სოფლის მეურნეობა
თხილი
რამდენით დაუფინანსებს სახელმწიფო სესხს ერთწლიანი კულტურებისა და თხილის მსხვილ მწარმოებლებს?

გარემოს დაცვისა და სოფლის მეურნეობის მინისტრის, ოთარ შამუგიას განცხადებით, სახელმწიფო ფერმერებს ერთწლიანი კულტურების მოსაყვანად მაქსიმუმ 100 ათას ლარიან სესხს, ხოლო თხილის მსხვილ მწარმოებლებს 300 ათასი ლარის ოდენობის სესხს დაუფინანსებს.ამის შესახებ შამუგიამ ჟურნალისტებს მთავრობის სხდომის დასრულების შემდეგ განუცხადა.„შეღავათიანი აგროკრედიტის პროექტში ცვლილებებია. ჩვენ წელსაც, როგორც გასულ წელს, ფერმერებს, რომლებიც დაკავებულები არიან ერთწლიანი კულტურების მოყვანით, მივცემთ საშუალებას აიღონ სესხი. ეს სესხი იქნება კულტურების მოსაყვანად, საბრუნავი სახსრების სახით და დავუფინანსებთ ერთი წლის განმავლობაში 9%-ის ოდენობით საპროცენტო განაკვეთს, სესხის მაქსიმალური ოდენობა იქნება 100 ათასი ლარი. მნიშვნელოვანია, რომ ჩვენ მხარში დავუდგეთ ფერმერებს ამ ნაწილში, ერთწლიანი კულტურების მოვლა - მოყვანაში საჭირო ხარჯების დაფინანსებაში. აქვე, მინდა აღვნიშნო, რომ პროგრამა გაითვალისწინებს თხილის მწარმოებელი ფერმერებისთვის მხარდაჭერასაც. იცით, რომ ვეხმარებით ფერმერებს სუბსიდიის სახით ერთ ჰექტარზე 500 ლარით, ვისაც აქვს, არაუმეტეს, 3 ჰექტრის ოდენობის თხილის ბაღი, ეს პროგრამა კი გაითვალისწინებს უფრო დიდი ფართობების მქონე ფერმერებისთვის მხარდაჭერას, სესხის საპროცენტო განაკვეთის სუბსიდირების სახით და აქ სესხის მაქსიმალური ლიმიტი იქნება 300 ათასი ლარი ერთ ბენეფიციარზე“, - განაცხადა შამუგიამ.

