• Ƀ/$

"ქალმა, ჩვილი ფარულად გააჩინა"

11 ივნისი 17:41 | INTERNET დაიჯესტი

სოფელ ქვემო ბოდბეში მიტოვებული ახალშობილის შესახებ თვითმხილველები საუბრობენ

ადგილობრივების ინფორმაციით, ქალმა, ჩვილი ფარულად გააჩინა და კოჭლამაზაშვილების საცხოვრებელი სახლის მიმდებარე ტერიტორიაზე დატოვა, სადაც ის და მისი მეუღლე მეორე კვირაა ცხოვრობენ. ქმარი ფერმაში მწყემსად მუშაობს.


ბავშვი ოჯახის მამაკაცმა იპოვა, რის შემდეგაც ადგილზე მეზობლები და პოლიცია მივიდა. მათი თქმით, ახალშობილი პარკში იყო გახვეული და პირველადი დახმარება ადგილზე გაეწია. რის შემდეგაც წნორის კლინიკაში, მოგვიანებით კი ლაგოდეხის საავადმყოფოს ბავშვთა ინტენსიურ განყოფილებაში გადაიყვანეს.
დეტალებზე საუბრობს მშობიარე ქალის ქმარიც, რომლის თქმითაც, ცოლი ფეხმძიმობას უმალავდა და მან მომხდარის შესახებ მას შემდეგ შეიტყო, რაც ქალმა ბავშვი გააჩინა და თავად საავადმყოფოში წაყვანა მოითხოვა.


ჩვილის ჯანმრთელობის მდგომარეობა სტაბილურია, დედა კი საგარეჯოს საავადმყოფოში მკურნალობს.
სიღნაღის პოლიციაში გამოკითხვაზე გადაიყვანეს ქალის ქმარი, იოსებ ქუფარაშვილი.
გამოძიება ადამიანის სიცოცხლისთვის საშიშ მდგომარეობაში ჩაყენების მუხლით მიმდინარეობს.


სხვა სიახლეები