ფასებთან დაკავშირებით თვის ბოლომდე დასრულდება სამუშაო პროცესი, რის შემდეგაც საზოგადოებას გავაცნობთ ჩვენს დასკვნებს და შესაბამისად, გეგმას,  - ამის შესახებ  საქართველოს პრემიერ-მინისტრმა ირაკლი კობახიძემ ჟურნალისტებს განუცხადა.მთავრობის მეთაურის თქმით, ეს მოხდება მომავალი თვის დასაწყისშივე.„ყველაფერს გავუზიარებთ საზოგადოებას. დასკვნა იქნება ყველაფერთან დაკავშირებით, რამდენად ჯანსაღია ის სურათი, რომელიც დღეს გვაქვს მოცემული, როგორ შეიძლება შეიცვალოს სურათი უკეთესობისკენ. ამასთან დაკავშირებით საზოგადოებას გავუზიარებთ დასკვნებს“, -  განაცხადა პრემიერმა.ინფორმაციას მთავრობის ადმინისტრაცია ავრცელებს.

2026 წლის იანვარ-მარტში საქართველოში საზამთროს იმპორტი ღირებულების კუთხით 26%-ით, ხოლო რაოდენობრივად 1.5%-ით გაიზარდა - ამის შესახებ ირკვევა სტატისტიკის ეროვნული სამსახურის მონაცემებიდან.უფრო კონკრეტულად, 2026 წლის იანვარ-მარტში საქართველოში იმპორტირებულია 58.6 ათასი დოლარის ღირებულების 140 ტონა საზამთრო, ხოლო 2025 წლის იმავე პერიოდში - 46.6 ათასი დოლარის ღირებულების 138 ტონა.აღსანიშნავია, რომ საანგარიშო პერიოდში საქართველოს საზამთროს იმპორტი 24%-ით გაუძვირდა. ასე მაგალითად, შარშან იანვარ-მარტში თუ 1 კგ. საზამთროს საშუალო საიმპორტო ფასი გადასახადების გარეშე 34 ცენტი იყო, წელს ღირებულება 42 ცენტრამდე გაიზარდა.საქართველოში იმპორტირებული საზამთროს 90.7% ირანულიარაც შეეხება სავაჭრო ბაზრებს, 2026 წლის იანვარ-მარტში საქართველომ საზამთროს იმპორტო მხოლოდ სამი ქვეყნიდან - ირანი, ნიდერლანდები, თურქეთი - განახორციელა. აღსანიშნავია, რომ რაოდენობის კუთხით ყველაზე დიდი წილი - 90.7% ირანს ეკავა.კერძოდ, 2026 წლის საანგარიშო პერიოდში საზამთროს იმპორტი ქვეყნების მიხედვით ასეთია: ირანი - 41.3 ათასი აშშ დოლარის ღირებულების 127 ტონა; ნიდერლანდები - 16.9 ათასი აშშ დოლარის ღირებულების 12 ტონა; თურქეთი - 400 აშშ დოლარის ღირებულების 800 კგ.

