საქართველოში დასვენება რომ არც ისე მცირე თანხებთან არის დაკავშირებული, სიახლეს აღარავისთვის წარმოადგენს. ფასი განსაკუთრებით მაღალია იმ შემთხვევაში თუ დასვენებას თბილისის მახლობლად აგარაკის ქირაობის შემთხვევაში გადაწყვეტთ.უძრავი ქონების ვებგვერდის ss.ge-ს მონაცემებით, თბილისის მახლობლად, აგარაკების ქირაობას 1 000 დოლარიდან შეძლებთ, ხოლო მაქსიმალური თანხა 16 000 დოლარით განისაზღვრება.ბუნებრივია, რაც უფრო მაღალია თანხა, მით უფრო სრულ მომსახურებას გთავაზობენ გამქირავებლები. მაგალითად, ერთ თვეში 16 000 დოლარის გადახდის შემთხვევაში თქვენ დაგხვდებათ - დახურული აუზი, ჯაკუზი, ფინური საუნა, რუსული ბილიარდის და პოკერის პროფესიონალური მაგიდები, კარაოკე, მოსასვენებელ სივრცეები, 4 სასტუმროს ნომერს (8 სტუმარი) 2 პანორამული ლიფტი და საზაფხულო ტერასას, სადაც განთავსებულია გარე ჯაკუზი და ავეჯი.საშუალოდ 10 000 დოლარი ღირს აგარაკები წავკისში, წყნეთსა და შინდისში, სადაც უმეტესობა უცხოვრებელია და ასევე სრული კომფორტით არის აღჭურვილი.შედარებით ბიუჯეტურად დაისვენებთ მანგლისში, სადაც ერთი თვის ღირებულება საშუალოდ 2 500 ლარია.რაც შეეხება საგურამოს, ერთი თვით ზაფხულის გატარებაში აქ მინიმუმ 1 200 დოლარი დაგიჯდებათ. დასვენების ღირებულება, კომფორტის შესაბამისად, აქ 6 000 დოლარამდე იზრდება.ზაფხულში აგარაკის ერთი თვით დაქირავების ფასიც, ადგილების შესაბამისად განსხვავებულია. მაგალითად, აგარაკის ქირის ფასი თვის განმავლობაში ტერიტორიების მიხედვით, შემდეგია: ტაბახმელა - 1 000 – 16 000 დოლარი; წავკისი - 1 000 – 10 000 დოლარი; წყნეთი - 1 000 – 9 000 დოლარი; საგურამო - 1 500 – 4 000 დოლარი; კიკეთი - 1 000 – 2 000 დოლარი; მანგლისი - 2 500 ლარი.

საქართველოში გამოკითხული მოქალაქეების 41% მიიჩნევს, რომ „ყველაზე მნიშვნელოვანი“ ბარიერი მშობლობისთვის ფინანსებია, - ამის შესახებ ირკვევა „გაეროს მოსახლეობის ფონდის“ უახლესი კვლევიდან.გარდა ფინანსური პრობლემებისა, გამოკითხულთა 39% მთავარ ბარიერად ჯანმრთელობის პრობლემებს, ხოლო 37% შესაფერისი პარტნიორის არარსებობას ასახელებს.კვლევაში მონაწილეთა 38% მშობლობისთვის მთავარ ბარიერად საკუთარი საცხოვრისის არარსებობას ასახელებს, 30%-სთვის კი ბარიერია ორსულობასა და მშობიარობასთან დაკავშირებული ჯანმრთელობის შიშები.გარდა ზემოთ ჩამოთვლილისა, მშობლობისთვის მოქალაქეები სხვა სახის პრობლემებსაც ასახელებენ: პარტნიორის არასაკმარისი ჩართულობა საოჯახო საქმეებსა და ბავშვზე ზრუნვაში - 27% რეგიონში/მსოფლიოში არასტაბილურობა - 23% პარტნიორის სურვილი, რომ შვილები არ ჰყავდეს - 21% უკვე მიღწეულია სასურველი შვილების რაოდენობა - 21% მშობლობის მიმართ ძალიან მაღალი მოლოდინები - 19% სხვა ადამიანებზე/მშობლებზე ზრუნვის დიდი პასუხისმგებლობა - 19% კლიმატის ცვლილება/გარემოსდაცვითი პრობლემები - 15% კვლევის თანახმად, საქართველოში გამოკითხული მოქალაქეების 77% მიიჩნევს, რომ მშობლობისთვის „ძალიან მნიშვნელოვანი“ წინაპირობა ფინანსური უსაფრთხოებაა, 68%-სთვის ეს მეუღლის ყოლა, ხოლო 74%-სთვის ფსიქოლოგიური მზადყოფნაა.გარდა ამისა, გამოკითხულთა 73% მიიჩნევს, რომ მშობლობისთვის „ძალიან მნიშვნელოვანია“ საკუთარი საცხოვრებლის ფლობა, 73%-სთვის - სტაბილური დასაქმება, 60%-სთვის - განათლების დასრულება, 58%-სთვის - კარიერაში დამკვიდრება, ხოლო 34%-სთვის - სასურველი ადგილების მონახულება.აღნიშნული კვლევა ჩატარდა 2025 წელს, აღმოსავლეთ ევროპისა და ცენტრალური აზიის 11 ქვეყანასა და ტერიტორიაზე: აზერბაიჯანში, ბოსნია და ჰერცეგოვინაში, საქართველოში, ყაზახეთში, ყირგიზეთში, მოლდოვაში, ჩრდილოეთ მაკედონიაში, სერბეთში, უკრაინაში, უზბეკეთსა და კოსოვოში (გაეროს უშიშროების საბჭოს 1244-ე რეზოლუცია), ინტერნეტზე წვდომის მქონე 18–39 წლის ასაკის 13 500-ზე მეტი რესპონდენტის მონაწილეობით.

