• Ƀ/$

თბილისში პლასტმასის მწარმოებელი საწარმო გაიხსნება

1 ნოემბერი 11:39, 2018 წელი | ეკონომიკა

„აწარმოე საქართველოში“ ფარგლებში, თბილისში პლასტმასის მწარმოებელი საწარმო გაიხსნება, რომლის ძირითადი მიმართულება სარწყავი ლენტის წარმოებაა. 

პროდუქციის წლიური მოცულობა 200 ტონას შეადგენს. ინვესტორი საწარმოს აღჭურვისა და ფუნქციონერებისათვის 2 068 914 ლარის ინვესტიციას განახორციელებს და პირველ ეტაპზე 17 ადამიანს დაასაქმებს.


სარწყავი ლენტი პოლიეთილენისგან იწარმოება და სოფლის მეურნეობაში აქტიურად გამოიყენება. აღნიშნული სარწყავი სისტემა გამოყენებული წყლის რაოდენობას 60%–ით ამცირებს, ხოლო მოსავლიანობას კი 30%–ით ზრდის.


შპს „ევროდრიპს“  სახელმწიფო ქონების ეროვნულმა სააგენტომ  სახელმწიფო პროგრამის „აწარმოე საქართველოში“ ფარგლებში ქალაქ თბილისში, ენუქიძის ქუჩა #12-ის მიმდებარედ  სახელმწიფო საკუთრებაში არსებული 5 435 კვ.მ. უძრავი ქონება საინვესტიციო ვალდებულებით გადასცა.


მსგავს თემაზე:

ბათუმში „აწარმოე საქართველოშის“ რეგიონული ცენტრი გაიხსნა


ამბროლაურში ღვინის ახალი საწარმო გაიხსნა



სხვა სიახლეები