1745297840

გარემოს ეროვნული სააგენტოს ცნობით, დღეს, 22 აპრილს საქართველოში უმეტესად ღრუბლიანი ამინდია მოსალოდნელი, ზოგან - წვიმაც.დასავლეთ საქართველოში - დროგამოშვებით ღრუბლიანობის მომატება. ზოგან ხანმოკლე წვიმა და ელჭექი. ცვალებადი მიმართულების ქარი 10-15 მ/წმ. ჰაერის ტემპერატურა: დაბლობში ღამით +9, +14°, დღისით +23, +28°; მთაში ღამით +6, +11°, დღისით +19, +24°; მაღალ მთაში ღამით +3, +8°, დღისით +15, +20°.აღმოსავლეთ საქართველოში - დროგამოშვებით ღრუბლიანობის მომატება. ღამით უმეტეს, დღისით ზოგიერთ რაიონში ხანმოკლე წვიმა და ელჭექი, ღამით მაღალ მთაში ზოგან შესაძლებელია თოვლჭყაპი. ცვალებადი მიმართულების ქარი 10-15 მ/წმ. ჰაერის ტემპერატურა: ბარში ღამით +6, +11°, დღისით +20, +25°; მთაში ღამით +2, +7°, დღისით +18, +23°; მაღალმთაში ღამით 0, +5°, დღისით +12, +17°.თბილისში - დროგამოშვებით ღრუბლიანობის მომატება. ხანმოკლე წვიმა ელჭექით. ცვალებადი მიმართულების ქარი 8-13 მ/წმ. ჰაერის ტემპერატურა: ღამით +11°, დღისით +23°.სოხუმი - დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13 მ/წმ. ჰაერის ტემპერატურა: დღისით +24°, ღამით +12 °.გაგრა - დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13 მ/წმ. ჰაერის ტემპერატურა: დღისით +24°, ღამით +12°.ოჩამჩირე - დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13 მ/წმ. ჰაერის ტემპერატურა: დღისით +25°, ღამით +12°.ბათუმი- დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 10-15 მ/წმ. ჰაერის ტემპერატურა: დღისით +24°, ღამით +12°.ქობულეთი- დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 10-15 მ/წმ. ჰაერის ტემპერატურა: დღისით +23°, ღამით +12°.ფოთი - დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 10-15 მ/წმ. ჰაერის ტემპერატურა: დღისით +26°, ღამით +15°.ხულო - დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13 მ/წმ. ჰაერის ტემპერატურა: დღისით +20°, ღამით +6°.ქუთაისი - დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 10-15 მ/წმ. ჰაერის ტემპერატურა: დღისით +28°, ღამით+13°.ჭიათურა - დროგამოშვებით ღრუბლიანობის მომატება. ხანმოკლე წვიმა. ცვალებადი მიმართულების ქარი 8-13 მ/წმ. ჰაერის ტემპერატურა: დღისით +22°, ღამით+9°.ამბროლაური- დროგამოშვებით ღრუბლიანობის მომატება. ხანმოკლე წვიმა. ცვალებადი მიმართულების ქარი 8-13 მ/წმ. ჰაერის ტემპერატურა: დღისით +23°, ღამით+6°.ცაგერი- დროგამოშვებით ღრუბლიანობის მომატება. ხანმოკლე წვიმა. ცვალებადი მიმართულების ქარი 8-13 მ/წმ. ჰაერის ტემპერატურა: დღისით +22°, ღამით +7°.ონი- დროგამოშვებით ღრუბლიანობის მომატება. ხანმოკლე წვიმა. ცვალებადი მიმართულების ქარი 8 13 მ/წმ. ჰაერის ტემპერატურა: დღისით +21°, ღამით +6°.მესტია- დროგამოშვებით ღრუბლიანობის მომატება. ხანმოკლე წვიმა. ცვალებადი მიმართულების ქარი 8-13 მ/წმ. ჰაერის ტემპერატურა: დღისით +19°, ღამით +4°.