• Ƀ/$

Tesla Model 3-ის გაყიდვები Nissan leaf-ისას 330%-ით აჭარბებს

13 თებერვალი 16:13 | ეკონომიკა

საქართველოში პოპულარული Nissan leaf წლების განმავლობაში ყველაზე გაყიდვადი ელექტრომობილის სატუსს ინარჩუნებდა, თუმცა 2019 წელს Tesla Model 3-მა მას 330%-ით გაუსწრო.

Tesla 2003 წელს წარმოშობით სამხრეთ აფრიკელმა ილონ მასკმა კალიფორნიაში დააარსა. კომპანიამ Tesla Roadster-ის სახელით პირველი ელექტრომობილი 2008 წელს გამოუშვა და მხოლოდ 2450 ერთეულის რეალიზაცია შეძლო. 2012 წელს ბაზარზე Tesla Model S გამოვიდა, რომელსაც უკვე 600 კმ-იანი გარბენის რესურსი გააჩნდა. 2015 წელს კი ქროსოვერის ტიპის Tesla Model X. ორივე მოდელი მაღალი ხარისხით გამოირჩევა, თუმცა მაღალი ფასი გამო - $80 000-დან ზევით, მათმა ჯამურმა გაყიდვებმა ამ დრომდე 443 ათასი მოდელის რეალიზაცია შეძლო, ეს მაშინ, როცა 2017 წლის ბოლოს გამოსული Tesla Model 3-ის გაყიდვებმა უკვე 448 ათასს გადააჭარბა და ელექტრომობილების ბაზარზე 14%-იანი წილი დაიკავა, ანუ ყოველი მეშვიდე ახალი ელექტრომობილი Tesla Model 3-ა. გაყიდვების ზრდის მიზეზი ღირებულებაა, საწყისი ფასი $35 000-ს შეადგენს. სულ 2008-2019 წლებში, თუმცა უფრო მართებული იქნება თქმა 2012-2019 წლებში Tesla-მ სულ 893 000 ერთეულის რეალიზაცია შეძლო.


2019 წელს Tesla-ს მიერ გაყიდული 367 000 მოდელიდან 300 000, ანუ 80%-ზე მეტი Model 3 იყო. იმავე პერიოდში Nissan Leaf-ის გაიდვებმა მხოლოდ 70 000 შეადგინა. 2020 წლის გეგმა მინიმუმი Tesla Model 3-ისთვის 500 000 ერთეულია.


2020 წელს ასევე დაგეგმილია რამდენიმე ახალი მოდელის წარმოების დაწყება, მათ შორის ბიუჯეტური Model 3-ის, სატვირთო Model Semi-სა და განახლებული Tesla Roadster-ის, რომელმაც 100 კმ/სთ სიჩქარე დაძვირად 2.1 წამში უნდა განავითაროს, (თავდაპირველი გეგმა 1.9 წამი იყო) მაქსიმალურ სიჩქარეს 400 კმ/სთ-ს კი 8.8 წამში მიაღწიოს. რაც შეეხება 1 დამუხტვაზე გასავლელ მანძილს მან 1000 კმ-ს უნდა მიაღწიოს. საწყისი ფასი $240 000, რაც ამ მონაცემების ავტომობილისთვის საკმაოდ დაბალია.



მსგავს თემაზე:

Tesla model 3 აშშ-ის სამამულო ნაწარმის გაყიდვებში 1-ელ ადგილზეა


ნორვეგიაში ყოველი გაყიდული 100 ავტომობილიდან 56 ელექტრომობილია



სხვა სიახლეები

ექსკლუზივი