1713170557
საპენსიო საკითხებზე ვაშაძის მოწყობილი აურზაური, წლობით აწყობილი სისტემის ნგრევისკენაა მიმართული - გიორგი ცუცქირიძე
ანალიტიკოსი გიორგი ცუცქირიძე სოციალურ ქსელში საპენსიო სესხების პროცენტზე გააქტიურებულ დისკუსიას ეხმაურება და აღნიშნავს, რომ რამდენიმე ოპოზიციური პარტია მუდმივად ცდილობს, სოციალური თემატიკის მანტია მოირგოს და პენსიონერების დამცველ უალტერნატივო მხარედ წარმოჩინდეს
"ოპოზიციის პოპულიზმი და ფეიკზე აგებული, რაც მთავარია კრეატივისაგან დაცლილი პოლიტიკა ყველაზე კარგად ბოლო ორმა არჩევნებმა დაადასტურა. განსაკუთრებით ბოლო ადგილობრივი არჩევნები იყო თავისებური ინდიკატორი, სადაც ოპოზიციამ და განსაკუთრებით ნაციონალების ფაქტიურად სატელიტებად ქცეულმა ოპოზიციამ, პარლამენტის საბოტაჟირებული ბოიკოტით ის შედეგიც კი ვერ გაიმეორა რაც საპარლამენტოზე ჰქონდათ. ეს თანაბრად ეხება ლელო საც, სტრატეგია აღმაშენებელსაც, და გირჩსაც.
ოპოზიციის ხალხის რეალურ მოთხოვნებთან და სოციალურ საკითხებთან სერიოზული აცდენა, "ნაციონალური დემოკრატიული ინსტიტუტის" იგივე ენ დე აის ბოლო კვლევამაც აჩვენა.
დღეს რამდენიმე ოპოზიციური პარტია მუდმივად ცდილობს, სოციალური თემატიკის მანტია მოირგოს და პენსიონერების დამცველ უალტერნატივო მხარედ წარმოჩინდეს, რაც ე.წ საპენსიო სესხების თემის აქტუალიზაციის მცდელობაში ვლინდება. ამ საკითხის პოპულიზმში ვაშაძე ჯუნიორმა, პარტია "მოქალაქეებსაც" კი გადაუსწრო.
დავიწყებ ტერმინოლოგიური საკითხით. ბუნებაში არანაირი საპენსიო სესხი არ არსებობს, მოქმედი საბანკო კანონმდებლობით ეს არის არაუზრუნველყოფილი სამომხმარებლო სესხი, რომელსაც კომერციული ბანკები გასცემენ სესხის ზომასთან შესაბამისი შემოსავლის საფუძველზე, იქნება ეს ხელფასი, პენსია თუ ფულადი გზავნილები და აქვე ხაზს ვუსვამ, იმისდა მიუხედავად თუ რომელ კომერციულ ბანკში ერიცხება აპლიკანტს შემოსავალი.
მსოფლიოს ბევრ ქვეყანაში ჩვენგან განსხვავებით კომერციულ ბანკებთან ერთად ფუნქციონირებს საფოსტო და შემნახველი ბანკებიც, რომლებიც კომერციული ბანკისაგან განსხვავებით არ ემსახურებიან მიმდინარე ანგარიშებს და სესხებსაც მის დეპოზიტარებზე გასცემენ, როგორც წესი შედარებით მცირე ზომის სამომხმარებლო სესხებს.
ამ ტიპის ბანკების დიდი ნაწილი სახელმწიფო ბანკებია და კომერციული ბანკებისაგან იმითაც განსხვავდებიან, რომ მათი მომსახურების ფიზიკური არეალი ქვეყნის მთელ ტერიტორიას ფარავს, მცირე დასახლებების ჩათვლით. შესაბამისად, ფისკალური ხარჯებიც ცენტრალური ან ადგილობრივი ბიუჯეტიდან იფარება.
რახან ლიბერთი ბანკზეა საუბარი, ეს არის უნიკალური შემთხვევა, როდესაც კომერციული ბანკი და ისიც ორდონიან საბანკო სისტემაში, სახელმწიფო ბანკების არარსებობისას სხვა კომერციული ბანკებისაგან განსხვავებით ფარავს რა ქვეყნის ტერიტორიის დიდ ნაწილს, ფილიალების და სერვის ცენტრების სახით, ყველა ხარჯს, დისტრიბუციის ხარჯების ჩათვლით თავად იხდის.
დისტრიბუციის ხარჯს რაც შეეხება, ფასწარმოქმნისას რაც უფრო მცირე ზომისაა სესხი, და რაც უფრო წვრილ თანხებად გაიცემა, რა თქმა უნდა ეს მოქმედებს ფასზე. შესადარებლად ერთ პირზე გაცემული 100 000 ლარიანი იპოთეკური სესხი, 1000 პირზე გასაცემი 1000 ლარიან სესხთან შედარებით, გაცილებით ნაკლებ დისტრიბუციის ხარჯს მოითხოვს, დროის და ადამიანური რესურსების თვალსაზრისითაც.