1711543300

1710763935

საქართველოში უკანონო ნადირობის 700-მდე ფაქტი გამოვლინდა

ნადირობის სეზონი დასრულდა, თუმცა გასული წლების მსგავსად სექტორში გამოწვევები მრავლადაა, სამონადირეო მერნეობების ფინანსური პრობლემების გარდა, დარღვევების არაერთი შემთხვევა ფიქსირდება, რაც ძირითადად აკრძალული იარაღით ან და აკრძალულ სახეობებზე ნადირობას, მომზიდავი ელექტონული მოწყობილობების გამოყენებას და სალიცენზიო პირობების დარღვევას უკავშირდება.საქართველოში სულ 13 სამონადირეო მეურნეობა არსებობს, ხოლო გასულ სეზონზე, უკანონო ნადირობის 700-მდე შემთხვევა დაფიქსირდა, აქედან 4 სისხლის სამართლის დანაშაულად კვალიფიცირდა, დანარჩენი კი ადმინისტრაციულ სამართალდარღვევად. ამასთან, აღსანიშნავია, რომ აკრძალული იარაღით ნადირობის 344 ფაქტია გამოვლენილი.გარემოსდაცვითი ზედამხედველობის დეპარტამენტის მიერ მოწოდებული სტატისტიკა, რომელიც 2023 წლის 19 აგვისტოდან 2024 წლის 1 მარტის ჩათვლით პერიოდს მოიცავს, ასე გამოიყურება:🔵 სულ, სამართალდარღვევების რაოდენობა -  691🔵 უკანონო ნადირობა (სისხლის სამართალი)  - 4🔵 ნადირობა აკრძალული იარაღით, მეთოდით ან საშუალებით - 344🔵 ნადირობა გადამფრენ ფრინველებზე მოსაკრებლის გარეშე - 214🔵 ნადირობა გადამფრენ ფრინველებზე ქალაქის ან მუნიციპალიტეტის ტერიტორიაზე - 10🔵 იმ სახეობაზე ნადირობა, რომელზეც აკრძალულია - 27🔵 ნადირობა აკრძალული იარაღით, მეთოდით ან საშუალებით - 92🔵 ჩამორთმეული ე.წ. მანოკების რაოდენობა - 372🔵 ჩამორთმეული სანადირო თოფების რაოდენობა - 141გარემოსდაცვითი ზედამხედველობის დეპარტამენტის ბიომრავალფეროვნების კონტროლის სამსახურის უფროსი, მაია ჩხობაძე „ბიზნესპარტნიორთან”  აცხადებს, რომ დეპარტამენტი საქართველოს მთელ ტერიტორიაზე ახდენს კონტროლს და სამწუხაროდ სამართალდარღვევის ფაქტები საკმაოდ ხშირია.„დეპარტამენტმა გააძლიერა მუშაობა, არა მხოლოდ ადამიანური რესურსით, არამედ მონიტორინგის პროცესში სმარტ ტექნოლოგიების გამოყენებით. თუ გადავხედავთ, ძირითადად სამონადირეო მეურნეობები კახეთში, ქვემო ქართლში, მცხეთა-მთიანეთში, ქარელსა და რაჭაშია. ამ ტერიტორიებზე თუ კარგად განვითარდება სამონადირეო ტურიზმი და სამონადირეო მეურნეობაშიც სწორად წარიმართება პროცესები, აქ განვითარებული ეკოტურიზმი საკმაოდ კარგი შემოსავლის მომტანი შეიძლება იყოს ქვეყნისთვის”, -აცხადებს მაია ჩხობაძე.ცნობისთვის, სამონადირეო მეურნებაში დაშვებულია მხოლოდ ცხოველებზე ნადირობა, მის გარეთ კი გადამფრენ ფრინველზე, მონადირეს სეზონის მანძილზე მხოლოდ 10 ლარიანი ქვითრის შეძენა უწევს.სამონადირეო მეურნეობების შექმნის მიზანი გარეულ ცხოველთა სახეობების დაცვა, გამრავლება, მათი საბინადრო პირობების უზრუნველყოფა და ორგანიზებული ნადირობის დაგეგმვაა.

1710313506

ხე-ტყის უკანონო ჭრისათვის სასჯელი გამკაცრდება - პრემიერი სისხლის სამართლის კოდექსში ცვლილებების საჭიროებაზე

ხე-ტყის უკანონო მოპოვებისთვის სისხლის სამართლის პასუხისმგებლობა მკაცრდება - ამის შესახებ პრემიერმა დღეს, 11 მარტს გამართულ მთავრობის სხდომაზე განაცხადა.ირაკლი კობახიძის თქმით, ეს არ არის უფრო ნაკლები დანაშაული, თუ სხვა მძიმე დანაშაულებთან შევადარებთ."რამდენიმე ადამიანმა მომმართა მე პირადად ამ საკითხზე. იყო ინფორმაცია, რომ კონკრეტულ რეგიონებსა და ხეობებში იჭრება ტყეები. მე არ მაქვს კონკრეტული მტკიცებულებები და ვერ ვიტყვი, რამდენად მართალია ეს ინფორმაციები, მაგრამ ჩვენ გვჭირდება მაქსიმალური ყურადღება იმისთვის, რომ მოხდეს ასეთი შესაძლო დანაშაულების პრევენცია. მე მინდა, რომ [გარემოს დაცვისა და სოფლის მეურნეობის] სამინისტრომ და ძალოვნებმა შესაბამისი ყურადღება დაუთმონ ამ საკითხს. ძალიან მძიმე დანაშაულია ხე-ტყის უკანონო მოპოვება. არა ნაკლებ მძიმე დანაშაულია, სხვა მძიმე დანაშაულებს, რომ შევადაროთ, იქიდან გამომდინარე რომ ნადგურდება სტრატეგიული რესურსი ჩვენი მომავალი თაობებისთვის.აქედან გამომდინარე, უნდა შევიმუშაოთ სისხლის სამართლის კოდექსში ცვლილებები, რომლის საფუძველზეც გამკაცრდება სასჯელები დიდი ოდენობით ხე-ტყის უკანონო ჭრასთან დაკავშირებით. ამ კანონპროექტზე მუშაობას დაუყოვნებლივ დავიწყებთ", - განაცხადა პრემიერმა.შეგახსენებთ, ხე-ტყის უკანონო მოპოვებისთვის სასჯელი ბოლოს, 2018 წელს გამკაცრდა. მაშინ, ცვლილებები შევიდა როგორც სისხლის, ასევე ადმინისტრაციული სამართალდარღვევის კოდექსშიც. 

