1778400941
რა ქონებას ფლობს საქართველოს ელჩი ბელგიასა და EU-ში? - ვახტანგ მახარობლიშვილის დეკლარაცია
ბელგიასა და ლუქსენბურგში საქართველოს საგანგებო და სრულუფლებიან ელჩად და ევროკავშირთან ქვეყნის მისიის ხელმძღვანელად იმ დრომდე საგარეო საქმეთა მინისტრის პირველი მოადგილე და კარიერული დიპლომატი, 43 წლის ვახტანგ მახარობლიშვილი 2021 წლის 9 ივნისს დაინიშნა.
მახარობლიშვილმა თანამდებობაზე ნატალი საბანაძე შეცვალა, რომელიც პოსტზე თითქმის რვაწლიანი მუშაობის შემდეგ, მიმდინარე წლის 21 მარტს გადადგა. მისი წასვლა ევროპული საბჭოს პრეზიდენტის, შარლ მიშელის სპეციალური წარმომადგენლის, ქრისტიან დანიელსონის თბილისში პირველი ვიზიტის წარუმატებლად დასრულებას დაემთხვა.
ვახტანგ მახარობლიშვილმა, 2025 წლის 31 იანვარს ქონებრივი მდგომარეობის დეკლარაცია შეავსო. დოკუმენტი ასახავს როგორც მისი, ისე მეუღლისა და შვილების ქონებრივ და ფინანსურ მდგომარეობას.
დეკლარაციის მიხედვით, ვახტანგ მახარობლიშვილის ოჯახის წევრები არიან მეუღლე ანასტასია ანტონიუკი და ორი შვილი - დავით და ნინო მახარობლიშვილები.
უძრავი ქონება
დეკლარაციით ირკვევა, რომ ვახტანგ მახარობლიშვილი თბილისში მდებარე ბინისა (126.88 კვ.მ) და გარე ავტოსადგომის (12.5 კვ.მ) მფლობელია. ქონება 2007 წელს შეიძინა ნასყიდობის გზით, 30 000 და 5 000 აშშ დოლარად.
მეუღლე, ანასტასია ანტონიუკი, ფლობს ორ მიწის ნაკვეთს საგურამოს ტერიტორიაზე (თითო 2000-ზე მეტი კვადრატული მეტრი), რომელთა შეძენის ღირებულება 50 000–50 000 დოლარია. ანტონიუკის სახელზე ასევე რეგისტრირებულია ბინა და ავტოსადგომი თბილისში, მამარდაშვილის ქუჩაზე, რომელიც 2025 წლის 1 აპრილს უნდა ჩაჰბარდეს მფლობელს DOMUS Development-ისგან, რომელშიც 107 000 დოლარი გადაიხადა.
მოძრავი ქონება
მახარობლიშვილს ჰყავს მსუბუქი ავტომანქანა - Toyota Camry, რომელიც 2018 წელს 10 500 დოლარად შეიძინა. ანასტასია ანტონიუკის საკუთრებაა Nissan Rogue, შეძენილი 2017 წელს 8 000 დოლარად.
ფინანსური ანგარიშები
ელჩის სახელზე რამდენიმე საბანკო ანგარიშია რეგისტრირებული საქართველოსა და ბელგიაში. საქართველოში არსებული ანგარიშებზე თანხა დეკლარაციის შევსების მომენტში რამდენიმე ასეულ ლარსა და დოლარს არ სცდებოდა, მაშინ როცა ბელგიის ბანკებში განთავსებული თანხა ჯამში 14 800 ევროზე მეტია.
მეუღლესაც აქვს ანგარიში როგორც ეროვნულ, ისე უცხოურ ვალუტაში. „საქართველოს ბანკში“ არსებული ანაბრის ანგარიშზე 1000 აშშ დოლარი იყო განთავსებული.
ნაღდი ფული და შემოსავალი
დეკლარაციის თანახმად, ვახტანგ მახარობლიშვილს ნაღდ ფულად აქვს 2000 ლარი, მეუღლეს - 1000 ლარი.
