• Ƀ/$

ხელფასების ზრდის ტემპმა ბრიტანეთში 11 წლიან მაქსიმუმს მიაღწია

17 ივლისი 14:57 | ეკონომიკა

გაერთიანებული სამეფოს სტატისტიკის ეროვნული სამსახურის ინფორმაციით ბრიტანეთში ხელფასების ზრდის ტემპმა 3.6%-ს მიაღწია, რაც რეკორდული მაჩვენებელია 2008 წლის შემდეგ.

უმუშევრობის დონე 3.8%-მდეა შემცირებული, რაც 70-იანი წლების შემდეგ ყველაზე დაბალი მაჩვენებელია. დასაქმებულთა რიცხვი 32.75 მლნ-ს შეადგენს, უმუშევართა რაოდენობა კი 1.29 მლნ-ს.


ხელფასები ძირითადად დაბალშემოსავლიან პირებს გაეზარდათ, რისი მიზეზიც დამატებითი რეგულაციები გახდა, თუმცა იმავე რეგულაციებმა ახალი სამუშაო ადგილების შექმნის ტემპი შეანელა.


შეერთებული შტატებისგან განსხვავებით, სადაც ხელფასები ეკონომიკის პროპორციულად იზრდება, ბრიტანეთში მშპ-ის ზრდის ტემპი 1%-ზე დაბალია, მაშინ როცა პირველ კვარტალში აშშ-ის ეკონომიკა 3.2%-ით გაიზარდა.


ევროკავშირთან ახალი სავაჭრო ხელშეკრულების გაფორმერბის გაჭიანურების გამო ბრექსიტის დასრულების თარიღი 29 მარტიდან 31 ოქტომბრამდე გადავადდა.


მსგავს თემაზე:

აშშ-ში უმუშევრობა 50 წლიან მინიმუმზე ნარჩუნდება


ბრიტანეთი და კორეა თავისუფალ ვაჭრობაზე შეთანხმდნენ


ბრიტანეთში სუფთა ენერგიის მოხმარებამ წიაღისეულისას გაუსწრო



სხვა სიახლეები