• Ƀ/$

თბილისში ავტობუსების პარკი სრულად 2019 წლის ბოლომდე განახლდება

24 ივლისი 12:13, 2018 წელი | მედია ბიზნესისთვის - M2B

ყვითელი ავტობუსები 2018-2019 წლებში  მთლიანად ჩანაცვლდება ახალი, თანამედროვე, ევროპული ტიპის ავტობუსებით. ამის შესახებ დედაქალაქის მერმა კახა კალაძემ თბილისის სატრანსპორტო პოლიტიკის პრეზენტაციაზე განაცხადა.  

„დიდი მადლობა პრემიერს მხარდაჭერისთვის, იმიტომ, რომ საკმაოდ დიდ თანხებთან არის ეს ყველაფერი დაკავშირებული. დღეს ყვითელი ავტობუსების რაოდენობა ჭარბობს, მაგრამ გარწმუნებთ, რომ 2019 წელს ჩვენ გვეყოლება ახალი, ევროპული ტიპის ავტობუსები. ყვითელი ავტობუსები მთლიანად ჩანაცვლდება. ეს არის წარსული და ჩვენ გვინდა უკეთესი მომავალი, რომ რეალურად შევცვალოთ არსებული მდგომარეობა ამ მიმართულებით“, - განაცხადა კახა კალაძემ. 


ამ ეტაპისთვის თბილსში 500-მდე ძველი "ბოგდანისა" და "ისუზუს" მარკის ავტობუსი გადაადგილდება რომელთა აბსლუტური უმრავლესობა უსაფრთხოებისა და ეკოლოგიის სტანდარტებს ვეღარ აკმაყოფილებს. მათი ასაკი 10-12 წელს აღემატება. 2016 წლიდან დაიწყო ავტობუსების პარკის განახლება რის ფარგლებშიც მერიამ 143 CNG საწვავზე მომუშავე MAN-ის ტიპის ლურჯი ავტობუსი შეიძინა.


 


მსგავს თემაზე:


თბილისში ძველ და გაუმართავ ავტომობილებზე შეზღუდვები დაწესდება


შვეიცარული „შტადლერის“ რეგიონული ქარხანა საქართველოში აშენდება


სხვა სიახლეები