ვის არ უყვარს ნესვი, თაფლივით ტკბილი, წვნიანი და სასარგებლო. ის აზიური ქვეყნების საჩუქარია და დიდი ხანია ჩვენში იცნობენ, მათ შორის, დასავლეთ საქართველოში, სადაც არაერთი ადგილობრივი ჯიში გვქონდა.. თუმცა მას შემდეგ, რაც კახეთში ნესვის გაფართოებული პლანტაციები გაჩნდა, დასავლეთ საქართველოში კახური ტკბილი ჯიში არჩიეს და ნესვის ფართობები სხვა კულტურით ჩაანაცვლეს. ნესვზე ყოველთვის დიდი მოთხოვნაა. შარშან, მაგალითად, ჩვენმა ქვეყანამ ნესვი არა მხოლოდ ტრადიციულად თურქეთში, არამედ ნიდერლანდებშიც იყიდა. თუმცა ისიც უნდა აღინიშნოს, რომ ჩვენმა ფერმერებმა ეს გაითვალისწინეს და წლეულს იმდენი ნესვის მოსავალი მოიყვანეს, რომ მოთხოვნა აქ მოწეული მოსავლით სრულად კმაყოფილდება. ლაგოდეხი ბაღჩეული კულტურების მოწინავე მწარმოებლად ითვლება საქართველოში და ნესვის მოსავალზე, მის ჯიშებსა და რეალიზაციაზე ლაგოდეხელი ფერმერი მაკარ შეყელაძე გვესაუბრება.- ბაღჩეული კულტურის სახელსაც კი ვერ გაიხსენებ, რომელსაც ლაგოდეხელი ფერმერები არ აწარმოებდნენ. მათგან სახელგანთქმულია ლაგოდეხური ნესვი. როგორც ვიცი, ლაგოდეხში ნესვი ბევრად მეტი ითესება, ვიდრე წინა წლებში.- ყველაფერს ბაზარი წყვეტს. ისეთი წლებიც გვქონია, როდესაც მოსავლის სარეალიზაციოდ ტრანსპორტი არ არსებობდა და დიდი რაოდენობით ბაღჩეულის დათესვას აზრი არ ჰქონდა. სხვათა შორის, საბჭოეთში გამოყვანილი ნესვის ჯიშები გემრიელი იყო, მაგრამ შენახვის გაცილებით მოკლე ვადა ჰქონდა, ვიდრე ახლანდელ ჯიშებს. ახალ ჯიშებზე ზოგჯერ ამბობენ, ჰიბრიდულია და ასეთი ჯიშების შემოტანით ნესვსაც გემო დაეკარგაო, რასაც მე არ ვიზიარებ, არაერთი ჰიბრიდული ძალიან გემრიელია, მაგალითად, "კარიერი" ძალზე ტკბილია. გარდა ამისა, კლიმატურ პირობებს ახლანდელი ჯიშები მეტად უძლებს.- საქართველოში ნესვის ადგილობრივი ჯიშები თუ გვაქვს.- როგორ არა. მაგალითად, ე.წ. მეგრული ნესვი, რომელიც მთელ შავიზღვისპირეთში მოდის. იმედია, ეს ჯიში ვინმეს ექნება შემონახული. მართალია, სავეგეტაციო პერიოდი ამ ჯიშს ცოტა გრძელი აქვს, 80 დღემდე, მაგრამ მაინც საადრეო ჯიშაგანაგრძეთ კითხვა დ ითვლება. ასევე ქართული ჯიშია "მუხიანური", რომელიც ხალხური სელექციით არის გამოყვანილი. იმერეთის რეგიონში, ასევე დასავლეთ საქართველოში ითესებოდა, გარდა ზუგდიდისა და, თუ არ ვცდები, ხობის ზონისა. დასავლეთ საქართველოს ზონიდან ეს ჯიში აქ არ ვარგოდა მხოლოდ. ვფიქრობ, "მუხიანურიც" შენახული ექნება ადგილობრივ მოსახლეობას. არის ხალხი, რომელიც ყველა ჯიშს გულითა და მონდომებით ინარჩუნებს.- ბატონო მაკარ, ფერმერები როგორ ებრძვით იმ გარემოებას, რომელსაც სოფლის მეურნეობა გთავაზობთ ყოველწლიური გაძვირებით. მაგალითად, ნესვის თესლიც კი, რომელსაც ყოველწლიურად ყიდულობთ, მუდმივად ძვირდება.- ეს არ არის მარტივი. ბაზრის წინასწარი გათვლაც ჯერ ვერ ვისწავლეთ და მოსავალი ხან იმ რაოდენობით მოგვდის, ვეღარ საღდება. პრობლემებიც მაქვს, წლეულს, მაგალითად, ალაზანი გადმოვარდა კალაპოტიდან და ჩემს ყანაში წყალი მუხლამდე დადგა, ამიტომ ნესვიც ნაწილობრივ გამიფუჭა. ნესვი წყალს ვერ იტანს, მაგრამ ამის გამო გულხელს ხომ არ დავიკრეფ. 