ამიტომაც არის, რომ მსხვილი იპოთეკური ან ბიზნეს სესხები უფრო დაბალ პროცენტში გაიცემა, ვიდრე მცირე, მით უმეტეს არაუზრუნველყოფილი სამომხმარებლო სესხები და მათი შედარება საშუალო საპროცენტო განაკვეთთან არარელევანტურია.
შესადარებლად, გაცილებით ზუსტ სურათს სხვა ბანკების მცირე მოცულობის 1000 დან 2000 ლარამდე სამომხმარებლო სესხების განაკვეთები გამოდგება, შესაბამისად, ლიბერთის სესხების არასაბაზრო განაკვეთზე, მით უმეტეს ექსკლუზიურობაზე აპელირება, კიდევ შეიძლებოდა, თუ ამ ტიპის სესხებზე ბანკის განაკვეთები უმეტესწილად საბაზრო განაკვეთებზე მაღალი იქნებოდა.
მაგრამ, ბაზარზე თუ უფრო მაღალი საპროცენტო განაკვეთებია და 1000-ლარიანი სესხი, რომ აიღოს ადამიანმა, თუ უფრო ძვირი უჯდება, ვიდრე ლიბერთიში სესხის აღება, მაშინ უბრალოდ გაუგებარია საერთოდ რომელ კონკურენციის გაუმჯობესებაზეა საერთოდ საუბარი, როდესაც პენსიონერებს დღესაც აქვთ საკრედიტო დავალიანებები სხვა ბანკებში, და შესაბამისად არც სესხის აღებაა პრობლემა, მით უმეტეს დღეს ბაზარზე ამ ტიპის სესხებზე მოქმედი 26 პროცენტიანი ნომინალური განაკვეთის 20 პროცენტზე ქვევით დაწევაზე რასაც ბატონი ვაშაძე ასერიგ ცდილობს დაგვარწმუნოს?
აბსოლუტურად პოპულისტურია მისი ახალი ინიციატივაც, რომლის თანახმადაც ძირითადი ურბანული დასახლებების გარდა, ანუ მცირე დაბებსა და დასახლებებში ბიუჯეტმა უნდა გადაიხადოს პენსიის დარიგების ღირებულება. ეს არის მორიგი ღია კარის მტვრევის მცდელობა, როგორც უკვე ავღნიშნე დღეს ყველა ხარჯს ლიბერთი ბანკი ფარავს და ბიუჯეტს პენსიის დარიგება არანაირ ტვირთად არ აწევს?!
საბოლოოდ მთელი ეს აურზაური, პირადი ქულების დასაწერად, მიმართულია არა არსებული მოდელის გასაუმჯობესებლად, არამედ უკვე წლობით აწყობილი და აპრობირებული სისტემის ნგრევისაკენ, ბიუჯეტისათვის დამატებითი სოციალური ხარჯების "აკიდებით", რაც არანაირ ლოგიკაში არ ჯდება, ვერც საპროცენტო განაკვეთებს შეამცირებს და ვერც რისკის ფასს დაწევს, რომელიც ამ ტიპის სესხებზე 60 წლის ზევით სიცოცხლის დაზღვევის არ არსებობის გამო, არის 5%, ნაცვლად საშუალო 2 % ისა, და ეს არის ბანკის ზარალი ფიზიკური პირის გარდაცვალებისას", - წერს სოციალურ ქსელში გიორგი ცუცქირიძე.
