• Ƀ/$

გიორგი ქადაგიძე პროკურატურაში დაბარებასთან დაკავშირებით განცხადებას ავრცელებს

6 მარტი 23:49 | ფინანსები

ეროვნული ბანკის ყოფილი პრეზიდენტი გიორგი ქადაგიძე თიბისი ბანკის საქმეზე პროკურატურამ გამოკითხვაზე დაიბარა. ქადაგიძის განცხადებით ის მზადაა ჩვენების მისაცემად, ოღონდ სასამართლოში. 

აღნიშნულთან დაკავსირებით სების ყოფილმა ხელმღვანელმა ფეისბუქის მეშვეობით განცხადება გაავრცელა: 


"ძვირფასო მეგობრებო, მინდა მცირე განმარტების გაკეთება.


მივიღე უწყება თიბისის საქმეზე მოწმის სახით გამოკითხვის მიზნით. საქმის მასშტაბის და ლეგიტიმური საჯარო ინტერესის გათვალისწინებით გადავწყვიტე, არა პროკურატურაში გამოკითხვის გზით არამედ პირდაპირ სასამართლოში საჯაროდ მივცე ჩვენება.


აქვე ვიტყვი რომ საქმის მნიშვნელობიდან გამომდინარე მხარს ვუჭერ დროებითი საპარლამენტო საგამოძიებო კომისიის შექმნას სადაც ყველა მოქმედი და ყოფილი თანამდებობის პირები გააკეთებენ განმარტებებს და უზრუნველყოფენ პროცესის სრულ გამჭვირვალობას.


სასამართლოში ჩვენების მიცემის შემდეგ ცხადია აუცილებლად მოგახსენებთ ჩემს მოკრძალებულ აზრს მიმდინარე პროცესებთან და შესაძლო შედეგებთან დაკავშირებით.


პ.ს. როგორც ჩემი დამოკიდებულება და მცირე პოლიტიკური ჟესტი ამ საქმის მიმართ, სასამართლოში ჩვენებას მივცემ ადვოკატების გარეშე." აღნიშნულია ქადაგიძის განცხადებაში.


მსგავს თემაზე:

ხაზარაძის განცხადებით 2007 წელს „თიბისი ბანკის“ ზრდა ხელოვნურად შეაჩერეს


შეფასებები ხაზარაძის მიერ წარდგენილ წერილზე



სხვა სიახლეები