1 ჰექტარ ნაკვეთში 32 ტონამდე ნესვი მოვიყვანე. ადრე ბევრად მეტიც მომსვლია, მაგრამ ახლა ასე გამოვიდა.- ასეთ დროს ხომ არ ზარალობს ფერმერი. მაგალითად, ამ შრომაში ჰექტრიდან რამდენია შემოსავალი, 5 ათასი ლარი თუ უფრო მეტი?- თვეობით ამხელა შრომასა და ნესვის გამუდმებით მოვლაში მხოლოდ 5 ათასი ლარი რომ რჩებოდეს, მაშინ ნესვს არც მოვიყვანდი. გააჩნია, 10 ათასამდე არის მოგება. თუმცა ესეც არაფერია ოჯახისთვის, თუ სხვა კულტურებისგან შემოსავალი არ დაემატა. ლაგოდეხში არიან ფერმერები, რომლებსაც 5 ჰექტარზეც აქვთ ნესვის პლანტაცია. განაგრძეთ კითხვა

ყაბაყი სასარგებლო ბოსტნეულია და არც მოყვანაა ძნელი, მაგრამ მას ჩვენში რატომღაც დიდ ფართობებზე არ თესავენ. ყოველ შემთხვევაში, ბევრად იშვიათად, ვიდრე, მაგალითად, ბადრიჯანს. ამიტომ მოსახლეობა მაინც თურქულ ბაზარზეა დამოკიდებული, განსაკუთრებით ბავშვების პატრონები, რომელთა მენიუში ყაბაყი შედის. თუმცა არიან წინდახედული ფერმერები, რომლებიც ცდილობენ იმდენი ყაბაყი მოიყვანონ, რამხელა მოთხოვნაც აქვთ და მის რეალიზებასაც ადვილად შეძლებენ. მსგავსი პატარ-პატარა "შეთანხმებები" მუშტართან ქვეყნის სხვადასხვა კუთხეშია დადებული, მათ შორის ნიკა ბეგალიშვილი აწვდის სოფელ წნორიდან ყაბაყს დედაქალაქელებს. რატომ უნდა მოვიყვანოთ არცთუ რთულად მოსაწევი ყაბაყი უფრო მეტი, ამის შესახებ ნიკა ბეგალიშვილს ვესაუბრეთ.- თქვენ მრავალფეროვანი სოფლის მეურნეობის მიმდევარი ხართ და არა მარტო ადგილობრივი, არამედ უცხო კულტურებიც მოგყავთ. ყაბაყი რატომ აირჩიეთ?- უბრალოდ, ჩავხედე ინფორმაციას მისი სარგებლობის შესახებ, მისი მოვლა-მოყვანის პირობებს და მივხვდი, რომ არც მოყვანა გამიჭირდებოდა და არც რეალიზაცია - სულ ეს იყო.თუ არ ჩავთვლით იმას, რომ თავადაც სიამოვნებით გეახლებით კარგი დიასახლისის მომზადებულს. ყაბაყისაგან შეიძლება დაამზადო ნებისმიერად შეზავებული კერძი, მათ შორის სალათები. თუმცა ბავშვებისათვის შეუდარებელია ორი ძირითადი თვისების გამო: ყველა ბაღჩეულზე მეტ ჩ ვიტამინს შეიცავს, ამასთანავე, გამოდევნის ორგანიზმიდან ტოქსინებს. სხვა თვისებებიც აქვს, თუმცა ყველას შეუძლია ნახოს სოციალური ქსელით და ყაბაყის მოყვანითაც დაინტერესდეს.მე ყაბაყი არც ისე დიდ ფართობზე მაქვს დათესილი, რომელსაც მომხმარებელი ჰყავს და რეგულარულად ვაწვდი წელიწადის ყველა დროს, გარდა ზამთრისა. ზამთარში ყაბაყი სათბურში უნდა დათესო, რადგან ოდნავი სიცივეც არ უყვარს, -1°ჩ-ზეც შეიძლება დაზიანდეს.არსებობს ყაბაყის რამდენიმე სახეობა, საადრეოც და საგვიანოც. ყაბაყის სახეობებს, მარტის თვიდან ყველა თვეს ვთესავთ. წლეულს მომდევნო თესვას სექტემბერში ჩავატარებ და ახალ მოსავალს ნოემბრის შუა რიცხვებში ავიღებ, რომელსაც კლიენტი უკვე ელის.