დედაქალაქის მერი კახა კალაძე საზოგადოებას მიმართავს, გაუფრთხილდნენ იმ ინფრასტრუქტურას, რომელიც მუნიციპალიტეტის სხვადასხვა სამსახურმა თბილისელებისთვის მოაწყო. ამის შესახებ მან შპს „ეკოსერვის ჯგუფის“ განახლებული ტექნიკის პრეზენტაციაზე განაცხადა და კიდევ ერთხელ გამოხატა წუხილი იმ ფაქტთან დაკავშირებით, რომ ქალაქში ჯერ კიდევ ხდება ვანდალიზმის ფაქტები.„მინდა, თითოეულ თბილისელს მივმართო ერთი თხოვნით – რაც ერთად შევქმენით, ერთად გავუფრთხილდეთ. არცერთი სკვერი, პარკი, საბავშვო ატრაქციონი და არცერთი დარგული ხე მხოლოდ მერიის არ არის. ეს ჩვენი შვილების, ოჯახებისა და თითოეული თბილისელის საკუთრებაა. სამწუხაროდ, ვანდალიზმის ფაქტები ჯერ კიდევ გვაქვს ქალაქში, რაც ძალიან გულდასაწყვეტია. ვანდალიზმი მხოლოდ მუნიციპალური ქონების დაზიანება არ არის. ეს არის უპატივცემულობა საკუთარი ქალაქის, მეზობლებისა და შვილების მომავლის მიმართ. თბილისი ჩვენი საერთო სახლია და მისი მოვლა მხოლოდ მერიის საქმე ვერ იქნება. ქალაქი მაშინ იქნება მართლაც ევროპული, როდესაც თითოეული ჩვენგანი იგრძნობს პასუხისმგებლობას იმ გარემოს მიმართ, სადაც ვცხოვრობთ“, – განაცხადა თბილისის მერმა.მისივე თქმით, მუნიციპალიტეტი მწვანე სივრცეების მოწყობასა და განახლებას მომავალშიც აქტიურად განაგრძობს.„ჩვენ მომავალშიც ისეთივე პასუხისმგებლობით განვაგრძობთ თბილისის გამწვანებასა და ეკოლოგიურად ჯანსაღი გარემოს შექმნას, როგორც ამას ბოლო წლების განმავლობაში ვაკეთებდით. ჩვენი მიზანია, თბილისი იყოს ქალაქი, რომლითაც თითოეული თბილისელი იამაყებს; ქალაქი, სადაც სისუფთავე, წესრიგი, სიმწვანე და ადამიანზე ზრუნვა ყოველდღიური ცხოვრების ნაწილია, რადგან ქალაქის სიყვარული სიტყვებით კი არ იზომება, არამედ ყოველდღიური შრომით, პასუხისმგებლობითა და გაფრთხილებით“, – აღნიშნა კახა კალაძემ.

საქართველოს მეზობელ ქვეყნებს შორის თვიური საშუალო ხელფასით თურქეთი ლიდერობს, ხოლო ყველაზე დაბალი მაჩვენებელი აზერბაიჯანში ფიქსირდება.ამის შესახებ ირკვევა Numbeo-ს განახლებული სტატისტიკიდან, რომელიც 99 ქვეყნის მონაცემებს აერთიანებს.უფრო კონკრეტულად, რეიტინგში თურქეთი 48-ე ადგილს იკავებს, სადაც საშუალო თვიური ხელფასი 1 070 დოლარს შეადგენს. 81-ე ადგილზე კი შეხვდებით აზერბაიჯანს, სადაც თვიური ხელფასი 455 დოლარს უტოლდება.მეზობელ ქვეყნებს შორის აზერბაიჯანის შემდეგ ყველაზე დაბალი საშუალო ხელფასი საქართველოშია. ქვეყანა რეიტინგში 74-ე ადგილზეა, ხოლო საშუალო თვიური ხელფასი 557 დოლარს შეადგენს.სომხეთი რეიტინგში 59-ე ადგილზეა, სადაც საშუალო თვიური ხელფასი 757 დოლარია, ხოლო რუსეთი 55-ე ადგილს იკავებს 900-დოლარიანი საშუალო თვიური ხელფასით.BPN

თბილისის მერის კახა კალაძის განცხადებით, კომპანია, რომელიც მარიჯანის ქუჩაზე კორპუსს აშენებს, უსაფრთხოების წესების დარღვევის გამო, 30 000 ლარით დაჯარიმდება, სამშენებლო პროცესი კი შეჩერდება. საუბარია უხვი ნალექის შედეგად ჩამოშლილ ქვაბულის ფერდზე.როგორც მან თბილისის მთავრობის სხდომაზე განაცხადა, სამხარაულის ბიუროს დასკვნით მიმდებარე კორპუსის მოსახლეობას საფრთხე არ ემუქრებათ."მუნიციპალურმა ინსპექციამ ჩამოსლის ფაქტზე მყისიერი რეაგირება მოახდინა, რომლის შედეგადაც უსაფრთხოების წესების დარღვევის გამო, ობიექტი დაჯარიმდება 30 000 ლარით, სამშენებლო პროცესი შეჩერდება. კომპანიას დაევალა გამაგრების სამუშაოების ჩატარება. შესაბამისად დამუშავებული პროექტის საფუძველზე, რომლითაც დადასტურდება მომიჯნავე ნაკვეთებისა და მასზე მდგომი შენობა-ნაგებობების უსაფრთხოება, გარდა ამისა, მინდა გითხრათ, რომ სამშენებლო მოედანზე, როცა დაფიქსირდა ქვაბულის ფერდის ჩამოშლის ფაქტი, სამხარაულის ბიუროს დასკვნის საფუძველზე, მიმდებარე კორპუსის მოსახლეობას საფრთხე არ ემუქრება" - განაცხადა კახა კალაძემ.