სებ-ი BSCEE-ის ჯგუფის 2022 წლის თავმჯდომარე გახდა

1713363376

„ბიზნეს-ლოგიკით და ჩვეულებრივი საქართველოს მოქალაქის ლოგიკით, ჩემთვის გაუგებარია რას ემსახურება „რუსული კანონის“ ხელახლა დაინიციირება“, - ამის შესახებ „კომერსანტთან“ საუბრისას ბიზნესმენმა თემურ ჭყონიამ განაცხადა.  მისი თქმით, „ამ თემის გარშემო აღარ უნდა გრძელდებოდეს დებატები, საუბრები, აღარ უნდა იყოს ჯიბრი, რომ მაინც და მაინც უნდა მივიღოთ ეს კანონი იმიტომ, რომ კანონი მიუღებელია ქართველი მოსახლეობისთვის, ევროპელი პოლიტიკოსებისთვის, რომელთაც ჩვენ მეგობრებს ვეძახით და მეგობრობას გაფრთხილება, მხარდაჭერა, აზრის გაზიარება და გათავისება სჭირდება“. „კომერსანტი“ თემურ ჭყონიას „უცხოური გავლენის გამჭვირვალობის შესახებ“ კანონპროექტის ხელახლა დაინიცირების და ამ კანონის საჭიროების შესახებ ესაუბრა.ბატონო თემურ, როგორ აფასებთ ერთი წლის შემდეგ, ე.წ. რუსული კანონის კვლავ დაინიცირებას?თემურ ჭყონია, ბიზნესმენი: თემა არის შემდეგი - კანონს ჰქვია „რუსული“. საზოგადოებამ, საქართველოს მოსახლეობამ, რომლის სიტყვა, ჩემი აზრით, გადამწყვეტი უნდა იყოს ყველა პოლიტიკოსისთვის, კანონს „რუსული კანონი“ დაარქვა. რამდენიც არ უნდა ეცადოს პოლიტიკური ელიტა, ამ სახელის ცვლილებას, ეს შეუძლებელია. იმიტომ, რომ საზოგადოებაში და მოსახლეობის უდიდეს ნაწილში მას „რუსული კანონი“ ჰქვია. რუსული აგრესიიდან, დაპყრობილი ტერიტორიებიდან, ომიდან, რუსეთში არსებული აგრესიული შიდა პოლიტიკიდან, გამომდინარე ის ქვეყნები, რომლებმაც უნდა მოგვცენ ევროპის წევრობის გახდომის შესაძლებლობა, და ყველა ლიდერი და პოლიტიკური მოღვაწე ამ კანონს ეწინააღმდეგება. ყველა პოლიტიკოსი, რომელიც ჩართულია საქართველოს პოლიტიკურ და ეკონომიკურ ცხოვრებაში გვეუბნება, რომ ეს კანონი მათთვის მიუღებელია. ე.ი. არავინ და არაფერი დარჩა ამ კანონის მხარდამჭერი. აქედან გამომდინარე, უკვე ამ თემის გარშემო აღარ უნდა გრძელდებოდეს დებატები, საუბრები, აღარ უნდა იყოს ჯიბრი, რომ მაინც და მაინც უნდა მივიღოთ ეს კანონი იმიტომ, რომ კანონი მიუღებელია ქართველი მოსახლეობისთვის, ევროპელი პოლიტიკოსებისთვის, რომელთაც ჩვენ მეგობრებს ვეძახით. მეგობრობას კი გაფრთხილება, მხარდაჭერა, აზრის გაზიარება და გათავისება სჭირდება.ევროპის წევრობა ნიშნავს იმ კანონმდებლობით ცხოვრებას, რაც ევროპაში არსებობს. რატომ ვცდილობთ ევროპაში გაწევრიანებას? რა არის ჩვენი მიზანი? მარტო ის, რომ ვიზის გარეშე ვიაროთ ევროპაში? ევროპაში გაწევრიანება ნიშნავს ევროპული იდენტობის, ევროპის ფინანსების, ევროპის კულტურის ინტეგრირებას საქართველოს კულტურასთან და ფინანსებთან. აქ ჩვენ არავინ არაფერს გვართმევს, პირიქით - შეიძლება ჩვენთან ურთიერთობა უფრო დიდი შენაძენი იყოს ევროპისთვის, ვიდრე ევროპა ჩვენთვის. მე რასაც ვსაუბრობ იმდენად ცხადია, რომ მერიდება კიდეც ამ თემაზე საუბარი. ამ თემაზე საუბარი დაბალი დონეცაა.მაშინ რას ემსახურება მთავრობის მხრიდან კანონის ხელახლა დაინიცირება და ასეთი დაჟინება, რომ „უცხოური გავლენის გამჭვირვალობის შესახებ“ კანონი მიიღონ?ბიზნეს-ლოგიკით და ჩვეულებრივი საქართველოს მოქალაქის ლოგიკით, ჩემთვის გაუგებარია რას ემსახურება „რუსული კანონის“ ხელახლა დაინიცირება. ვერ ვიგებ, რა საჭიროა ეს თემა.მაგრამ ამ თემას აქვს დადებითი მხარეც. ამ ყველაფერმა გამოიღო ძალიან დიდი დადებით შედეგი. დავინახე ის, რასაც მთელი ჩემი შეგნებული ცხოვრება ველოდებოდი. დავინახე ახალგაზრდები, რომლებიც საინტერესოდ საუბრობენ, რომლებსაც საინტერესო ლოგიკა, საინტერესო ჭკუა და თავისი სამშობლოს დიდი ერთგულება აქვთ. დიდი მადლობა „რუსულ კანონს“, რომ ამდენი თანამედროვე ახალგაზრდა გამოაჩინა საქართველოს მომავალი მმართველობის ასპარეზზე.