თავდაცვის ყოფილი მინისტრი, ჯუანშერ ბურჭულაძე, მისი ყოფილი მოადგილე, გიორგი ხაინდრავა, ბურჭულაძის ცოლის ძმა - ვასილ მხეიძე და თავდაცვის სამინისტროს შესყიდვების დეპარტამენტის ყოფილი უფროსი, ვლადიმერ ღუდუშაური სასამართლომ დამნაშავედ ცნო.აღნიშნული გადაწყვეტილება თბილისის საქალაქო სასამართლოს მოსამართლემ ირაკლი ხუსკივაძემ მიიღო.მისი განაჩენით ჯუანშერ ბურჭულაძეს 10 წლით თავისუფლების აღკვეთა მიესაჯა, ასევე, ჩამოერთვა ქონება - ესპანეთში მდებარე მიწის ნაკვეთი და მასზე განთავსებული სახლი, ასევე დაბა წყნეთში მდებარე სახლი და ავტოსადგომი და 2 წლის ვადით აეკრძალა თანამდებობის დაკავება.გიორგი ხაინდრავას 8 წლით თავისუფლების აღკვეთა მიესაჯა და 2 წლის ვადით თანამდებობის დაკავება აეკრძალა. ვასილ მხეიძეს - 8 წლით თავისუფლების აღკვეთა მიესაჯა და ჩამოერთვა ნივთმტკიცებად ცნობილი საგნები.რაც შეეხება თავდაცვის სამინისტროს შესყიდვების დეპარტამენტის ყოფილ უფროსს, მას საპროცესო შეთანხმება დაუმტკიცდა შემდეგი პირობით: 4 წელი პირობითი მსჯავრი, 10 000-ლარიანი ჯარიმა და 1 წლით თანამდებობის დაკავების აკრძალვა.ვიდრე გადაწყვეტილებას გამოაცხადებდა, მოსამართლე ხუსკივაძემ ღუდუშაურს კითხვებით მიმართა. ის სხდომას დისტანციურად ესწრებოდა და განაცხადა, რომ აღიარებდა დანაშაულს. მოსამართლის გადაწყვეტილებით ყადაღა მოეხსნა მის ქონებას.Ipn.ge

ქონების ეროვნულმა სააგენტომ აუქციონზე გასაყიდად 2 მსუბუქი ავტომობილი გამოიტანა.კერძოდ, სახელმწიფო ყიდის კუპეს ტიპის LAMBORGHINI HURRACAN-ს, რომლის საწყისი ღირებულებაც 480 000 ლარია. სააგენტოს ინფორმაციით, 2016 წელს გამოშვებული ავტომობილის ძრავის მოცულობა 5200 კუბური სანტიმეტრია, გარბენი კი 37766 კილომეტრს შეადგენს. მათივე ცნობით, 3 წელზე მეტია, რაც ავტომობილი ქვეყანაშია ჩამოყვანილი.აღსანიშნავია, რომ ქონების ეროვნული სააგენტოს ინფორმაციითვე, ეს კონკრეტული მოდელი საბაჟო ზედამხედველობის ქვეშ იმყოფება და მოქცეულია დროებითი შემოტანის პროცედურაში. მათივე ცნობით, ამ პროცედურის დასრულებისთვის საქართველოს საბაჟო კანონმდებლობით გათვალისწინებული მოთხოვნები შესრულებული არ არის.რაც შეეხება მეორე ავტომობილს, 110 000 ლარია აუქციონზე გამოტანილი კუპეს ტიპის BENTLEY CONTINENTAL GT V8-ის საწყისი ღირებულება. ქონების სააგენტოს თანახმად, 2015 წელს გამოშვებული ავტომობილის ძრავის მოცულობა 3993 კუბურ სანტიმეტრს შეადგენს, გარბენი კი 98758 კილომეტრია. ამ შემთხვევაშიც, 3 წელზე მეტია, რაც ავტომობილი ქვეყანაში ჩამოყვანილია.ცნობისთვის, ძვირადღირებული ავტომობილების გასხვისების აუქციონი გუშინ, 21 აპრილს გამოცხადდა და 5 მაისს სრულდება.აღსანიშნავია, რომ საქართველოში LAMBORGHINI HURRACAN-ის კლასის ავტომობილებს ღიად იშვიათად ყიდიან, თუმცა იმპორტის შემთხვევაში, ფასი აუქციონზე საწყისი ღირებულების, ტრანსპორტირებისა და განბაჟების ხარჯების გათვალისწინებით, საშუალოდ 210 ათასი აშშ დოლარიდან 230 ათას აშშ დოლარამდე მერყეობს. ფასი განსხვავებულია ავტომობილის მდგომარეობის მიხედვით.რაც შეეხება Bentley Continental GT V8-ს, 2015 წლის, გამართულ მდგომარეობაში მყოფი ეს ავტომობილი რომ შეიძინოთ, საშუალოდ 85 ათასი აშშ დოლარიდან 110 ათას აშშ დოლარამდე თანხაა საჭირო.

