ნათია თურნავა: DP World-ს ანაკლიის ღრმაწყლოვან პორტზე ვესაუბრეთ

1713167789

ავსტრიის გაზეთ „ექსპრესში“ (Express) გამოქვეყნებულია სარედაქციო სტატია სათაურით „ექვსი მილიონი დანაშაული გერმანიაში: რომელი ქვეყნებიდან არის ყველაზე მეტი ეჭვმიტანილი? ალჟირიდან და საქართველოდან“, რომელშიც განხილულია გერმანიაში მომხდარ დანაშაულებში ეჭვმიტანილ ადამიანთა ეროვნულობა და მიგრანტთა გეოგრაფია. „2023 წელს გერმანიაში თითქმის 6 მილიონი დანაშაული იქნა დარეგისტრირებული. ეჭვმიტანილთა 40% გერმანიის მოქალაქეებს არ წარმოადგენენ, ისინი მიგრანტები არიან“, - ნათქვამია მასალაში, რომელშიც საქართველოც არის მოხსენიებული.გთავაზობთ პუბლიკაციას:გასულ წელს გერმანიაში რეგისტრირებულ დანაშაულთა რაოდენობა 5,5%-ით გაიზარდა და თითქმის ექვსი მილიონი შეადგინა. სულ ფედერალურ პოლიციაში 5,94 მილიონი განცხადება დაფიქსირდა სამართალდარღვევის თაობაზე, რასაც სტატისტიკა ადასტურებს. ეჭვმიტანილთა 34%-ს გერმანული პასპორტები არ აქვთ, მაგრამ მათ არალეგალურ მიგრანტებსაც დავამატებთ, მაშინ რაოდენობა 41%-მდე მიაღწევს. გერმანიის ზოგიერთ მხარეში უცხოელთა მიერ ჩადენილი სამართალდარღვევების რაოდენობა განსაკუთრებით მაღალია. ყოველ 100 დანაშაულის ჩამდენში ყველაზე მეტი ალჟირელია“, - იტყობინება გერმანიის საკვირაო გაზეთი „ველტ ამ ზონდაგი“ (“Welt am Sonntag”). ალჟირს საქართველო და ტუნისი მოჰყვებიან...მთლიანობაში, სტატისტიკის მიხედვით, გასულ წელს დანაშაულის ჩადენაში 11 043 ალჟირელია ეჭვმიტანილი. თუ გავითვალისწინებთ იმას, რომ 2022 წლის დეკემბრისათვის გერმანიაში 24 385 ალჟირელი მიგრანტი იმყოფებოდა, მაშინ ყოველ 100 დანაშაულიდან 45 ალჟირელმა ჩაიდინა.ალჟირელებს ქართველები მოჰყვებიან (44,7 ეჭვმიტანილი), ტუნისელები (19,8), შემდეგ ავღანელები (16,2), ალბანელები (14), მაროკოელები (13,8), ლიბანელები (12), სირიელები (11,8), ეგვიპტელები (11,5), ნიგერიელები (11,4) და ირანელები (11).დანაშაულის დაბალი დონე უკრაინელთა შორისროგორც ცნობილია, გერმანიაში ამჟამად 1,132 მილიონი უკრაინელია რეგისტრირებული ლტოლვილის სტატუსით, რომლებმაც რუსეთის აგრესიის შემდეგ უცხოეთს, მათ შორის გერმანიას მიაშურეს. უკრაინელ ლტოლვილთა რაოდენობა პერმანენტულად იზრდება - შარშან ამ დროს მათი რაოდენობა 1,045 მილიონი იყო.საინტერესოა, რომ უკრაინელებს შორის დანაშაულის დონე საოცრად დაბალია - 9,3%, რაც პრინციპში, ადვილად შეიძლება აიხსნას: „ლტოლვილებს შორის დიდი რაოდენობით ქალი, ბავშვი და მოხუცია - გენდერული სპეციფიკა და მცირე ასაკი კრიმინალურ აქტიურობას ხელს არ უწყობს“, - ამბობს ჰოლგერ მიუნჰი, გერმანიის სისხლის სამართლის პოლიციის ფედერალური სამმართველოს უფროსი.ავსტრია: კრიმინოგენური სიტუაციაავსტრიაში ჩადენილი დანაშაულის სტატისტიკაც საყურადღებოა: ამას წინათ ცნობილი გახდა, რომ 2023 წელს მომხდარ დანაშაულში ეჭვმიტანილთა 45% არაავსტრიელია. 2023 წელს 150 ათასი მიგრანტი ქვეყანაში არალეგალურად იყო შესული, რაც, თავისთავად, დანაშაულის დონეს ზრდის. კრიმინალებს შორის ლიდერის პოზიციებს იკავებენ გერმანელები, რუმინელები და სერბები. „კლასიკურ ლტოლვილებს“ შორის, გერმანიის ანალოგიურად, დანაშაულში ეჭვმიტანილების რაოდენობა მცირეა.