1713347076

კოოპერატიული ბინათმშენებლობით დაზარალებულ 72 ოჯახს არჩილ მეფის ქუჩის 17 ნომერში მიმდინარე მშენებლობაზე საცხოვრებელი ფართი გადაეცემა. აღნიშნულის შესახებ თბილისის მერმა კახა კალაძემ განაცხადა.მისი თქმით, ხელშეკრულება გაფორმებულია შპს „დეკა დეველოპმენტთან“. ხელშეკრულების თანახმად, კომპანია დაზარალებულებისთვის 5700 კვადრატულ მეტრ საცხოვრებელ ფართ გამოყოფს.„მინდა მოგაწოდოთ ინფორმაცია, რომ გამოცხადებულ ინტერესთა გამოხატვის ფარგლებში 31 ობიექტზე გამოვლინდა გამარჯვებული, ვინც ჩაატარებს სამშენებლო სამუშაოებს. 5 პროექტზე დასრულებულია მშენებლობა და ბინები გადაეცემა 226 ოჯახს. მშენებლობის ეტაპზე გვაქვს 22 პროექტი, რომელზეც გაცემულია ნებართვა და დაკმაყოფილდება 1100-მდე ოჯახი, სანებართვო ეტაპზეა 8 პროექტი, რომლის ფარგლებშიც დაკმაყოფილდება 680 პროექტი. ხელშეკრულების ეტაპზეა 1 პროექტი და გათვალისწინებულია 80 ოჯახის დაკმაყოფილება“, - განაცხადა კახა კალაძემ.

1713339839

თბილისის მერის კახა კალაძის ინფორმაციით, მედიკამენტების 500-ლარიანი დაფინანსების პროგრამით 126 ათასმა მოქალაქემ ისარგებლა.მისი თქმით, პროგრამით სარგებლობა შეუძლიათ სოციალურად დაუცველ საპენსიო ასაკის მოქალაქეებს.„მინდა მოგაწოდოთ ინფორმაცია მერიის 500 ლარიანი მედიკამენტების დაფინანსების პროგრამასთან დაკავშირებით. დღეის მდგომარეობით 126 ათასამდე მომართა იქნა დაფინანსებული. პროგრამა 2022 წელს დავიწყეთ, საპენსიო ასაკის სოც დაუცველი პირებისთვის არის განკუთვნილი. მედიკამენტები გაიცემა ექიმის დანიშნულებით“, - განაცხადა კახა კალაძემ. მისი თქმით, 2024 წლის ბიუჯეტში პროგრამისთვის 10 მლნ ლარამდეა გათვალისწინებული.

