• Ƀ/$

Amazon-ის პირველი სუპერმარკეტი სალაროების გარეშე

22 იანვარი 10:52, 2018 წელი | კომპანიები

ინტერნეტგიგანტის Amazon-is პირველი „ოფლაინ“ სუპერმარკეტი, რომელშიც არ არსებობს ტრადიციული სალაროები, დღეს აშშ-ის ქალაქ სიეტლში გაიხსნება.

სუპერმარკეტში, რომელსაც Amazon Go ეწოდება, მომხმარებლები სასურველ პროდუქციას კალათებში ჩაალაგებენ, რის შემდეგაც გადიან სავაჭრო ობიექტიდან, ხოლო გადასახდელი თანხა ავტომატურად ჩამოიჭრება მყიდველების ანგარიშებიდან, რომლებიც Amazon–ზე აქვთ გახსნილი. გარდა ამისა, თითოეულ თაროზე სასწორებია დამონტაჟებული, რომლებიც მოხსნილ პროდუქტიაც დაარეგისტრირებენ.


მაღაზიაში შესასვლელად აუცილებელია მობილური აპლიკაციის ჩამოტვირთვა.  მარკეტში შესვლისა და გამოსვლის დროს საჭიროა ტელეფონის სკანირება სპეციალურ ტურნიკეტზე. პროდუქციის არჩევის შემდეგ მომხმარებელმა ყველაფერი უნდა გაატაროს კოდის წამკითხველზე, ან მსგავს მოწყობილობაზე.


Amazon–ში ამტკიცებენ, რომ მარკეტში ვაჭრობის დროს არ გამოიყენება სახეების ამოცნობის სისტემა. ამერიკული მედიის წარმომადგენლებმა, რომლებიც მარკეტს ოფიციალურ გახსნამდე ეწვივნენ, განაცხადეს, რომ ინტერიერში ათობით სათვალთვალო კამერაა დამონტაჟებული.


სხვა სიახლეები