ელჩის 2024 წლის ანაზღაურებადი შემოსავალი საგარეო საქმეთა სამინისტროში შეადგენდა 46 522.61 ევროს, ხოლო ანასტასია ანტონიუკის, რომელიც მოდელია სხვადასხვა ბრენდებიდან მიღებული შემოსავალი 10 565.65 ლარს.
საქმიანი ბიოგრაფია
- 06/2021 - დღემდე - საქართველოს საგანგებო და სრულუფლებიანი ელჩი ბელგიის სამეფოსა და ლუქსემბურგის დიდ საჰერცოგოში, ევროკავშირთან საქართველოს წარმომადგენლობის ხელმძღვანელი.
- 07/2019 - 2021 (09.06) - საქართველოს საგარეო საქმეთა მინისტრის პირველი მოადგილე.
- 11/2016 - 07/2019 - საქართველოს საგარეო საქმეთა მინისტრის მოადგილე.
- 05/2012 - 10/2016 - გაერთიანებული ერების ორგანიზაციასთან საქართველოს მუდმივი წარმომადგენლის მოადგილე, ამასთანავე, 2013 წლის თებერვლიდან ივლისის ჩათვლით - საქართველოს საქმეთა დროებითი რწმუნებული.
- 11/2009 - 05/2012 - საერთაშორისო ორგანიზაციების დეპარტამენტის დირექტორის მოადგილე, შემდეგ კი - დირექტორი.
- 10/2005 - 11/2009 - ბელგიის სამეფოსა და ლუქსემბურგის დიდ საჰერცოგოში საქართველოს საელჩოსა და ევროკავშირთან საქართველოს წარმომადგენლობის უფროსი მრჩეველი.
- 09/2004 - 10/2005 - ევროპულ საქმეთა და ევროინტეგრაციის დეპარტამენტის დირექტორის მოადგილე.
- 07/2004 - 09/2004 – ევროპულ საქმეთა და ევროინტეგრაციის დეპარტამენტის ევროინტეგრაციის სამმართველოს უფროსი.
- 08/2002 - 07/2004 - ევროკავშირთან ურთიერთობის დეპარტამენტის ევროკავშირთან პარტნიორობისა და თანამშრომლობის განხორციელების სამმართველოს უფროსი.
- 09/2001 - 08/2002 - ევროკავშირთან ურთიერთობის დეპარტამენტის პოლიტიკური ანალიზის, ევროკავშირთან პარტნიორობისა და თანამშრომლობის სამმართველოში მეორე მდივანი.
- 08/2000 - 09/2001 - საგარეო პოლიტიკის კვლევისა და ანალიზის ცენტრის ატაშე.
bm.ge
მსოფლიო
სხვადასხვა
1778476500
როგორი ამინდია მოსალოდნელი დღეს საქართველოშისინოპტიკოსების პროგნოზით, 11 მაისს საქართველოს უმეტეს ქალაქებში ღრუბლიანი, თუმცა თბილი ამინდია მოსალოდნელი. ტემპერატურა რამდენიმე ქალაქში +27 გრადუსს მიაღწევს. ზოგან მოსალოდნელია წვიმა.ამინდი ქალაქების მიხედვით:გაგრა +23 - უმეტესად ღრუბლიანისოხუმი +24 - უმეტესად ღრუბლიანიზუგდიდი +27 - უმეტესად ღრუბლიანიმესტია +13 - წვიმაფოთი +23 - უმეტესად ღრუბლიანიბათუმი +23 - მზიანიოზურგეთი +27 - უმეტესად ღრუბლიანიქუთაისი +28 - უმეტესად ღრუბლიანიამბროლაური +24 - წვიმაახალციხე +22 - წვიმაბორჯომი +19 - წვიმაბაკურიანი +16 - წვიმაგორი +24 - უმეტესად ღრუბლიანიცხინვალი +22 - უმეტესად ღრუბლიანისტეფანწმინდა +12 - მოღრუბლულიგუდაური +8 - წვიმათელავი +24 - უმეტესად ღრუბლიანირუსთავი +28 - მზიანითბილისი +26 - უმეტესად ღრუბლიანი
1778400787