ყაბაყი თუკი არ დაკონსერვდა, არც ინახება. დაკონსერვება ნოემბრიდან მარტამდე შეგვიძლია, როცა გრუნტში ყაბაყი აღარ მოდის აცივების გამო. თუმცა ზოგიერთი ამ კულტურას სათბურშიც თესავს. ყოველ შემთხვევაში, თურქეთიდან ზამთრის პერიოდში სათბურის ყაბაყი შემოდის.- როგორც ვიცი, ყაბაყის ღირებულება მხოლოდ ზაფხულში იწევს დაბლა. თუმცა ამ დროსაც ხშირად მეტი ფასი აქვს, ვიდრე სხვა ბაღჩეულს, მაგალითად, ბადრიჯანს.- დაახლოებით ასეა. თუმცა სუპერმარკეტებში, რომელთაც მცირე ფერმერებთან აქვთ ხელშეკრულება, ყაბაყი ძვირი ღირს. ჩემი პროდუქციის ფასი 4,50 ლარზე დაბლა არ ჩამოსულა. ამას იმით ავხსნი, რომ მხოლოდ ბიოლოგიურად სუფთა პროდუქცია მომყავს გადამწვარი ნაკელით, სხვა სასუქს არ მოვიხმარ. ერთხანს ამას არ მიჯერებდნენ, მაგრამ მას შემდეგ, რაც დედაქალაქში თურმე ჩემი პროდუქცია ზოგიერთმა ლაბორატორიაში შეამოწმა, მადლობა მითხრეს და ყაბაყს, სხვა მოსავალთან ერთად, ერთიანად ვყიდი. ქალაქში ჩემივე ავტომანქანით ჩამაქვს და კონკრეტულ სავაჭრო ობიექტს ვაბარებ.- შეგიძლიათ გვიამბოთ, ყაბაყი როგორ მოგყავთ?- მე პირადად გრუნტში მომყავს, ხარისხიან თესლს სასოფლო მაღაზიებში ვყიდულობ და ვთესავ. ერთი კვირის შემდეგ ყაბაყს უკვე ყლორტები აქვს. ერთი სახეობის ყაბაყის თესლი შეგვიძლია ყოველ 10 დღეში ერთხელ დავთესოთ.განაგრძეთ კითხვა

10 სექტემბრის მდგომარეობით, კახეთის რეგიონში გადამუშავებულია 56 ათას ტონამდე ყურძენი, აქედან, 27 ათას ტონამდე რქაწითელი, 22,6 ათას ტონამდე საფერავი, ხოლო დანარჩენი სხვადასხვა ჯიშის ყურძენია. ინფორმაციას გარემოს დაცვისა და სოფლის მეურნეობის სამინისტრო ავრცელებს.უწყების ცნობით, რთველი სხვადასხვა აქტივობით საგარეჯოს მუნიციპალიტეტის გარდა, კახეთის ყველა რეგიონში მიმდინარეობს.„ყურძნის დღეღამური გადამუშავების მაჩვენებელმა 9 ათას ტონას მიაღწია, რაც ნიშნავს რომ რთველი აქტიურ ფაზაშია. ყოველდღიურად მოსავლის გადამუშავების პროცესში 70-მდე კომპანია და მარანია ჩართული. ამ ეტაპისთვის მოსავალი უკვე 4500-მდე მევენახე-ფერმერმა დააბინავა. 2024 წელს, ყურძნის საპროგნოზო მოსავალი, რეკორდულ 300 ათას ტონას შეადგენს. მევენახე ფერმერების მიერ ყურძნის მოსავლის რეალიზაციის ხელშეწყობის და მეღვინეობის დარგის სტაბილური განვითარების მხარდაჭერის მიზნით, საქართველოს მთავრობა რთველი სუბსიდირებას წელსაც ახორციელებს. სუბსიდია 20 ათასზე მეტ მევენახეს მოსავლის რეალიზაციის, ხოლო რთველში ჩართულ 500-მდე კომპანიას, ყურძნის შეუფერხებლად შესყიდვა-გადამუშავების შესაძლებლობას მისცემს. სახელმწიფო სუბსიდიას მიიღებს ყველა ის კომპანია, რომელიც 2024 წლის რთველის განმავლობაში შეიძენს და გადაამუშავებს კახეთის რეგიონში მოწეულ არანაკლებ 100 ტონა რქაწითელის ჯიშის ყურძენს და 1 კგ ყურძენში არანაკლებ 1.00 ლარს გადაიხდის. ქალაქ თელავში რთველის საკოორდინაციო შტაბი და გარემოს დაცვისა და სოფლის მეურნეობის სამინისტროს ცხელი ხაზი (1501) 24 საათიანი რეჟიმში მუშაობს“, - აღნიშნულია ინფორმაციაში.

