• Ƀ/$

გერმანიის ავტომრეწველობა ჰიბრიდებსა და ელექტრომობილებზე გადასვლას აჩქარებს

30 ოქტომბერი 13:49 | ტექნოლოგიები

თუ როდის გახდება გერმანული ავტომობილები ელექტრული, ამ საკითხზე BMW–ს, Daimler–ის, Opel–ისა და Porsche–ს გენერალურმა დირექტორებმა კონფერენციაზე Handelsblatt Auto-Gipfel 2019 ისაუბრეს.

„მორჩა, მატარებელი სადგურიდან დაიძრა“ – ასეთი ხატოვანი გამოთქმა გამოიყენა ბყერნჰარდ მატესმა, რათა გერმანიის საავტომობილო მრეწველობის ელექტრომობილებისკენ შებრუნება დაეხასიათებინა. მისივე თქმით, სხვა კონტინენტებზე განსხვავებულ ტექნოლოგიებზეც შეიძლება დადონ ფსონი (როგორიცაა წყალბადი იაპონიისა და სამხრეთ კორეის შემთხვევაში), მაგრამ ევროპამ საკუთარი არჩევანი გააკეთა, ვინაიდან შესაბამისი ინფრასტრუქტურის მოწყობა ერდროულად სხვადასხვა ალტერნატიული ძრავის მქონე ავტომობილებისთვის ფინანსურად წამგებიანია.


ასეთი განცხადება გერმანიის საავტომობილო პრეწველობის გაერთიანების (VDA) პრეზიდენტმა კონფერენციაზე Handelsblatt Auto-Gipfel 2019 გააკეთა, რომელიც შტუტგარტში, Porsche–ს მუზეუმში 24–25 ოქტომბერს გაიმართა. ეს ექსკლუზიური დარგობრივი ღონისძიება კომპონენტების მიმწოდებელი და სხვა კომპანიების წარმომადგენლებისათვის ჩატარდა, რომლებიც თუნდაც ირიბად არიან დაკავშირებული მანქანათმშენებლობასთან: კონსალტინგი, ენერგეტიკა, პროგრამული უზრუნველყოფა.


Daimler–ის გენერალური დირექტორი ჰიბრიდულ მერსედესზე გადაჯდა


კონფერენციაში მონაწილეობისთვის თითოეულმა მ ენეჯერმა 2600 ევრო გადაიხადა, მაგრამ ამ თანხის სანაცვლოდ პირველი პირებისგან, მათ შორის BMW–ს, Daimler–ის, Opel–ისა და Porsche–ს გენერალური დირექტორებისგან მიიღეს ინფორმაცია. მათ კი უმცირესი ეჭვებიც კი გაანეიტრალეს იმასთან დაკავშირებით, თუ „რა მიმართულებით გავიდა მატარებელი სადგურიდან“.


„როგორც პოლიტიკოსებმა, ისე ბიზნესმა, მიიღო საკუთარი გადაწყვეტილება და ჩვენ ამას გავაკეთებთ“, – აღნიშნა ელექტრომობილებზე ორიენტაციის აღების კომენტირებისას Daimler–ის მმართველთა ახალმა თავმჯდომარემ და ამავდროულად Mercedes-Benz Cars–ის ქვედანაყოფის ხელმძღვანელმა ოლა კალენიუსმა.


პირადად ის უკვე გადაჯდა ჰიბრიდზე (ამაზე, გამოკითხვების თანახმად, სულ უფრო მეტი გერმანელი ავტომოყვარული ფიქრობს) და თქვა, რომ ძალიან მალე მიეჩვია მის შტეფსელზე მიერთებას, როგორც კი სამსახურიდან სახლში ბრუნდება. 2030 წლისთვის თითქმის ყოველ მეორე მერსედესში ელექტრული ძრავი იმუშავებს – ან დამოუკიდებლად, ან შიდა წვის ძრავასთან ერთად.


BMW - ევროპაში ელექტრიფიცირებული ავტომობილების გაყიდვების ლიდერი


ანალოგიური გეგმები აქვს BMW–საც. კომპანიია ახალი შეფი ოლივერ ციპსე კონფერენციის მონაწილეებს შეახსენებს, რომ მისი კომპანია ევროპის ბაზარზე უკვე ლიდერობს ელექტრიფიცირებული (პლაგინ–ჰიბრიდი, რომელიც ელექტროქსელიდან იმუხტება) და ელექტრული ავტომობილების (BEV) გაყიდვებით.


ამავე დროს, კომპანიამ სხვებზე ადრე, ჯერ კიდევ 2013 წელს დაიწყო ელექტრული მანქანების BMW i3 სერიული წარმოება, რომლებზე მოთხოვნაც, მიუხედავად მისი ხანდაზმულობისა, წლიდან წლამდე იზრდება. ელექტრომობილების მთავარ პრობლემად ოლივერ ციპსე არა გარბენის მანძილისა და დასამუხტი სადგურების სიმცირეს, არამედ მაღალ ფასს ასახელებს (მიუხედავად იმისა, რომ გერმანიის მთავრობამ, ელექტრომობილების წარმოება–რეალიზაციის წასახალისებლად, თითოეულ ავტომობილზე 4 ათაი ევროიანი ფასდაკლება დააფინანსა).


