• Ƀ/$

2020 წლის ზაფხულის მნიშვნელოვანი დეტალი

10 სექტემბერი 15:28 | კომპანიები

ზაფხულის თბილი საღამო, უდარდელი განწყობა, დაუსრულებელი თავგადასავლები, წვეულებები, რომანტიკა და ფლირტი - ეს ყველაფერი ღვინის ერთ ბოკალში იყრის თავს: ცივი, დელიკატური, ვარდისფერი შეფერილობის მქონე როზე, რომელიც ახალგაზრდული შეკრებების მთავარი დეტალია.

გემრიელი და არომატული ღვინო ალუბლის და კენკრის კაშკაშა არომატებით სხვა ღვინოებისგან განსხვავებით რელაქსაციისთვისა და განახლებისთვისაა შექმნილი. თავად როზეს ასაკიც ახალგაზრდაა: მას, როგორც წესი 1-2 წლიანი დაძველებით აყენებენ. თუკი წითელ ან თეთრ ღვინოებს ასაკი უხდებათ, როზეს პირიქით - ის დაწურვიდან ერთ-ორ წელიწადში უკვე თავის პოტენციალის გამოვლენის პიკზეა.


მეღვინეები და, ზოგადად, ღვინის მოყვარულები ერთხმად თანხმდებიან, რომ ღვინო თავად ძალიან ჰგავს ადამიანს. თითოეული დღეც კი მნიშვნელოვანია მისი დავარგებისთვის. ამ პროცესში ის გადის ადამიანის განვითარებისთვის დამახასიათებელ ეტაპებს: დაბადებას, თინეიჯერობის პროცესს და შემდეგ - დაღვინებას, თავისი სრული პოტენციალის გამოვლენას, რეალიზებას, დამშვიდებას. და თუ როზეს ადამიანს შევადარებთ, ის აუცილებლად იქნება 18-20 წლის დაუშრეტელი ენერგიითა და იდეებით სავსე ახალგაზრდა, რომელსაც ახალი თავგადასავლები და შეგრძნებები ჰაერივით სჭირდება; მისი ემოციები მრავალფეროვანი და სავსეა, სიცოცხლის წყურვილი კი - უსაზღვრო.  


როზე დაყენების ტექნოლოგიითაც გამოირჩევა. ხშირად, ის ადამიანები, რომლებიც არც ისე კარგად ერკვევიან ღვინოში, ფიქრობენ, რომ იგი წითლისა და თეთრის შერევის შედეგად მიიღება, თუმცა მისი დაწურვის ტექნოლოგია სინამდვილეში გაცილებით ფაქიზი და რთულია. როზე შავი ყურძნისგან იწურება და ჭაჭაზე დაყენების გარეშე ღვინდება. ამ პროცესს „ბლანდენვუ“, ანუ თეთრი-შავიდან ჰქვია.


როზეს შეფერილობის სპექტრი ბაც ვარდისფერს, ნარინჯისფერს ან ალუბლისფერსაც კი მოიცავს და მისი შეფერილობა მხოლოდ მეღვინეზეა დამოკიდებული. 


წვენის გადმოღების შემდეგ კი დუღილი ფოლადის რეზერვუარში, კონტროლირებად ტემპერატურაზე მიმდინარეობს. დადუღების შემდეგ ღვინო სხვა ჭურჭელში გადაისხმება, ერთ წელიწადში კი მზადაა დასაგემოვნებლად.


შეცდომაა, რომ „როზეს“ ნახევრადტკბილ ღვინოებს მიაკუთვნებენ ხალისიანი შეფერილობის გამო. იგი მშრალი ან ნახევრადმშრალი ღვინოა მსუბუქი, დელიკატური ხილის ცოცხალი არომატებით სავსე.


2020 წლის ზაფხულის მთავარი სასმელი


2020 წლის ზაფხულის მთავარ კომპანიონად „ჩელთი Winery“-ის „როზე“ შეგვიძლია, ჩავთვალოთ. „ჩელთის“ ახალი როზე, რომელიც 2019 წლის მოსავალია, განახლებული შეფუთვით გამოჩნდა ბაზარზე. ხრახნიანი გასახსნელი კი ტრადიციული საცობისგან განსხვავებით ახალგაზრდული წვეულებებისთვის გაცილებით კომფორტულია.


მირიანაშვილების ოჯახმა, რომელიც „ჩელთის“ საოჯახო ღვინის ბიზნესს უძღვება, როზე ევროპული ტექნოლოგიის გამოყენებით მხოლოდ 2019 წლის მოსავლის საფერავისგან დაწურა.