ღამის ცხოვრებისთვის საუკეთესო ქალაქების რეიტინგში თბილისი მე-5 ადგილზეა, - ამის შესახებ ინფორმაციას Condé Nast Traveller Middle East-მა გამოაქვეყნა, რომელმაც 2025 წლის ღამის ცხოვრებისთვის მსოფლიოში 10 საუკეთესო ქალაქი გამოარჩია.ღამის ცხოვრებისთვის საუკეთესო ქალაქების რეიტინგი ასეთია:ბარსელონა: 304 ბარი და პაბი 100 კილომეტრზეპარიზი: 317 ბარი და პაბი 100 კილომეტრზეტოკიო: 198 ბარი და პაბი 100 კილომეტრზეპრაღა: 55 ბარი და პაბი 100 კილომეტრზეთბილისი: 24 ბარი და პაბი 100 კილომეტრზესეული: 77 ბარი და პაბი 100 კილომეტრზეერევანი: 33 ბარი და პაბი 100 კილომეტრზებანგკოკი: 23 ბარი და პაბი 100 კილომეტრზებალი: 3 ბარი და პაბი 100 კილომეტრზებუდაპეშტი: 41 ბარი და პაბი 100 კილომეტრზეცნობისთვის, რეიტინგი აფასებს ღამის ცხოვრების უსაფრთხოებას, ბარებისა და პაბების სიმჭიდროვეს, სასმელების ფასებს და ადგილების რეიტინგებს.

თუ ერთი წლის წინ ინფორმაციის ნაკადი იყო X ციფრი, დღეს ეს ციფრი გაზრდილია 30-ჯერ, – ამის შესახებ სახელმწიფო მინისტრობის კანდიდატმა და მომავალმა ვიცე-პრემიერმა, მამუკა მდინარაძემ სუს-ის საქმიანობის შედეგებზე საუბრისას განაცხადა.კითხვაზე, თქვენი ოპონენტები ამბობენ, რომ ეს გაზრდილი მოსმენების ხარჯზე ხდება და ასეა თუ არა, მდინარაძემ უპასუხა:„მათ შორის. რა ეგონათ, დავმალავდი? დიახ, მოსმენებიც არის გაზრდილი, ოღონდ მოსამართლის განჩინების საფუძველზე. თუ ორჯერ და ორ-ნახევარჯერ გაიზარდა განჩინებები, ესეც გაზრდილი მუშაობის შედეგია, სამაგიეროდ, ინფორმაციული ნაკადი გაიზარდა 30-ჯერ და მეტჯერ. არის უამრავი ლეგიტიმური საშუალება, მატერიალურ-ტექნიკურიდანდაწყებული, ადამიანური რესურსით გაგრძელებული, რომლებიც სუს-ში ინფორმაციის შედინებას უზრუნველყოფენ. ეს დინამიკა გაიზრდება გეკა გელაძის მმართველობის პერიოდში, რადგან ეს მიმდინარე მზარდი დინამიკაა. გეკა არაფერს დააკლებს, თუ არ მოუმატებს და ინფორმაცია ნიშნავს მეტ პოზიტიურ კონტროლს სახელმწიფო უსაფრთხოების თვალსაზრისით და მეტ გარანტიას ამ სფეროში ჩვენი ქვეყნისთვის“, – აღნიშნა მამუკა მდინარაძემ „იმედის“ ეთერში.1tv.ge

