ფინანსთა მინისტრი იმედოვნებს, ინფლაცია პირველი კვარტალის ბოლოდან შემცირებას დაიწყებს

1713252784

იერუსალიმში, ქრისტეს აღდგომის ტაძარში წმინდა ცეცხლის გარდამოსვლისთვის მსოფლიოს სხვადასხვა ქვეყნიდან მომლოცველები ყოველწლიურად ჩადიან. 2024 წელი განსხვავებული იქნება, რადგან ისრაელში საომარი მოქმედებები კვლავაც მიმდინარეობს.სიტუაციას ამძიმებს ირანის მხრიდან შეტევების საფრთხე. საერთაშორისო გაფრთხილების მიუხედავად, ირანმა 14 აპრილს გვიან ღამიდან 15 აპრილის გამთენიამდე უპილოტო საფრენი აპარატებით ისრაელზე იერიში მიიტანა, თუმცა ისრაელმა დრონების უდიდესი ნაწილის განეიტრალება შეძლო.რამდენიმე საათით ისრაელსა და მეზობელ ქვეყნებში დაიხურა საჰაერო სივრცე, თუმცა ირანის თავდასხმის დასრულების შემდეგ, კვლავ გაიხსნა. „ბიზნესპრენიუსი“ დაინტერესდა, როგორი განწყობებია საქართველოში და გაიზარდა, თუ არა მოთხოვნა სააღდგომოდ ისრაელის მიმართულებაზე.სააღდგომოდ ისრაელის მიმართულებით კომპანია Oktravel-ში ტურებზე მოთხოვნა ფიქსირდება. ამ მიმართულებით საქართველოში არსებული გამყვანი ტურიზმი ძირითადად ინდივიდუალურ ტურებს სთავაზობს მოქალაქეებს. როგორც ტურისტული კომპანიები „ბიზნსპრენიუსთან“ საუბრისას აღნიშნავენ, ისრაელში უვიზო მიმოსვლის მიუხედავად, იქ ჩასული მოქალაქეები მესაზღვრესთან გასაუბრებას გადიან.„გამყვანი ტურიზმის ასოციაციის“ თანადამფუძნებელი და „კლარკ რობინსის“ აღმასრულებელი დირექტორი მამუკა კელაურაძე გვიყვება, რომ ამ ეტაპზე მათთან ისრაელის ტურებზე მოთხოვნა არ ყოფილა. თუმცა ყველას, ვინც დაინტერესდება ამ მიმართულებით, მიაწვდიან ინფორმაციას იმ საფრთხის შესახებ, რომელიც ისრაელში არსებობს.„არ მეგულება ჭკუათმყოფელი ადამიანი, ისრაელში ვინც წავა იმიტომ, რომ ნებისმიერ მომენტში შესაძლოა, ირანმა დაარტყას ისრაელს. თუ ვინმეს ძალიან ექსტრემალური ტურები უყვარს, შეუძლია წავიდეს, მაგრამ მე ვერავის ვერ ვურჩევდი. ისრაელზე არის ხოლმე საპატრიარქოს ტურები, რომელსაც სააღდგომოდ თავად გეგმავენ“, - განაცხადა კელაურაძემ.რაც შეეხება ფასებს, ისრაელში ინდივიდუალური ტურების ფასი 1000 ლარიდან 2500 ლარის ფარგლებში მერყეობს.„ისრაელის მიმართულებით გვაქვს ინდივიდუალური ტურები, მოთხოვნაც არის ამ ეტაპზე. 1000 ლარიდან 2500 ლარამდე. ფასში შედის ორმხრივი ფრენა, დაზღვევა, სასტუმრო და ტრანსფერი“, - განგვიცხადეს OK travel-ში.ამასთანავე, „ბიზნესპრენიუსმა“ მიმართა საქართველოს საგარეო საქმეთა სამინისტროს რეკომენდაციების შესახებ. უწყებაში გვითხრეს, რომ ჯერჯერობით ისრაელში მიმდინარე მოვლენებს აკვირდებიან და ელოდებიან, რომ ისრაელი სააღდგომოდ უსაფრთხოების ზომებთან დაკავშირებით განაცხადებს.

