• Ƀ/$

დეპოზიტარების ფონდის მართვის შეხვედრაზე ევროკავშირის რეგულაციები განიხილეს

18 აპრილი 18:31 | ფინანსები

სების ორგანიზებით გამართულ სპეციალიზებული დეპოზიტარის ფონდის მართვის შეხვედრაზე დეპოზიტარის როლი საპენსიო და საინვესტიციო ფონდების საქმიანობაში და საერთაშორისო პრაქტიკაში არსებული სხვა  საკითხები განიხილეს. 

ღონისძიება ევროკავშირისა და მსოფლიო ბანკის ერთობლივი პროექტის ფარგლებში ჩატარდა და მიზნად ისახავს ბაზრის მონაწილეებისათვის სპეციალიზებული დეპოზიტარის როლისა და ფუნქციის შესახებ საერთაშორისო გამოცდილების გაზიარებას.


სამუშაო შეხვედრის დასაწყისში ეროვნული ბანკის ფასიანი ქაღალდების ბაზრის დეპარტამენტის უფროსმა, სალომე სხირტლაძემ, აღნიშნა, რომ სპეციალიზებული დეპოზიტარი საინვესტიციო და საპენსიო ფონდების საქმიანობაში ერთ-ერთ მთავარ რგოლს წარმოადგენს და, აქედან გამომდინარე, აღნიშნული ინსტიტუტების გამართული ფუნქციონირებისა და, ასევე, მიმდინარე რეფორმების მხარდასაჭერად, დიდი მნიშვნელობა ენიჭება ძლიერი სპეციალიზებული დეპოზიტარის ინსტიტუტის ჩამოყალიბებას.


შეხვედრას უძღვებოდნენ მსოფლიო ბანკის ექსპერტ-კონსულტანტი, გაეტონ პარჩლინიაკი (Gaëtan Parchliniak), საერთაშორისო კომპანია "State-Street" ვიცე-პრეზიდენტი, საიმონ ფირბენქი (Simon Firbank), ასევე, ამავე კომპანიის მმართველი დირექტორი, რუდი გადენსი (Rudy Gadenz).


შეხვედრაზე განიხილეს ისეთი საკითხები, როგორიცაა: სპეციალიზებული დეპოზიტარის ბიზნეს მოდელი, ევროკავშირის მარეგულირებელი სტანდარტები ლიცენზირებასთან მიმართებაში, დეპოზიტარის როლი საპენსიო და საინვესტიციო ფონდების საქმიანობაში და საერთაშორისო პრაქტიკაში არსებული სხვა  საკითხები.


სხვა სიახლეები