მეწარმეებს საავანსო გადასახადები გაუუქმდებათ. განცხადება ამის შესახებ ფინანსთა მინისტრმა მამუკა ბახტაძემ გააკეთა.
მინისტრის ცნობით, აღნიშნულის შესახებ 22 თებერვლიდან მეწარმეებთან შეხვედრები დაიწყება.
მინისტრმა დაგეგმილი საკანონმდებლო ცვლილებები კიდევ ერთხელ გაიხსენა, რომლის მიხედვითაც მცირე მეწარმეებზე ბრუნვის გადასახადი 5-დან 1%-მდე მცირდება. მცირე ბიზნესად კი ჩაითვლება ის კომერციული საქმიანობა, რომლის ბრუნვაც წელიწადში 500 000 ლარზე ნაკლებია, ნაცვლად არსებული 100 000 ლარისა. რეფორმით 120 000-მდე ადამიანი, მცირე მეწარმეთა თითქმის 100% ისარგებლებს.
უზენაეს სასამართლოში მოსამართლეთა უვადოდ დანიშვნის შესახებ შეერთებული შტატების საელჩო განცხადებას ავრცელებს და წუხილს გამოთქვამს იმის შესახებ, რომ დამტკიცებული მოსამართლეებიდან ნაწილის კომპეტენცია და მიუკერძოებლობა საეჭვოა.
გეგმიურ-პროფილაქტიკური სამუშაოების ჩატარების გამო 13 დეკემბერს თბილისის უბნების ნაწილს ელექტრომომარაგება დროებით შეეზღუდება. კონკრეტული უბნების ჩამონათვალს და დეტალურ ინფორმაციას თელასი ავრცელებს.
ევროპის ოლიმპიურმა კომიტეტმა ბორჯომი და ბაკურიანი ოფიციალურად დაარეგისტრირა როგორც 2025 წლის ევროპის ზამთრის ახალგაზრდული ოლიმპიური ფესტივალის მასპინძლობის კანდიდატი ქალაქები.
უდიდესი არაბული სახელმწიფო ნავთოკომპანია Saudi Aramco ბირჟაზე გავიდა. ვაჭრობის შედეგად 1 აქციის ფასმა 32-დან 35.2 რიალამდე მოიმატა, თავად კომპანიის კაპიტალიზაციამ კი $1.7 ტრლნ-დან 1.88 ტრლნ-მდე.
12 დეკემბერის ვაჭრობის შედეგად აშშ დოლარი გაუფასურდა და 2.8661 ლარი შეადგინა. კურსი, რომელიც
დღეს მოქმედებდა, 2.8896 ლარი იყო. შესაბამისად, დოლარის ცვლილებამ ეროვნულ ვალუტასთან
მიმართებაში 2.35 თეთრი შეადგინა.
საბანკო ექსპერტი გიორგი ცუცქირიძე ლარის გამყარებას აფასებს და მას მაკროეკონომიკური გარემოს გაუმჯობესებას უკავშირებს.
ანკარა ტრიპოლისთან გაფორმებული ურთიერთგაგების მემორანდუმის რეგისტრირებისთვის გაეროს მიმართავს.
კიევში საქართველოს, უკრაინის, აზერბაიჯანისა და მოლდოვის ლიდერები შეიკრიბნენ, რომლებიც დემოკრატიისა და ეკონომიკური განვითარების ორგანიზაცია - სუამ-ის სამიტს დაესწრებიან.
კრწანისის რაიონს სამი რეკრეაციული სივრცე შეემატა. ერთი ფონიჭალაში, სადგურის ქუჩის N57-ის მიმდებარედ, მეორე - გორგასლის ქუჩის N75-ის მიმდებარედ, ხოლო მესამე - ამავე ქუჩის N39-თან, ნაგავსაყრელად გამოყენებულ ტერიტორიაზე განთავსდა.
ამერიკულმა ჟურნალმა The National Interest მსოფლიოში უმსხვილესი სამხედრო საზღვაო ფლოტების მქონე ქვეყნები დაასახელა. ხუთეულში აშშ და რუსეთი მოხვდნენ.
