პუნქტით აისახა მთლიან ინდექსზე.


ფასები გაიზარდა თამბაქოს ნაწარმზე (3.4%); დასვენება, გართობა და კულტურა: ჯგუფში დაფიქსირდა ფასების 1.7%-იანი მატება, რაც 0.1%-ული პუნქტით აისახა ინფლაციის მთლიან მაჩვენებელზე.


ფასები გაიზარდა ტურისტული მოგზაურობის (3.1%) ქვეჯგუფზე; ტანსაცმელი და ფეხსაცმელი: ფასები მომატებულია 2.1%-ით, რაც 0.07%-ული პუნქტით აისახა მთლიანი ინდექსის ზრდაში.


ფასები გაიზარდა როგორც ფეხსაცმლის (5.6%), ისე ტანსაცმლის (0.5%) ქვეჯგუფებზე.


 


სხვა სიახლეები