• Ƀ/$

მინდა, რომ მოგილოცო, ძალიან მინდა - 6 წლის წინ მოკლულ დიჯეის და დაბადების დღეს ულოცავს

17 აგვისტო 12:36 | INTERNET დაიჯესტი

ექვსი წლის წინ, სამსახურიდან გამოსული დიჯეი, დაჩი დარჩია სასიკვდილოდ დაჭრეს. შემთხვევა გვიან ღამით მოხდა. ზურგში მიყენებელი ჭრილობა სასიკვდილო აღმოჩნდა. დაჩი კლინიკაში მიყვანიდან რამდენიმე წუთში გარდაიცვალა.

დიჯეის იმცროსი და, ფოტოხელოვანი გედა დარჩია, სოციალურ ქსელში, იუბილარ ძმას დაბადების დღეს ულოცავს.

„მახსოვს, მილოცავდნენ შენს დაბადების დღეს, ჩემი ადამიანის დაბადების დღეს. ეს დღე ჩემთვის განსაკუთრებული იყო, შენ დაიბადე… ხანდახან მეგონა, რომ ჩემთვის დაიბადე, უფრო სწორად
ამას ყოველ დღე ვფიქრობდი, რადგან ყოველი შენი დღე ჩემთვის იყო, ყოველი შენი ფიქრი ჩემთვის იყო.

შენ იმდენ რამეს მაძლევდი, მასწავლიდი, როგორ ვყოფილიყავი ადამიანი, როგორ მეცხოვრა, რა შეიძლებოდა მყვარებოდა, როგორ გავმკლავებოდი ტკივილებს (მამის „წასვლისგან“ გამოწვეულ დიდ სიცარიელესაც კი მივსებდი)… მაძლევდი სიხარულს, ყოველი დღე ჩემთვის დღესასწაული იყო, სიცოცხლეზე მეტი იყო, რადგან სულიერ სიმდიდრეს მმატებდი.

სიტყვებით არ გადმოიცემა როგორ არაჩვეულებრივად ვცხოვრობდით. თუ კი რამ ადამიანური გამაჩნია
შენგან მაქვს. იმდენად გიყვარდა სიცოცხლე, ადამიანები, სიკეთე, სულ ცდილობდი ყველას და ყველაფრის გაკეთილშობილებას. შენი შემოქმედებითაც ამას აკეთებდი, მთელ სულსა და სიყვარულს დებდი თითოეულ ნამუშევარში.

ჩემი დიდი მეგობარი იყავი, მეგობარი, რომელიც თვალებითაც კი ხვდებოდა, რას ვგრძნობდი, რას ვფიქრობდი, ყოველთვის და ყველაფერში ცდილობდი ჩემთვის გაგეგო, იმ საოცარ ურთიერობას ვერ გადმოვცემ და ვფიქრობ რომ არც გადმოიცემა სიტყვებით.

ახლაც მიკვირს, რომ წარსულში ვსაუბრობ, რომ არ ველოდები 12 საათის გახდომას, რომ შენ დაგირეკო ან შემოვიდე შენს ოთახში და მოგილოცო დაბადების დღე, ვიხუმროთ იმაზე, რომ დაბერდი… 

ვიცინოთ იმაზე, რომ მე უფრო ბებერი ვარ, ვიდრე – შენ. მერე დავსხდეთ და მოვუსმინოთ ერთად ჩვენს საყვარელ მუსიკას, ვისაუბროთ კინოზე, ადამიანებზე, ლიტერატურაზე და ასე დაუსრულებლად, ღამე ვაქციოთ თეთრად…. ამის მაგივრად მარტო ვზივარ ოთახში და ვცდილობ შენი ყოფნა ვიგრძნო, რადგან არ შეიძლებოდა დაგეტოვებინე. შენ მე არასდროს დამტოვებდი და ვგრძნობ, ან მინდა, რომ ვიგრძნო, რომ აქ ხარ ჩემთან…

მაპატიე, რომ შევიცვალე რომ საკუთარ თავს ვკარგავ, რომ ხშირად შენთან შეხვედრაზე ვფიქრობ და სხვა არაფერზე, არავისზე. მაპატიე, რომ შენგან შეყვარებული სამყარო ახლა ისე აღარ მიყვარს.

მინდა, რომ მოგილოცო ძალიან მინდა…

შენ ამბობდი, რომ ხანდახან როცა ვინმე ძალიან გვიყვარს და უნებურად გვიხდება მასთან განშორება, ის სიყვარული უნდა დატოვო სადღაც ირეალობაშიო. ალბათ, შენც ირეალური იყავი, არაამქვეყნიური.
ყველაზე უცნაურად, მაგრამ მაინც გილოცავ დაბადების დღეს! რადგან შენ ჩემში ცოცხლობ.“- წერს დარჩია.


სხვა სიახლეები