როგორც კალაძე ამბობს, აღნიშნულ ტერიტორიაზე  წარსულში კომპანია ცენტრ პონტი ახორციელებდა მშენებლობას, ქვაბული კი დაუსრულებელი დანგებობის დემონტაჟის დროს გაჩნდა."ეს არის სამშენებლო კომპანია ცენტრ პოინტის მიერ დაზარალებული ოჯახების ერთ-ერთი სამშენებლო ობიექტი, მარიჯანის ქუჩა ნომერ 4-ში, იქ სადაც ვრცელდებოდა ვიდეოები, როდესაც ქვაბული ჩამოიშალა. [...] ამ კონკრეტულ მისამართზე იყო ეს ავარიული შენობა-ნაგებობა, დაუმთავრებელი და წლების განმავლობაში ათასობით ოჯახი ელოდებოდა, რომ მიეღო საცხოვრებელი ფართი, ათასობით ოჯახი გააუბედურა აღნიშნულმა სამშენებლო კომპანიამ.დედაქალაქის მერიას არანაირი ვალდებულება არ ჰქონდა, გადაგვედგა ეს ნაბიჯი, დავხმარებოდით ამ ოჯახებს, ამ ადამიანებს, თუნდაც ამ ცენტრ პოინტის მეპატრონეებს, ყველანაირი ხელი შეგვეწყო ამ ადამიანებისთვის. ჩვენი კეთილი ნება იყო, გადაგვედგა ის ნაბიჯი, რომ ათასობით გაუბედურებულ ოჯახს დავხმარებოდით, ვინც წლების განმავლობაში ელოდებოდა ფართებს. მინდა ასევე გითხრათ, არცერთი სამშენებლო კომპანია, ვინც აიღო ვალდებულება ამ სამშენებლო სამუშაოებზე, მერიას და დედაქალაქის მუნიციპალიტეტს არ მოუყვანია. ჩვენ დაზარალებულ ოჯახებს მივეცით შესაძლებლობა, თვითონ გადაეწყვიტათ, ვინ იქნებოდა კონკრეტულ სამშენებლო ობიექტზე, რომელ კომპანიას მოიყვანდნენ.ამ შენობის დემონტაჟი განხორციელდა და ქვაბული, რომელიც წარმოქნილია, არის ამ შენობის დემონტაჟის შედეგად, სადაც შემდეგ უნდა განხორციელდეს სამშენებლო სამუშაოები. ეს კომპანია არის ნექსთ დორი. აღნიშნულ კომპანიას აქვს ორი ლოკაცია, სადაც აქვს ნაკისრი ვალდებულება, რომ ცენტრ პოინტის დაზარალებული ოჯახების დაკმაყოფილება მოხდეს. ერთია მარიჯანის ქუჩაზე, სადაც 433 ოჯახი უნდა იყოს დაკმაყოფილებული სამშენებლო ფართებით, მეორე – ვაშლიჯვარში. [...]2024 წელს გაიცა მარიჯანის ქუჩაზე სამშენებლო ნებართვა, თუმცა იმის გათვალისწინებით, რომ ჩვენგან იყო მოთხოვნილი ხიმინჯოვანი საძირკვლის მოწყობა, ვთხოვეთ, კორექტირება შეეტანათ სამშენებლო ნებართვაში, იმიტომ რომ აღნიშნულ მისამართზე გადის ძველი კოლექტორი, რომელიც დღეს არ ფუნქციონირებს". - განაცხადა კალაძემ.

ვეტერინარული კლინიკები რეგიონებში პატრონიანი ძუ ძაღლების სტერილიზაციასა და ჩიპირებას უფასოდ ჩაატარებენ, - ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.მათივე განცხადებით, დღეს სააგენტოში გაიმართა შეხვედრა იმ ვეტერინარული კლინიკების წარმომადგენლებთან, რომლებიც რეგიონებში ჰიპერპოპულაციის პროგრამის ფარგლებში პატრონიანი ძუ ძაღლების სტერილიზაციასა და ერთიან ელექტრონულ ბაზაში რეგისტრაციას/ჩიპირებას ატარებენ.„ადამიანის ჯანმრთელობის დაცვისა და საზოგადოებრივი უსაფრთხოების უზრუნველსაყოფად განსაზღვრულია როგორც უპატრონო/მიკედლებული, ასევე პატრონიანი ძაღლების იდენტიფიკაცია-რეგისტრაცია და ჩიპირება, ასევე, საჭიროების შემთხვევაში, ძუ ძაღლების სტერილიზაცია, რასაც სააგენტოსთან ერთად, კერძო ვეტერინარული კლინიკები უზრუნველყოფენ. პროცესში მნიშვნელოვანია ადგილობრივი თვითმმართველობების ჩართულობა,“ - განაცხადა სურსათის ეროვნულ სააგენტოს უფროსმა, გიორგი იაკობაშვილმა.

