• Ƀ/$

პირველად საქართველოში კორონავირუსით ინფიცირებულს ოპერაცია ჩაუტარდა

30 აპრილი 11:03 | INTERNET დაიჯესტი

ბოჭორიშვილის კლინიკაში გუშინ კორონავირუსით ინფიცირებულ ახალგაზრდა კაცს ქირურგიული ოპერაცია ჩაუტარდა, კონკრეტულად ლაპარასკოპიული ქოლეცისტექტომია (ნაღვლის ბუშტის ამოკვეთა).

 ამის შესახებ კლინიკის სამეთვალყურეო საბჭოს თავმჯდომარემ მაკა სონღულაშვილმა განაცხადა.


მისი თქმით, ამ ეტაპზე მამაკაცის მდგომარეობა დამაკმაყოფილებელია, ის თავს კარგად გრძნობს.


"გუშინ ახალგაზრდა მამაკაცს, რომელსაც დადასტურებული აქვს კორონავირუსი და მესამე კვირაა, მკურნალობს, ჩაუტარდა ქირურგიული ჩარევა. მას 2 დღის წინ დაეწყო შეტევითი ხასიათის ტკივილები და საჭირო გახდა ქირურგიული ჩარევა.


მოგეხსენებათ ორმხრივი პნევმონია, პერსონალის საკმაოდ ახლოს შეხება მაღალ ეპიდემიოლოგიურ რისკებთან - ეს სერიოზულ რისკებს წარმოადგენდა ოპერაციისთვის. ჩვენს კლინიკას აქვს სერიოზული გამოცდილება, 6 ოპერაციაა მზაობაში.


საბედნიეროდ ბოქსირებულ სექტორში არის ცალკე საოპერაციო, სადაც იზოლირებულად მოხდა ინფიცირებული პაციენტისთვის ოპერაციის ჩატარება. პაციენტი თავს კარგად გრძნობს. დღეს წამოაყენეს კიდეც, დამაკმაყოფილებელია მისი მდგომარეობა", - აღნიშნა მაკა სოლოღაშვილმა.


სხვა სიახლეები