საქართველოს მთავრობა მუშაობს მიწის კოდექსის პროექტზე, რომლის პარლამენტისთვის წარდგენაც მიმდინარე საშემოდგომო სესიაზე განიხილება.როგორც პარლამენტის 2024 წლის საშემოდგომო სესიისთვის გათვალისწინებულ საქართველოს მთავრობის კანონშემოქმედებითი საქმიანობის მოკლევადიან გეგმაშია აღნიშნული, მიწის კოდექსის შემუშავება განპირობებულია იმით, რომ მიწის კანონმდებლობა არ არის სისტემატიზებული, მიწასთან დაკავშირებული საკითხები დაქსაქსულია და მოწესრიგებულია სხვადასხვა საკანონმდებლო და კანონქვემდებარე ნორმატიული აქტით, რაც ართულებს მიწასთან დაკავშირებული რეგულაციების აღქმადობას.„გარდა აღნიშნულისა:სხვადასხვა კანონში ტერმინები სხვადასხვაგვარად არის განმარტებული და ურთიერთშეუსაბამოა. საკანონმდებლო აქტები მიღებულია სხვადასხვა წლებში და არ არსებობს ერთგვაროვანი მიდგომა შინაარსობრივად ერთგვაროვან საკითხებზე;არსებული საკანონმდებლო აქტების აღსრულება წარმოადგენს სხვადასხვა ადმინისტრაციული ორგანოების კომპეტენციას, ცალკეულ შემთხვევებში მკვეთრად არ არის გამიჯნული კომპეტენციები ან ბუნდოვანია რომელ უწყებას ექვემდებარება საკითხის გადაწყვეტა, მათ შორის, ქვეყანაში არ არსებობს ოფიციალური უწყება, რომელიც ნიადაგის მიხედვით დაადგენს მიწის მიზნობრივ დანიშნულებას და კატეგორიას;არ არსებობს სასოფლო-სამეურნეო დანიშნულების მიწის ნაკვეთის არასასოფლო- სამეურნეო დანიშნულებით შეცვლის შემთხვევაში, მიწის საკომპენსაციო თანხის განსაზღვრის მკაფიო კრიტერიუმები, რომელიც დაეფუძნება ნიადაგის შეფასებას, მოსავლიანობას, მიწის ნაკვეთის ღირებულებას და ა.შ;მიწის დანიშნულების და კატეგორიის დადგენის მიზნით, გამოიყენება საბჭოთა პერიოდის მიწათსარგებლობის გეგმები, რომლებიც მოძველებულია და არ ასახავს ადგილზე დღეს არსებულ მდგომარეობას. ეს გეგმები არ ახლდება და საკანონმდებლო აქტით არ არის დადგენილი უწყება, რომელიც პასუხისმგებელი იქნება ამ საკითხზე;წყლის ფონდის, წიაღის და მიწაზე კერძო საკუთრების საკითხების საკანონმდებლო მოწესრიგება რიგ შემთხვევაში, ბუნდოვანია;არ არსებობს მიწის საბაზრო ღირებულების შეფასების ერთიანი სისტემა;არ არის დადგენილი მესაკუთრის ვალდებულება, დაამუშაოს სასოფლო-სამეურნეო დანიშნულების მიწა;არ არის დადგენილი ეფექტური საკანონმდებლო მექანიზმი მიწათსარგებლობაზე სახელმწიფო ან/და მუნიციპალური ზედამხედველობის თვალსაზრისით.ზემოაღნიშნულიდან გამომდინარე, მნიშვნელოვანია, რომ მიწასთან დაკავშირებული საკითხები (გარდა იმ საკითხებისა, რომელიც, თავისი არსით მიზანშეწონილია, ან კონსტიტუციიდან გამომდინარე, სავალდებულოა, რომ ცალკე საკანონმდებლო აქტებით რეგულირდებოდეს) მოწესრიგდეს ერთიანი, სისტემატიზებული საკანონმდებლო აქტით, რომელშიც თავს მოიყრის ყველა ის მნიშვნელოვანი რეგულაცია, რომელიც მიწის შენარჩუნებასა და გამოყენებას, სამართალურთიერთობებში ყველა პირის უფლება-მოვალეობებსა და ადმინისტრაციული ორგანოს კომპეტენციას განსაზღვრავს,“ - ვკითხულობთ გეგმაში.

5 სექტემბრის მდგომარეობით, 25 ათას ტონამდე ყურძენია გადამუშავებული, აქედან, 12 ათას ტონამდე რქაწითელი, 7.5 ათას ტონამდე საფერავი, ხოლო დანარჩენი სხვადასხვა ჯიშის ყურძენი, - ამის შესახებ ინფორმაციას ღვინის ეროვნული სააგენტო ავრცელებს.მათი ცნობით, უახლოეს დღეებში ყურძნის მოსავლის დაბინავება გურჯაანში, ყვარელსა და თელავში დაიწყება.„დღეისთვის რთველის საკოორდინაციო შტაბში უკვე რეგისტრირებულია 300 ღვინის საწარმო, რომლებიც ეტაპობრივად ჩაერთვებიან ყურძნის გადამუშავების პროცესში.2024 წელს, ყურძნის საპროგნოზო მოსავალი 300 ათას ტონას შეადგენს. ასევე წინასწარი პროგნოზით, წელს რთველში, ჯამურად, 500-ზე მეტი ღვინის საწარმო იქნება ჩართული.მევენახე ფერმერების მიერ ყურძნის მოსავლის რეალიზაციის ხელშეწყობის და მეღვინეობის დარგის სტაბილური განვითარების მხარდაჭერის მიზნით, საქართველოს მთავრობა რთველი სუბსიდირებას წელსაც ახორციელებს. სუბსიდია 20 ათასზე მეტ მევენახეს მოსავლის რეალიზაციის, ხოლო რთველში ჩართულ 500-მდე კომპანიას, ყურძნის შეუფერხებლად შესყიდვა-გადამუშავების შესაძლებლობას მისცემს.აღსანიშნავია, რომ სახელმწიფო სუბსიდიას მიიღებს ყველა ის კომპანია, რომელიც 2024 წლის რთველის განმავლობაში შეიძენს და გადაამუშავებს კახეთის რეგიონში მოწეულ არანაკლებ 100 ტონა რქაწითელის ჯიშის ყურძენს და 1 კგ ყურძენში არანაკლებ 1.00 ლარს გადაიხდის.ქალაქ თელავში რთველის საკოორდინაციო შტაბი და გარემოს დაცვისა და სოფლის მეურნეობის სამინისტროს ცხელი ხაზი (1501) 24 საათიანი რეჟიმში მუშაობს“, - ნათქვამია ინფორმაციაში.