1713339739

აზიის განვითარების ბანკმა (ADB) საქართველოსთვის 46.3 მილიონი ევროს ოდენობის საბიუჯეტო სესხი დაამტკიცა. აღნიშნული სესხი ხარისხიან და ხელმისაწვდომ ჯანდაცვის სერვისებზე წვდომის გაუმჯობესებას მოხმარდება.ADB-ი დაფინანსებას გაიღებს მას შემდეგ, რაც მთავრობა განახორციელებს რეფორმებს ჯანდაცვის სექტორის მართვისა და რეგულირების გასაძლიერებლად, გაზრდის პირველადი ჯანდაცვისა და სპეციალიზებული ამბულატორიული პაციენტების მკურნალობისა და დიაგნოსტიკის სერვისების საბიუჯეტო დაფინანსებას და გააუმჯობესებს სექტორის ოპერაციულ ეფექტიანობასა და ფინანსურ მდგრადობას.„ეს პროგრამა წარმოადგენს ADB-ის ყოვლისმომცველ და ინტეგრირებულ პაკეტს, რაც საქართველოში ჯანდაცვის გაძლიერებას ისახავს მიზნად. პროგრამა ხელს შეუწყობს საყოველთაო ჯანდაცვის გაუმჯობესებას, განსაკუთრებით კი დაეხმარება ქალებს, სოციალურად დაუცველ და მოწყვლად ჯგუფებს“, - განაცხადა ADB-ის ცენტრალური და დასავლეთ აზიის დეპარტამენტის გენერალურმა დირექტორმა ევგენი ჟუკოვმა.როგორც აზიის განვითარების ბანკის მიერ გავრცელებულ ინფორმაციაში ვკითხულობთ, საქართველოს არაგადამდები დაავადებების მაღალი მაჩვენებელი აქვს, მათ შორისაა გულის დაავადებები, ჰიპერტენზია, სიმსივნე და დიაბეტი, რაც ამცირებს სიცოცხლის ხანგრძლივობასა და ჯანმრთელად დაბერების შესაძლებლობას. სახელმწიფო პროგრამით დაფინანსებული პირველადი ჯანდაცვისა და ამბულატორიული სერვისების გაძლიერება გააუმჯობესებს ამ დაავადებების მართვას, რომელთა უმრავლესობა შექცევადია.

1713339442

დედაქალაქის მერის, კახა კალაძის განცხადებით, 1 წლის განმავლობაში, დედაქალაქს 40 ერთეული 18-მეტრიანი ავტობუსი შეემატება.როგორც მან მთავრობის სხდომაზე აღნიშნა, საზოგადოებრივი ტრანსპორტის მოცდის დროის შემცირება მნიშვნელოვანია.„იცით, ჩვენ თავიდან ნათქვამი გვქონდა 200 ერთეული ავტობუსის შეძენა, თუმცა ფინანსური მდგომარეობის გამო, გასულ წელს 160 ერთეული ავტობუსი შევიძინეთ. წელს გამოცხადებული გვქონდა დარჩენილ 40 ერთეულ 18 - მეტრიან ავტობუსზე ტენდერი. გვყავს გამარჯვებული კომპანია „თეგეტა მოტორსი“, რომელიც მოგვაწვდის „მანის“ მარკის 40 ერთეულს, რომელიც გაზზე მომუშავეა, ისეთივეა, როგორიც დღეს თბილისში გადაადგილდება.ჩვენი პოლიტიკის მიზანია, რომ საზოგადოებრივი ტრანსპორტი გავხადოთ ყველასთვის კომფორტული, ყველასთვის ხელმისაწვდომი. ადამიანებს გაჩერებაზე დიდხანს არ უწევდეთ ლოდინი, ლოდინის დროის შემცირება მნიშვნელოვანია. 1 წელში უნდა მოხდეს ავტობუსების მოწოდება“, - აღნიშნა კალაძემ.