McDonald's ირანის ომის გამო მომხმარებლებს კარგავს - კომპანიამ შესაძლოა, ფრენჩაიზების ქსელს გადახედოსირანის ომის გამო საწვავზე ფასების ზრდა არაპროპორციული ძალით მოქმედებს დაბალი შემოსავლის მქონე მომხმარებლებზე, რაც მათ McDonald's-ის შეკვეთებზე უარის თქმისკენ უბიძგებს.ამის შესახებ Reuters კომპანიის აღმასრულებელ დირექტორ კრის კემპჩინსკიზე დაყრდნობთ წერს.სააგენტოს შეფასებით, McDonald's, ისევე, როგორც სწრაფი კვების სხვა რამდენიმე ქსელი მეტად არის დამოკიდებული დაბალი შემოსავლის მქონე მომხმარებლებზე და სპეციალური შეთავაზებები აქვს, რომ შეზღუდული ფინანსური რესურსებით მეტი მომხმარებელი მიიზიდოს.„საწვავზე მაღალი ფასები არის მთავარი პრობლემა, რომელსაც ამჟამად ვაწყდებით… მაკროეკონომიკური გარემო ნამდვილად არ უმჯობესდება და შესაძლოა, ცოტათი გაუარესდეს კიდეც,“ - ამბობს კემპჩინსკი.მისი ცნობით, მცირდება მარჟაც, რადგან ინფლაცია კომპანიას აიძულებს, პროდუქტებზე, ქაღალდსა და საწვავზე მეტი დახარჯოს. კერძოდ, აშშ-ში გასულ წელთან შედარებით შედეგი 25%-ით შემცირდა და 59 მლნ დოლარს მიაღწია.კემპჩინსკი დასძენს, რომ McDonald's-მა შედეგების გასაუმჯობესებლად შესაძლოა, ფრენჩაიზების ქსელს გადახედოს.თუმცა, იმის მიუხედავად, რომ გაყიდვების ზრდა მოლოდინს ჩამორჩება, კომპანიის მთლიანმა შემოსავალმა პროგნოზირებულ 6.47 მლრდ დოლარს გადააჭარბა და 6.52 მლრდ დოლარი შეადგინა.გაყიდვების სუსტი კვარტალური ზრდა რესტორნების რამდენიმე სხვა ამერიკულმა ქსელმაც დააფიქსირა, როგორიც არის Shake Shack, Papa John's, Wingstop და Domino's. მიზეზად ირანში ომის გავლენა სახელდება.
1778218910
როგორი ამინდია მოსალოდნელი დღეს საქართველოში8 მაისს ქუთაისში მზიან ამინდს ელოდებიან, დღისით +22 და ღამით +9 გრადუსია მოსალოდნელი.ნალექს ელოდებიან ოზურგეთში. დღისით +21 გრადუსი დაფიქსირდება, ღამით კი +8 გრადუსი იქნება.ბათუმში უნალექო ამინდია. დღისით ჰაერი +20 გრადუსამდე გათბება, ხოლო ღამით +10 გრადუსი დაფიქსირდება.ფოთში დღისით +20 გრადუსი დაფიქსირდება, ღამით კი +10 გრადუსია მოსალოდნელი. იწვიმებს ზუგდიდშიც, დღისით ტემპერატურა +21, ღამით კი +8 გრადუსია ნავარაუდევი.სოხუმში მზიანი დღეა, +19 გრადუსია მოსალოდნელი დღისით, ღამით +9 გრადუსი დაფიქსირდება.მესტიაში წვიმაა ნავარაუდევი, დღისით +16 გრადუსი იქნება, ღამით კი +2 გრადუსი დაფიქსირდება. ამბროლაურშიც წვიმაა მოსალოდნელი, ჰაერი +18 გრადუსამდე გათბება, ღამით კი +5 გრადუსი დაფიქსირდება.ჭიათურაში მზიანი ამინდია, დღისით +20 გრადუსი, ღამით კი +6 გრადუსი დაფიქსირდება. ახალციხეშიც იწვიმებს, დღისით +20 გრადუსი, ღამით კი +2 გრადუსი იქნება.ახალქალაქში წვიმას ელოდებიან. ტემპერატურა დღისით +16, ღამით +1 დაფიქსირდება.