სომხეთში კიდევ ერთი პრორუსი ოლიგარქი, ბიზნესმენი და პოლიტიკოსი, გაგიკ ცარუკიანი დააკავეს, რომელიც, ასევე, ოპოზიციური პარტია „აყვავებული სომხეთის“ ლიდერია. ის სომხეთის საგამოძიებო კომიტეტს გადაეცა, ხოლო სასამართლოში მისი დაპატიმრების შუამდგომლობა შევიდა.ინფორმაციას ადგილობრივი მედია ცარუკიანის ადვოკატზე დაყრდნობით ავრცელებს.6 ივლისის დილიდან ოლიგარქის სახლთან მიმდინარე საგამოძიებო პროცესი საღამოს საათებამდე გაგრძელდა. ჩხრეკა როგორც ცარუკიანის სახლში, ასევე, მის ჰოლდინგ Multi Group-ში ჩატარდა. სომხეთის საგამოძიებო კომიტეტის ცნობით, სისხლის სამართლის გამოძიების ფარგლებში ერთდროულად 70-ზე მეტი მისამართი გაიჩხრიკა.ცარუკიანს თაღლითობასა და ფულის გათეთრებაში ხელშეწყობა ედება ბრალად. ადვოკატის ცნობით, საქმე სომხურ-ირანის სავაჭრო პალატას უკავშირდება და სომეხმა სამართალდამცავმა ორგანოებმა, ირანის გარკვეულ მასალებზე დაყრდნობით, ცარუკიანი ამ საქმეში ბრალდებულად გადააკვალიფიცირეს.ვინ არის გაგიკ ცარუკიანი, იგივე „დოდი გაგო”გაგიკ ცარუკიანი, ფართო წრეებში ცნობილია მეტსახელით “დოდი გაგო.” ის 1956 წლის 25 ნოემბერს, სომხეთის მაშინდელი სსრ-ის სოფელ არინჯში დაიბადა. დაამთავრა იმავე სოფლის საშუალო სკოლა, სადაც თავისი მომავალი მეუღლე, ჯავაჰირი გაიცნო. 1989 წელს ფიზიკური აღზრდის სომხეთის სახელმწიფო უნივერსიტეტი დაამთავრა, სადაც კრივში, ჭიდაობასა და მკლავჭიდში ვარჯიშობდა.„აყვავებული სომხეთის“ დამფუძნებელი სომხეთის ეროვნული კრების წევრი 2003 წლიდანაა, ხოლო 2004 წლიდან სომხეთის ეროვნული ოლიმპიური კომიტეტის პრეზიდენტია. 2004 წლის 30 აპრილს ის აირჩიეს და დღემდე რჩება პარტია „აყვავებული სომხეთის“ ლიდერად.2020 წლის ივნისში მას საპარლამენტო იმუნიტეტი მოეხსნა. მიზეზი ეროვნული უსაფრთხოების სამსახურის მიერ ცარუკიანის ბიზნესის წინააღმდეგ სისხლის სამართლის საქმეების აღძვრა იყო, რომელიც უკანონო ბიზნეს-საქმიანობას, სომხეთის მაშინდელი საარჩევნო პროცესის დროს ქრთამის აღებისა და მისი კომპანიების მონაწილეობით დანაშაულებრივი სქემების გამოვლენას ეხებოდა.ცარუკიანი სომხეთში ერთ-ერთი უმდიდრესი მეწარმე და კონცერნ Multi Group-ის დამფუძნებელია. მისი ქონება, სხვადასხვა შეფასებით, პიკზე 2.2 მლრდ დოლარს აღწევდა, ხოლო ბიზნესი წარმოებიდან კაზინოებამდე სექტორებს მოიცავს.სამეწარმეო საქმიანობას 1980-იანი წლებიდან ეწეოდა. 1992 წლიდან კომპანია „არმენიის“ აღმასრულებელი დირექტორის თანამდებობას იკავებდა, რის შემდეგაც მან, ასევე, თავის სოფელ არინჯში რძის პროდუქტების საწარმო დააარსა.მრავალპროფილური კონცერნი, Multi Group ცარუკიანმა 1995 წელს დააარსა, რომელიც ქიმიურ-ფარმაცევტულ, ტურისტული, ავტოიმპორტიო და დილერულ, ავეჯის, ლუდისა და ალკოჰოლური სასმელების, მინერალური წყლების, ცემენტის მწარმოებელ, ქვეყნის მასშტაბით თხევადი ბუნებრივი გაზის მიმწოდებელ, აგრარულ, სასტუმრო და სპორტული კომპლექსებისა და ტანსაცმლის იმპორტიორ კომპანიებს მოიცავს.წლევანდელი 7 ივნისის არჩევნების შედეგად პრორუსული „აყვავებული სომხეთი“ და მისი ლიდერი პარლამენტში ვეღარ მოხვდა.The Insider წერდა, რომ ცარუკიანი რეგულარულად სტუმრობდა მოსკოვს და 2019 წლის თებერვალში „აყვავებულმა სომხეთმა“ მმართველ „ერთიან რუსეთთან“ თანამშრომლობის პროტოკოლს ხელი მოაწერა. ამასთან, ახლო საზღვარგარეთის ქვეყნებთან კულტურული ურთიერთობების საკითხებზე რუსეთის პრეზიდენტთან არსებული და ამჟამად დაშლილი განყოფილებიდან გამოჟონილი მასალები ცარუკიანის პასპორტის ასლსა და 2017 წელს მისი საარჩევნო კამპანიის ხარჯთაღრიცხვას მოიცავდა.ცნობისთვის: ზუსტად ერთი თვის წინ, 7 ივნისს სომხეთში რუსეთთან კავშირის მქონე მორიგი ბიზნესმენი, კერძოდ, რუსეთში სომხური ბიზნესსაბჭოს ვიცეპრეზიდენტი დააკავეს. ის საპარლამენტო არჩევნებში მონაწილეობის მისაღებად რუსეთიდან სომხეთის მოქალაქეების ტრანსპორტირების ორგანიზებაში იყო ეჭვმიტანილია.სომხეთის საგამოძიებო კომიტეტის ცნობით, ეჭვმიტანილი სომხეთში 31 მაისს ჩავიდა და Telegram-ის გამოყენებით რუსეთში მცხოვრები სომხებისთვის არჩევნებში მონაწილეობის მისაღებად სომხეთში უფასო მგზავრობას უზრუნველყოფდა.BPN

