საქსტატის მონაცემებით, 2024 წლის აპრილში, წინა თვესთან შედარებით, საქართველოში ინფლაციის დონემ 0.3%, ხოლო წლიურმა ინფლაციამ 1.5 % შეადგინა. რაც შეეხება საბაზო ინფლაციას, 2024 წლის აპრილში, გასული წლის შესაბამის პერიოდთან შედარებით 2.3 % იყო, ხოლო თამბაქოს გარეშე წლიური საბაზო ინფლაციის მაჩვენებელი ასევე 2.3% განისაზღვრა.სტატისტიკის ეროვნული სამსახურის მონაცემებით, წელს აპრილში, წინა წლის იგივე თვესთან შედარებით, გაიაფებულ პროდუქტებს შორისაა ხახვი, ანტიბიოტიკები და წიწიბურა.უფრო კონკრეტულად, გთავაზობთ ტოპ-10 გაიაფებული პროდუქტის ჩამონათვალს: 🔵 ხახვი - 39%🔵 ანტიბიოტიკები - 36%🔵წიწიბურა - 34%🔵 კარტოფილი - 30%🔵 ლიმონი - 22%🔵 ტელევიზორი - 21%🔵 მზესუმზირის ზეთი - 20,5%🔵 ნათურა - 19%🔵 კიტრი - 18%🔵 ელექტროყავადანი - 17%

აზიაში მოსახლეობა ნაადრევად ბერდება. ანალოგიური მდგომარეობა გვაქვს საქართველოშიც. აღნიშნული შესახებ ანგარიში აზიის განვითარების ბანკის 57-ე წლიური შეხვედრის ფარგლებში წარადგინეს. ანგარიშის თანახმად, 2050 წლისთვის 60+ ასაკის მოქალაქეების რაოდენობა აზიასა და წყნარი ოკეანის რეგიონში გაორმაგდება და 1.2 მილიარდს მიაღწევს, რაც რეგიონში მოსახლეობის სრული რაოდენობის მეოთხედია.მოსახლეობის ნაადრევი დაბერება მნიშვნელოვნად გაზრდის მოთხოვნას პენსიაზე, სოციალური კეთილდღეობის პროგრამებსა და ჯანდაცვის სერვისებზე. მიუხედავად ამისა, რეგიონი მოსახლეობის დაბერებით შექმნილ გამოწვევებთან გასამკლავებლად მზად არ არის.დაბალი პენსია, ჯანდაცვის პრობლემები, სოციალური იზოლაცია და პირველად სერვისებზე შეზღუდული წვდომა ძირითადი გამოწვევების რიგებშია. ანგარიშის თანახმად, მათ აღმოსაფხვრელად მთავრობებმა შემდეგი ნაბიჯები უნდა გადადგან:  „განხორციელებულმა სტრატეგიებმა ხელი უნდა შეუწყონ ინვესტირებას ჯანდაცვაში, განათლებაში, უნარების ათვისებასა და საპენსიოდ ფინანსურ მზადყოფნაში“, - განაცხადა ADB-ის მთავარმა ეკონომისტმა ალბერტ პარკმა.ამასთანავე, მთავრობის მხრიდან გადასადგმელი ნაბიჯები მოიცავს საპენსიო პერიოდის დაზღვევას. დასავლეთ ევროპასთან შედარებით, აზიაში ხანდაზმული ადამიანები სიცოცხლის ციკლის განმავლობაში უფრო დიდხანს მუშაობენ. ამასთანავე, 65 წელს გადაცილებული პირების 94% მუშაობს არაფორმალურ სექტორში, რაც ამცირებს მათ წილს ეკონომიკურ განვითარებაში.„მთავრობებმა უნდა შეიმუშაონ და განახორციელონ კარგად მორგებული და კოორდინირებული პოლიტიკა. ამასთანავე, კერძო სექტორს აქვს მნიშვნელოვანი როლი ასაკოვანი მოქალაქეებისთვის სამუშაო ადგილების შექმნაში. მნიშვნელოვანია, რომ უზრუნველყოფილი იყოს პენსიისთვის შესაფერისი ფინანსური პროდუქტები”, - აღნიშნულია ანგარიშში.რაც შეეხება საქართველოს, „ბიზნესპრესნიუსის“ კითხვის საპასუხოდ, ანგარიშის ერთ-ერთი ავტორი აიკო კიკავა აცხადებს, რომ საქართველოსთვის მნიშვნელოვანი გამოწვევაა ჯანდაცვის სექტორი და დაავადებებთან ეფექტური ბრძოლა. მისივე თქმით, მნიშვნელოვანია, რომ საქართველომ ამ მიმართულებით გააგრძელოს მუშაობა.„საქართველოს შემთხვევაში სპეციფიკური მდგომარეობა გვაქვს, პროცესები გავლენას ახდენს დემოგრაფიულ სიტუაციაზე. ალბათ, ჯანდაცვა არის მნიშვნელოვანი საკითხი კავკასიასთან მიმართებაში, აქ უფრო მეტი გაუმჯობესება არის საჭირო. მთელი ცხოვრების განმავლობაში ქრონიკული დაავადებების მკურნალობა მნიშვნელოვანი გამოწვევაა. ჯანდაცვის საკითხები არის ყველაზე მნიშვნელოვანი, განსაკუთრებით გვერდითა ფაქტორები: თამბაქოსა და ალკოჰოლის მოხმარება”, - აღნიშნა აიკო კიკავამ.კითხვაზე, რა ნაბიჯების გადადგმა შეუძლია საქართველოს იმ პირებთან მიმართებაში, ვინც საპენსიო ასაკამდე წყვეტს მუშაობას, ეკონომისტი გვპასუხობს, რომ აღნიშნულთან მიმართებაში სხვადასხვა პროგრამა არსებობს.„ბევრ ქვეყანაში იგივე პრობლემაა, რაც თქვენ ახსენეთ. რაც შეეხება საპენსიო ასაკამდე მუშაობის შეწყვეტას, არსებობს პროგრამები ამასთან მიმართებაში. მაგალითად, როდესაც ადამიანი მთელი ცხოვრება სწავლობს, შეიძლება მან დაიწყოს მუშაობა ერთ სფეროში და ციკლის განმავლობაში შეინარჩუნოს დასაქმების პოტენციალი“, - გვიპასუხა კიკავამ.შეგახსენებთ, 2-5 მაისის ჩათვლით საქართველო აზიის განვითარების ბანკის რიგით 57-ე წლიურ შეხვედრებს მასპინძლობს. ქვეყანას ამ დროის პერიოდში სტუმრობენ სხვადასხვა ქვეყნის დელეგაცია და წარმომადგენლები. შეხვედრების ფარგლებში დაგეგმილია სხვადასხვა მიმართულებით არაერთი პანელური განხილვა.