1713249871

TasteAtlas-მა მსოფლიოში შოკოლადის 11 საუკეთესო საკონდიტრო ნაწარმი გამოავლინა. რეიტინგში ბელგიური შოკოლადი ლიდერობს.პორტალი წერს, რომ მრავალი სახეობის ბელგიური შოკოლადი განსაკუთრებით პოპულარულია სადღესასწაულო სეზონზე. ისტორიულად მისი წარმოება შვეიცარიული შოკოლადების ზოგიერთი ტექნოლოგიის სესხებით დაიწყო, რომ მაღალი ხარისხის შოკოლადისა და თხილის, ლიქიორისა და ხილის ახალი ნარევი მიეღოთ.ხუთვარსკვლავიანი შეფასებით მსოფლიოში შოკოლადის 11 საუკეთესო საკონდიტრო ნაწარმია:🔵 ბელგიური შოკოლადი (ხუთი ვარსკვლავიდან 4,8)🔵 ჯანდუია - ტურინი, იტალია (4,6)🔵 შოკოლადის ტრიუფელი - შამბირი, საფრანგეთი (4,5)🔵 ტიმ-ტამი - ავსტრალია (4,4)🔵 შვეიცარული შოკოლადის ტრიუფელი (4,4)🔵 ბელგიური პრალინები (4,4)🔵 Nutella - პიემონტი, იტალია (4,2)🔵 Pålægschokolade - დანია (4,1)🔵 მოცარტკუგელი - ზალცბურგი, ავსტრია (4 ვარსკვლავი)🔵 ამერიკული შოკოლადის ტრიუფელი - სან ფრანცისკო, აშშ (3,8)🔵 ანანასიის გუნდები - ახალი ზელანდია (3,2)TasteAtlas-ის საკვების რეიტინგი პორტალის აუდიტორიის შეფასებებს იმ მექანიზმით ეფუძნება, რომლებიც რეალურ მომხმარებლებს გამოარჩევს, ბოტებს კი აიგნორებს. პორტალი, ასევე, ემყარება ადგილობრივ ეროვნულ რეიტინგებს, ხოლო დამატებით მნიშვნელობას იმ მომხმარებლების შეფასებებს ანიჭებს, რომლებსაც სისტემა საქმის მცოდნედ აღიარებს. TasteAtlas-ი წერს, რომ საკვებზე მისი რეიტინგები საბოლოო გლობალურ დასკვნად არ უნდა განიხილებოდეს და მათი მიზანი შესანიშნავი ადგილობრივი კერძების პოპულარიზაციაა, ცნობისმოყვარეობის გაღვივება იმ კერძების მიმართ, რომლებიც მომხმარებელს ჯერ არ გაუსინჯავს.