კახეთის რეგიონში რთველი, ტრადიციულად, დედოფლისწყაროს მუნიციპალიტეტიდან დაიწყო, თუმცა მცირე რაოდენობით ყურძენი კახეთის სხვადასხვა მუნიციპალიტეტშიც.2024 წელს, ყურძნის საპროგნოზო მოსავალი 300 ათას ტონას შეადგენს. დღეის მდგომარეობით, უკვე გადამუშავდა 13 ათას ტონამდე ყურძენი, საიდანაც 7.5 ათას ტონამდე რქაწითელია, 2.3 ათას ტონამდე საფერავი, ხოლო დანარჩენი სხვადასხვა ჯიშის ყურძენია. ამ ეტაპზე, რთველის საკოორდინაციო შტაბში უკვე რეგისტრირებულია 230 ღვინის საწარმო.ყურძნის ხარისხიდან გამომდინარე ამ ეტაპზე ფასები ფიქსირდება 1 კგ რქაწითელზე 1.07 ლარი, ხოლო 1 კგ საფერავზე 1.30-1.40 ლარი.აღსანიშნავია, რომ მევენახე ფერმერების მიერ ყურძნის მოსავლის რეალიზაციის ხელშეწყობის და მეღვინეობის დარგის სტაბილური განვითარების მხარდაჭერის მიზნით,  საქართველოს მთავრობა რთველი სუბსიდირებას წელსაც ახორციელებს.  შესაბამისად, 20 ათასზე მეტ მევენახეს მოსავლის რეალიზაციის, ხოლო რთველში ჩართულ 500-მდე კომპანიას, ყურძნის შეუფერხებლად შესყიდვა-გადამუშავების შესაძლებლობას მისცემს.სახელმწიფო სუბსიდიას მიიღებს ყველა ის კომპანია, რომელიც 2024 წლის რთველის განმავლობაში შეიძენს და გადაამუშავებს კახეთის რეგიონში მოწეულ არანაკლებ 100 ტონა რქაწითელის ჯიშის ყურძენს და 1 კგ ყურძენში  არანაკლებ 1.00 ლარს გადაიხდის.ქალაქ თელავში რთველის საკოორდინაციო შტაბი და გარემოს დაცვისა და სოფლის მეურნეობის სამინისტროს ცხელი ხაზი  (1501) 24-საათიანი რეჟიმში მუშაობს.

საქართველოს მთავრობის გადაწყვეტილებით, არასტანდარტული ვაშლის რეალიზაციის ხელშეწყობის სახელმწიფო პროგრამა, წინა წლების მსგავსად, წელსაც განხორციელდება, იმისათვის, რომ ფერმერებს რეალიზაციის პრობლემა არ შეექმნათ“,- ამის შესახებ ინფორმაციას საქართველოს მთავრობა ავრცელებს.მათი ცნობით, პროგრამის ფარგლებში მთავრობა 1 კგ არასტანდარტულ ვაშლზე სუბსიდია 10 თეთრი იქნება.„წინასწარი მონაცემებით, მიმდინარე წელს, არასტანდარტული ვაშლის მოსავალი, დაახლოებით, 50 ათასი ტონა იქნება. იმისათვის, რომ დაუბინავებელი არ დარჩეს წარმოებული პროდუქცია, ფერმერებს არ შეექმნათ მოსავლის რეალიზაციის პრობლემა და მიიღონ შემოსავალი, არასტანდარტული ვაშლის რეალიზაციის ხელშეწყობის სახელმწიფო პროგრამა, წინა წლების მსგავსად, წელსაც განხორციელდება.„სახელმწიფო პროგრამის ფარგლებში, სოფლის განვითარების სააგენტო 1 კგ არასტანდარტულ ვაშლზე 10 თეთრის ოდენობის სუბსიდიას გასცემს. სახელმწიფო სუბსიდიას მიიღებენ ხილის გადამმუშავებელი ის კომპანიები, რომლებიც 2024 წლის 15 დეკემბრამდე ფერმერებისგან 1 კგ არასტანდარტულ ვაშლს არანაკლებ 25 თეთრად შეისყიდიან.პროგრამის შეუფერხებლად განხორციელების მიზნით, შეიქმნება სპეციალური სამუშაო ჯგუფი, რომელიც ვაშლის ჩაბარების პროცესს ადგილზე გაუწევს კოორდინაციას.ხილის გადამმუშავებელი საწარმოებს, რომლებიც ჩაერთვებიან პროექტში, ვალდებულება ეკისრებათ, საკოორდინაციო შტაბში ელექტრონული ფორმით გაიარონ რეგისტრაცია.აღსანიშნავია, რომ 2023 წელს, არასტანდარტული ვაშლის რეალიზაციის ხელშეწყობის პროგრამის ფარგლებში გადამუშავდა 21,768 ტონა ვაშლი, რომლის მთლიანმა ღირებულებამ 6,8 მილიონი ლარი შეადგინა, ხოლო სახელმწიფომ სუბსიდიის სახით 2.2 მილიონი ლარი გასცა“,- ნათქვამია ინფორმაციაში.