1709812585

საქართველოში ჭიაყელების ბიო-ფერმა ამოქმედდება - „მოთხოვნა წარმოებაზე 10-ჯერ მეტია“

„მოთხოვნა წარმოებაზე 10-ჯერ მეტია“ - როგორც კომპანია „მაკრო პრიმის“ დამფუძნებელი, გურამ გეჯაძე „ბიზნესპრესნიუსთან“ აცხადებს, ეკოლოგიურად სუფთა ორგანულ სასუქზე მოთხოვნა ძალიან გაზრდილია და ის ადგილობრივი ბაზრის მოთხოვნის დაკმაყოფილებას ვერ ასწრებს.გურამ გეჯაძე: წლიურად დაახლოებით 150 ტონა სასუქს ვაწარმოებთ. წლიდან წლამდე მოთხოვნა მკვეთრად მატულობს. წელს მაგალითად, მოთხოვნა წარმოებაზე 10-ჯერ მეტია, ამიტომ ექსპორტზე გატანა ჯერჯერობით არც კი მოიაზრება.სასუქის რეალიზაცია ხდება როგორც ქსელურ მაღაზიებში - „კარფურში“, „გორგიაში“, „დომინოში“, ისე ფერმერებთან. 1 კილოგრამი მყარი სასუქი 1,2 ლარი ღირს, ხოლო თხევადი - 6 ლარი. მაღაზიებში კი ფასი განსხვავებულია. გურამ გეჯაძე ამბობს, რომ ამ ეტაპზე ჰყავს ჭიაყელების გარკვეული რაოდენობა, რომლებიც სასუქის წარმოებისთვის გამოიყენება, მაგრამ სამომავლოდ ჭიაყელების ბიო-ფერმის გაკეთებას გეგმავს.„ჭიაყელებით ცილის, პროტეინის წარმოება მოხდება, როგორც საკვები დანამატი მეცხოველეობაში. როგორც კი რაღაც მასშტაბზე გავალ, რომ გამოიხშიროს, ფერმას აუცილებლად გავაკეთებ“ - ამბობს ის.ჭიაყელების მიერ გადამუშავებული მსხვილფეხა პირუტყვის ფერმენტირებული ნაკელი უნიკალური პროდუქტია, რომლის ინტენსიური გამოყენება აღადგენს გამოფიტულ და ქიმიურად დაბინძურებულ ნიადაგს და მნიშვნელოვნად ზრდის მოსავლიანობას. ასეთი სასუქის გამოყენებით ეკოლოგიურად სუფთა საკვები პროდუქტი მიიღება.„მაკრო პრიმმა“ წარმოება 2011 წლიდან დაიწყო. საწარმო გარდაბნის რაიონის სოფელ კრწანისში მდებარეობს.


სხვა სიახლეები
Georgian Airways
Georgian Airways-ი გერმანიაში, ეროვნული ნაკრების თამაშებზე დასწრების მსურველებისთვის სპეციალურ პირდაპირ ფრენებს შეასრულებს

Georgian Airways-ი გერმანიაში, ეროვნული ნაკრების თამაშებზე დასწრების მსურველებისთვის ჩარტერულ რეისებს შეასრულებს, - ამის შესახებ ინფორმაციას ავიაკომპანია სოციალურ ქსელში ავრცელებს.„ჯორჯიან ეარვეისი“ შეასრულებს სპეციალურ პირდაპირ ფრენებს თბილისიდან გერმანიის იმ ქალაქებში, სადაც გაიმართება საქართველოს საფეხბურთო ეროვნული ნაკრების თამაშები ევროპის ჩემპიონატზე იმისთვის, რომ რაც შეიძლება მეტმა გულშემატკივარმა შეძლოს მატჩებზე დასწრება. პირდაპირი რეისები შესრულდება მგზავრებისთვის მატჩებზე დასასწრებად კომფორტულ დროს“, - აღნიშნულია ინფორმაციაში.ამასთანავე, პირდაპირი ფრენები შესრულდება შემდეგი განრიგით: 🔵 თბილისიდან დორტმუნდში 17 ივნისს (გამოფრენა დორტმუნდიდან თბილისში 19 ივნისს);🔵 თბილისიდან ჰამბურგში - 21 ივნისს (გამოფრენა ჰამბურგიდან თბილისში 23 ივნისს);🔵 თბილისიდან დუსელდორფში 25 ივნისს (გამოფრენა დუსელდორფიდან თბილისში 27 ივნისს).ამასთანავე, ავიაბილეთების გაყიდვა დაიწყება 1 აპრილიდან, ავიაკომპანიის ვებ-გვერზე, გაყიდვების ოფისებსა და პარტნიორ სააგენტოებში.