გორი- დროგამოშვებით ღრუბლიანობის მომატება. ხანმოკლე წვიმა ელჭექით. ცვალებადი მიმართულების ქარი 10-15 მ/წმ. ჰაერის ტემპერატურა: დღისით +25°, ღამით +8°.ახალგორი- დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13 მ/წმ. ჰაერის ტემპერატურა: დღისით +21°, ღამით +7°.ჯავა- დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13 მ/წმ. ჰაერის ტემპერატურა: დღისით +21°, ღამით+4°.ცხინვალი - დროგამოშვებით ღრუბლიანობის მომატება. ხანმოკლე წვიმა ელჭექით. ცვალებადი მიმართულების ქარი10-15 მ/წმ. ჰაერის ტემპერატურა: დღისით +24°, ღამით +7°.სტეფანწმინდა- დროგამოშვებით ღრუბლიანობის მომატება. ხანმოკლე წვიმა ელჭექით. ცვალებადი მიმართულების ქარი10-15 მ/წმ. ჰაერის ტემპერატურა: დღისით +14, ღამით +3°.გუდაური- დროგამოშვებით ღრუბლიანობის მომატება. ხანმოკლე წვიმა ელჭექით. ცვალებადი მიმართულების ქარი10-15 მ/წმ. ჰაერის ტემპერატურა: დღისით +13°, ღამით 0°.თიანეთი - დროგამოშვებით ღრუბლიანობის მომატება. ხანმოკლე წვიმა. ცვალებადი მიმართულების ქარი 8-13 მ/წმ. ჰაერის ტემპერატურა: დღისით +19, ღამით+5 °.ახალციხე- დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13 მ/წმ. ჰაერის ტემპერატურა: დღისით +23°, ღამით+5°.ბორჯომი- დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13 მ/წმ. ჰაერის ტემპერატურა: დღისით +23°, ღამით +6°.ბაკურიანი - დროგამოშვებით ღრუბლიანობის მომატება. ხანმოკლე წვიმა ელჭექით. ცვალებადი მიმართულების ქარი 8-13 მ/წმ. ჰაერის ტემპერატურა: დღისით +17°, ღამით +4°.თელავი - დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13 მ/წმ. ჰაერის ტემპერატურა: დღისით +23°, ღამით+10°.ყვარელი - დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13 მ/წმ. ჰაერის ტემპერატურა: დღისით +23, ღამით+10°.საგარეჯო - დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13 მ/წმ. ჰაერის ტემპერატურა: დღისით +22, ღამით+10°.სიღნაღი - დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13 მ/წმ. ჰაერის ტემპერატურა: დღისით +22, ღამით+9°.დედოფლისწყარო - დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13 მ/წმ. ჰაერის ტემპერატურა: დღისით +23, ღამით +8°.ლაგოდეხი - დროგამოშვებით ღრუბლიანობის მომატება. უმეტესად უნალექოდ. ცვალებადი მიმართულების ქარი 8-13 მ/წმ. ჰაერის ტემპერატურა: დღისით +25, ღამით +11°.

1745061180

ავიაკომპანიის კვების თემა დიდი ხანია მოგზაურებს შორის განხილვის საგანია. ზოგჯერ თვითმფრინავში დიდი დროის გატარება გიწევთ და ამიტომ ძალიან მნიშვნელოვანია მაღალი ხარისხის და ნოყიერი საკვების მიღება.ამის შესახებ Daily Mail წერს.