საქართველო „ღია მმართველობის პარტნიორობიდან“ (OGP) გარიცხეს - ამის შესახებ ინფორმაციას „ინფორმაციის თავისუფლების განვითარების ინსტიტუტი“ (IDFI) ავრცელებს.არასამთავრობო ორგანიზაციის ცნობით, OGP-მ დაასკვნა, რომ ქვეყანაში აღარ არსებობს ის მინიმალური გარემო, რომელიც საჭიროა ღია და ანგარიშვალდებული მმართველობისთვის.„2026 წლის 13 აპრილს „ღია მმართველობის პარტნიორობამ“ (OGP) მიიღო გადაწყვეტილება საქართველოს წევრობის შეჩერებასთან დაკავშირებით. OGP-მ დაასკვნა, რომ ქვეყანაში აღარ არსებობს ის მინიმალური გარემო, რომელიც საჭიროა ღია და ანგარიშვალდებული მმართველობისთვის, და საქართველოს წევრობა საბოლოოდ შეწყვიტა.შედეგად, საქართველო გამოეთიშა ერთ-ერთ ყველაზე პრესტიჟულ საერთაშორისო პლატფორმას, რომელიც მიზნად ისახავს მთავრობის გამჭვირვალობის, ანგარიშვალდებულებისა და მოქალაქეთა მონაწილეობის გაძლიერებას“, - ვკითხულობთ ინფორმაციაში.bpn.ge

დაზუსტებული მონაცემების საფუძველზე, 2024 წლის 14 ნოემბრის მდგომარეობით, საქართველოს მოსახლეობის რიცხოვნობამ 3 929 581 კაცი შეადგინა. ამის შესახებ ინფორმაციას საქართველოს სტატისტიკის ეროვნული სამსახური ავრცელებს.მათივე ცნობით, საქართველოს მოსახლეობის 52% (2 048 577 კაცი) ქალია, ხოლო 48% (1 881 004 კაცი) - კაცი.„დაზუსტებული მონაცემების საფუძველზე, 2024 წლის 14 ნოემბრის მდგომარეობით, საქართველოს მოსახლეობის რიცხოვნობამ 3 929 581 კაცი შეადგინა, რაც 0.4%-ით მეტია 2025 წლის ივნისში გამოქვეყნებულ (3 914 000 კაცი) წინასწარ მონაცემთან შედარებით. საქართველოს მოსახლეობის 52% (2 048 577 კაცი) ქალია, ხოლო 48% (1 881 004 კაცი) - კაცი. ქალების წილი შედარებით მაღალია თბილისსა და ქუთაისში და შეადგენს 54%-ს, ხოლო შედარებით დაბალია ქედის, ხელვაჩაურის, ხარაგაულის, საგარეჯოს, მარნეულის მუნიციპალიტეტებში და შეადგენს 49%-ს.მოსახლეობის აღწერის შედეგების მიხედვით, 2024 წლის 14 ნოემბრის მდგომარეობით, საქალაქო ტიპის დასახლებებში ცხოვრობს მოსახლეობის 62 პროცენტი (2 442 231 კაცი), ხოლო სასოფლო ტიპის დასახლებებში 38 პროცენტი (1 487 350 კაცი). რეგიონების მიხედვით, საქალაქო ტიპის დასახლებებში მცხოვრები მოსახლეობის წილი, თბილისის გარდა, მაღალია აჭარის ავტონომიურ რესპუბლიკაში (67 პროცენტი), რაც განპირობებულია ბათუმის მოსახლეობის მაღალი რიცხოვნობით. საქალაქო ტიპის დასახლებებში მცხოვრებთა წილი შედარებით დაბალია მცხეთა-მთიანეთის, კახეთის, რაჭა-ლეჩხუმისა და ქვემო სვანეთის რეგიონებში და შეადგენს 24 პროცენტს.