ბორჯომშიც წვიმიანი დღეა, +18 იქნება დღისით, ღამით კი +5 გრადუსი დაფიქსირდება. ნალექია მოსალოდნელი ბაკურიანში, დღისით +13 გრადუსია მოსალოდნელი, ღამით -2 გრადუსი დაფიქსირდება.წვიმას ელოდებიან გორში, დღისით +20 გრადუსი, ღამის განმავლობაში კი +6 გრადუსი დაფიქსირდება. ცხინვალშიც ნალექიანი დღეა, ჰაერის ტემპერატურა +19 გრადუსი იქნება, ღამით კი +5 გრადუსი დაფიქსირდება.გუდაურში ნალექიანი ამინდია მოსალოდნელი, დღის განმავლობაში +8 გრადუსი დაფიქსირდება, ღამით კი ჰაერის ტემპერატურა -1 გრადუსი იქნება. ომალოში წვიმიანი დღეა, დღისით +12 ღამით კი 1 გრადუსი დაფიქსირდება.ლაგოდეხში წვიმას ელოდებიან. ჰაერის ტემპერატურა დღის განმავლობაში +21 გრადუსი იქნება, ღამით კი +10 გრადუსი დაფიქსირდება. წვიმა იქნება დღეს თელავში, +18 გრადუსი დაფიქსირდება, ღამით კი +8 გრადუსია ნავარაუდევი.წვიმა იქნება გურჯაანში, დღისით +19 გრადუსი, ღამით კი +9 გრადუსი დაფიქსირდება. სიღნაღში ნალექია მოსალოდნელი, დღისით +21 გრადუსია მოსალოდნელი, ღამით +10 გრადუსი დაფიქსირდება.რუსთავში ნალექია მოსალოდნელი, დღისით +22 გრადუსია მოსალოდნელი, ღამით კი +9 გრადუსი დაფიქსირდება.თბილისშიც წვიმაა მოსალოდნელი, ჰაერის ტემპერატურა დღისით +21 გრადუსს მიაღწევს, ღამით კი +9 გრადუსი იქნება.
1778140140
გარდაიცვალა CNN-ის დამფუძნებელი ტედ ტერნერი„სიენენის“ დამფუძნებელი ტედ ტერნერი 87 წლის ასაკში გარდაიცვალა.ტედ ტერნერი ცნობილია როგორც ადამიანი, რომელმაც სრულად შეცვალა ახალი ამბების გავრცელების ფორმატი. 1980 წელს მან დააარსა „სიენენი“ – მსოფლიოში პირველი 24-საათიანი საინფორმაციო არხი. ტერნერმა შექმნა მედია კომპანია Turner Broadcasting-ი, ფლობდა სპორტულ გუნდებს და აქტიურად იყო ჩართული ქველმოქმედებაში.ტედ ტერნერი ბოლო წლებში ჯანმრთელობის პრობლემებს ებრძოდა. 2018 წელს მან საჯაროდ განაცხადა, რომ ჰქონდა ნერვული სისტემის პროგრესირებადი დაავადება. მისი გარდაცვალების მიზეზი ოფიციალურად არ დასახელებულა.აშშ-ის პრეზიდენტმა, დონალდ ტრამპმა განაცხადა, რომ ტედ ტერნერი ყველა დროის უდიდესი ფიგურა იყო.„ტედ ტერნერი, ყველა დროის ერთ-ერთი უდიდესი ფიგურა, ახლახან გარდაიცვალა. მან დააარსა „სიენენი“, შემდეგ კი გაყიდა. ეს გარიგება პირადად მისთვის ძალიან მძიმე იყო, რადგან ახალი მფლობელების პირობებში მისი „შვილი“ გაანადგურეს. არხი გახდა ისეთი, რაც მის ხედვას საერთოდ არ შეესაბამებოდა. შესაძლოა, ახალმა მფლობელებმა შეძლონ მისი ძველი სანდოობისა და დიდების დაბრუნება. მიუხედავად ყველაფრისა, ის იყო სამაუწყებლო ისტორიაში ერთ-ერთი უდიდესი ფიგურა და ჩემი მეგობარი. როცა მჭირდებოდა, ყოველთვის ჩემ გვერდით იყო და მზად იყო ებრძოლა კარგი საქმისთვის!“ – წერს ტრამპი სოციალურ ქსელში.