რომელი ავიაკომპანია გთავაზობთ ყველაზე გემრიელ კერძებს?YouGov-ის გამოკითხვის თანახმად, Emirates გთავაზობთ საუკეთესო საჭმელსა და სასმელებს ფრენის დროს, ასევე საუკეთესო კერძებს ფრენის დროს. მგზავრების 84%-ზე მეტი დადებითად აფასებს ავიაკომპანიის საჭმელსა და სასმელს, ხოლო კიდევ 85% დადებითად აფასებს სამზარეულოს.Qatar Airways-ი, რომელიც გასულ წელს რეიტინგის სათავეში იყო, წლევანდელ სიაში მეორე ადგილზეა. მგზავრების დაახლოებით 83%-მა შეაფასა მისი საჭმელები დადებითად, ხოლო კიდევ 82%-ი კმაყოფილი იყო ფრენის დროს კვებით. საუკეთესო სამეულს Virgin Atlantic ასრულებს. მგზავრების დაახლოებით 74% ტკბება ბორტზე სასმელებითა და საჭმლით, ხოლო კიდევ 73% კმაყოფილია თვითმფრინავში ლანჩითა და ვახშმით.TOP 9 ავიაკომპანია საუკეთესო საკვებით:1. Emirates2. Qatar Airways3. Virgin Atlantic4. British Airways5. Jet2.com6. TUI Airways7. easyJet8. Wizz Air9. Ryanairავიანიუსი

1745054760

ჩინეთმა ადგილობრივ ავიაკომპანიებს ამერიკული Boeing-ის ახალი თვითმფრინავების მიღება აუკრძალა.ინფორმაციას Bloomberg ავრცელებს.პეკინმა ავიაკომპანიებს, ასევე, ურჩია, ამერიკული კომპანიებისგან დროებით არც თვითმფრინავის ნაწილები და აღჭურვილობა შეიძინონ. ამასთან, მთავრობა განიხილავს, თუ როგორ დაეხმაროს იმ გადამზიდავებს, რომლებიც Boeing-ის თვითმფრინავებს იჯარით იღებენ და მზარდი ხარჯის წინაშე დგანან.Aviation Flights Group-ის მონაცემებით, ჩინური ავიაკომპანიები Boeing 737 Max-ის, დაახლოებით, 10 თვითმფრინავის მიღებას ელოდებიან. მათ შორის, ორ-ორი ლაინერი China Southern Airlines-ს, Air China-სა და Xiamen Airlines-ს უნდა მიეღო. ზოგიერთი მათგანი უკვე სიეტლის საწარმოო ბაზის მახლობლად, ზოგი კი ჩინეთის საქალაქო ოლქ ჩჟოუშანშია.წყაროების ცნობით, ზოგიერთი გადაზიდვა შესაძლოა, დაშვებულ იქნეს, რადგან დოკუმენტაცია და გადახდები აშშ-ის მიერ 12 აპრილის სარკისებური ტარიფების დაწესებამდე გაფორმდა.ჩინეთის გადაწყვეტილების გამო სამშაბათის წინასაბაზრო ვაჭრობაზე Boeing-ის აქციები 2.5%-ით დაეცა.Boeing-ის თვითმფრინავებზე შესაძლოა, ირლანდიურმა დაბალბიუჯეტიანმა და ევროპის უმსხვილესმა ავიაკომპანია Ryanair-მაც თქვას უარი, თუ ისინი გაძვირდება. გადამზიდავის შეფასებით, ეს მწარმოებლებსა და ავიაკომპანიებს შორის კონფლიქტს იმაზე გააჩენს, თუ ვინ უნდა დაფაროს დონალდ ტრამპის სავაჭრო ომით გამოწვეული ხარჯი. კერძოდ, Ryanair-ის აღმასრულებელმა დირექტორ მაიკლ ო’ლირიმ Financial Times-ს განუცხადა, რომ ავიაკომპანია აგვისტოდან Boeing-ისგან კიდევ 25 თვითმფრინავის მიღებას ელოდება, რომლებიც „2026 წლის მარტამდე ან აპრილამდე“ არ დასჭირდება. ამდენად, Ryanair-ს შეუძლია, ეს თვითმფრინავები “გვერდზე გადადოს, ვიდრე საღი აზრი არ გაიმარჯვებს.“გამოცემა წერს, რომ ტრამპის ტარიფები აეროკოსმოსურ ინდუსტრიაზე უკვე მოქმედებს და თვითმფრინავების მილიარდობით დოლარის ოდენობის მიწოდებას საფრთხეს უქმნის, რაც მიწოდების ჯაჭვში დაძაბულობას ზრდის.ტარიფებთან დაკავშირებული გაურკვევლობა უჩვეულოა იმ ინდუსტრიისთვის, რომელიც 1979 წლიდან, ძირითადად, სავაჭრო ბარიერების გარეშე ფუნქციონირებდა.