საქართველოს მოსახლეობაში ყველაზე მაღალია 35-39 (7.6 პროცენტი), 10-14 (7.4 პროცენტი) და 30-34 (7.2 პროცენტი) ასაკობრივი ჯგუფების მოსახლეობა. ასევე უნდა აღინიშნოს, რომ ქალების წილი განსაკუთრებით მაღალია 85 წლის და უფროსი ასაკის მოსახლეობაში, კერძოდ, აღნიშნულ ასაკობრივ ჯგუფში ქალების რიცხოვნობა 2.6-ჯერ აღემატება კაცების რიცხოვნობას.2024 წლის აღწერის მონაცემებით, თბილისში ცხოვრობს 1 331 485 კაცი, რაც საქართველოს მოსახლეობის 34 პროცენტს შეადგენს. მოსახლეობის რიცხოვნობის მიხედვით მეორე და მესამე ადგილს იკავებენ იმერეთის (510 741 კაცი) და ქვემო ქართლის (441 630 კაცი) რეგიონები, რომლებზეც მოდის შესაბამისად მოსახლეობის 13 და 11 პროცენტი.საქართველოს 2024 წლის მოსახლეობის და სასოფლო-სამეურნეო აღწერა ჩატარდა 2024 წლის 14 ნოემბრიდან 31 დეკემბრის პერიოდში. აღწერამ მოიცვა ქვეყნის მთელი ტერიტორია, ოკუპირებული ტერიტორიების გარდა. საერთაშორისო მეთოდოლოგიის მიხედვით, აღწერას დაექვემდებარა ქვეყანაში მუდმივად მცხოვრები საქართველოს ყველა მოქალაქე, ასევე ქვეყნის ტერიტორიაზე მყოფი უცხო ქვეყნის მოქალაქეები და მოქალაქეობის არმქონე პირები. მოსახლეობის გამოთვლის მომენტად (აღწერის კრიტიკული მომენტი) განისაზღვრა 13-14 ნოემბრის შუაღამის 12 საათი, რომლის მიხედვითაც განხორციელდა ფაქტების რეგისტრაცია. აღწერის ფარგლებში, მონაცემები შეგროვდა ელექტრონულად, თანამედროვე ტექნოლოგიების გამოყენებით. პროცესი ორ ეტაპად განხორციელდა: პირველ ეტაპზე (2024 წლის 14-23 ნოემბერი) გამოყენებული იქნა თვით რეგისტრაციის მეთოდი (CAWI), ხოლო მეორე ეტაპზე (29 ნოემბრიდან - 31 დეკემბერი) - კომპიუტერის დახმარებით პერსონალური ინტერვიუს მეთოდი (CAPI). მოსახლეობის მხრიდან გამოვლენილი მაღალი ინტერესის გათვალისწინებით, თვით რეგისტრაციის შესაძლებლობა დამატებით გაგრძელდა მთელი დეკემბრის განმავლობაშიც.ამასთან, იმის გათვალისწინებით, რომ ნოემბერ-დეკემბრის პერიოდში ზოგიერთ მაღალმთიან და ძნელად მისადგომ დასახლებაში ამინდის შესაძლო გაუარესების გამო გართულდებოდა საველე სამუშაოების ჩატარება - მესტიის, ყაზბეგის, ლენტეხის, ნაწილობრივ ახმეტისა (ომალოს ადმინისტრაციული ერთეული) და დუშეთის (გუდამაყრის, მაღაროსკარის, უკანაფშავის, ქვეშეთის, შატილისა და ხევსურეთის ადმინისტრაციული ერთეულები და ფასანაურის ადმინისტრაციულ ერთეულში შემავალი სოფლები) მუნიციპალიტეტებში მოსახლეობის აღწერა ჩატარდა 2024 წლის სექტემბერში. აქვე უნდა აღინიშნოს, რომ აღწერის წინასწარი შედეგები, რომელიც მოიცავდა მოსახლეობის რიცხოვნობას რეგიონების, თვითმმართველი ერთეულების, საქალაქო-სასოფლო ტიპის დასახლების და სქესის მიხედვით, გამოქვეყნდა 2025 წლის ივნისის ბოლოს”,- ნათქვამია ინფორმაციაში.