საქართველოში მოქმედი ბანკების დაკრედიტების მოცულობამ ივლისში 57 მილიარდ ლარს მიაღწია, რაც გაცვლითი კურსის ეფექტის გარეშე წინა თვესთან შედარებით 1 პროცენტული პუნქტით მეტია.ბანკების მიერ ეროვნული ბანკისთვის წარდგენილი ფინანსური მაჩვენებლების თანახმად, ამ 57 მილიარდი ლარიდან 24 მილიარდი ლარის კრედიტები საცალო მომხმარებლებზე არის გაცემული. ფიზიკური პირების სესხებში პირველი ადგილი იპოთეკურ კრედიტებს უჭირავს, რომლის მოცულობაც 11.5 მილიარდი ლარია.კორპორატიულ სექტორში კი ყველაზე დიდი მოცულობის კრედიტები უძრავი ქონების დეველოპმენტის მიმართულებით არის გაცემული, რაც 3.5 მილიარდ ლარს შეადგენს.ეკონომიკის სექტორებზე გაცემული კრედიტების მოცულობა და საშუალო საპროცენტო განაკვეთები : სექტორი საკრედიტო პორტფელის ზომა ლარებში განაკვეთი უძრავი ქონების დეველოპმენტი 3,547,503,000 11.6% სოფლის მეურნეობის სექტორი 3,252,586,000 14.8% სერვისი 3,197,224,000 14.2% სასტუმროები და ტურიზმი 3,167,402,000 13.1% უძრავი ქონების მენეჯმენტი 3,011,943,000 12.3% ენერგეტიკა 2,265,810,000 11.5% ვაჭრობა (სხვა) 2,087,187,000 13.3% სამშენებლო მასალების მოპოვება, წარმოება და ვაჭრობა 2,046,549,000 12.7% სამომხმარებლო საქონლით ვაჭრობა 1,807,868,000 12.5% სამომხმარებლო საქონლის წარმოება 1,558,024,000 12.4% ჯანდაცვა 1,262,901,000 11.9% მძიმე მრეწველობა 937,917,000 12.9% სამშენებლო კომპანიები (არა დეველოპერები) 932,235,000 13.5% რესტორნები, ბარები, კაფეები და სწრაფი კვების ობიექტები 803,650,000 12.5% წარმოება (სხვა) 763,909,000 12.6% საფინანსო ინსტიტუტები 716,939,000 12.5% მათ შორის: ექსპორტიორები 671,529,000 12.5% ფეხსაცმლის, ტანსაცმლისა და ტექსტილის წარმოება და ვაჭრობა 599,067,000 13.9% ხანგრძლივი მოხმარების სამომხმარებლო საქონლის წარმოება და ვაჭრობა 595,729,000 12.6% ბენზინგასამართი სადგურები და ბენზინის იმპორტიორები 516,258,000 12.3% სხვა 293,956,000 15.8% ტელეკომუნიკაცია 226,036,000 12.3% ავტომობილების დილერები 224,581,000 13.7% საბითუმო ლომბარდი 208,446,000 14.3% ფარმაცევტიკა 154,801,000 12.3% სახელმწიფო ორგანიზაციები 68,559,000

მებაღე ანატოლი პისკოვმა, უკრაინაში, პოლტავას რეგიონში მოიყვანა ბადრიჯანი, რომლის წონა 2,355 კგ-ია. ამის შესახებ EastFruit-ი AgroTimes-ზე დაყრდნობით იუწყება.მებაღის თქმით, მისი ბადრიჯნის ნაყოფის გარშემოწერილობა 4 ინჩით (10,16 სმ) ნაკლებია, ვიდრე აიოვას მსოფლიო რეკორდსმენის. მსოფლიო რეკორდული ბადრიჯნის წონა ახლა 3 კგ 770 გ-ია.გარდა ბადრიჯნისა, მამაკაცს თავის ნაკვეთზე თითქმის ყველაფერი მოჰყავს – კარტოფილი, წიწაკა, საზამთრო და სხვა ბოსტნეული.„ყველაფერი რეალურია, ყველაფერი შესაძლებელია. პოლტავას რეგიონს აქვს უნიკალური ნიადაგები, სწორედ აქ შეიძლება განვითარდეს ორგანული ბოსტნეულის წარმოება. არა სამრეწველო, სადაც ყოველ სამ დღეში ერთხელ შეაქვთ გარკვეული რაოდენობის სასუქი, არამედ ბუნებრივი ნაყოფიერების გამოყენებით საკმაოდ კარგი მოსავლიანობისა და შესანიშნავი ხარისხის მისაღებად“, - ამბობს ანატოლი პისკოვი.მებაღე განმარტავს, რომ სასუქი არ გამოუყენებია. სამომავლოდ ის სხვა ჰიბრიდული ბოსტნეულისა და კენკრის მოყვანას გეგმავს.