ცნობისთვის: აშშ-ში იმპორტირებული დასრულებული თვითმფრინავები და მათი ნაწილები 10%-იან ტარიფს დაექვემდებარება. ამასთან, მოსალოდნელია, რომ აშშ-სა და სხვა ქვეყნებში თვითმფრინავების აწყობა გაძვირდეს, რადგან მწარმოებლები მიწოდების საერთაშორისო ჯაჭვებზე არიან დამოკიდებული, რომლებიც აზიას, ევროპასა და აშშ-ს მოიცავს.კომპანია Boeing-მა 11.83 მლრდ დოლარის წლიური ზარალი განიცადა, რაც 2020 წლიდან ყველაზე დიდი მაჩვენებელია, რადგან კომპანია თავის კომერციულ და თავდაცვით განყოფილებებში პრობლემებს, ხოლო აშშ-ის დასავლეთ სანაპიროს ქარხანაში მუშების დამანგრეველი გაფიცვის შედეგებს ებრძვის.

1745051460

ჯეფ ბე­ზო­სი დღეს მსოფ­ლი­ოს მე­ო­რე უმ­დიდ­რე­სი ადა­მი­ა­ნია ილონ მას­კის შემ­დეგ და მისი ქო­ნე­ბა 202 მი­ლი­არდ დო­ლარს შე­ად­გენს.მი­უ­ხე­და­ვად იმი­სა, რომ მი­ლი­არ­დერ­მა Amazon-ის აღ­მას­რუ­ლე­ბე­ლი დი­რექ­ტო­რის თა­ნამ­დე­ბო­ბა 2021 წელს ოფი­ცი­ა­ლუ­რად და­ტო­ვა, ის დღემ­დე გა­მო­ი­მუ­შა­ვებს ფულს უძ­რა­ვი ქო­ნე­ბის სფე­რო­ში და სა­ჰა­ე­რო კოს­მო­სუ­რი კომ­პა­ნია Blue Origin-ში ინ­ვეს­ტი­რე­ბით. მას აქვს უძ­რა­ვი ქო­ნე­ბის არა­რე­ა­ლუ­რად დიდი პორ­ტფო­ლიო. ზო­გი­ერ­თი მე­დი­ის ინ­ფორ­მა­ცი­ით, ბე­ზო­სის ვი­ლე­ბის, ბი­ნე­ბი­სა და სახ­ლე­ბის ჯა­მუ­რი ღი­რე­ბუ­ლე­ბა 12 მი­ლი­არ­დი დო­ლა­რია. ის არის არა მხო­ლოდ ერთ-ერთი უმ­დიდ­რე­სი ადა­მი­ა­ნი მსოფ­ლი­ო­ში - ასე­ვე უძ­რა­ვი ქო­ნე­ბის მაგ­ნა­ტია. 2022 წელს Amazon-ის დამ­ფუძ­ნე­ბე­ლი The Land Report-ის მიერ და­სა­ხელ­და 24-ე უმ­სხვი­ლეს მი­წის მე­სა­კუთ­რედ შე­ერ­თე­ბულ შტა­ტებ­ში. იმ დროს ბე­ზო­სი ფლობ­და 420 000 ჰექ­ტარ მი­წას. თუმ­ცა სამი წლის შემ­დეგ მი­ლი­არ­დერ­მა მთე­ლი ქვეყ­ნის მას­შტა­ბით კი­დევ უფრო მეტი უძ­რა­ვი ქო­ნე­ბა შე­ი­ძი­ნა. ცოტა ხნის წინ ცნო­ბი­ლი გახ­და, რომ მაგ­ნატ­მა სი­ეტ­ლში მდე­ბა­რე სა­სახ­ლე 63 მი­ლი­ონ დო­ლა­რად გა­ყი­და. ჰანტს პო­ინ­ტში მდე­ბა­რე ძვი­რად ღი­რე­ბუ­ლი 9420 კვად­რა­ტუ­ლი ფუ­ტის ზღვის­პი­რა სახ­ლი ოდეს­ღაც ხე­ლოვ­ნე­ბის კო­ლექ­ცი­ო­ნერს ბარ­ნი ებ­სვორ­ტს ეკუთ­ვნო­და.ქო­ნე­ბა ბე­ზოს­მა 2019 წელს, 37,5 მი­ლი­ონ დო­ლა­რად იყი­და.ვა­შინგტო­ნის ტბის გას­წვრივ მდე­ბა­რე ვი­ლას აქვს სამი სა­ძი­ნე­ბე­ლი, ოთხი სა­ა­ბა­ზა­ნო, ტე­რა­სა სა­ხუ­რავ­ზე, ბუ­ხა­რი და მთა­ვა­რი სამ­ზა­რე­უ­ლოს­გან გან­ცალ­კე­ვე­ბუ­ლი სამ­ზა­რე­უ­ლო.Business Insider-ის ცნო­ბით, ბე­ზოს­მა ეს სა­სახ­ლე და რამ­დე­ნი­მე სხვა უძ­რა­ვი ქო­ნე­ბა მა­კენ­ზი სკოტ­თან გან­ქორ­წი­ნე­ბის შემ­დეგ იყი­და. ულტრა­მი­ლი­არ­დერს უყ­ვარს ფუ­ფუ­ნე­ბა­ში ცხოვ­რე­ბა. ამას მისი უძ­რა­ვი ქო­ნე­ბის პორ­ტფო­ლი­ოც მოწ­მობს. მი­ლი­ო­ნე­რე­ბის ბუნ­კე­რი­დან და­წყე­ბუ­ლი, პენ­ტჰა­უ­ზე­ბით დას­რუ­ლე­ბუ­ლი, წარ­მო­გიდ­გენთ ჯეფ ბე­ზო­სის გა­სა­ო­ცარ ვი­ლებ­სა და ბი­ნებს. კომ­პლექ­სი სი­ეტ­ლშიAmazon-ის წარ­მა­ტე­ბის შემ­დეგ ბე­ზო­სი და­ემ­შვი­დო­ბა ავ­ტო­ფა­რეხს, სა­დაც ყვე­ლა­ფე­რი და­ი­წყო და 1998 წელს 10 მი­ლი­ონ დო­ლა­რად, სი­ეტ­ლის მე­დი­ნა­ში (მი­ლი­ო­ნე­რე­ბის­თვის პო­პუ­ლა­რუ­ლი ტე­რი­ტო­რია) იყი­და არა ერთი, არა­მედ ორი სახ­ლი.