საზოგადოება 1711707174

მიგრანტები
სამ თვეში ევროპაში 34 612 მიგრანტი ჩავიდა - რა გზას ირჩევენ მიგრანტები ევროპაში მოსახვედრად

მიგრანტთა საერთაშორისო ორგანიზაციის ინფორმაციით, 2024 წლის 26 მარტის მონაცემებით, ევროპაში 34,612 მიგრანტი ჩავიდა. აღსანიშნავია ისიც, რომ ამავე პერიოდში 553 მიგრანტი დაიკარგა ან გარდაიცვალა.მიგრანტები მიმდინარე წლის პირველი სამი თვის განმავლობაში ყველაზე ხშირად საზღვაო გზას ირჩევდნენ. ჯამში, საანგარიშო პერიოდში, ევროპაში ზღვით 33 144 მიგრანტი ჩავიდა, ხოლო ხმელეთით 1 468.საანგარიშო პერიოდში ევროპაში ყველაზე მეტი მოქალაქე შემდეგი 10 ქვეყნიდან მიდიოდა: 🔵 მალი - 4 302 მიგრანტი🔵 სენეგალი - 1 287 მიგრანტი🔵 ბანგლადეში - 1 232 მიგრანტი🔵 სირიის არაბთა რესპუბლიკა - 1 100 მიგრანტი🔵 მავრიტანია - 1 001 მიგრანტი🔵 მაროკო - 908 მიგრანტი🔵 ტუნისი - 699 მიგრანტი🔵 ეგვიპტე - 513 მიგრანტი🔵 ალჟირი - 371 მიგრანტი🔵 პაკისტანი - 273 მიგრანტირაც შეეხება გასულ წელს, ევროპაში 292,985 მიგრანტი ჩავიდა, აქედან 4,064 დაიკარგა ან დაიღუპა. აღსანიშნავია ისიც, რომ ევროპაში მიგრანტთა მოცემული რაოდენობა 2016 წლის შემდეგ ყველაზე მაღალი მაჩვენებელია. 2023 წელს ევროპაში ყველაზე ხშირად შემდეგი ქვეყნის მოქალაქეები მიდიოდნენ: სირიის არაბული რესპუბლიკა, მაროკო, სენეგალი, გვინეა, კოტ-დ'ივუარი, ავღანეთი, ტუნისი, ბანგლადეში და ეგვიპტე. აღსანიშნავია ისიც, რომ ამ პერიოდში 27 857 მიგრანტის ეროვნება იდენტიფიცირებული არ არის.

საზოგადოება 1711705361

ტურა და მგლი
საქართველოში ტურებისა და მგლების დათვლის ტენდერი ჩავარდა

პრეტენდენტების არარსებობის გამო, საქართველოში ტურებისა და მგლების დათვლის ტენდერი ჩავარდა.შეგახსენეთ, რომ ტურის და მგლის პოპულაციების არეალის, რიცხოვნობის შეფასებისა და კლიმატის ცვლილების ფონზე მათი მართვის გეგმების შემუშავებისთვის 355 000 ლარიანი ტენდერი იყო გამოცხადებული. კვლევის შედეგად კი უნდა დადგენილიყო/დაზუსტებულიყო ტურის და მგლის პოპულაციების არეალი, რიცხოვნობა და მათი გავლენა ველურ ბუნებაში არსებულ სხვა სახეობებზე.ტენდერის თანახმად, ევროკავშირთან გაფორმებული ასოცირების შეთანხმების შესაბამისად, საქართველომ აიღო ვალდებულება მოახდინოს ეროვნული კანონმდებლობის ჰარმონიზება მდგრადი განვითარების მიზნებთან (SDG 15) და ევროკავშირის დირექტივებთან.პროექტი ქალაქებსა და მუნიციპალიტეტში უნდა განხორციელებულიყო, სადაც გახშირებულია ცხოველთა თავდასხმები, ან/და შეიმჩნევა მათი რიცხოვნობის ზრდა; ასევე იქ, სადაც ადგილი აქვს ტურების და მგლების მაღალი დონის ზეწოლას სხვა სახეობების (ბუნებრივი მსხვერპლი სახეობები) პოპულაციებზე. მოპოვებული ინფორმაციის განზოგადება/მოდელირება კი სხვა მუნიციპალიტეტებში არსებულ მდგომარეობასთან უნდა მომხდარიყო.ტენდერში მონაწილეობის მიღების მსურველებს ტურისა და მგლის მონიტორინგის სფეროში მუშაობის მინიმუმ 5-წლიანი გამოცდილება უნდა ჰქონოდათ. 