1713164390

საქართველოს ეროვნული ნაკრების გულშემატკივრებისათვის უეფას 2024 წლის ევროპის ჩემპიონატის ბილეთების გაყიდვა დღეს, 13:00 საათზე დაიწყება.ევროპის ჩემპიონატზე ბილეთების შეძენა უეფას ბილეთების პორტალზე იქნება შესაძლებელი - https://www.uefa.com/euro2024/ticketing/.იმისთვის, რომ პორტალზე შეხვიდეთ, საჭიროა შექმნათ პირადი გვერდი ან ასეთის არსებობის შემთხვევაში გაიაროთ ავტორიზაცია. ამასთან, მომხმარებლის სრულყოფილი პროფილის შესაქმნელად დაგჭირდებათ საიტზე არსებული აუცილებელი ველების შევსება: სახელი, გვარი, დაბადების თარიღი, პირადი ნომერი ან პასპორტის ნომერი, საცხოვრებელი მისამართი, მობილური ტელეფონის ნომერი და ელფოსტის მისამართი. ბილეთების გაყიდვის პროცესის დაწყებისას უეფას პორტალი მოგანიჭებთ რიგის ნომერს. ერთ მომხმარებელს საქართველოს ეროვნული ნაკრების ჯგუფური ეტაპის თითოეულ მატჩზე 2 ბილეთის შეძენის შესაძლებლობა ექნება. სასურველი ბილეთის შერჩევისა და შესყიდვის განსახორციელებლად კი თითოეულ მომხმარებელს 15 წუთი აქვს.რაც შეეხება ბილეთების კატეგორიას, ხელმისაწვდომი იქნება ოთხი: პირველი კატეგორია - 200 ევრო მეორე კატეგორია - 150 ევრო მესამე კატეგორია - 60 ევრო მეოთხე კატეგორია - 30 ევრო ბილეთების შეძენა შეგიძლიათ როგორც Alipay-ის ელექტრონული საფულით, ისე საბანკო ბარათებით (VISA ან Mastercard).საბანკო ოპერაციის დასრულების შემდეგ, ბილეთის შეძენის დამადასტურებელი წერილი თქვენი პირადი პროფილის შესაბამის განყოფილებაში აისახება და თქვენს მიერ მითითებულ პირად ელფოსტაზე გამოიგზავნება. თამაშის ბილეთს, მოგვიანებით, მატჩამდე რამდენიმე დღით ადრე მიიღებთ.შეგახსენებთ, რომ საქართველოს ეროვნული საფეხბურთო ნაკრები ევროპის ჩემპიონატის ჯგუფურ ეტაპზე სამ შეხვედრას გამართავს, 18 ივნისს დორტმუნდში, თურქეთის ნაკრებს დაუპირისპირდება, 22 ივნისს - ჰამბურგში ჩეხეთს, 26 ივნისს კი, გელზენკირხენში, პორტუგალიას.

1713163828

ქუთაისში, ნიკეას ქუჩაზე, 720 დევნილი ოჯახისთვის, სამი, 12-სართულიანი კორპუსი შენდება, - ინფორმაციას ჯანდაცვის სამინისტრო ავრცელებს.„ქუთაისში, ნიკეას ქუჩაზე, 720 დევნილი ოჯახისთვის, სამი, 12-სართულიანი კორპუსი შენდება.საცხოვრებელი კომპლექსის სამშენებლო სამუშაოებს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი გაეცნო. მიხეილ სარჯველაძემ აღნიშნა, რომ დევნილთა განსახლება სახელმწიფოს პრიორიტეტია და დევნილი ოჯახებისთვის ღირსეული საცხოვრებელი პირობების შექმნის მიზნით, ქვეყნის რამდენიმე ქალაქში მასშტაბური სამშენებლო სამუშაოები, ერთდროულად, მიმდინარეობს. სამშენებლო სამუშაოების დასრულების შემდეგ, დევნილ ოჯახებს, სრულად გარემონტებული ბინები გადაეცემათ. სამუშაო პროცესები აქტიურ რეჟიმში, სტანდარტების სრული დაცვით ხორციელდება.პროექტის ფარგლებში, ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო, საცხოვრებელ ფართს, ჯამში, 13 000 დევნილ ოჯახს გადასცემს. აქედან, 7000-ზე მეტ ოჯახს ახალაშენებულ კორპუსებში, გარემონტებული ბინები გადაეცემა, ხოლო 6000-მდე ოჯახი, „სოფლად სახლის“ პროგრამის ფარგლებში განსახლება.ორივე პროგრამის ბიუჯეტი, ჯამში, დაახლოებით, 900 მილიონ ლარს შეადგენს“, - ნათქვამია ჯანდაცვის სამინისტროს ინფორმაციაში. 