მისივე თქმით, ბავარიული ავტომშენებლის მიერ წარმოებული ავტომობილების მეოთხედი, უკვე 2021 წლისთვის ელექტრული ძრავით იქნება აღჭურვილი. 2025 წელს ეს მაჩვენებელი მესამედს, ხოლო 2030 წლისთვის 50%–ს მიაღწევს.


Opel-ის შეფი: „ჩვენ გვსურს ელექტრომობილები ყველასთვის“


კიდევ უფრო ამბიციურად გამოიყურება Opel-ის გეგმები, რომელიც არ მუშაობს პრემიუმ–სეგმენტზე და მასობრივ ბაზარზეა ორიენტირებული. მისმა ხელმძღვანელმა მიქაელ ლოშელერმა ამ საკითხზე გაამახვილა ყურადღება: „ჩვენ გვსურს ელექტრომობილები ყველასთვის“. 2024 წლიდან ამ კომპანიის სედანები და მსუბუქი კომერციული ავტომობილები გამოვა როგორც შიდა წვის, ისე ელექტრული ძრავევბით. კომპანია 2020 წელს ოთხ მოდელს დააკომპლექტებს ელექტრული ძრავით, ხოლო 2021 წელს კიდევ ოთხ მოდელს დაამატებს.


„ასე რომ, მაგალითისთვის, ჩვენს ქარხანაში ესპანეთში, სარაგოსაში, ერთსა და იმავე კონვეიერზე შეეძლება როგორც დიზელის და ბენზინის, ისე ელექტრული ძრავებით აღჭურვილი მოდელის Corsa წარმოება. უახლოესი წლებისთვის ჩვენი ასეთი მიდგომა სწორად მიგვაჩნია, ვინაიდან წინასწარ ვერ განვსაზღვრავთ, რას მოითხოვენ კლიენტები“, – განმარტა ლოშელერმა.


Porsche–ს ყოველი მეორე მოდელი 2025 წელს ელექტროძრავიანი იქნება


საკუთარ ფუტურისტულ საფირმო მუზეუმში მასშტაბური ღონისძიების მასმინძელიც Porsche–ც განალოგიურ გზას დაადგა– მოთხოვნის ცვლილებებზე მყისიერი რეაგირების მიზნით ერთსა და იმავე კონვეიერიდან გამოუშვებს ბენზინის, ჰიბრიდული და ელექტრულძრავიან ავტომობილებს.


ამავე დროს, მისი მფლობელი კომპანია Volkswagen, რომელიც კონფერენციაზე ერთ–ერთმა მმართველმა წარმოადგინა, მხოლოდ რამდენიმე საწარმოში აპირებს ელექტრომობილების წარმოებას. მისი ამოცანაა, 2028 წლისთვის მთელ მსოფლიოში 22 მილიონი ელექტრომობილის გაყიდვა.


Porsche–ს შეფი ოლივერ ბლიუმე, თავის მხრივ, ბენზინზე მომუშავე ავტომობილების წარმოების შემცირებას ჯერ არ აპირებს. თუმცა, დარწმუნებულია, რომ „განვითარების მაგისტრალური მიმართულებაა ელექტრომობილი“. ამიტომ, 2022 წელს ამ მიმართულების გასავითარებლად კომპანია 6 მლრდ ევროს დააბანდებს. 2025 წლისთვის Porsche–ს ავტომობილების (სპორტული და პრემიუმ–კლასის) ნახევარი ჰიბრიდული და ელექტრული ძრავებით იქნება აღჭურვილი.


არსებული ტენდენციის ნათელ მაგალითად მიიჩნევს კომპანიის ხელმძღვანელობა სექტემბერში ელექტრომობილი Taycan-ის სერიულ წარმოებას. ამ პროექტზე კომპანიის მენეჯერებმა კონფერენციაზე ბევრი ისაუბრეს. მათთვის ეს არა უბრალოდ ახალი მოდელი, არამედ ფირმის ისტორიის ახალი ფურცელია.


ეს მოდელი შეიძლება Porsche–ს საწყისებთან დაბრუნებადაც მივიჩნიოთ, ვინაიდან კომპანიის მამა–დამფუძნებელმა ფერდინანდ პორშემ ჯერ კიდევ 1898 წელს თავისი პირველი მოდელი – ელექტრომობილი შექმნა. დღეს სწორედ ეს ელექტრომობილი ხსნის Porsche–ს მუზეუმის ექსპოზიციას.


საერთაშორისო კონკურენცია


კონფერენციაზე ძალიან ცოტა ისაუბრეს ელექტრომობილების მსოფლიო ბაზარზე არსებულ კონკურენტულ გარემოზე. ამ სეგმენტში ჩინეთმა გერმანია დიდი მანძილით ჩამოიტოვა, ხოლო ამერიკული Tesla მიმდინარე წლის მესამე კვარტალში წარმოებას ზრდის და მოგებაზეც გადის. იაპონურ Toyota–ს, როგორც კომპანიის ევროპული წარმომადგენლობის სამეცნიერო კვლევების საკითხებში ვიცე–პრეზიდენტმა გერალდ კილმანმა თქვა, წელს ევროპაში გაყიდული ავტომობილების ნახევარი ჰიბრიდულია.


სხვა სიტყვებით რომ ვთქვათ, იაპონური ავტო–გიგანტი დღეს არის გასული იმ მაჩვენებლებზე, რომლებიც ევროპულ ავტომწარმოებლებს 5–10 წლის შემდეგ აქვთ დაგეგმილი.


სხვა სიახლეები