საზოგადოება 1711700256

18-მეტრიანი ავტობუსი
მარშრუტები, რომლებსაც ხვალიდან ახალი ავტობუსები დაემატება - შემცირდება მოლოდინის დრო

დედაქალაქში მოქმედ მუნიციპალური ტრანსპორტის ხუთ მარშრუტს 30 მარტიდან ავტობუსები დაემატება და მოცდის ინტერვალი შემცირდება - ამის შესახებ ინფორმაციას თბილისის მერია ავრცელებს.ავტობუსების რაოდენობა N309, N310, N370, N381 და N388 მარშრუტებზე იზრდება. პირველი ორი მარშრუტის შემთხვევაში, მოლოდინის დრო შემცირდება 8 წუთამდე, N370-ზე - 15 წუთამდე, N381-ზე - 17 წუთამდე, ხოლო N388-ზე - 10 წუთამდე.აღსანიშნავია, რომ მას შემდეგ, რაც დედაქალაქის მოსახლეობას 50 ერთეული 18-მეტრიანი ავტობუსი ემსახურება, გამოთავისუფლებული რესურსი სწორედ იმ მარშრუტებზე ნაწილდება, სადაც ყველაზე დიდი დატვირთვა ფიქსირდება. ეს ის 12-მეტრიანი ავტობუსებია, რომლებიც მანამდე N301, N302, N308-სა და N314-ზე მოძრაობდნენ.   24 სხვადასხვა მარშრუტზე ავტობუსების დამატების პროცესი 23 მარტიდან დაიწყო და 6 აპრილს დასრულდება.

საზოგადოება 1711700027

თბილისი
საქართველოს ზოგიერთ რაიონსა და დედაქალაქში ჰაერში მყარი ნაწილაკების შემცველობა მომატებულია - გარემოს ეროვნული სააგენტო

გარემოს ეროვნული სააგენტოს ინფორმაციით, საქართველოს ზოგიერთ რაიონში, ასევე, დედაქალაქში, 29 მარტიდან ატმოსფერულ ჰაერში ფიქსირდება მყარი ნაწილაკების (PM10, PM2.5) შემცველობის მატება, რაც ძირითადად ტრანსსასაზღვრო დაბინძურებას უკავშირდება და სამხრეთიდან და სამხრეთ-აღმოსავლეთიდან უდაბნოს მტვრის მასების გავრცელებით არის განპირობებული.გარემოს ეროვნულ სააგენტოში აღნიშნავენ, რომ ტრანსსასაზღვრო დაბინძურება წლის განმავლობაში გარკვეულ დღეებში ანალოგიური სინოპტიკური სიტუაციის დროს ფიქსირდება.„საქართველოს გარემოს დაცვისა და სოფლის მეურნეობის სამინისტროს სსიპ გარემოს ეროვნული სააგენტო აგრძელებს ატმოსფერული ჰაერის ხარისხის უწყვეტ მონიტორინგს ავტომატური სადგურების საშუალებით. ნებისმიერ დაინტერესებულ პირს შესაძლებლობა აქვს გაეცნოს ინფორმაციას ჰაერის ხარისხის მდგომარეობის შესახებ და მიიღოს ჯანდაცვითი რეკომენდაციები ატმოსფერული ჰაერის ხარისხის პორტალზე“, - ნათქვამია უწყების მიერ გავრცელებულ ინფორმაციაში. 