სახ­ლე­ბი აგე­ბუ­ლია 5,3 ჰექ­ტარ­ზე, რო­მელ­თა­გან 310 ფუტი არის კერ­ძო სა­ნა­პი­რო ზოლი ვა­შინგტო­ნის ტბა­ზე, გე­მის სახ­ლი და წყლის სას­რი­ა­ლო.სი­ეტ­ლის ეს სამი კომ­პლექ­სი ბე­ზო­სის მთა­ვარ რე­ზი­დენ­ცი­ად იქცა.ორი წლის შემ­დეგ და­ახ­ლო­ე­ბით 53 მი­ლი­ონ დო­ლა­რად ბე­ზოს­მა იყი­და მე­ზო­ბე­ლი ქო­ნე­ბა. ცნო­ბი­ლია, რომ ტი­უ­დო­რის სტი­ლის სახ­ლის რე­მონ­ტის­თის მი­ლი­არ­დერ­მა 28 მი­ლი­ო­ნი დო­ლა­რი და­ხარ­ჯა. მრა­ვალ­სარ­თუ­ლი­ა­ნი ბინა მა­ნ­ჰე­ტენ­ზე 2011 წელს ბე­ზოს­მა იყი­და სამი ერ­თე­უ­ლი კონ­დო­მი­ნი­უ­მი Century Building-ში ლინ­კოლ­ნის მო­ე­დან­ზე.მი­უ­ხე­და­ვად იმი­სა, რომ ქო­ნე­ბა გა­სა­ყი­დად 7,65 მი­ლი­ონ დო­ლა­რად იყო გა­მო­ტა­ნი­ლი, Architectural Digest-ი თვლის, რომ ბე­ზოს­მა მას­ში გა­ცი­ლე­ბით მეტი გა­და­ი­ხა­და.ძვი­რად ღი­რე­ბულ ბი­ნას მი­ლი­არ­დე­რი ძი­რი­თა­დად და­სას­ვე­ნებ­ლად იყე­ნებ­და. 2022 წელს ბიზ­ნეს­მენ­მა იყი­და მიმ­დე­ბა­რე 1725 მ.კვ ფარ­თო­ბის ბინა. რან­ჩო ვან ჰორნ­ში, ტე­ხას­ში amazon -ის დამ­ფუძ­ნე­ბელს ეკუთ­ვნის სი­ე­რა დი­აბ­ლოს მთი­ა­ნეთ­ში არ­სე­ბუ­ლი რან­ჩო.30 000-ჰექ­ტა­რი­ა­ნი უძ­რა­ვი ქო­ნე­ბა მან 2004 წელს იყი­და. მოგ­ვი­ა­ნე­ბით მიწა ბე­ზო­სის კოს­მო­სუ­რი კომ­პა­ნი­ის, Blue Origin-ის ბაზა გახ­და. რამ­დე­ნი გა­და­ი­ხა­და ბე­ზოს­მა სა­კუთ­რე­ბა­ში არ არის ცნო­ბი­ლი, თუმ­ცა ად­ვო­კატ­მა გა­ნა­ცხა­და, რომ ფერ­მა გა­ნა­ახ­ლეს და და­ა­მა­ტეს სპა აბა­ზა­ნა, სამ­ზა­რე­უ­ლო, ია­ტა­კე­ბი და ვე­რან­და.სა­დღაც 2004-დან 2023 წლამ­დე ბე­ზოს­მა მიმ­დე­ბა­რე მი­წე­ბიც შე­ი­ძი­ნა. დღეს იქ სა­სახ­ლე დგას, სა­დაც ჯეფ ბე­ზო­სი და მისი სა­ცო­ლე ლო­რენ სან­ჩე­სი ხში­რად ატა­რე­ბენ დროს. ბე­ვერ­ლი ჰილ­ზის სა­სახ­ლე ბე­ვერ­ლი ჰილ­ზის მი­ლი­არ­დე­რე­ბის სა­მე­ზობ­ლოს ბე­ზო­სი 2007 წელს შე­უ­ერ­თდა. ეს­პა­ნუ­რი სტი­ლის სა­სახ­ლე მან 24,45 მი­ლი­ონ დო­ლა­რად იყი­და.ქო­ნე­ბა მო­ი­ცავს შვიდ სა­ძი­ნე­ბელს და ამ­დე­ნი­ვე სა­ა­ბა­ზა­ნოს. იქ ასე­ვე არის სას­ტუმ­რო სახ­ლი, სათ­ბუ­რი, ჩოგ­ბურ­თის კორ­ტი, სა­ცუ­რაო აუზი, მრა­ვა­ლი შად­რე­ვა­ნი და ექ­ვსი მან­ქა­ნის ავ­ტო­ფა­რე­ხი.Captionათი წლის შემ­დეგ ბე­ზოს­მა ვი­ლის გვერ­დით მდე­ბა­რე სახ­ლი 12,9 მი­ლი­ონ დო­ლა­რად შე­ი­ძი­ნა. დე­ტა­ლე­ბი შე­ზღუ­დუ­ლია, მაგ­რამ ცნო­ბი­ლია, რომ სახ­ლს აქვს ოთხი ოთა­ხი, ექ­ვსი სა­ა­ბა­ზა­ნო და აუზი. სახ­ლე­ბი ვა­შინგტონ D.C.-ში 2016 წელს ბე­ზოს­მა 23 მი­ლი­ონ დო­ლა­რად იყი­და ყო­ფი­ლი ტექ­სტი­ლის მუ­ზე­უ­მი ვა­შინგტონ­ში.ეს 27 000 კვად­რა­ტუ­ლი ფუ­ტის ფარ­თო­ბის სა­სახ­ლე მდე­ბა­რე­ობს ექ­სკლუ­ზი­ურ კა­ლო­რა­მას უბან­ში, სა­დაც პრე­ზი­დენ­ტე­ბი და დიპ­ლო­მა­ტე­ბი ცხოვ­რო­ბენ. ქო­ნე­ბა აერ­თი­ა­ნებს ის­ტო­რი­ულ ხიბლს და თა­ნა­მედ­რო­ვე ფუ­ფუ­ნე­ბას.