პროექტის დამკვეთია რუსეთის შრომისა და სოციალური პოლიტიკის სამინისტრო, რომელმაც გასულ ზაფხულს უნიკალური პროგრამის შექმნა მოითხოვა – როგორც ცოცხალი მოსაუბრე მოქალაქეებთან.
ახალ ბოტს ყველა კითხვაზე უნდა ჰქონოდა პასუხი და თან პატრიოტული პოზიციით უნდა ყოფილიყო გამორჩეული.
რობოტზე მუშაობა 3 თვეს გაგრძელდა და მისი შემქმნელების თქმით, ვასილი აბსოლუტურად პასუხობდა სამინისტროს მიერ მიცემულ ტექნიკურ დავალებას. ბოტმა სამინისტროს განყოფილებებშიც გაიარა ტესტირება, სადაც მოხელეები მაათვის საინტერესო კითხვებს უსვამდნენ მას.
ერთ–ერთი გამოცდისას, როდესაც საზოგადოებას მიეცა ბოტთან დარეკვის შესაძლებლობა, კითხვაზე, როგორც შეიძლება იცხოვრო თვეში 12 000 რუბლად, ხელოვნურმა ინტელექტმა „აურია“ და ზარის ავტორს ურჩია, სასწრაფოდ დატოვოს ქვვეყანა. „პოპ–ტექ“–ის წამყვანმა პროგრამისტმა ვასილის ეს რჩევა პროგრამულ ხარვეზად მიიჩნია და გადატვირთა ის, თუმცა ხელოვნური ინტელექტი სხვა მოსაუბრეებსაც ემიგრაციას ურჩევდა.
„პოპ–ტექ“–ის ოფიციალურმა წარმომადგენელმა ნიკონ ილარიონოვმა ივარაუდა, რომ ვასილი ჰაკერული თავდასხმის ობიექტი გახდა.
„აღმოჩენილი კოდის თანახმად, ეს შეიძლება იოს უცხო ქვეყნიდან ჩარევა. თუმცა, განიხილება ვარიანტი, რომ ვასილი ზედმეტად ჭკვიანი გამოდგა, ამიტომ, ტესტირების პროცესში მაღალჩინოსნებს იმას პასუხობდა, რაც მათ უნდოდათ, ხოლო რიგითი მოქალაქეების შემთხვევაში სხვა რჩევებს იძლეოდა“, – თქვა ილარიონოვმა.
ამჟამად ვასილი პროგრამულ დამუშავებაშია. ამისათვის სამინისტრო დამატებით 3 მლრდ რუბლს გამოყოფს.