2025 წელს, საქართველოში, 32 ბავშვი გაშვილდა. მშვილებელ პირთა რაოდენობა კი 1575-ს შეადგენდა.სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს ინფორმაციით, გასული 2025 წლის მონაცემების მიხედვით, გასაშვილებელი სტატუსის მქონე 59 ბავშვი იყო.სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს ინფორმაციით, მშვილებელი შეიძლება იყოს საქართველოში მუდმივად მცხოვრები, სრულწლოვანი პირი, რომელიც აკმაყოფილებს მშვილებლისთვის დადგენილ მოთხოვნებს. ბავშვის შვილად აყვანის მსურველმა საქართველოში მუდმივად მცხოვრებმა პირმა, სააგენტოს დირექტორის მიერ დამტკიცებული ფორმის განაცხადი, საცხოვრებელი ადგილის შესაბამისად, მეურვეობისა და მზრუნველობის ადგილობრივ ორგანოში უნდა წარადგინოს.www.interpressnews.ge

აჭარის ა/რ მთავრობის თავმჯდომარე სულხან თამაზაშვილი საქართველოს შინაგან საქმეთა მინისტრად დაინიშნა - ამის შესახებ მთავრობის ადმინისტრაციაში გამართულ პრესკონფერენციაზე პრემიერ-მინისტრმა ირაკლი კობახიძემ დღეს განაცხადა.კობახიძის თქმით, აჭარის მთავრობის თავმჯდომარეობის კანდიდატი პრეზიდენტთან და აჭარის ავტონომიური რესპუბლიკის უმაღლეს საბჭოსთან კონსულტაციების საფუძველზე უახლოეს პერიოდში დასახელდება.„ბიზნესპრესნიუსი“ დაინტერესდა, რა ქონებას ფლობს სულხან თამაზაშვილი. თამაზაშვილმა ქონებრივი დეკლარაცია ბოლოს 2025 წლის ნოემბერში შეავსო.რა ქონებას ფლობს სულხან თამაზაშვილის ოჯახიამ დოკუმენტის მიხედვით, სულხან თამაზაშვილის საკუთრებაშია მემკვიდრეობით მიღებული 2 მიწის ნაკვეთი, სადაც 50%-იანი წილი აქვს. ორივე მათგანი (2500 კვ.მ და 2498 კვ.მ) ქობულეთის მუნიციპალიტეტის სოფელ ქვედა სამებაში მდებარეობს. მის საკუთრებაშია ბინა თბილისში, რომელიც 2021 წელს 50 000 ლარად შეიძინა.ამასთანავე, თამაზაშვილის მეუღლის საკუთრებაშია წავკისში აგარაკი, რომელიც მემკვიდრეობით მიიღო და 50%-იანი წილი აქვს.დოკუმენტების მიხედვით, ოჯახს ავტოსატრანსპორტო საშუალება არ აქვს.რაც შეეხება ფინანსურ მდგომარეობას, დეკლარაციის შევსების დროს სულხან თამაზაშვილის ოჯახის წევრებს ჯამში ანგარიშზე უფიქსირდებოდათ 6 900 ლარი. აქედან ანგარიშზე, რომელზეც სულხან თამაზაშვილს 5 750 ლარი ჰქონდა, უთითებს, რომ წვდომა 2024 წლის დეკემბრიდან შეზღუდული აქვს.აღსანიშნავია, რომ 2024 წელს სულხან თამაზაშვილი თბილისის პოლიციის დეპარტამენტის დირექტორი იყო. მან 2024 წლის განმავლობაში ხელფასის სახით 105 206 ლარი აიღო.2024 წლის ნოემბრიდან დეკემბრის ბოლომდე მისი მეუღლე სამხარაულის ექსპერტიზის ბიუროს სასაქონლო ექსპერტიზის დეპარტამენტში იყო დასაქმებული, სადაც ხელფასის სახით 5 614 ლარი გამოიმუშავა.ქონებრივ დეკლარაციაში თამაზაშვილი უთითებს, რომ 2023 წელს აიღო ათწლიანი სამომხმარებლო სესხი 60 000 ლარის ოდენობით, გასავალი კი ჰქონდა 19 993 ლარი.შეგახსენებთ, რომ სულხან თამაზაშვილი 2025 წლის 7 აპრილიდან იკავებდა აჭარის ავტონომიური რესპუბლიკის მთავრობის თავმჯდომარის პოსტს.BPN