„პოლონეთში ტურისტებისთვის ცხრატყავას 27 პლანტაცია გაიხსნა. პლანტაციაში ვიზიტის დროს მათ საშუალება ექნებათ შეაგროვონ და შეიძინონ უჩვეულო პროდუქტი“ – იუწყება sadyogrody.pl.ინიციატივას, რომელიც ხელს უწყობს ნაკლებად ცნობილი კენკრის პოპულარიზაციას „ივნისი ცხრატყავას პლანტაციებში“ ეწოდება.როგორც ინიციატივის ორგანიზატორები აღნიშნავენ, ცხრატყავა, გაზვიადების გარეშე, ძალიან სასარგებლოა ადამიანის ჯანმრთელობისთვის. გარდა ამისა, მისგან შეგიძლიათ გააკეთოთ მურაბები, ჯემები, კომპოტები და მისი გამოყენება თითქმის შეუზღუდავად შეიძლება დესერტებში.როგორც EastFruit იუწყება, ზოგიერთი შეფასების თანახმად, პოლონეთს ცხრატყავას ყველაზე დიდი ფართობები აქვს მსოფლიოში – დაახლოებით 2 ათასი ჰექტარი.2021 წელს, ნერგებზე მოთხოვნა უკრაინაშიც ძალიან მაღალი იყო. კულტურა განსაკუთრებით პოპულარულია მცირე მებარეებსა და მოყვარულთა შორის. აქედან გამომდინარე, აშკარაა, რომ უკრაინაში ცხრატყავას წარმოების მოცულობა გაიზრდებოდა, რომ არა ომი, თუმცა ნაკლებად სავარაუდო იყო, რომ წარმოების ზრდა ისეთივე ამბიციური ყოფილიყო, როგორც პოლონეთში.2020 წელს, კიევში, სუპერმარკეტების ცხრატყავას საცალო ფასმა 320 გრინვას / კგ-ს მიაღწია (12 დოლარი კგ). ყველაზე გემრიელი ჯიშების მეურნეობებში გასაყიდი ფასი 200 გრინვა/ კგ (7,5 აშშ დოლარი კგ) იყო.ცხრატყავას გვარი (lonicera L.) მცენარეულ სამყაროში ფართოდ არის წარმოდგენილი და 200-ზე მეტ სახეობას აერთიანებს.ცხრატყავა 0,5-1,2 მეტრი სიმაღლის ბუჩქია, აქვს მოგრძო, ლურჯი ფერის მომჟავო-ტკბილი და ძალზე არომატული ნაყოფები. მწიფდება ივნისში.საკვები ცხრატყავა (ლათ. Lonícera caeruléa) კარგად იზრდება საქართველოს მთისწინა ზონაში, განსაკუთრებით მდინარისპირა ჭალებში, მთის მდელოებზე, ტყისპირებში.წყარო: agrokavkaz.ge

მთავრობა ქვეყანაში მეფუტკრეობის ხელშეწყობის მიზნით ახალი სუბსიდირების პროგრამის დაწყებას გეგმავს, პროგრამის შესახებ ცნობილი 1-ელ აგვისტოს მთავრობის სხდომაზე გახდა, დღეს კი საკანონმდებლო მაცნეზე გამოქვეყნდა დადგენილება, რომელშიც პროგრამის პირობები არის აღწერილი. პროგრამის თანახმად, ბენეფიციარებს სკების თანადაფინანსებით სარგებლობა შეეძლებათ, რაც სკის ღირებულების 50%-ს დაფარავს, ამასთან ერთ ბენეფიციარზე მაქსიმუმ 5000 ლარის სუბსიდია გაიცემა.პროგრამის ბიუჯეტი 2 მილიონი ლარით განისაზღვრება და მის მიზანს ქვეყანაში თაფლის ადგილობრივი წარმოების მხარდაჭერა წარმოადგენს.პროგრამაში მონაწილეობა შეეძლებათ მეფუტრკეებს თუკი ისინი შემდეგ პირობებს აკმაყოფილებენ:1. პროგრამის პოტენციურ ბენეფიციარს უნდა ჰყავდეს არანაკლებ 10 ფუტკრის ოჯახისა (არანაკლებ 10 სკისა).2. პროგრამის ფარგლებში მოთხოვნილი სკების რაოდენობა არ უნდა აღემატებოდეს განაცხადის გაკეთების მომენტისთვის პოტენციური ბენეფიციარის საფუტკრე მეურნეობაში, ცხოველთა იდენტიფიკაციისა და მიკვლევადობის ეროვნულ სისტემაში (NAITS) რეგისტრირებული ფუტკრის ოჯახების რაოდენობის 150%-ს.დაფინანსების პირობები:1. პროგრამის ფარგლებში ბენეფიციარი მიიღებს თანადაფინანსებას – ერთი სკის ღირებულების არაუმეტეს 50%-ს, მაგრამ არაუმეტეს 70 ლარის ოდენობით.2. პროგრამის ფარგლებში ერთ ბენეფიციარზე თანადაფინანსება არ უნდა აღემატებოდეს 5 000 ლარს.3. პროგრამის ფარგლებში არ დაფინანსდება კოოპერატივები,"- ნათქვამია საკანონმდებლო მაცნეზე გამოქვეყნებულ ინფორმაციაში.სტატისტიკის თანახმად, საქართველოში სკების რაოდენობა მცირდება.