სხვადასხვა 1711699142

ვიეტნამი
რომელია მსოფლიოს ყველაზე იაფი დასასვენებელი ადგილები - Post Office-ის 2024 წლის რეიტინგი

ვიეტნამი, სამხრეთ აფრიკა და კენია მსოფლიოში 2024 წლის ყველაზე საბიუჯეტო დასასვენებელი მიმართულებებია. 15 საუკეთესო საბიუჯეტო დასვენების ადგილი Post Office Travel Money-მა თავის ანგარიშში, Holiday Money Report 2024-ში გამოავლინა.ანგარიში ფუნტ სტერლინგთან მიმართებით უცხოური ვალუტის კურსის საფუძველზე არის შედგენილი.წლევანდელ სიას, რომელშიც როგორც პლაჟის მიმართულებები, ასევე, ქალაქები მოხვდნენ, ვიეტნამის ქალაქი, ჰოიანი პირველად ჩაუდგა სათავეში. ის გასული წლის მეექვსე ადგილიდან დაწინაურდა. ჰოიანი არის ერთ-ერთი რვა მიმართულებიდან, სადაც დაბალი ფასები ადგილობრივი ვალუტის დაცემას უკავშირდება. ყოველდღიური ხარჯი, მათ შორის, საკვებზე, სასმელზე, მწერების საწინააღმდეგო საშუალებებსა და მზისგან დამცავ საშუალებებზე 51,18 ფუნტ სტერლინგად (დაახლოებით, 60 ევროდ) შეფასდა. კერძოდ, ფინჯანი ყავა ჰოიანში 1,30 ფუნტი, ხოლო სამკერძიანი ვახშამი ჭიქა ღვინოსთან ერთად 39,20 ფუნტი ღირს. რეიტინგის შარშანდელი ლიდერი, სამხრეთ აფრიკის ქალაქი, კეიპტაუნი 54,35 ფუნტ სტერლინგის (დაახლოებით, 63,5 ევროს) ყოველდღიური ხარჯით წელს მეორე ადგილზე, ხოლო კენიის ქალაქი, მომბასა 54,93 ფუნტით (დაახლოებით, 64 ევროთი) მესამე ადგილზეა. ის გასული წლის შემდეგ ერთი ადგილით დაწინაურდა.პორტუგალიური ალგარვე ერთადერთი ევროპული მიმართულებაა ხუთეულში, სადაც, მაგალითად, ფინჯანი ყავა ყველაზე იაფი, 0,88 ფუნტი ღირს.ამასთან, თურქეთის მარმარისი და ბულგარეთის “მზიანი სანაპირო” შარშანდელ წამყვან სამეულს ჩამოშორდნენ და წელს მეშვიდე და მეცხრე ადგილებზე ჩამოქვეითდნენ.2024 წელს მსოფლიოში 15 ყველაზე იაფი დასასვენებელი ადგილია: (ყოველდღიური ხარჯი-ფუნტი-სტერლინგი):🔵 ჰოიანი, ვიეტნამი 51,18 (ფუნტი)🔵  კეიპტაუნი, სამხრეთ აფრიკა (54,35 ფუნტი)🔵  მომბასა, კენია (54,93 ფუნტი)🔵  ტოკიო, იაპონია (59,05 ფუნტი)🔵  ალგარვე, პორტუგალია (59,69 ფუნტი)🔵  შარმ ელ-შეიხი, ეგვიპტე (61,37 ფუნტი)🔵  „მზიანი სანაპირო”, ბულგარეთი (62,49 ფუნტი)🔵  კუტა, ბალი (63,31 ფუნტი)🔵  მარმარისი, თურქეთი (66,07 ფუნტი)🔵  პაფოსი, კვიპროსი (73,32 ფუნტი)🔵  პენანგი, მალაიზია (74,57 ფუნტი)🔵  პხუკეტი, ტაილანდი (77,77 ფუნტი)🔵  დელი, ინდოეთი (77,84 ფუნტი)🔵  კოსტა დელ-სოლი, ესპანეთი (81,45 ფუნტი)🔵  მონტეგო-ბეი, იამაიკა (87,11 ფუნტი)საერთო ჯამში, რეიტინგში მსოფლიოს 40 ქალაქი მოხვდა. სიას კოსტა-რიკის ტამარინდო ასრულებს, სადაც ერთი დღე დასვენება 158,04 ფუნტი (დაახლოებით, 184 ევრო) ღირს.

საზოგადოება 1711697815