მეგა სა­სახ­ლის შე­ძე­ნი­დან ორი წლის შემ­დეგ, ბე­ზოს­მა 12 მი­ლი­ო­ნი დო­ლა­რი და­ხარ­ჯა რე­მონტზე, რო­მე­ლიც მო­ი­ცავ­და სვე­ლი წერ­ტი­ლე­ბის რა­ო­დე­ნო­ბის 25-მდე გაზ­რდას.2020 წელს ბე­ზოს­მა კი­დევ კა­ლო­რა­მა­ში 5 მი­ლი­ონ დო­ლა­რად ერთი ქო­ნე­ბა შე­ი­ძი­ნა. სახ­ლი არის ტექ­სტი­ლის მუ­ზე­უ­მის მო­პირ­და­პი­რე მხა­რეს. ვრცელ­დე­ბა ჭო­რე­ბი, რომ მან ის კონ­ფი­დენ­ცი­ა­ლუ­რო­ბის მიზ­ნით იყი­და. ხუთი მეგა-ლუქს ბინა მა­ნ­ჰე­ტენ­ზე 2019 წლის და­სა­წყის­ში ბე­ზოს­მა და­ხარ­ჯა 80 მი­ლი­ო­ნი დო­ლა­რი 3 აპარ­ტა­მენტზე, რო­მელ­თა ხედი მე­დი­სო­ნის პარკზე გა­მო­დის.მატ­გან ძვი­რა­დღი­რე­ბუ­ლი პენ­ტჰა­უ­სი, მო­ი­ცავს გრან­დი­ო­ზულ სა­მე­ჯლი­სო დარ­ბაზს, მარ­მა­რი­ლოს ბიბ­ლი­ო­თე­კას, შუ­შის სა­კი­თხავ ოთახს, ბუ­ხარს და შვიდ მთა­ვარ სა­ძი­ნე­ბელს.2020 წელს ბე­ზოს­მა იმა­ვე კორ­პუს­ში კიდვ 2 ბინა იყი­და. კი­დევ ორი ​​სახ­ლი ბე­ვერ­ლი ჰილზ­ში 2020 წელს ბე­ზო­სი დაბ­რუნ­და ბე­ვერ­ლი ჰილზ­ში და 165 მი­ლი­ო­ნი დო­ლა­რი და­ხარ­ჯა ამე­რი­კე­ლი კი­ნოპ­რო­დი­უ­სე­რის დე­ვიდ გე­ფე­ნის სასახ­ლე­ში.ქო­ნე­ბა 13 600 კვად­რა­ტუ­ლი ფუ­ტია და აქვს ორი სას­ტუმ­რო სახ­ლი, სამი სათ­ბუ­რი, სა­ბავ­შვო ბაღი, ჩოგ­ბურ­თის კორ­ტი, სა­ცუ­რაო აუზი, ცხრა გოლ­ფის მო­ე­და­ნი, ავ­ტო­ფა­რე­ხი მან­ქა­ნე­ბის მოვ­ლის­თვის და კერ­ძო ბენ­ზინ­გა­სა­მარ­თი სად­გუ­რი.სახ­ლს ასე­ვე აქვს ის­ტო­რი­უ­ლი ელე­მენ­ტი: ით­ვლე­ბა, რომ მისი ან­ტიკ­ვა­რუ­ლი ხის ია­ტა­კი უცხო­ე­თი­დან იყო შე­მო­ტა­ნი­ლი და სწო­რედ იქ დად­გა ნა­პო­ლე­ო­ნი ერთ მუხ­ლზე, რო­დე­საც იმ­პე­რატ­რი­ცა ჟო­ზე­ფი­ნას ქორ­წი­ნე­ბა შეს­თა­ვა­ზა.იმა­ვე წელს ბე­ზოს­მა შე­ი­ძი­ნა მე­ზო­ბე­ლი ქო­ნე­ბა 10 მი­ლი­ონ დო­ლა­რად. ყვე­ლა­ზე ძვი­რა­დღი­რე­ბუ­ლი სახ­ლი მა­უ­ი­ზე ბე­ზო­სი შე­იძ­ლე­ბა იყოს 24-ე უმ­დიდ­რე­სი მი­წის მე­სა­კუთ­რე შე­ერ­თე­ბულ შტა­ტებ­ში, მაგ­რამ 2020 წლის მო­ნა­ცე­მე­ბით, მან და­ი­კა­ვა პირ­ვე­ლი ად­გი­ლი ყვე­ლა­ზე ძვი­რა­დღი­რე­ბუ­ლი სახ­ლე­ბის მფლო­ბე­ლებს შო­რის მა­უ­ი­ში, ჰა­ვა­ი­ზე.კუნ­ძულ­ზე შე­ძე­ნი­ლი 14 ჰექ­ტარ­ზე გა­შე­ნე­ბუ­ლი ქო­ნე­ბა 78 მი­ლი­ო­ნი დო­ლა­რი ღირ­და. რე­ზი­დენ­ცია მო­ი­ცავს 700 კვად­რა­ტუ­ლი ფუ­ტის ფარ­თო­ბის აუზს, რო­მე­ლიც გა­დაჰ­ყუ­რებს თეთ­რი ქვი­შის სა­ნა­პი­როს. სახ­ლე­ბი ე.წ. მი­ლი­არ­დე­რე­ბის ბუნ­კე­რი მა­ი­ა­მი­ში მო­გეხ­სე­ნე­ბათ, მა­ი­ა­მი­ზე, ერთ-ერთ კუნ­ძულ­ზე გან­თავ­სე­ბუ­ლია სა­ცხოვ­რებ­ლე­ბი, რომ­ლე­ბიც მსოფ­ლი­ო­ში ყვე­ლა­ზე ძვი­რა­დღი­რე­ბუ­ლი და და­ცუ­ლია, ამის გამო ამ ად­გილს "მი­ლი­არ­დე­რე­ბის ბუნ­კერს" უწო­დე­ბენ. კუნ­ძულ­ზე სულ რა­ღაც 42 ადა­მი­ა­ნი ცხოვ­რობს და იმი­თაა გა­მორ­ჩე­უ­ლი, რომ მხო­ლოდ უმ­დიდ­რე­სი ადა­მი­ა­ნე­ბი ფლო­ბენ აქ სახ­ლებსბე­ზოს­მა ახ­ლა­ხან იყი­და უახ­ლე­სი შეს­ყიდ­ვა სწო­რედ აქ გან­ხორ­ცი­ელ­და ფლო­რი­და­ში, კერ­ძოდ მა­ი­ა­მი­ში.მან ჯა­დოს­ნურ ქა­ლაქ­ში 2023 წელს ორი სახ­ლი იყი­და. პირ­ვე­ლად კუნ­ძულ კრიკ­ზე (ცნო­ბი­ლი, რო­გორც "მი­ლი­არ­დე­რე­ბის ბუნ­კე­რი") არ­სე­ბულ 2,8 ჰექ­ტა­რი მი­წის ნაკ­ვე­თის­თვის 68 მი­ლი­ო­ნი დო­ლა­რი და­ხარ­ჯა.