• Ƀ/$

12.5 მლნ-იან შენჯენში მხოლოდ ელექტროავტობუსები მოძრაობენ

19 იანვარი 14:00 | ტექნოლოგიები

სრულად ელექტრო საზოგადოებრივ ტრანსპორტზე გადასვლას ევროპაში ბევრი ქალაქი ცდილობს, მათი უმეტესობა პატარაა 100 ათასამადე მოსახლით. ამის საპირისპიროდ შენჯენის მოსახლეობა 12 მლნ-ს აღემატება, თუმცა მას იგივე ამბიცია გააჩნია. 

შენჯენი უკვე გახდა პირველი ქალაქი სადაც ყველა ავტობუსი ელექტროა. ჯერი ტაქსებზეა, რომელთა 2/3 ასევე ელექტრომობილია, 2020 წლისთვის ეს მაჩვენებელი 100%-ს გაუტოლდება. ქალაქში 510 ელექტროდასამუხტი სადგურია 8000 დამტენით. ცენტრალური და ადგილობრივი მთავრობა ეკოლოგიური გარემოს გასაუმჯობესებლად სუბსიდიებს არ იშურებს.


მსოფლიო წლიურად 36 მლრდ ტონა CO-ს გამოყოფს, საიდანაც 10.6 მლრდ ჩინეთზე მოდის, რაც აშშ-ისა და ევროკავშირის ჯამურ მაჩვენებელს აღემატება. ყველაზე დიდი დამაბნიძურებელი სახელმწიფო მწვანე ენერგიაში ყველაზე დიდ ინვესტირებას ახდენს. 2018 წელს 2 მლნ გაყიდული ელექტრომობილიდან 1 მლნ-ზე მეტი ჩინეთზე მოდიოდა, 2019 წელს მისი 2.5 მლნ-მდე გაზრდაა ნავარაუდევი. ჩინეთი პირველია ელექტროავტობუსების რაოდენობის მხრივაც.


რაც შეეხება საკუთრივ შენჯენს მისი ისტორია პრაქტიკულად 40 წლის წინ, მაოს გარდაცვალების შემდეგ დაიწყო, მეთევზეთა დასახლება მეგაპოლისად იქცა, ქოხმახები ცათამბჯენებმა ჩაანაცვლა. დღეს შენჯენს ჩინურ სილიკონის ველსაც უწოდებენ სადაც მსოფლიოში არსებული სმარტფონებისა და ლეპტობების ნახევარზე მეტი იწარმოება. დენ სიაო პინის თაოსნობით სოციალიზმი პირველად სწორედ ამ ქალაში უარყვეს, გადასახადები უკიდურესად დასწიეს, რის შედეგადაც წლიური 40%-იანი ეკონომიკური ზრდა მიიღეს.


მსგავს თემაზე:

მაკაუ - მეორე ჰონგ-კონგი


ნორვეგია მომავლის ქალაქს აშენებს


ჰონკონგი და მაკაუს 55-კილომეტრიანი ხიდით დაუკავშირდა



სხვა სიახლეები