ენერგეტიკა
საზოგადოება
1713441331
ვერონაში ქართული ღვინის წარდგენა გაიმართავერონაში გამართულ გამოფენებში „Vinitaly” და „Orange Wine Festival” ქართული ღვინის მწარმოებელი ორი კომპანია და 25 საოჯახო მარანი მონაწილეობდა. ამის შესახებ ინფორმაციას გარემოს დაცვისა და სოფლის მეურნეობის სამინისტროს პრესსამსახური ავრცელებს. ქართული ღვინის საექსპორტო ბაზრების დივერსიფიკაციისა და პოპულარიზაციისთვის, აღნიშნულ გამოფენებში მონაწილეობა მნიშვნელოვანია, ვინაიდან აქ თავს იყრიან ღვინის პროფესიონალები და სავაჭრო სფეროს წარმომადგენლები მსოფლიოს სხვადასხვა ქვეყნიდან.„Vinitaly“ ვერონაში 1967 წლიდან ტარდება და ის არის ღვინისა და ალკოჰოლური სასმელების მსოფლიოში ერთ-ერთი ყველაზე მნიშვნელოვანი სავაჭრო გამოფენა, რომელიც ყოველწლიურად იმართება. წელს გამოფენაში მსოფლიოს 60-მდე ქვეყნის ათასამდე კომპანია მონაწილეობდა.ქარვისფერი ღვინოების გამოფენა „Orange Wine Festival“ წლის განმავლობაში რამდენიმეჯერ იმართება მსოფლიოს სხვადასხვა ქვეყანაში. წელს ვერონაში გამართულ ფესტივალში მონაწილეობდა ღვინის 87 მწარმოებელი მარანი მსოფლიოს 11 ქვეყნიდან: საქართველო, იტალია, ესპანეთი, საბერძნეთი, სლოვენია, საბერძნეთი, ავსტრია, სლოვაკეთი, ხორვატია, ბულგარეთი და ჩეხეთი.ღვინის ეროვნული სააგენტოს საქმიანობის ერთ-ერთ ძირითად მიმართულებას საერთაშორისო ბაზრებზე ქართული ღვინის პოპულარიზაცია და ცნობადობის ამაღლება წარმოადგენს. სააგენტო ქართული ღვინის პოპულარიზაციის ხელშეწყობის ფარგლებში, 2013 წლიდან, ბაზრების დივერსიფიცირების მიზნით, სარეკლამო-მარკეტინგულ კამპანიებს აშშ-ში, ევროპისა და სამხრეთ-აღმოსავლეთ აზიის ქვეყნებში ინტენსიურად ახორციელებს.
1713438117
რუსეთი NATO-ს ღვინოზე 200%-იანი საიმპორტო გადასახადის დაწესებას განიხილავსრუსეთის მრეწველობისა და ვაჭრობის სამინისტრომ NATO-ს ქვეყნებიდან ღვინის საიმპორტო გადასახადის გაზრდას მხარი დაუჭირა, თუმცა ბაჟის 200%-იან ოდენობას, რასაც მევენახეთა და მეღვინეთა ასოციაცია ითხოვს, განსახილველ საკითხად მიიჩნევს. ამის შესახებ მინისტრის მოადგილე ვიქტორ ევტუხოვმა განაცხადა.“რა თქმა უნდა, ჩვენ ამას მხარს ვუჭერთ, თუმცა გადასახადის 200%-მდე გაზრდა არის მაჩვენებელი, რომელიც ინდუსტრიასთან უნდა განიხილებოდეს. 200 იქნება თუ სხვა ციფრი, ბაჟის გაზრდა შეიძლება და უნდა გაიზარდოს კიდეც”, - ამბობს ევტუხოვი.ცნობისთვის: ადგილობრივი წარმოების გასაძლიერებლად NATO-ს ქვეყნებიდან ღვინის იმპორტზე 200%-იანი ბაჟის დაწესებას მევენახეთა და მეღვინეთა ასოციაციის თავმჯდომარე, დიმიტრი კისილოვი ითხოვს. ახლახან ვიცეპრემიერ ვიქტორია აბრამჩენკომ დაადასტურა, რომ მთავრობა ამ ინიციატივას ეკონომიკური განვითარების სამინისტროს საბაჟო-სატარიფო რეგულირების ქვეკომისიის ფარგლებში განიხილავს.თავის Telegram-არხზე აბრამჩენკო განმარტავს, რომ მეღვინეების წინადადება დაბალანსებულ მიდგომასა და ექსპერტების ჩართულობით ყოვლისმომცველ განხილვას მოითხოვს. მან ხაზგასმით აღნიშნა, რომ რუსული მეღვინეობა დაჩქარებული ტემპით ვითარდება და ღვინოზე შიდა მოთხოვნილება შიდა მწარმოებლებმა შესაძლოა, სრულად დააკმაყოფილონ.