2026-2027 სასწავლო წელს სკოლებში ცვლილებები იგეგმება. მოსწავლეები გარკვეულ საგნებს ახალი საათობრივი ბადით ისწავლიან. ამის შესახებ ინფორმაცია თავდაპირველად ინტერპრესნიუსმა გაავრცელა.ტაბულას განათლების სამინისტროში უთხრეს, რომ საათობრივი ბადე სკოლებს უკვე გაეგზავნათ, თუმცა ის ოფიციალურად დამტკიცებული ჯერ არ არის.შესაძლო ცვლილებების თანახმად, ქიმიის საგნის სწავლება, მე-8 კლასის ნაცვლად, მე-7 კლასიდან დაიწყება.ასევე შესაძლოა, მე-7 კლასიდან ქართულ ენისა და ლიტერატურის საგნები მოსწავლეებმა ცალ-ცალკე ისწავლონ. ამასთან ერთად, შესაძლო ცვლილებებით, მე-7 კლასიდან ცალკე საგნად შეისწავლება საქართველოს ისტორია და მსოფლიოს ისტორია.ცვლილებებით, დაგეგმილია, დაწყებით საფეხურზე ქართული ენისა და ლიტერატურის და მათემატიკის სწავლება გაიზარდოს.თუკი ცვლილებები დამტკიცდა, მე-10 კლასიდან ამოიღებენ მსოფლიო ისტორიას და მოსწავლეები მხოლოდ საქართველოს ისტორიას ისწავლიან.ცნობისთვის, 1-ელ ივლისს განათლების მინისტრმა, გივი მიქანაძემ თქვა, რომ მეათე კლასისთვის საქართველოს ისტორია ცალკე საგანი იქნებოდა."განისაზღვრება ცალკე სახელმძღვანელო, ის ისტორიის საერთო ნაწილში აღარ იქნება და მსოფლიო ისტორია ცალკე იქნება". - თქვა მიქანაძემ.tabula.ge

საქართველოში მოსახლეობის ნაწილი კვლავ წყალმომარაგებისა და წყალარინების სისტემების მიღმა რჩება2025 წელს საქართველოში წყალმომარაგების საქმიანობას 28 საწარმო ახორციელებდა. მათ მიერ შინამეურნეობებისთვის მიწოდებული წყლის მოცულობამ 258.6 მილიონი კუბური მეტრი შეადგინა, რაც წინა წლის მაჩვენებელზე 6.2%-ით მეტია. 2024 წელს ეს მაჩვენებელი 243.4 მილიონ კუბურ მეტრს შეადგენდა.სტატისტიკის ეროვნული სამსახურის მონაცემებით, 2025 წლის 31 დეკემბრის მდგომარეობით, წყალმომარაგების სისტემაზე მიერთებული იყო 2.87 მილიონი ადამიანი, რაც ქვეყნის მთლიანი მოსახლეობის 72.8%-ს შეადგენს. წინა წლის ანალოგიურ პერიოდში წყალმომარაგების სისტემაზე მიერთებული მოსახლეობის რაოდენობა 2.79 მილიონი იყო. შესაბამისად, წლიურად მაჩვენებელი 2.9%-ით გაიზარდა.მიუხედავად ზრდისა, საქართველოს მოსახლეობის 27.2% კვლავ წყალმომარაგების ცენტრალიზებული სისტემის მიღმა რჩება, რაც ინფრასტრუქტურული განვითარების ერთ-ერთ მნიშვნელოვან გამოწვევად რჩება, განსაკუთრებით რეგიონებსა და სოფლად მცხოვრები მოსახლეობისთვის.ანგარიშის მიხედვით, 2025 წელს წყალარინების, ანუ კანალიზაციის ქსელზე მიერთებული მოსახლეობის რაოდენობამ 2.06 მილიონი შეადგინა, რაც მთლიანი მოსახლეობის 52.3%-ია. ეს მაჩვენებელი წინა წლის მონაცემს 3.0%-ით აღემატება. 2024 წელს წყალარინების ქსელზე მიერთებული იყო 2 მილიონი ადამიანი.გარდა ამისა, 2025 წელს ჩამდინარე წყლის გამწმენდ ნაგებობაზე მიერთებული მოსახლეობის რაოდენობამ 1.64 მილიონი შეადგინა, რაც ქვეყნის მთლიანი მოსახლეობის 41.6%-ს უდრის. წინა წლის ანალოგიურ პერიოდში ეს მაჩვენებელი 1.59 მილიონი იყო, შესაბამისად, წლიურად ზრდამ 3.1% შეადგინა.მონაცემები აჩვენებს, რომ წყალმომარაგებისა და წყალარინების ინფრასტრუქტურაზე წვდომა ეტაპობრივად უმჯობესდება, თუმცა ქვეყნის მოსახლეობის მნიშვნელოვანი ნაწილი კვლავ სრულფასოვანი კომუნალური სერვისების გარეშე რჩება. განსაკუთრებით საყურადღებოა წყალარინებისა და ჩამდინარე წყლების გამწმენდი სისტემების მიმართულება, სადაც მოსახლეობის დაფარვის მაჩვენებელი წყალმომარაგებასთან შედარებით კვლავ დაბალია.

