• Ƀ/$

ბარონ დე ბაის ქუჩაზე 8 615 კვადრატული მეტრის ფართობზე ასფალტი დაიგება

18 ივლისი 16:54 | მედია ბიზნესისთვის - M2B

დიდ დიღომში, ბარონ დე ბაის ქუჩაზე საგზაო სამუშაოები მიმდინარეობს. აღნიშნულ ქუჩაზე ასფალტის საფარი ამ დრომდე არ არსებობდა და მოსახლეობა გრუნტის გზით სარგებლობდა.

სამუშაოების ფარგლებში, ბარონ დე ბაის ქუჩაზე ასფალტის ორფენიანი საფარი დაიგება. პროექტის თანახმად, საგზაო ინფრასტრუქტურა საერთო ჯამში, 8 615 კვადრატული მეტრის ფართობზე მოწესრიგდება.  

საგზაო სამუშაოებს საბურთალოს რაიონის გამგებელი გაიოზ ვასაძე და საკრებულოს მაჟორიტარი დეპუტატი ავთანდილ ცინცაძე გაეცნენ.

„მიმდინარე წელს, დიდი დიღომში, ძალიან მნიშვნელოვანი პროექტები ხორციელდება. უკვე სამი ქუჩის კეთილმოწყობა დასრულდა, ოთხ ქუჩაზე კი საგზაო სამუშაოები მიმდინარეობს. მათ შორისაა, ბარონ დე ბაის ქუჩა, რომლის რეაბილიტაციის შემდეგ, მოსახლეობას წლების განმავლობაში არსებული პრობლემა მოუგვარდება და გრუნტის გზის ნაცვლად, მოწესრიგებული გზით ისარგებლებენ“, - განაცხადა საბურთალოს გამგებელმა.

სამუშაოებს, რომლის ღირებულება 1.24 მლნ ლარია, გამგეობის დაკვეთით, კომპანია „იბერი“ აწარმოებს.


მსგავს თემაზე:

ჩუღურეთში, გროზნოს ქუჩაზე, ახალი სკვერი მოეწყობა


უძოს ქუჩის კაპიტალური რეაბილიტაცია მიმდინარეობს



სხვა სიახლეები