საქართველოში იხსნება შვეიცარიული სკოლების პირველი საგანმანათლებლო ქსელი, რომელიც მოსწავლეებს შვეიცარიული ხარისხის ინოვაციური სწავლების მოდელს სთავაზობს.რა გამოარჩევს SIST-ს?• შვეიცარიაში გადამზადებული მასწავლებლები;• გაძლიერებული ენები - ინგლისური I კლასიდან, ფრანგული, გერმანული და იტალიური III კლასიდან;• ტექნოლოგიები და მომავლის პროფესიები - კოდირება, რობოტიქსი და ციფრული უნარები სასკოლო პროგრამის ნაწილია;• ბანაკები შვეიცარიაში, მრავალფეროვანი კლასგარეშე პროგრამები.SIST-ის სასწავლო პროგრამის საფუძველს საერთაშორისო დაწყებითი კურიკულუმი (IPC - International Primary Curriculum) წარმოადგენს, რომლის მიხედვითაც მეცნიერება, ისტორია, გეოგრაფია და ხელოვნება ინტეგრირებულად ისწავლება. მოსწავლეები სამყაროს კვლევის მეთოდებით შეიცნობენ, რაც მათ კრიტიკული აზროვნებისა და ანალიზის უნარებს უვითარებს.ორენოვანი განათლება და კემბრიჯის პროგრამის სტანდარტისკოლაში განსაკუთრებული აქცენტი კეთდება ინგლისური ენის სწავლებაზე. პირველივე კლასიდან მოსწავლეები კემბრიჯის (Cambridge Assessment English) პროგრამით ეუფლებიან ენას, ხოლო მესამე კლასიდან სწავლება ბილინგვურ ფორმატში გრძელდება - ზოგიერთი საგანი ქართულად, ზოგი კი ინგლისურ ენაზე ისწავლება.გაცვლითი ბანაკები შვეიცარიაშიზაფხულისა და ზამთრის გაცვლითი ბანაკები შვეიცარიაში მოსწავლეებს აძლევს განსაკუთრებულ შესაძლებლობას, გაიცნონ ახალი კულტურა, გაიღრმავონ ენის ცოდნა და გაიზიარონ ჩვენი სკოლის საერთაშორისო სულისკვეთება.კლასგარეშე აქტივობები აკადემიური პროგრამის პარალელურად, SIST-ი მოსაწავლეებს მრავალფეროვან კლუბებს სთავაზობს:● კრეატიული: დრამა, ხელოვნება, ბალეტი;● სპორტული: კარატე, კედელზე ცოცვა, ტანვარჯიში.გარემო, რომელიც შთააგონებსSIST-ის ინფრასტრუქტურა სრულად პასუხობს თანამედროვე მოთხოვნებს. ულტრათანამედროვე ბიბლიოთეკა, ინოვაციური ლაბორატორიები, კაფეტერია და სპორტული სივრცეები შექმნილია იმისათვის, რომ ბავშვმა თავი კომფორტულად და დაცულად იგრძნოს.უსაფრთხოება და ინდივიდუალური მიდგომასკოლის ერთ-ერთი მთავარი პრიორიტეტი უსაფრთხო და მზრუნველი გარემოა. პოზიტიური ქცევის წახალისების სისტემა, ფსიქოლოგთა გუნდი და მხარდამჭერი მასწავლებლები თითოეული ბავშვის ემოციურ და აკადემიურ კეთილდღეობას უზრუნველყოფენ.შვეიცარიული საერთაშორისო სკოლა თბილისში აფართოებს საგანმანათლებლო ქსელს და გთავაზობთ კამპუსებს ქალაქის სხვადასხვა ლოკაციაზე.მალე: ვაკის კამპუსი, წავკისის კამპუსი.დამატებითი ინფორმაციის მიღების მიზნით დარეგისტრიდით ბმულზე ან დაგვიკავშირდი ნომერზე: +995 511 16 39 95.