მეც­ნი­ე­რე­ბი უკვე დიდი ხა­ნია იკ­ვლე­ვენ, რო­გორ მოქ­მე­დებს მა­ღა­ლი ტემ­პე­რა­ტუ­რა ადა­მი­ა­ნის ორ­გა­ნიზ­მზე, თუმ­ცა ბოლო წლებ­ში გან­სა­კუთ­რე­ბუ­ლი ყუ­რა­დღე­ბა ტვი­ნის ჯან­მრთე­ლო­ბა­ზე გა­მახ­ვილ­და.კვლე­ვე­ბი აჩ­ვე­ნებს, რომ ექ­სტრე­მა­ლუ­რი სი­ცხე მხო­ლოდ ფი­ზი­კურ დის­კომ­ფორ­ტს არ იწ­ვევს, მას შე­უძ­ლია გავ­ლე­ნა მო­ახ­დი­ნოს ჩვენს მეხ­სი­ე­რე­ბა­ზე, გა­და­წყვე­ტი­ლე­ბე­ბის მი­ღე­ბის უნარ­ზე, ემო­ცი­ებ­ზე და სხვა­დას­ხვა ნევ­რო­ლო­გი­უ­რი და­ა­ვა­დე­ბის მიმ­დი­ნა­რე­ო­ბა­ზე. რა­ტომ არის ტვი­ნი სი­ცხის მი­მართ მგრძნო­ბი­ა­რე? ადა­მი­ა­ნის ტვი­ნი სხე­უ­ლის ერთ-ერთი ყვე­ლა­ზე აქ­ტი­უ­რი ორ­გა­ნოა. ის მუდ­მი­ვად მო­იხ­მარს ენერ­გი­ას და ამ პრო­ცეს­ში სით­ბო­საც გა­მო­ი­მუ­შა­ვებს. სწო­რედ ამი­ტომ ორ­გა­ნიზ­მი მუდ­მი­ვად ცდი­ლობს ტვი­ნის ტემ­პე­რა­ტუ­რის რე­გუ­ლი­რე­ბას.თუ სხე­უ­ლი გა­და­ხურ­და, ტვი­ნის უჯრე­დე­ბი ნორ­მა­ლუ­რად ვე­ღარ ფუნ­ქცი­ო­ნი­რებს. სპე­ცი­ა­ლის­ტე­ბის თქმით, ტემ­პე­რა­ტუ­რის მა­ტე­ბა გავ­ლე­ნას ახ­დენს იმ ქი­მი­ურ პრო­ცე­სებ­ზე, რომ­ლე­ბიც ნერ­ვულ უჯრე­დებს შო­რის ინ­ფორ­მა­ცი­ის გა­და­ცე­მას უზ­რუნ­ველ­ყოფს. შე­დე­გად, შე­იძ­ლე­ბა გა­უ­ა­რეს­დეს კონ­ცენ­ტრა­ცი­ის, ყუ­რა­დღე­ბის, რე­აქ­ცი­ის და გა­და­წყვე­ტი­ლე­ბე­ბის მი­ღე­ბის უნა­რი.მეც­ნი­ე­რე­ბი ამ პრო­ცესს სა­ა­თის მე­ქა­ნიზმს ადა­რე­ბენ - თუ ერთი ნა­წი­ლი ირ­ღვე­ვა, მთე­ლი სის­ტე­მა ნაკ­ლე­ბად ეფექ­ტუ­რად მუ­შა­ობს.ერთ-ერთი ასე­თი და­ა­ვა­დე­ბაა დრა­ვე­ტის სინ­დრო­მი - ეპი­ლეფ­სი­ის მძი­მე ფორ­მა, რომ­ლის დრო­საც სი­ცხემ ან ტემ­პე­რა­ტუ­რის უე­ცარ­მა ცვლი­ლე­ბამ შე­საძ­ლოა კრუნ­ჩხვა გა­მო­იწ­ვი­ოს.ეპი­ლეფ­სი­ით და­ა­ვა­დე­ბუ­ლი ადა­მი­ა­ნე­ბის­თვის ხა­რის­ხი­ა­ნი ძილი გან­სა­კუთ­რე­ბით მნიშ­ვნე­ლო­ვა­ნია. მეც­ნი­ე­რე­ბი ამ­ბო­ბენ, რომ რო­დე­საც სი­ცხის გამო ადა­მი­ა­ნი სა­თა­ნა­დოდ ვერ ის­ვე­ნებს, კრუნ­ჩხვე­ბის გან­ვი­თა­რე­ბის რის­კი იზ­რდე­ბა.ამას­თან, ზო­გი­ერ­თი ნევ­რო­ლო­გი­უ­რი და­ა­ვა­დე­ბის მქო­ნე პა­ცი­ენტს ორ­გა­ნიზ­მის ბუ­ნებ­რი­ვი გაგ­რი­ლე­ბის მე­ქა­ნიზ­მე­ბიც დარ­ღვე­უ­ლი აქვს, რის გა­მოც სი­ცხის ატა­ნა კი­დევ უფრო უჭირს.ექი­მე­ბი აღ­ნიშ­ნა­ვენ, რომ მა­ღა­ლი ტემ­პე­რა­ტუ­რა ასე­ვე ამ­ძი­მებს: ეპი­ლეფ­სი­ას; გა­ფან­ტულ სკლე­როზს; შა­კიკს; ენ­ცე­ფა­ლიტს; ინ­სულ­ტის შემ­დგომ მდგო­მა­რე­ო­ბას; დე­მენ­ცი­ას და ალ­ცჰა­ი­მე­რის და­ა­ვა­დე­ბას. კვლე­ვე­ბის მი­ხედ­ვით, ტემ­პე­რა­ტუ­რის მა­ტე­ბას­თან ერ­თად იზ­რდე­ბა ინ­სულ­ტის შემ­თხვე­ვე­ბი­სა და მის­გან გა­მოწ­ვე­უ­ლი სიკ­ვდი­ლი­ა­ნო­ბის რის­კიც. სი­ცხის ტალ­ღე­ბის დროს დე­მენ­ცი­ის მქო­ნე პა­ცი­ენ­ტებ­ში ჰოს­პი­ტა­ლი­ზა­ცი­ი­სა და სიკ­ვდი­ლი­ა­ნო­ბის მაჩ­ვე­ნე­ბე­ლი იზ­რდე­ბა.მი­ზე­ზი მხო­ლოდ ასა­კი არ არის. სპე­ცი­ა­ლის­ტე­ბი გან­მარ­ტა­ვენ, რომ კოგ­ნი­ტუ­რი დარ­ღვე­ვე­ბის მქო­ნე ადა­მი­ა­ნებს ხში­რად უჭირთ გა­რე­მოს ცვლი­ლე­ბებ­ზე ადაპ­ტი­რე­ბა. მა­გა­ლი­თად, შე­იძ­ლე­ბა და­ა­ვი­წყდეთ წყლის და­ლე­ვა, არ გა­მო­ი­ყე­ნონ კონ­დი­ცი­ო­ნე­რი ან ყვე­ლა­ზე ცხელ სა­ა­თებ­ში გა­რეთ გა­ვიდ­ნენ.მეც­ნი­ე­რე­ბი გან­სა­კუთ­რე­ბულ ყუ­რა­დღე­ბას ამახ­ვი­ლე­ბენ ორ­სულ ქა­ლებ­ზე. კვლე­ვე­ბის მი­ხედ­ვით, ექ­სტრე­მა­ლუ­რი სი­ცხე და­კავ­ში­რე­ბუ­ლია ნა­ად­რე­ვი მშო­ბი­ა­რო­ბის რის­კის ზრდას­თან. ერთ-ერთი ფარ­თო­მას­შტა­ბი­ა­ნი მი­მო­ხილ­ვის თა­ნახ­მად, სი­ცხის ტალ­ღე­ბის დროს ნა­ად­რე­ვი მშო­ბი­ა­რო­ბის ალ­ბა­თო­ბა და­ახ­ლო­ე­ბით 26%-ით იზ­რდე­ბა.