ქვეყანაში მიმდინარე პროცესები და საზოგადოებაში არსებული დაძაბულობა, რომელიც „უცხოური გავლენის გამჭვირვალობის შესახებ“ კანონპროექტს უკავშირდება, ქართულ ეკონომიკას რთულ მდგომარეობაში აყენებს.ეკონომისტების და ბიზნესმენების დიდი ნაწილი ამბობს, რომ ამ კანონის მიღებით ქვეყანა დაკარგავს შემოსავალს, არ შემოვა უცხოური ინვესტიციები და საქართველო მხოლოდ, ე.წ. ოფშორებიდან წამოსული ფინანსების ამარა დარჩება. საბოლოოდ, ეს ყველაფერი შეამცირებს ქვეყნის მშპ-ს, რაც ნაგატიურად აისახება მოსახლეობის კეთილდღეობაზე. ეკონომიკის შემცირების ტენდენცია კი უკვე აპრილის მაჩვენებლების გამოქვეყნებისას აისახება.ამიტომ, აუცილებელია, რომ სწრაფად დამშვიდდეს სიტუაცია, და თუ ეს ასე არ მოხდა, თუ სწრაფად არ დარეგულირდა მდგომარეობა, ეკონომიკა კიდევ უფრო მძიმე დღეში აღმოჩნდება.