ჰაერის ხარისხის მონიტორინგი საქართველოში 15 მისამართზე მიმდინარებს. ამის შესახებ გარემოს ეროვნული სააგენტოს 2025 წლის ანგარიშშია საუბარი. დოკუმენტის მიხედვით, ქვეყნის მასშტაბით განთავსებულია 15 სტაციონარული და 3 მობილური სადგური.გასული წლის ანგარიშის მიხედვით, ატმოსფერული ჰაერის ხარისხის უწყვეტი, 24-საათიანი მონიტორინგი ავტომატური სადგურების საშუალებით ხორციელდება თბილისში, რუსთავში, ბათუმში, ქუთაისში, თელავში, ახალციხეში, მესტიასა და ზუგდიდში.უფრო კონკრეტულად, სადგურების განთავსების ლოკაციებია: 1. თბილისი - წერეთლის გამზ. N105; 2. თბილისი - ყაზბეგის გამზ. ვ. გოძიაშვილის სახელობის განახლებული პარკი; 3. თბილისი - ვარკეთილი 3, IIIა მ/რ, N325-ის მიმდებარედ; 4. თბილისი - აღმაშენებლის გამზ. 73ა, "ილიას ბაღი"; 5. თბილისი -მარშალ გელოვანის გამზირი №34; 6. რუსთავი -მეგობრობის გამზ. №35ა, №20 საჯარო სკოლის ეზო; 7. რუსთავი - ბათუმის ქ. N19 8. ქუთაისი - ლადო ასათიანის ქ. 98; 9. ქუთაისი -ნინოშვილის ქუჩისა და დ. აღმაშენებლის გამზირის გადაკვეთა (ბაღი); 10. ბათუმი - აბუსერიძის ქუჩა N1; 11. ქ. ბათუმში -„ბათუმის ცენტრალური პარკი“; 12. ზუგდიდი-რუსთაველის ქუჩა №192, №3 საჯარო სკოლის ეზო; 13. ახალციხე - ასპინძის ქუჩა №18, №2 საჯარო სკოლის ეზო; 14. თელავი - კვირიკე დიდის ქუჩა №43, №5 საჯარო სკოლის ეზო; 15. მესტია - დაბა მესტია. როგორც დოკუმენტშია აღნიშნული, 2025 წელს გაფორმდა ხელშეკრულება, რომლის ფარგლებშიც დონორული მხარდაჭერით, დაგეგმილია მონიტორინგის არსებული ქსელის გაფართოება და 10 ავტომატური სადგურის განთავსება შემდეგ ქალაქებში: ფოთი (ფონური); ოზურგეთი (ფონური); ზესტაფონი (სამრეწველო და ფონური); თაზაქენდი (სამრეწველო); გორი (საგზაო მოძრაობაზე ორიენტირებული); ბოლნისი (ფონური); სიღნაღი (ფონური); ჭიათურა (ფონური; ბორჯომ-ხარაგაულის ეროვნულ პარკი (ფონური). „2025 წლის განმავლობაში მიმდინარეობდა აღნიშნული ლოკაციების სააგენტოსთვის გადმოცემის და კომუნიკაციების (ელ. ენერგია, ინტერნეტი) მოწყობის სამუშაოები. დამატებითი სადგურების განთავსება დასრულდება 2026 წლის ზაფხულში. შედეგად, ქვეყანას ექნება 25 სტაციონალური და 3 მობილური სადგურისგან შემდგარი ატმოსფერული ჰაერის ხარისხის მონიტორინგის ქსელი“,- ვკითხულობთ ანგარიშში.BPN