ნა­ად­რე­ვად და­ბა­დე­ბულ ბავ­შვებ­ში კი უფრო მა­ღა­ლია ნე­ი­რო­გან­ვი­თა­რე­ბი­თი პრობ­ლე­მე­ბი­სა და კოგ­ნი­ტუ­რი დარ­ღვე­ვე­ბის რის­კი.კლი­მა­ტის ცვლი­ლე­ბა კი­დევ ერთ საფრ­თხეს ქმნის. ტემ­პე­რა­ტუ­რის მა­ტე­ბი­სა და რბი­ლი ზამ­თრე­ბის გამო ფარ­თოვ­დე­ბა იმ კო­ღო­ე­ბის გავ­რცე­ლე­ბის არე­ა­ლი, რომ­ლე­ბიც სხვა­დას­ხვა ვირუსს ავ­რცე­ლე­ბენ.მათ შო­რი­საა: ზი­კას ვირუ­სი; დენ­გეს ცხე­ლე­ბა; ჩი­კუნ­გუ­ნია. ზო­გი­ერთ ამ ინ­ფექ­ცი­ას შე­უძ­ლია ნერ­ვუ­ლი სის­ტე­მის და­ზი­ა­ნე­ბა, ხოლო ორ­სუ­ლო­ბის პე­რი­ოდ­ში ნა­ყო­ფის ტვი­ნის გან­ვი­თა­რე­ბა­ზე უარ­ყო­ფი­თი გავ­ლე­ნის მოხ­დე­ნა.ექ­სპერ­ტე­ბი ამ­ბო­ბენ, რომ კლი­მა­ტის ცვლი­ლე­ბის გავ­ლე­ნა ტვინ­ზე ჯერ ბო­ლომ­დე შეს­წავ­ლი­ლი არ არის. თუმ­ცა უკვე აშ­კა­რაა, რომ ტემ­პე­რა­ტუ­რის ზრდა ნევ­რო­ლო­გი­უ­რი და ფსი­ქი­კუ­რი ჯან­მრთე­ლო­ბის­თვის სე­რი­ო­ზულ გა­მოწ­ვე­ვას წარ­მო­ად­გენს.წყარო: ambebi.ge

10-ზე მეტი უძრავი ქონება, 2025 წელს შეძენილი 3 ავტომობილი, ქველმოქმედების მიზნით, გაცემული თანხა - ასეთია მცირე ინფორმაცია პარლამენტის დეპუტატის ლაშა ტალახაძის ქონებრივი დეკლარაციიდან.ცნობისთვის, ტალახაძე ძალოსნობაში სამგზის ოლიმპიური, შვიდგზის მსოფლიო და ევროპის ჩემპიონია. ის ასევე ფლობს მსოფლიო რეკორდს ატაცში, აკვრასა და ორჭიდის ჯამში. 2024 წლიდან კი არის მე-11 მოწვევის პარლამენტის წევრი.აღსანიშნავია, რომ „ქართული ოცნების“ დეპუტატმა ქონებრივი დეკლარაცია მიმდინარე წლის იანვარში წარადგინა.დოკუმენტის მიხედვით, მის საკუთრებაშია ათეულობით უძრავი ქონება, რომელიც ძირითადად 2021-2022 წლებშია შეძენილი.ამასთან, როგორც დოკუმენტში ვკითხულობთ, ლაშა ტალახაძემ გასულ წელს იყიდა 3 ავტომობილი და მათში ჯამურად 134 000 აშშ დოლარი გადაიხადა.უფრო კონკრეტულად, დეკლარაციის თანახმად, ლაშა ტალახაძის სახელზეა: 369.9 კვ.მ. ფართობის ტერასა თბილისში, რომელიც 2021 წელს 30 000 აშშ დოლარად არის შეძენილი; თბილისში 112.4 კვ.მ. ფართობის ბინა, რომელიც 2021 წელს 85 000 აშშ დოლარად არის შეძენილი; თბილისში 81.2 კვ.მ.ფართობის ბინა, რომელიც 2021 წელს 100 000 აშშ დოლარად არის შეძენილი; თბილისში 114.3 კვ.მ. ფართობის ბინა, რომელიც 2021 წელს 90 000 აშშ დოლარად აქვს შეძენილი; თბილისში 77.6 კვ.მ. ფართობის ბინა, რომელიც 2021 წელს 57 000 აშშ დოლარად არის შეძენილი; თბილისში 565 კვ.მ. ფართობის ბინა, რომელიც 2022 წელს 83 000 აშშ დოლარად აქვს შეძენილი; თბილისში 46 კვ.მ. ფართობის ბინა, რომელიც 2014 წელს 41 000 აშშ დოლარად არის შეძენილი; თბილისში 45.6 კვ.მ. ფართობის ბინა, რომელიც 2024 წელს ჩუქებით აქვს მიღებული; მცხეთაში 532 კვ.მ. ფართობის ბინა, რომელიც 2024 წელს 230 000 აშშ დოლარად აქვს შეძენილი; 370 კვ.მ. ფართობის მიწის ნაკვეთი მცხეთაში, რომელიც 2022 წელს 20 000 აშშ დოლარად არის შეძენილი; 1500 კვ.მ. ფართობის მიწის ნაკვეთი მცხეთაში, რომელიც 2022 წელს 40 000 აშშ დოლარად არის შეძენილი; 10 000 კვ.მ. ფართობის მიწის ნაკვეთი დუშეთის მუნიციპალიტეტში, რომელიც 2022 წელს 125 000 აშშ დოლარადაა შეძენილი; 601 კვ.მ. ფართობის მიწის ნაკვეთი თბილისში, რომელიც 2021 წელს 85000 აშშ დოლარად არის შეძენილი. გარდა უძრავი ქონებისა, როგორც დეკლარაციაშია აღნიშნული, მის საკუთრებაშია 2025 წელს შეძენილი 3 მსუბუქი ავტომობილი. ესენია: JEEP WRANGLER GLADIATOR 2022 (შეძენილი 34 000 აშშ დოლარად); TOYOTA 300 (შეძენილი 80 000 აშშ დოლარად) და TOYOTA 4RUNNER 2017 (შეძენილი 20 000 აშშ დოლარად).