1778129512
როგორი ამინდია მოსალოდნელი დღეს საქართველოშიგარემოს ეროვნული სააგენტოს ცნობით, დღეს საქართველოში ამინდი განპირობებული იქნება: ამიერკავკასიის ჩრდილოეთიდან მოქმედი გრილი და სამხრეთიდან გავრცელებული თბილი და ნოტიო ჰაერის მასების ურთიერთქმედებით.საქართველოში მოსალოდნელია: დროგამოშვებით ღრუბლიანობის მომატება.დღის მეორე ნახევრიდან უმეტეს რაიონში ხანმოკლე წვიმა და ელჭექი, აღმოსავლეთ საართველოში ზოგან შესაძლებელია ძლიერი და სეტყვა. იქროლებს დასავლეთის მიმართულების ზომიერი ქარი, ელჭექიის დროს შესაძლებელია ქარის გაძლიერება.სოხუმი: დღის მეორე ნახევარში წვიმა ელჭექით. ჰაერის ტემპერატურა: დღისით +17°;ბათუმი: დღის მეორე ნახევარშიწვიმა ელჭექით. ჰაერის ტემპერატურა: დღისით +18°;ქობულეთი: დღის მეორე ნახევარში წვიმა ელჭექით. ჰაერის ტემპერატურა: დღისით +18°;ქუთაისი: დღის მეორე ნახევარში წვიმა ელჭექით. ჰაერის ტემპერატურა: დღისით +20°;ზუგდიდი: დღის მეორე ნახევარში წვიმა ელჭექით. ჰაერის ტემპერატურა: დღისით +19°;ანაკლია: დღის მეორე ნახევარში წვიმა ელჭექით. ჰაერის ტემპერატურა: დღისით +17°;ოზურგეთი: დღის მეორე ნახევარში წვიმა ელჭექით. ჰაერის ტემპერატურა: დღისით +18°;ონი: დღის მეორე ნახევარში წვიმა ელჭექით. ჰაერის ტემპერატურა: დღისით +18°;გორი: დღის მეორე ნახევარში წვიმა ელჭექით. ჰაერის ტემპერატურა: დღისით +19°;ცხინვალი: დღის მეორე ნახევარში წვიმა ელჭექით. ჰაერის ტემპერატურა: დღისით +18°;თბილისი: დღის მეორე ნახევარში წვიმა ელჭექით. იქროლებს დასავლეთის მიმართულების ზომიერი ქარი, ელჭექიის დროს შესაძლებელია ქარის გაძლიერება. ჰაერის ტემპერატურა: +21°;მარნეული: დღის მეორე ნახევარში წვიმა ელჭექით. ჰაერის ტემპერატურა: დღისით +18°;რუსთავი: დღის მეორე ნახევარშიწვიმა ელჭექით. ჰაერის ტემპერატურა: დღისით +21°;ახალციხე: დღის მეორე ნახევარში წვიმა ელჭექით. ჰაერის ტემპერატურა: დღისით +17°;ბორჯომი: დღის მეორე ნახევარში წვიმა ელჭექით. ჰაერის ტემპერატურა: დღისით +15°;ბაკურიანი: დღის მეორე ნახევარშიე წვიმა ელჭექით. ჰაერის ტემპერატურა: დღისით +14;სტეფანწმინდა: დღის მეორე ნახევარში წვიმა ელჭექით. ჰაერის ტემპერატურა: დღისით +12°.