სახ­ლი აშენ­და 1965 წელს და აქვს სამი სა­ძი­ნე­ბე­ლი, სამი სვე­ლი წერ­ტი­ლი, L- ფორ­მის ფრთა, კერ­ძო გზა და დიდი პარ­კინ­გი.მე­ო­რე შე­ნა­ძე­ნი თა­ნა­მედ­რო­ვე ხმელ­თა­შუა ზღვის სტი­ლის სახ­ლია, რო­მელ­შიც მან 79 მი­ლი­ო­ნი დო­ლა­რი გა­და­უ­ხა­და.სა­სახ­ლეს აქვს შვი­დი სა­ძი­ნე­ბე­ლი და 14 აბა­ზა­ნა, ასე­ვე მარ­მა­რი­ლოს ბუ­ხა­რი, თა­ღო­ვა­ნი ჭერი, სპი­რა­ლი­სებ­რი კიბე, ბუ­ხა­რი და ტოს­კა­ნუ­რი სტი­ლის სამ­ზა­რე­უ­ლო.2024 წლის აპ­რილ­ში, ბე­ზოს­მა კუნ­ძულ­ზე 90 მი­ლი­ონ დო­ლა­რად მე­სა­მე ქო­ნე­ბა იყი­და.წყა­რო

1745047620

ბილ გეიტსი, რომელიც პლანეტის ერთ-ერთი უმდიდრესი ადამიანია, უდიდესი ქველმოქმედის სიაშიც არის. ბილის მიერ Microsoft-ის დაფუძნებით დაგროვილი კაპიტალის უდიდეს ნაწილს ის “გეიტსების ფონდს” უტოვებს, რომელიც ყველაზე დიდი საქველმოქმედო ორგანიზაციაა მსოფლიოში და, უმეტესწილად, საყოველთაო ჯანდაცვის და დაავადებების აღმოფხვრის საკითხზე მუშაობს. გასულ წელს, ფონდის ბიუჯეტმა $8.6 მილიარდი, აქტივების მოცულობამ კი $77 მილიარდი შეადგინა. დროსთან ერთად, ბილ გეიტსი ფონდს უფრო და უფრო დიდ თანხებს შესწირავს.პარალელურად ამისა, საზოგადოებას ყოველთვის აინტერესებს, თუ რა თანხას უტოვებენ მილიარდერები მათ ოჯახს. ამ თემაზე, ბილ გეიტსმა ცოტა ხნის წინ ერთ-ერთ პოდკასტში ისაუბრა და განაცხადა, რომ თითოეულ შვილს მემკვიდრეობის სახით ერთ მილიარდ დოლარს დაუტოვებს, რაც მისი ჯამური ქონების 1%-ზე ნაკლებია. ამ გადაწყვეტილებას მილიარდერი შვილების მიერ საკუთარი გზის პოვნის აუცილებლობით ხსნის.“ჩემი აზრით, ეს საკითხი თითოეულმა ჩვენგანმა თავად უნდა გადაწყვიტოს. ჩემი შვილები კარგ გარემოში გაიზარდნენ და შესანიშნავი განათლება მიიღეს, მაგრამ თითოეულ მათგანს ჩემი ქონების ერთ პროცენტზე ნაკლებს ვუტოვებ, რადგან ვფიქრობ, რომ სხვა შემთხვევაში კარგ სამსახურს ვერ გავუწევ. ეს ხომ დინასტია არ არის და არც Microsoft-ის მართვას ვთხოვ, პირიქით, მინდა მივცე შანსი, დიდ შემოსავალს და წარმატებას თავად მიაღწიონ. მინდა, მნიშვნელოვანი ადამიანები იყვნენ და არ მოექცნენ იმ დიდი ბედისწერის ჩრდილში, რომელიც მე მხვდა წილად.ოჯახები ამ საკითხს განსხვავებულად უყურებენ. ადამიანები, რომელთაც ფული ტექნოლოგიებით იშოვეს, დინასტიების შექმნით ნაკლებად ინტერესდებიან და პირიქით, საკუთარი ფულის დიდ ნაწილს ქველმოქმედებას ახმარენ. აქ ორი მსოფლმხედველობაა — შეგიძლია გასცე გაპიტალი ან ამონაგები. მე, რასაკვირველია, ყველა ტიპის ფილანთროპია მიყვარს, მაგრამ ტექნოლოგიური სექტორი სავარაუდოდ ყველაზე მიმღებელია იმ იდეის, რომ ქონება სრულად უნდა გასცე”, — განაცხადა ბილ გეიტსმა რაჯ შამანის პოდკასტში.ბილ გეიტს სამი შვილი ჰყავს. უფროსი ჯენიფერ ქეთრინ გეიტსია, რომელიც პროფესიით ცხენოსანია, განათლებით კი ბიოლოგი და ექიმი. 