რაც შეეხება ფინანსურ მდგომარეობას, დეკლარაციის შევსების მომენტში ლაშა ტალახაძეს სხვადასხვა საბანკო ანგარიშზე ჯამში, 1.002 მლნ ლარი, ხოლო ნაღდი ფულის სახით, 10 000 აშშ დოლარი ჰქონდა.ამასთან, ქონებრივი დეკლარაციის მიხედვით, ლაშა ტალახაძე 4 კომპანიაში ფლობს წილებს, მათგან 2 საწარმოს საქმიანობით წლიურად მიღებული აქვს ჯამში, 150 ათასი ლარის შემოსავალი. ასევე სრულად მის საკუთრებაშია შპს „ლაშა ტალახაძის სახელობის ოლიმპიური ბანაკი“. თუმცა, დოკუმენტში მითითებულია, რომ ყველა ამ კომპანიაში დეპუტატს წილები სამართავად სხვა პირზე აქვს გადაცემული.რაც შეეხება გასულ წელს მიღებულ შემოსავლებს, დოკუმენტის თანახმად, ლაშა ტალახაძეს პარლამენტის წევრის პოზიციაზე წლიურად 112 688 ლარის, ხოლო ძალოსნობის ფედერაციის პრეზიდენტის პოსტზე {2025 წლის აპრილი-დეკემბრის პერიოდში} 12 226 ლარის შემოსავალი აქვს მიღებული.გარდა ამისა, 2025 წელს ლაშა ტალახაძეს მიღებული აქვს ოლიმპიური ნაკრების წევრთა სტიპენდია 66 000 ლარის ოდენობით, ასევე ოლიმპიური ჩემპიონის პენსიის სახით - 24 000 ლარი.ამასთან, დოკუმენტის თანახმად, გასულ წელს ქველმოქმედების მიზნით, ლაშა ტალახაძეს და მის მეუღლეს 37 800 ლარი აქვთ გაცემული. გარდა ამისა, როგორც დეკლარაციაშია მითითებული, მათ რამდენიმე სესხის, უძრავი თუ მოძრავი ნივთის შეძენა/გასხვისების შედეგად უფიქსირდებათ შემოსავალ/გასავალი. ასევე ლაშა ტალახაძეს ქონების გადასახადის სახით, 10 100 ლარი აქვს გადახდილი.როგორც ქონებრივ დეკლარაციაში ვკითხულობთ, ლაშა ტალახაძის მეუღლის სახელზეა 3 ბინა თბილისში, 2 ბათუმში, ასევე, მიწის ნაკვეთი სენაკში და მსუბუქი ავტომანქანა TOYOTA PRADO 2024, რომელიც 2025 წელს 63 500 აშშ დოლარად არის შეძენილი. მასვე დეკლარაციის შევსების მომენტში, საბანკო ანგარიშზე 15 ათასი ლარი, ნაღდი ფულადი თანხის სახით კი, 12 000 ლარის დანაზოგი ჰქონდა.წყარო: BPN

ჩვენ შევძელით, რომ პროდუქტების კატეგორიებს, რომელიც მოსახლეობის უმრავლესობისთვის მნიშვნელოვანია, საუკეთესო ფასი აქვს, - განაცხადა გადაცემაში „იმედი LIVE“ ეკონომიკური პოლიტიკის საპარლამენტო კომიტეტის თავმჯდომარემ, შოთა ბერეკაშვილმა.წამყვანმა ჰკითხა, რა შედეგი მოიტანა ფასებთან დაკავშირებულმა საპარლამენტო კომისიის მუშაობამ.„ჩვენი კომისიის ფარგლებში რეკომენდაციები გაიცა მოკლევადიან პერიოდზე, საშუალოვადიან პერიოდზე და დავწერეთ გრძელვადიანი განვითარების სტრატეგია. ამ ეტაპზე შეგვიძლია ვისარგებლოთ მხოლოდ მოკლევადიან პერსპექტივაში რა გაკეთდა. ჩვენთვის ოპონენტების კრიტიკული განცხადებები მნიშვნელოვანი არ არის, მნიშვნელოვანია ფაქტები. როდესაც [ www.ekalata.gov.ge ] პორტალი შევქმენით, საშუალო ჩეკი 13 პროდუქტზე იყო 43 ლარი და 20 თეთრი, დღევანდელი რეალობა არის 37 ლარი და 72 თეთრი. ეს იმას ნიშნავს, რომ კონკურენცია მუშაობს, სისტემა მუშაობს.მთავარი არ უნდა დაგვავიწყდეს, რომ ეს არის შეთავაზება საუკეთესო ფასდაკლებებით. თუ საბაზისო ფასს ავიღებთ, დახლის ფასს, რომელიც ჩვეულებრივ პირობებში არის ფასი, სხვაობა ორჯერ მეტია. შეიქმნა მოდელი, რომელიც ჩვენს მოქალაქეს აძლევს ყოველდღიურად, საუკეთესო ფასი ჰქონდეს ამ 13 პროდუქტის კატეგორიაზე. შიდა კვლევაც ჩავატარეთ და ეს 13 პროდუქტი თითქმის ყველა ოჯახისთვის მნიშვნელოვანია. ჩვენ შევძელით, რომ პროდუქტების კატეგორიებს, რომელიც მოსახლეობის უმრავლესობისთვის მნიშვნელოვანია, საუკეთესო ფასი აქვს“, - აღნიშნა ბერეკაშვილმა.