1713092916

PwC-ის ბოლო ანგარიშში შვეიცარია ბიზნესისთვის ყველაზე მიმზიდველ ქვეყნად დასახელდა. აღსანიშნავია, რომ ყველაზე მაღალი რანგის ქვეყნები, რომლებიც ბიზნესის კეთებისთვის საუკეთესო პირობების მქონედ ითვლება, ჩრდილოეთ ევროპაში მდებარეობს.PwC-ის ანგარიშის მიხედვით, 40-დან 50-მდე ქულა მიენიჭა ქვეყნებს, რომლებიც ბიზნესის კეთებისთვის ჯერ კიდევ ვითარდება, თუმცა ახლაც საკმაოდ ლოიალური პირობები აქვს. ერთ-ერთ ყველაზე „განვითარებად“ ქვეყნად საბერძნეთი დასახელდა.მოწინავე ქვეყნებს შორის შარშანდელ გამოკითხვასთან შედარებით რეიტინგი გააუმჯობესეს შვედეთმა, გერმანიამ და ნიდერლანდებმა. ხოლო ნორვეგია მეორე ადგილიდან მეექვსეზე ჩამოქვეითდა. დიდი ბრიტანეთის პოზიცია უცვლელი დარჩა და ისევ მეშვიდე ადგილს იკავებს. რეიტინგში საფრანგეთი ე.წ „წამყვანი“ ქვეყნების სიის ბოლოშია. ანგარიშის მიხედვით, შვეიცარია ყველაზე ძლიერია დამწყები ეკოსისტემის, კერძო ბიზნესის ლანდშაფტის განვითარებისთვის.შვედეთმა მაღალი ქულა მიიღო იმაში, თუ როგორ უზრუნველყოფს პოზიტიურ და მხარდამჭერ გარემოს კერძო ბიზნესისთვის, ისევე როგორც დამწყებთათვის. ქვეყანამ ბიზნესის მდგრადობის კუთხითაც მიიღო მაღალი ქულა. სოციალური პასუხისმგებლობა და მმართველობა, საზოგადოებრივი ჯანმრთელობა, ტექნოლოგიები და ინფრასტრუქტურა ასევე უფრო მაღალი იყო შვედეთში, ვიდრე შვეიცარიაში.მოხსენებაში აღნიშნულია, რომ გერმანიამ ბოლო თვეების განმავლობაში, განიცადა ტექნიკური რეცესია და მაღალი ინფლაცია, თუმცა მაინც მოახერხა თავისი საერთო მიმზიდველობის გაზრდა ბიზნესის კეთების მხრივ და მეოთხე ადგილიდან მესამეზე გადაინაცვლა.გაერთიანებული სამეფო და ნიდერლანდები განიხილება, როგორც ქვეყნები, სადაც ტექნოლოგია და ინფრასტრუქტურა საუკეთესოდ ითვლება. პორტუგალიამ და ესპანეთმა მაკროეკონომიკური მოლოდინებით მაღალი ქულა მიიღეს.წყარო: msn.com

1713090725

ისრაელში განვითარებულ მოვლენებთან დაკავშირებით, ისრაელში საქართველოს საელჩო მოქალაქეებისთვის ინფორმაციას ავრცელებს.მათი ინფორმაციით, ისრაელში განვითარებულ მოვლენებთან დაკავშირებით საელჩოში ცხელი ხაზი მოქმედებს.„შეგახსენებთ, რომ ისრაელში განვითარებულ მოვლენებთან დაკავშირებით საელჩოში მოქმედებს ცხელი ხაზის ნომრები: +972 52-6919092; +972 52-7583344; +972 54-7386813; მშვიდობას ვუსურვებთ ისრაელს და ისრაელის მოსახლეობას“, - ნათქვამია ინფორმაციაში.შეგახსენებთ, ისრაელმა განაცხადა, რომ ირანმა მისი ტერიტორიის მიმართულებით 300-ზე მეტი დრონი და რაკეტა გაუშვა, მათი 99%-ი მოიგერიეს, მაგრამ იყო მცირე რაოდენობის დარტყმები, მათ შორის ისრაელის სამხრეთით მდებარე სამხედრო ბაზაზე. თავდასხმისას დაშავდა სულ მცირე ერთი ადამიანი. დაშავებული 7 წლის გოგონაა.