• Ƀ/$

ასპინძაში 50 საუკუნის წინანდელი ნაგებობები აღმოაჩინეს

13 აგვისტო 17:21 | მედია ბიზნესისთვის - M2B

ასპინძის სოფელ ზველში 50 საუკუნის წინანდელი ნაგებობები აღმოაჩინეს. არქეოლოგიურ კვლევებს საქართველოს ეროვნული მუზეუმის საერთაშორისო არქეოლოგიური ექსპედიცია აწარმოებს. 

ამ ეტაპზე, რაბათის ნამოსახლარზე აღმოჩენილია დაახლოებით 50 საუკუნის წინანდელი მძლავრი ნაგებობები, რომლის მსგავსი არქიტექტურა კავკასიის რეგიონში ცნობილი არ არის. ტერიტორიის მიმდებარედ აღმოჩენილია სამარხები და ყორღანები. საყოფაცხოვრებო ნივთებთან ერთად, ვხდებით სარიტუალო დანიშნულების არტეფაქტებს, როგორიც არის მაგალითად ცხოველისგამოსახულებიანი სადგრები და სხვა, რომელთა ანალოგები ჩვენს რეგიონში დღემდე არ არის აღმოჩენილი. იგივე სურათია მომდევნო პერიოდის ფენებშიც, აქ აღმოჩნდა დაახლოებით 43 საუკუნის წინანდელი თიხის სტილიზებული ცხოველის ფიგურები და სავარაუდოდ, სარიტულო ჭურჭელი,. არქეოლოგებისთვის ეს მიუთითებს, რომ სოფელ ზველის ტერიტორიაზე ადრებრინჯაოს ხანაში არსებობდა რეგიონისთვის მნიშვნელოვანი დასახლებული ადგილი.


რაბათი წარმოადგენს გორა ნამოსახლარს, რომელსაც  გააჩნია სასიმაგრო სისტემა.  მასზე ფიქსირდება ცხოვრების უწყვეტი კვალი ადრებრინჯაოს ხანიდან (ძვ.წ. III ათასწლეული) შუა საუკუნეების ჩათვლით.


მსგავს თემაზე:

მცირე ზომის კუნძულზე აღმოჩენილი იშვიათი მეტალის ღირებულება $0.5 ტრლნ-ს აჭარბებს


შავ ზღვაში 2400 წლის წინ ჩაძირული ხომალდი აღმოაჩინეს



სხვა სიახლეები