• Ƀ/$

თურქეთის მოქმედებების საპასუხოდ განხორციელებული ირანული წვრთნები

9 ოქტომბერი 15:11 | მედია ბიზნესისთვის - M2B

ირანის შეიარაღებულმა ძალებმა თურქეთის საზღვრის სიახლოვეს დაუგეგმავი სამხედრო მანევრირება დაიწყეს.

არსებული ინფორმაციის თანახმად, წვრთნები ე.წ. ურმიის ტბის რაიონთან ხორციელდება და მასში სწრაფი რეაგირების დანაყოფები ვერტმფრენების გამოყენებით მონაწილეობენ.


წვრთნები უშუალოდ ირანის შეიარაღებული ძალების მეთაურის, აბდულრაჰიმ მუსავის ხელმძღვანელობით მიმდინარეობს.


დღეს დასავლურმა მედიამ გაავრცელა ინფორმაცია იმის თაობაზე, რომ უსაფრთხოების ზონის შექმნის მიზნით, თურქულმა სამხედრო დანაყოფებმა სირიის საზღვრის გადაკვეთა დაიწყეს.


„შეიარაღებულმა ძალებმა ტერიტორიების ქურთი მეამბოხეებისგან გასაწმენდად სირიის ჩრდილო-აღმოსავლეთ ნაწილში გადასვლა დაიწყეს“, - აცხადებს უცნობი წყარო Bloomberg-თან საუბარში.


ამავდროულად თურქეთის თავდაცვის მინისტრმა ჰულუსი აქარიმ აღნიშნა, რომ ამჟამად სამხედროების მომზადების და გადასროლის პროცესი მიმდინარეობს.


კვირას, 6 ოქტომბერს, თურქეთის პრეზიდენტმა რეჯეპ ტაიპ ერდოღანმა სატელეფონო საუბარი გამართა აშშ-ის პრეზიდენტ დონალდ ტრამპთან, რომლის მიხედვით:" ვაშინგტონი თურქების სამხედრო ოპერაციას არ გაუწევს დახმარებას და არანაირი სახით მიიღებს მონაწილეობას სირიის ჩრდილოეთში დაგეგმილ მოქმედებებში. ამერიკელები არ იქნებიან წარმოდგენილნი ოპერაციის ჩატარების ადგილას".


ორშაბათს, 7 ოქტომბერს, ერდოღანმა განაცხადა, რომ აშშ-ის მთავრობამ სირიის ჩრდილო-აღმოსავლეთ ნაწილიდან სამხედროების გაყვანა დაიწყო.


 


 


 


 


სხვა სიახლეები