• Ƀ/$

მიმდინარე წლის 11 თვეში საქართველოში უფრო მეტი ტურისტი ჩამოვიდა ვიდრე მთლიანად 2018 წელს

3 დეკემბერი 17:18 | ეკონომიკა

მიმდინარე წლის იანვარიდან ნოემბერის ჩათვლით, საქართველოს უფრო მეტი ტურისტი სტუმრობდა, ვიდრე მთლიანად 2018 წელს.

როგორც M2B-ის სასტუმრო მერკური თბილისის და IBIS Styles-ის გაყიდვებისა და მარკეტინგის დეპარტამენტის უფროსმა მაკა ცხომელიძემ განუცხადა, ტურისტების მზარდი მაჩვენებელი ქვეყანაში ტურიზმის სექტორის ეფექტიან მუშაობაზე მეტყველებს. 


"ეს ნიშნავს, რომ ტურიზმის სექტორმა, როგორც კერძო ასევე სახელმწიფო ორგანიზაციებმა კარგად იმუშავეს და თავი გაართვეს იმ გამოწვევას, რომელიც 2019 წლის ივნისის შემდეგ შეიქნა. რუსეთის ავიასანქციების მიუხედავად, როგორც ჩვენ ვხედავთ რუსი ტურისტების მხრიდან ინტერესი არ შემცირებულა და მათი ვიზიტები არა ისეთი რაოდენობით, მაგრამ მაინც გვაქვს. ეს გვაძლევს იმის თქმის საშუალებას, რომ რუსეთიდან ფრენების შეზღუდვას აზრი ეკარგება, რადგან რუს ტურისტებს საქართველოში ჩამოსვლის ალტერნატიული გზები ნაპოვნი აქვთ. ჩვენ ყველამ ერთად ვიმუშავეთ ბაზრების დივერსიფიკაციის მისაღწევად, რათა გადაგვეხალისებინა პოტენციური პარტნიორი ქვეყნების ნუსხა და შედეგად სხვადასხვა ქვეყნიდან ტურისტული ნაკადები საკმაოდ გაიზარდა. განსაკუთრებით გამოსარჩევია ახლო აღმოსავლეთისა და სპარსეთის ყურის ქვეყნებიდან ტურისტული ნაკადის ზრდა",- უთხრა M2B-ის მაკა ცხომელიძემ.


 


სხვა სიახლეები