„მოსავლის მართვის კომპანიამ“ კახეთში მოსული ჭარბი ან დაზიანებული რქაწითლის არანაკლებ 1 ლარად მიღება-გადამუშავებისთვის აუცილებელი ღონისძიებების გატარება და საჭიროების შემთხვევაში, საფინანსო ინსტიტუტებიდან საკრედიტო რესურსების მოძიება უნდა უზრუნველყოს.პრემიერ ირაკლი კობახიძის მიერ ხელმოწერილი განკარგულების თანახმად, 1 კგ. რქაწითლის ყურძნის შესყიდვის სანაცვლოდ ღვინის კომპანიებზე გაცემული სუბსიდია 20 თეთრის ფარგლებში იქნება. სუბსიდირებით კი ის კომპანიები ისარგებლებენ, რომლებიც კახეთში არანაკლებ 100 ტონა რქაწითელს ჩაიბარებენ.აღსანიშნავია ისიც, რომ მევენახეობის ზონებში არსებულმა მუნიციპალიტეტებმა ყურძნის ჩამბარებლებზე პროდუქციის წარმოშობის შესახებ ცნობა უნდა გასცენ. ყურძნის ჩაბარება, საჭიროების შემთხვევაში, აღნიშნული ცნობის შესაბამისად განხორციელდება.ამასთან, განისაზღვრა კრიტერიუმები, რა შემთხვევაშიც ღვინის ჩამბარებელი კომპანიები სუბსიდირების პროგრამით ისარგებლებენ: ყურძნის მიღება-გადამუშავებამდე სააგენტოსთან გაფორმებული უნდა ჰქონდეს ხელშეკრულება; შეისყიდის კახეთში მიღებულ არანაკლებ ას ტონა რქაწითელს; შესყიდული 1 კგ. რქაწითლის სანაცვლოდ ჩამბარებელს გადაუხდის არანაკლებ 1 ლარს; 2024 წლის პირველ დეკემბრამდე სააგენტოს წარუდგენს სოფლის მეურნეობის სამინისტროსა და კომპანიის შესაბამისი პირის მიერ ხელმოწერილ მიღება-ჩაბარების აქტს; ასევე ყურძნის შესყიდვის სანაცვლოდ არანაკლებ 1 ლარის გადახდის დამადასტურებელ დოკუმენტს. განკარგულების თანახმად, კომპანიებისთვის სუბსიდია სააგენტოში დოკუმენტაციის წარდგენიდან 15 დღის ვადაში გაიცემა. დოკუმენტში ვკითხულობთ, რომ „ღვინის კომპანიების მიერ ყველა კატეგორიის ღვინის წარმოება დასაშვებია მხოლოდ რთველის საკოორდინაციო შტაბის მიერ აღრიცხული ყურძნისგან“.ყურძნის ჩამბარებელ ღვინის კომპანიებს შემდეგი ვალდებულებები დაეკისრებათ: უზრუნველყოს ყურძნის ყოველდღიური მიღების განზრახვის შესახებ ინფორმაციის მიწოდება რთველის საკოორდინაციო შტაბისთვის; მოახდინოს ყურძნის გადამუშავების შედეგად დარჩენილი ჭაჭის გამოხდა ან მისი სხვა სახით გამოყენება განადგურება და არ დაუშვას ჭაჭის ფიზიკური პირებისთვის გაცემა. ცნობისთვის, მთავრობის განკარგულებით თვითმმართველი ქალაქების აღმასრულებელ ორგანოებს 2024 წლის რთველის პერიოდში ყურძნის რეალიზაციის ხელშეწყობისთვის შესაბამისი ადგილების გამოყოფა დაევალა.