1713436791
საზოგადოებრივი კვების 24 ობიექტში კრიტიკული შეუსაბამობები გამოვლინდამიმდინარე წლის I კვარტალში ჩატარებული შემოწმებების შედეგად სურსათის ეროვნულმა სააგენტომ, ქვეყნის მასშტაბით, საზოგადოებრივი კვების 24 ობიექტში კრიტიკული შეუსაბამობები გამოავლინა. სააგენტოს განცხადებით, შემოწმებისას განსაკუთრებული ყურადღება ექცევა სურსათის ეტიკეტირებას, მიკვლევადობას, სანიტარიულ-ჰიგიენურ ნორმებს, საფრთხის ანალიზისა და კრიტიკული საკონტროლო წერტილების (HACCP) სისტემის გამართულ ფუნქციონირებას.„სააგენტოს ინსპექტორებმა, სურსათის უვნებლობის სახელმწიფო კონტროლის წლიური პროგრამის ფარგლებში, მიმდინარე წლის პირველ კვარტალში საქართველოს მასშტაბით შეამოწმეს საზკვების 600-ზე მეტი ობიექტი, მათ შორის, თბილისში სახელმწიფო კონტროლი ჩატარდა 200-მდე ბიზნესოპერატორთან; 24 ობიექტში, მათ შორის თბილისში - 14-ში, გამოვლინდა კრიტიკული შეუსაბამობები - სანიტარიულ-ჰიგიენური ნორმების დარღვევა, არასათანადო რეცხვა-დეზინფექცია, ხორცი ჯანმრთელობის ნიშანდების გარეშე. გამოვლენილ დარღვევებზე გატარდა კანონით გათვალისწინებული ღონისძიებები, ბიზნესოპერატორები დაჯარიმდნენ და შეუჩერდათ საწარმოო პროცესი კრიტიკული შეუსაბამობების აღმოფხვრამდე.გარდა ამისა, დოკუმენტური შემოწმების შედეგად დაფიქსირდა ეტიკეტირების წესის დარღვევის შემთხვევები, ვადაგასული სურსათი; ბიზნესოპერატორებს დაევალათ შესაბამისი ღონისძიებების გატარება. მითითებების შესრულებასა და სურსათის განადგურებაზე ზედამხედველობა სააგენტოს ინსპექტორებმა განახორციელეს.სურსათის ეროვნული სააგენტო უწყვეტად ახორციელებს საზკვების ობიექტების კონტროლს მთელი საქართველოს მასშტაბით, მათ შორის, ტურისტებით დატვირთულ რეგიონებში. შედეგების შესახებ საზოგადოება რეგულარულად არის ინფორმირებული“, - აღნიშნულია სეს-ის მიერ გავრცელებულ ინფორმაციაში.
1713431410
„თბილისსა და ზოგიერთ რეგიონში ჰაერში ფიქსირდება მყარი ნაწილაკების შემცველობის მატება“ - გარემოს ეროვნული სააგენტოგარემოს ეროვნული სააგენტოს ინფორმაციით 18 აპრილიდან დედაქალაქში და საქართველოს ზოგიერთ რაიონში ატმოსფერულ ჰაერში ფიქსირდება მყარი ნაწილაკების (PM10, PM2.5) შემცველობის მატება, რაც ძირითადად ტრანსსასაზღვრო დაბინძურებას უკავშირდება და სამხრეთიდან, სამხრეთ-დასავლეთიდან და სამხრეთ-აღმოსავლეთიდან უდაბნოს მტვრის მასების გავრცელებით არის განპირობებული. „აღსანიშნავია, რომ ტრანსსასაზღვრო დაბინძურება წლის განმავლობაში გარკვეულ დღეებში ფიქსირდება ანალოგიური სინოპტიკური სიტუაციის დროს.საქართველოს გარემოს დაცვისა და სოფლის მეურნეობის სამინისტროს სსიპ გარემოს ეროვნული სააგენტო აგრძელებს ატმოსფერული ჰაერის ხარისხის უწყვეტ მონიტორინგს ავტომატური სადგურების საშუალებით. ნებისმიერ დაინტერესებულ პირს შესაძლებლობა აქვს გაეცნოს ინფორმაციას ჰაერის ხარისხის მდგომარეობის შესახებ და მიიღოს ჯანდაცვითი რეკომენდაციები ატმოსფერული ჰაერის ხარისხის პორტალზე“, - ნათქვამია სააგენტოს მიერ გავრცელებლ ინფორმაციაში.
1713426780
მარნეულის საკრებულოს ახალი, ₾2.1 მლნ-იანი შენობა ექნებამარნეულის საკრებულოს ახალი ადმინისტრაციული შენობის მშენებლობა 2024 წლის 1-ელი ივლისიდან დაიწყება და 720 კალენდარული დღის განმავლობაში დამთავრდება - ამის შესახებ სატენდერო დოკუმენტაციაშია მითითებული.შესყიდვის ჯამური ღირებულება 2.156 მლნ ლარია. შენობა 4 სართულს და სარდაფს უნდა მოიცავდეს.ტექნიკურ ეკონომიკური მაჩვენებლები კი, შემდეგია: მიწის ნაკვეთის ფართობი: 392 მ2; განაშენიანების ფართობი: 1735.5მ2;საერთო ფართობი: 1355.1 მ2; აქედან, საოფისე ფართობი, 882.2 მ2; საზაფხულო ფართობი 144.6 მ2; სარდაფის ფართობი 281.5 მ2; შენობის კონსტრუქციის სიმაღლე: 18.15მ. ტენდერში შპს მშენ-სერვისმა გაიმარჯვა, რომლის წილის 100%-ს ლევან შარაშენიძე ფლობს, დირექტორი კი, რამაზ შარაშენიძეა.აქამდე, კომპანიას საერთო ჯამში 7 მლნ ლარის 20 ტენდერი აქვს მოგებული.
