• Ƀ/$

პროდუქტის წარმოების სერთიფიკატები ბლოკჩეინში განთავსდება

29 იანვარი 20:22 | ტექნოლოგიები

„ჩვენი ინიციატივაა, ქვეყნებმა მოახდინონ მათთან წარმოებულ საქონელზე გაცემული სერტიფიკატების ბლოკჩეინში განთავსება“, -  განაცხადა  საქართველოს ფინანსთა მინისტრმა ივანე მაჭავარიანმა.

მინისტრმა სპეციალური პრეზენტაცია გააკეთა ეკონომიკური კონფერენციის ფარგლებში გამართულ პანელზე „ინოვაციური რეფორმები ფინანსურ სექტორში“.


როგორც მან განაცხადა, აღნიშნული ინიციატივა ხელს შეუწყობს მოგვარდეს ერთ-ერთი მნიშვნელოვანი პრობლემა, რაც უკავშირდება ე.წ.  წარმოშობის სერტიფიკატების გაყალბებას.


„წარმოშობის სერტიფიკატები (Euro1 და CT1) ერთადერთი დოკუმენტია, რომელიც ორმაგი ხელშეკრულების საფუძველზე საბაჟო გადასახადის შეღავათიან რეჟიმით სარგებლობის შესაძლებლობას აძლევს გადამხდელს, ამიტომ ეს დოკუმენტი ხშირად ყალბდება. ასევე, საბაჟო ორგანოები ფიზიკურად ცვლიან ხელმომწერი პირების ხელმოწერების და ბეჭდების ნიმუშებს. ჩვენი ინიციატივა სრულად დაიცავს წარმოშობის სერტიფიკატებს გაყალბებისგან. ამ მიზნით, ჩვენ ბლოკჩეინში განვათავსეთ სერტიფიკატები, შევქმენით პროგრამული მოდული, რათა პარტნიორი ქვეყნების მებაჟეებმა შეძლონ სერტიფიკატების იდენტიფიცირება. ამჟამად, ვმუშაობთ სატესტო რეჟიმში.  იმედი გვაქვს, ჩვენი მთავარი სავაჭრო პარტნიორებიც ჩაერთვებიან ამ პროცესში. თქვენ იცით, რომ მე ტექნოლოგიების სფეროდან მოვდივარ და როდესაც ვსაუბრობთ გაციფრულებაზე, ინოვაციებზე, სწორედ ასეთი სიახლეები და ექსპერიმენტები გვაძლევს საშუალებას, შევაღოთ სარკმელი ციფრულ სამყაროში და ეს უნდა ხდებოდეს, პრაქტიკულად, ყველა სფეროში. ნაბიჯ-ნაბიჯ, ჩვენ იმდენ პროცესსა და ტრანზაქციას  გადავიტანთ ციფრულ სივრცეში, რომ უახლოეს 3-5 წელიწადში, გვექნება თვისობრივად სხვა გარემო  დიგიტალიზაციის მიმართულებით“, - განაცხადა ფინანსთა მინისტრმა, ივანე მაჭავარიანმა.


კონფერენცია „საქართველო და მსოფლიო 2019 წელს“ 29 იანვარს პრემიერ-მინისტრმა მამუკა ბახტაძემ გახსნა და მას საქართველოს მთავრობის, დიპლომატიური კორპუსის, საერთაშორისო ორგანიზაციების, ბიზნესისა და აკადემიური სფეროს წარმომადგენლები დაესწრნენ.


მსგავს თემაზე:

ციფრული ეკონომიკა – რეალობა და მომავალი


ბლოკჩეინ ტექნოლოგიების დანერგვის გამოცდილების გასაზიარებლად საჯარო რეესტრს გერმანელი დეპუტატი ესტუმრა


ბერლინის მწვანე კვირეულის ფორუმზე ციფრული სოფლის მეურნეობისა და შიმშილობის დაძლევის გზები განიხილეს



სხვა სიახლეები