• Ƀ/$

ხელვაჩაურში ინფრასტრუქტურულ სამუშაოებზე 10 მლნ დაიხარჯება

11 ივნისი 16:38 | ეკონომიკა

აჭარის მთავრობის თავმჯდომარემ თორნიკე რიჟვაძემ ბარცხანა-ორთაბათუმი-ყოროლისთავის დამაკავშირებელი გზის ასფალტის დაგების სამუშაოები  გზების დეპარტამენტის უფროსის მოვალეობის შემსრულებელთან ერთად მოინახულა. 

მთავრობის თავმჯდომარის განცხადებით ტურისტული რეგიონისთვის ძალიან მნიშვნელოვანია  საგზაო ინფრასტრუქტურის მხრივ არსებული პრობლემების მოგვარება, რაც ამ ეტაპზე აქტიურად ხორციელდება.


,,აჭარაში ყველა მიმართულებით ძალიან აქტიურად მიმდინარეობს ინფრასტრუქტურული სამუშაოები . დღეს დავათვალიერეთ ორთაბათუმი - ბარცხანის მონაკვეთი, რომელიც სულ რამოდენიმე დღეში დასრულდება,  ამ მიმართულებით  წელს დაახლოებით ხელვაჩაურის მუნიციპალიტეტში  10 მილიონი ლარის დახარჯვა იგეგმება. ჩვენ გვექნება თანამედროვე გამართული ინფრასტრუქტურა, რომელიც მოემსახურება მოსახლეობის ინტერესებს “ - განაცხადა თორნიკე რიჟვაძემ.


პროექტის ფარგლებში 1.3 კმ სიგრძის ასფალტის საფარის დაიგება, მოეწყობა სანიაღვრე არხები და რეაბილიტაცია ჩაუტარდება არსებულ ხიდს.  სამშენებლო სამუშაოების განხორციელებისთვის ბიუჯეტიდან 887 996 ლარია გამოყოფილი.


მსგავს თემაზე:

აჭარის ტურიზმის დეპარტამენტის ბიუჯეტი იზრდება


ინფრასტრუქტურის სამინისტრომ 4 თვეში შარშანდელზე 100 მლნ-ით მეტი დახარჯა


ტურიზმიდან მიღებულმა შემოსავალმა 5 თვეში $1 მლრდ-ს გადააჭარბა



სხვა სიახლეები