1713167789

ავსტრიის გაზეთ „ექსპრესში“ (Express) გამოქვეყნებულია სარედაქციო სტატია სათაურით „ექვსი მილიონი დანაშაული გერმანიაში: რომელი ქვეყნებიდან არის ყველაზე მეტი ეჭვმიტანილი? ალჟირიდან და საქართველოდან“, რომელშიც განხილულია გერმანიაში მომხდარ დანაშაულებში ეჭვმიტანილ ადამიანთა ეროვნულობა და მიგრანტთა გეოგრაფია. „2023 წელს გერმანიაში თითქმის 6 მილიონი დანაშაული იქნა დარეგისტრირებული. ეჭვმიტანილთა 40% გერმანიის მოქალაქეებს არ წარმოადგენენ, ისინი მიგრანტები არიან“, - ნათქვამია მასალაში, რომელშიც საქართველოც არის მოხსენიებული.გთავაზობთ პუბლიკაციას:გასულ წელს გერმანიაში რეგისტრირებულ დანაშაულთა რაოდენობა 5,5%-ით გაიზარდა და თითქმის ექვსი მილიონი შეადგინა. სულ ფედერალურ პოლიციაში 5,94 მილიონი განცხადება დაფიქსირდა სამართალდარღვევის თაობაზე, რასაც სტატისტიკა ადასტურებს. ეჭვმიტანილთა 34%-ს გერმანული პასპორტები არ აქვთ, მაგრამ მათ არალეგალურ მიგრანტებსაც დავამატებთ, მაშინ რაოდენობა 41%-მდე მიაღწევს. გერმანიის ზოგიერთ მხარეში უცხოელთა მიერ ჩადენილი სამართალდარღვევების რაოდენობა განსაკუთრებით მაღალია. ყოველ 100 დანაშაულის ჩამდენში ყველაზე მეტი ალჟირელია“, - იტყობინება გერმანიის საკვირაო გაზეთი „ველტ ამ ზონდაგი“ (“Welt am Sonntag”). ალჟირს საქართველო და ტუნისი მოჰყვებიან...მთლიანობაში, სტატისტიკის მიხედვით, გასულ წელს დანაშაულის ჩადენაში 11 043 ალჟირელია ეჭვმიტანილი. თუ გავითვალისწინებთ იმას, რომ 2022 წლის დეკემბრისათვის გერმანიაში 24 385 ალჟირელი მიგრანტი იმყოფებოდა, მაშინ ყოველ 100 დანაშაულიდან 45 ალჟირელმა ჩაიდინა.ალჟირელებს ქართველები მოჰყვებიან (44,7 ეჭვმიტანილი), ტუნისელები (19,8), შემდეგ ავღანელები (16,2), ალბანელები (14), მაროკოელები (13,8), ლიბანელები (12), სირიელები (11,8), ეგვიპტელები (11,5), ნიგერიელები (11,4) და ირანელები (11).დანაშაულის დაბალი დონე უკრაინელთა შორისროგორც ცნობილია, გერმანიაში ამჟამად 1,132 მილიონი უკრაინელია რეგისტრირებული ლტოლვილის სტატუსით, რომლებმაც რუსეთის აგრესიის შემდეგ უცხოეთს, მათ შორის გერმანიას მიაშურეს. უკრაინელ ლტოლვილთა რაოდენობა პერმანენტულად იზრდება - შარშან ამ დროს მათი რაოდენობა 1,045 მილიონი იყო.საინტერესოა, რომ უკრაინელებს შორის დანაშაულის დონე საოცრად დაბალია - 9,3%, რაც პრინციპში, ადვილად შეიძლება აიხსნას: „ლტოლვილებს შორის დიდი რაოდენობით ქალი, ბავშვი და მოხუცია - გენდერული სპეციფიკა და მცირე ასაკი კრიმინალურ აქტიურობას ხელს არ უწყობს“, - ამბობს ჰოლგერ მიუნჰი, გერმანიის სისხლის სამართლის პოლიციის ფედერალური სამმართველოს უფროსი.ავსტრია: კრიმინოგენური სიტუაციაავსტრიაში ჩადენილი დანაშაულის სტატისტიკაც საყურადღებოა: ამას წინათ ცნობილი გახდა, რომ 2023 წელს მომხდარ დანაშაულში ეჭვმიტანილთა 45% არაავსტრიელია. 2023 წელს 150 ათასი მიგრანტი ქვეყანაში არალეგალურად იყო შესული, რაც, თავისთავად, დანაშაულის დონეს ზრდის. კრიმინალებს შორის ლიდერის პოზიციებს იკავებენ გერმანელები, რუმინელები და სერბები. „კლასიკურ ლტოლვილებს“ შორის, გერმანიის ანალოგიურად, დანაშაულში ეჭვმიტანილების რაოდენობა მცირეა.