ოჯახური ტრადიცია საუკუნოვანი დაძველებით


მირიანაშვილების ოჯახი ერთი საუკუნის წინაც ცნობილი იყო მეღვინეობით. სოფელ შილდაში ღვინის დაწურვის ტრადიცია თაობიდან თაობას გადაეცემოდა. გიგა მირიანაშვილმა წლების წინ მივიწყებული ტრადიცია აღადგინა და 2000 წელს თბილისიდან კახეთში, ღვინის დასაწურად გადავიდა საცხოვრებლად. მომდევნო ორი წელი ვენახების გაშენებას და საწარმოს მშენებლობას მოანდომა.


გიგას ვაჟი, ანდრია მირიანაშვილი, რომელიც დასთან და მამასთან ერთად საოჯახო ბიზნესს წარმატებით უძღვება, ამბობს, რომ ვაზს ზრდისთვის დრო სჭირდება. სწორედ ამიტომაც 2001 წელს გაშენებული ვაზისგან პირველი მოსავალი და ღვინო მხოლოდ 2007 წელს ჩამოისხა.


„თუკი მეღვინეობას გადაწყვეტ, რკინის ნებისყოფა უნდა გქონდეს. ამ საქმეში შედეგს 3-4 თვეში ვერ მიიღებ. ჩვენი შრომის შედეგი რეალურად 10 წელიწადში დავინახეთ“, აღნიშნავს ანდრია.


ვაზის გაშენება „ჩელთისთვის“ მნიშვნელოვანი გადაწყვეტილება იყო. ერთ სივრცეში განთავსებული ვენახები, საწარმო და მარნები ღვინის დაყენების პროცესს - უფრო მარტივს, ხარისხის კონტროლს კი უფრო ეფექტურს ხდის.


„ეს იყო ჩვენი ოჯახის აკვიატებული იდეა, გვქონოდა საქართველოში ერთ-ერთი საუკეთესო ღვინო“, იხსენებს ანა მირიანაშვილი, რომელიც „ჩელთის“ მარკეტინგულ დეპარტამენტს უძღვება. „ეს არაა რიგითი ბიზნესი, რომელიც შეგიძლია შემდეგ რამით ჩაანაცვლო. ესაა საქმე, რომელიც თაობებს უნდა გადასცე“, ამბობს ის.


ღვინის დაწურვის საუკუნოვანი ტრადიცია


სოფელ შილდაში დაწყებული საქმე, რომელიც თაობებს უნდა გადაეცეს, ახალი დაწყებული სულაც არ აღმოჩნდა. 2020 წლის იანვარში მირიანაშვილებმა მამაპაპისეულ ნაკვეთში სრულიად შემთხვევით მიწის სიღრმეში უძველესი ქვევრი იპოვეს. ქვევრს ჯერჯერობით კვლავ იკვლევენ არქეოლოგები, თუმცა ზედაპირული დათვალიერებით შესაძლებელია უკვე ითქვას, რომ იგი გვიანდელი ბრინჯაოს ხანის ეპოქას ეკუთვნის.


იმ ადგილას, სადაც საუკუნეებია, მირიანაშვილები ცხოვრობენ, ათასწლეულების წინაც კი ღვინის დაწურვა ტრადიცია იყო.


დღეს „ჩელთი“ ვენახებს, საწარმოს, რესტორანსა და მარანს ფლობს. უამრავი დასახელების წითელი და თეთრი ღვინო კი თითოეული წლის რეზერვითაა წარმოდგენილი სარეალიზაციოდ.


„ჩელთის“ ღვინო 2018 წელს მეგან მარკლისა და პრინც ჰარის ქორწილშიც კი გაიხსნა. შარშან კი ჩინეთის პრეზიდენტს დაბადების დღეზე საჩუქრად სწორედ მათი ღვინო გადასცა ქართულმა მხარემ.


გარდა ნახევრადმშრალი „როზესი“, „ჩელთის“ სიახლე მუხის კასრებში დავარგებული 2018 წლის მოსავლის ღვინოებიცაა. განსაკუთრებული ტექნოლოგიით დაძველებული ღვინის გასინჯვა უკვე ნებისმიერ მსურველს შეუძლია.


ორივე ტიპის ღვინო განახლებული შეფუთვით გამოვიდა. როგორც ანა მირიანაშვილი ამბობს, განახლებული ბრენდინგი „ჩელთის“ ყველა ღვინოს ეტაპობრივად შეეხება.


სხვა სიახლეები