• Ƀ/$

საქართველოს საბანკო ასოციაციის განცხადება

15 თებერვალი 10:28 | ფინანსები

თიბისი ბანკის გარშემო შექმნილ ვითარებასთან დაკავშირებით საქართველოს საბანკო ასოციაცია განცხადებას ავრცელებს:

"საქართველოს საბანკო ასოციაციას სურს გამოეხმაუროს მისი წევრი თიბისი ბანკის ირგვლილ შექმნილ სიტუაციას, რომელიც უკავშირდება ბანკის სამეთვალყურეო საბჭოს თავმჯდომარის და მისი მოადგილის მიმართ ეროვნული ბანკის მიერ ხელმოწერის უფლების შეჩერებას და ბანკის სამეთვალყურეო საბჭოდან გაწვევის მოთხოვნის საკითხს.


თიბისი ბანკი არის ქვეყნის წამყვანი საფინანსო ინსტიტუტი, რომელიც წარმოდგენილია ლონდონის საფონდო ბირჟის პრემიუმ სეგმენტში (FTSE250) და იმართება საერთაშორისოდ აღიარებული სტანდარტების დაცვით. თიბისი ბანკი ფინანსური მაჩვენებლებით არა თუ ქვეყნის, არამედ რეგიონის წამყვანი ფინანსური ინსტიტუტია. აღნიშნული გვაძლევს უფლებას სრული პასუხისმგებლობით განვაცხადოთ, რომ მარეგულირებლის გადაწყვეტილება არ იქონიებს გავლენას თიბისი ბანკის სამომავლო განვითარებაზე და მის სტრატეგიაზე.


მისასალმებელია თიბისი ბანკის მენეჯმენტის გადაწყვეტილება, გამოიყენოს მის ხელთ არსებული სამართლებრივი გზები და  სასამართლოს მეშვეობით დაიცვას აქციონერების და ბანკის ინტერესები.


საქართველოს საბანკო ასოციაცია მხარს უჭერს თიბისი ბანკს და ყველა თიბისელს და მოუწოდებს დაინტერესებულ მხარეებს თავი შეიკავონ ზედმეტი  ინსინუაციებისაგან." აღნიშნულია განცხადებაში.


მსგავს თემაზე:

მამუკა ხაზარაძესა და ბადრი ჯაფარიძეს თიბისი ბანკში ხელმოწერის უფლება შეუჩერდათ


თიბისი ბანკის აქციები ლონდონის ბირჟაზე დღევანდელი ფსკერიდან პლუსში გადავიდა


მამუკა ხაზარაძის განცხადება



სხვა სიახლეები