1713164390

საქართველოს ეროვნული ნაკრების გულშემატკივრებისათვის უეფას 2024 წლის ევროპის ჩემპიონატის ბილეთების გაყიდვა დღეს, 13:00 საათზე დაიწყება.ევროპის ჩემპიონატზე ბილეთების შეძენა უეფას ბილეთების პორტალზე იქნება შესაძლებელი - https://www.uefa.com/euro2024/ticketing/.იმისთვის, რომ პორტალზე შეხვიდეთ, საჭიროა შექმნათ პირადი გვერდი ან ასეთის არსებობის შემთხვევაში გაიაროთ ავტორიზაცია. ამასთან, მომხმარებლის სრულყოფილი პროფილის შესაქმნელად დაგჭირდებათ საიტზე არსებული აუცილებელი ველების შევსება: სახელი, გვარი, დაბადების თარიღი, პირადი ნომერი ან პასპორტის ნომერი, საცხოვრებელი მისამართი, მობილური ტელეფონის ნომერი და ელფოსტის მისამართი. ბილეთების გაყიდვის პროცესის დაწყებისას უეფას პორტალი მოგანიჭებთ რიგის ნომერს. ერთ მომხმარებელს საქართველოს ეროვნული ნაკრების ჯგუფური ეტაპის თითოეულ მატჩზე 2 ბილეთის შეძენის შესაძლებლობა ექნება. სასურველი ბილეთის შერჩევისა და შესყიდვის განსახორციელებლად კი თითოეულ მომხმარებელს 15 წუთი აქვს.რაც შეეხება ბილეთების კატეგორიას, ხელმისაწვდომი იქნება ოთხი: პირველი კატეგორია - 200 ევრო მეორე კატეგორია - 150 ევრო მესამე კატეგორია - 60 ევრო მეოთხე კატეგორია - 30 ევრო ბილეთების შეძენა შეგიძლიათ როგორც Alipay-ის ელექტრონული საფულით, ისე საბანკო ბარათებით (VISA ან Mastercard).საბანკო ოპერაციის დასრულების შემდეგ, ბილეთის შეძენის დამადასტურებელი წერილი თქვენი პირადი პროფილის შესაბამის განყოფილებაში აისახება და თქვენს მიერ მითითებულ პირად ელფოსტაზე გამოიგზავნება. თამაშის ბილეთს, მოგვიანებით, მატჩამდე რამდენიმე დღით ადრე მიიღებთ.შეგახსენებთ, რომ საქართველოს ეროვნული საფეხბურთო ნაკრები ევროპის ჩემპიონატის ჯგუფურ ეტაპზე სამ შეხვედრას გამართავს, 18 ივნისს დორტმუნდში, თურქეთის ნაკრებს დაუპირისპირდება, 22 ივნისს - ჰამბურგში ჩეხეთს, 26 ივნისს კი, გელზენკირხენში, პორტუგალიას.

1713163828

ქუთაისში, ნიკეას ქუჩაზე, 720 დევნილი ოჯახისთვის, სამი, 12-სართულიანი კორპუსი შენდება, - ინფორმაციას ჯანდაცვის სამინისტრო ავრცელებს.„ქუთაისში, ნიკეას ქუჩაზე, 720 დევნილი ოჯახისთვის, სამი, 12-სართულიანი კორპუსი შენდება.საცხოვრებელი კომპლექსის სამშენებლო სამუშაოებს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი გაეცნო. მიხეილ სარჯველაძემ აღნიშნა, რომ დევნილთა განსახლება სახელმწიფოს პრიორიტეტია და დევნილი ოჯახებისთვის ღირსეული საცხოვრებელი პირობების შექმნის მიზნით, ქვეყნის რამდენიმე ქალაქში მასშტაბური სამშენებლო სამუშაოები, ერთდროულად, მიმდინარეობს. სამშენებლო სამუშაოების დასრულების შემდეგ, დევნილ ოჯახებს, სრულად გარემონტებული ბინები გადაეცემათ. სამუშაო პროცესები აქტიურ რეჟიმში, სტანდარტების სრული დაცვით ხორციელდება.პროექტის ფარგლებში, ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო, საცხოვრებელ ფართს, ჯამში, 13 000 დევნილ ოჯახს გადასცემს. აქედან, 7000-ზე მეტ ოჯახს ახალაშენებულ კორპუსებში, გარემონტებული ბინები გადაეცემა, ხოლო 6000-მდე ოჯახი, „სოფლად სახლის“ პროგრამის ფარგლებში განსახლება.ორივე პროგრამის ბიუჯეტი, ჯამში, დაახლოებით, 900 მილიონ ლარს შეადგენს“, - ნათქვამია ჯანდაცვის სამინისტროს ინფორმაციაში.