აზიის განვითარების ბანკის (ADB) პრეზიდენტი მასაცუგუ ასაკავა აცხადებს, რომ საქართველო შთამბეჭდავ ნაბიჯებს დგამს მომავლისკენ. ასაკავამ ADB-ის 57-ე წლიური შეხვედრის ფარგლებში, საქართველოს სემინარის დღის ცერემონიის გახსნაზე აღნიშნა, რომ საქართველო ერთ-ერთი ლიდერია რეგიონში.„საქართველო პირველად მასპინძლობს აზიის განვითარების ბანკის წლიურ შეხვედრას. ყველა მოუთმენლად ველით, რომ ძალიან წარმატებული იქნება. საქართველო თავისი ტრადიციული და თანამედროვე, გამორჩეული ბრენდით, არის ძალიან მომხიბვლელი და სტუმართმოყვარე ქვეყანა. საქართველო დგამს შთამბეჭდავ ნაბიჯებს მომავლისკენ. ის არის ერთ-ერთი ლიდერი რეგიონში ტექნოლოგიურ ინოვაციებში, ასევე ევროპისა და აზიის ძლიერი და მნიშვნელოვანი დამაკავშირებელი. საქართველოს სემინარის დღე ნამდვილად განასახირებს ADB-ის წლევანდელი შეხვედრის თემას - ხიდი მომავლისკენ“, - თქვა აზიის განვითარების ბანკის პრეზიდენტმა.წყარო: bm.ge

საქართველოს ეროვნულმა ბანკმა ვალუტის ახალი კურსი დაადგინა. 2 მაისის ვაჭრობის შედეგად აშშ დოლარი გამყარდა და 2.6797 ლარი გახდა. კურსი, რომელიც დღეს მოქმედებდა, 2.6788 ლარი იყო.გამყარდა ევრო, რომლის კურსი 2.8684 ლარია. დღეს მოქმედი კურსი 2.8583 ლარს შეადგენს.თურქული ლირა გამყარდა, რომლის ღირებულებაც 0.0828 ლარია.დღევანდელი ვაჭრობის შედეგად მიღებული კურსი 3 მაისს შევა ძალაში. 

„საქართველოში განვითარებული მოვლენების ფონზე, აფხაზეთში გაჩნდა მოსაზრება, რომ თბილისის პოლიტიკური ორიენტაციის ცვლილებით იმედგაცრუებული ევროპული სტრუქტურები დამოუკიდებელ აფხაზეთთან თანამშრომლობის კურსს დაადგებიან“, - ამის შესახებ აფხაზური მედია წერს.„აბხაზია ცენტრი" აღნიშნავს, რომ ევროპა ეს არის დამოუკიდებელი სასამართლო, ადამიანის უფლებები და დისციპლინა. ის წერს, რომ აფხაზეთი კავკასიის ყველაზე ევროპული ნაწილია."საქართველოში განვითარებული მოვლენების ფონზე, აფხაზეთში გაჩნდა მოსაზრება, რომ თბილისის პოლიტიკური ორიენტაციის ცვლილებით იმედგაცრუებული ევროპული სტრუქტურები დამოუკიდებელ აფხაზეთთან თანამშრომლობის კურსს დაადგებიან. გულუბრყვილოა ვივარაუდოთ, რომ აფხაზეთის ურთიერთობები ევროკავშირთან რუსეთ - აფხაზურის ანალოგიით აშენდება. აქ საქმე სულაც არ არის მოწონების ან არ მოწონების საკითხი.ევროპა არის ევროპული ღირებულებების გაზიარების სურვილი და შესაძლებლობა. ევროპა დამოუკიდებელი სასამართლოა და არა ის ფარსი, რაც ჩვენ გვაქვს. ევროპა ნამდვილი პარლამენტარიზმია და არა პისტოლეტებით ქამრებში მოქცეული კაცები, რომლებიც მზად არიან, ნებისმიერ მომენტში სროლის დასაწყებად. ევროპა არის შრომისმოყვარეობა და დისციპლინა და არა დახურული ინსტიტუტები უფროსის შორეული ნათესავის დაკრძალვის გამო. ევროპა არის ის, როდესაც რესტორნის მფლობელი იხდის ლანჩზე საკუთარ რესტორანში. ევროპა ეხება ადამიანის უფლებებს და არა ეთნიკურობასა და კლანურ კუთვნილებას. კიდევ ბევრი რამ შეიძლება ჩამოვთვალოთ, მაგრამ ნათელია, რომ აფხაზური წესრიგით მას ევროპაში არ დაუშვებენ. თუ სურვილი და მისწრაფება იქნება, შესაძლებელია, წლების განმავლობაში ბევრს მივაღწიოთ. ისტორიულად აფხაზეთი კავკასიის ყველაზე ევროპული ნაწილია", - აღნიშნულია სტატიაში.