2021 წლის ოქტომბერში, ჯენიფერ გეიტსი ეგვიპტური წარმოშობის ამერიკელ ცხენოსანზე, ნაიელ ნასარზე დაქორწინდა, ხოლო დღეს წყვილს ორი შვილი ჰყავს. ბილ გეიტსის სიძე გამორჩეული ათლეტია, რომელსაც არაერთი პრესტიჟული ჯილდო აქვს მოგებული.ბილ გეიტსის შუათანა შვილი მისი ერთადერთი ვაჟია, რომელსაც რორი ჯონ გეიტსი ჰქვია. მის დებთან, ჯენიფერთან და ფიბისთან შედარებით, რორი მეტად პირადულად ცხოვრობს და კამერებთან იშვიათად ჩნდება. ის “ჩიკაგოს უნივერსიტეტის” კურსდამთავრებულია, სადაც ინგლისური ფილოლოგია შეისწავლა.ბილ გეიტსის უმცროსმა ქალიშვილმა, ფიბი ადელ გეიტსმა გასულ წელს “სტენფორდის უნივერსიტეტი” დაამთავრა, აგრეთვე ბიოლოგიის მიმართულებით, მაგრამ მოგვიანებით ბიზნესში გადაეშვა და მდგრადი მოდის ბრენდი Phia დააფუძნა. მოგვიანებით, ფიბი გეიტსმა პოდკასტი დაიწყო, სახელწოდებით The Burnouts, რომელშიც ის მის ბიზნესპარტნიორთან ერთად სიმდიდრეში აღზრდის სირთულეებს განიხილავს… მემკვიდრეობის და სიმდიდრეში შვილების აღზრდის თემაზე, სხვათა შორის, რაჯ შამანის პოდკასტში გაკვრით ბილ გეიტსმაც ისაუბრა.“მნიშვნელოვანია, თქვენმა შვილებმა იგრძნონ სიყვარული, სითბო და ზრუნვა, რომელიც მათ მიმართ გაქვთ, ასე რომ თქვენი ფილოსოფიის წარმოჩენა ნაადრევი ასაკიდანვე არის აუცილებელი. აუცილებლად უნდა აუხსნათ, რომ თითოეულ მათგანს თანასწორად აღიქვამთ და უდიდეს შესაძლებლობებს მისცემთ, მაგრამ დასძინოთ, რომ ამ ფულის გამოყენების ყველაზე აღმატებული გზა — ყველაზე დიდი საჭიროებების წინაშე მყოფი ადამიანების დახმარებაზე გადის, ფონდის გავლით. “გეიტსების ფონდის” წარმატებას თავადაც ხედავენ და ამაყობენ კიდეც… იცით, მინახავს შემთხვევები, როცა შვილები მშობლებს სთხოვენ, ქველმოქმედებისთვის მეტი ფული გამოყონ. ახალი თაობის წარმომადგენლები, სხვათა შორის, საკმაოდ ხშირად ეწინააღმდეგებიან იდეას, რომ სიმდიდრე თაობიდან თაობას უნდა გადაეცემოდეს, მაგრამ ყველა ოჯახი თავისებურია”, — ამბობს ბილ გეიტსი რაჯ შამანის პოდკასტში.აქვე, ორიოდ სიტყვა ვთქვათ სხვა ქველმოქმედ მილიარდერებზე, რომლებიც პლანეტაზე, საბედნიეროდ, უხვად არიან. ამერიკული Forbes-ის დათვლებით, მსოფლიოს უდიდესმა ქველმოქმედებმა გასულ წელს სხვადასხვა პროექტებზე $150 მილიარდზე მეტი დახარჯეს. ამ სიაში პირველ ადგილს Berkshire Hathway-ის დამფუძნებელი, უორენ ბაფეტი იკავებს, რომელმაც ცხოვრების განმავლობაში ჯანდაცვის, განათლების და თანასწორობის განვითარებისკენ ორიენტირებულ ინიციატივებზე არასრული $57 მილიარდი დახარჯა. მეორე ადგილს ბილი და მელინდა გეიტსები იკავებენ, რომელთა ჯამური კონტრიბუცია $42.5 მილიარდია. მესამე ადგილს $21-მილიარდიანი კონტრიბუციით ჯორჯ სოროსი იკავებს, მეოთხეზე კი Bloomberg-ის დამფუძნებელს და ნიუ-იორკის ყოფილ მერს, მაიკლ ბლუმბერგს ვხვდებით, რომელმაც ცხოვრების განმავლობაში $17.4 მილიარდი გასცა. ხუთეულში ბოლო ადგილს ჯეფ ბეზოსის ყოფილი მეუღლე, მაკენზი სკოტი იკავებს, რომელმაც 2019 წლის შემდეგ ქველმოქმედებას $19 მილიარდზე მეტი მოახმარა.