ოფიციალური სტატისტიკური მონაცემებით, 2026 წლის 6 თვეში საქართველოდან ირანში ავტომობილების რეექსპორტმა მკვეთრად მოიმატა.2026 წლის იანვარ-ივნისში ირანში საქართველოდან 5 086 ერთეული ავტომობილი გავიდა, მაშინ, როცა წინა წლის ანალოგიურ პერიოდში რეექსპორტი მხოლოდ 5 მანქანას შეადგენდა, 14.647 მლნ აშშ დოლარის ღირებულებით. შესაბამისად, გაყვანილი ავტომობილების რაოდენობა 1017-ჯერ არის გაზრდილი.წელს, იანვარ-ივნისში ღირებულებით გამოსახულებაში ექსპორტი 630%-ით არის გაზრდილი და 106.855 მლნ აშშ დოლარს შეადგენს.ავტომობილები საექსპორტო ჩამონათვალში პირველს ადგილს იკავებს. ავტომობილების გარდა საქართველოდან ირანში გადის ფეროშენადნობები ($6.982 მლნ); ხე-ტყის მასალა $2.825; პლასტმასის პოლიმერები ($1.318 მლნ) და სიგარები, სიგარილები და სიგარეტები ($1.162 მლნ).brg.ge

რუსეთი საექსპორტო ხორბალზე გადასახადს 121%-ით ზრდის. რუსეთის ფედერაციის სოფლის მეურნეობის სამინისტროს გადაწყვეტილებით, ახალი გადასახადი ძალაში 2026 წლის 19 აგვისტოდან შევა.„საქართველოს ხორბლისა და ფქვილის მწარმოებელთა ასოციაციის“ განმარტებით, 18 აგვისტომდე ხორბალზე საექსპორტო გადასახადი ტონაზე 326.6 რუბლი იქნება, ხოლო 19 აგვისტოდან 721.1 რუბლამდე გაიზრდება.„ბიზნესპრესნიუსი“ დაინტერესდა, რა მოცულობის და ღირებულების ხორბალს ყიდულობს საქართველო რუსეთისგან.საქსტატის მიხედვით, 2026 წლის 6 თვეში საქართველოში ჯამში 174 880 ტონა, 45.286 მლნ აშშ დოლარის ღირებულების ხორბალი და მესლინი შემოვიდა, საიდანაც 92% რუსეთზე მოდიოდა. მონაცემების მიხედვით, საანგარიშო პერიოდში საქართველომ რუსეთიდან 160 614 ტონა, 41.842 მლნ აშშ დოლარის ღირებულების პროდუქტი შეიძინა.რაც შეეხება ხორბლის დანარჩენ საიმპორტო ქვეყნებს, მიმდინარე წლის 6 თვეში მონაცემები ასეთია: ყაზახეთი - 7 838 ტონა (1.845 მლნ აშშ დოლარი); არაბთა გაერთიანებული საამიროები - 6 399 ტონა (1.577 მლნ აშშ დოლარი) ;ბელარუსი - 21.6 ტონა (16.6 ათასი აშშ დოლარი); თურქეთი - 5.5 ტონა (3.6 ათასი აშშ დოლარი). ოფიციალური სტატისტიკით, 2026 წლის 6 თვეში რუსეთიდან იმპორტირებული ხორბლის საშუალო ფასი 1 ტონა დაახლოებით 261 აშშ დოლარი იყო. ახალი ტარიფის ამოქმედების შემდეგ კი, ერთი ტონის ღირებულება შესაძლოა, საშუალოდ 267 დოლარამდე გაიზარდოს.უფრო კონკრეტულად, 2025 წლის 6 თვეში საქართველომ რუსეთიდან 117 909 ტონა, 32.245 მლნ აშშ დოლარის ღირებულების პროდუქტი შეიძინა.

2026 წლის ივლისის მდგომარეობით, საქართველოს სახელმწიფო საგარეო ვალი 9.016 მლრდ აშშ დოლარს შეადგენს. ეს კი 27.2 მლნ დოლარით მეტია წინა თვის მაჩვენებელთან შედარებით.უფრო კონკრეტულად, საქართველოს ფინანსთა სამინისტროს მიერ გამოქვეყნებული მონაცემების მიხედვით, 2026 წლის ივნისის მდგომარეობით, სახელმწიფო ვალის მოცულობა 8.989 მლრდ დოლარს შეადგენდა.ამასთან, ფინანსთა სამინისტროს მონაცემებით, 2026 წლის ივლისის მდგომარეობით, უშუალოდ მთავრობის საგარეო ვალი 8.752 მლრდ დოლარი იყო, აქედან მრავალმხრივი კრედიტორების დავალიანება 6.730მლრდ დოლარს აჭარბებს, ორმხრივი კრედიტორების კი 1.527 მლრდ დოლარს.აღსანიშნავია, რომ საანგარიშო პერიოდში, საქართველოს ეროვნული ბანკის საგარეო ვალდებულება 263.819 მლნ დოლარს შეადგენდა.2026 წლის ივლისის მონაცემებით, საქართველოს სახელმწიფოს ყველაზე მსხვილი კრედიტორები არიან: აზიის განვითარების ბანკი (ADB), მსოფლიო ბანკი, რეკონსტრუქციისა და განვითარების საერთაშორისო ბანკი (IBRD) და ევროპის საინვესტიციო ბანკი (EIB).მსხვილი კრედიტორები 2026 წლის ივლისის მდგომარეობით ასე გამოიყურება: აზიის განვითარების ბანკი (ADB) – 2.469 მლრდ აშშ დოლარი; მსოფლიო ბანკი, რეკონსტრუქციისა და განვითარების საერთაშორისო ბანკი (IBRD) – 1.896 მლრდ დოლარი; ევროპის საინვესტიციო ბანკი (EIB) – 1.185 მლრდ დოლარი; მსოფლიო ბანკი, განვითარების საერთაშორისო ასოციაცია (IDA) – 353.028 მლნ დოლარი; აზიის ინფრასტრუქტურის საინვესტიციო ბანკი - 240.189 მლნ აშშ დოლარი; ევროპის რეკონსტრუქციისა და განვითარების ბანკი (EBRD) – 217.398 მლნ დოლარი; ამასთან, საქართველოს მთავრობას ვალი აქვს საფრანგეთის - 845.088 მლნ დოლარი; გერმანიის - 559.493 მლნ დოლარის; იაპონიის - 103.901 მლნ დოლარის და ა.შ.

საქსტატის საიტზე განთავსებული მაჩვენებლების მიხედვით, 2026 წლის იანვარ-ივნისში საქართველომ 10 003.0 ტონა საზამთრო იყიდა, რაშიც 3 176.3 ათასი დოლარი გადაიხადა. 2025 წლის 7 თვეში კი ქვეყანაში 10 033.3 ტონა საზამთროს იმპორტი განხორციელდა. შესაბამისად, საზამთროს იმპორტი საქართველოში 0.3%-ითაა შემცირებული.საქართველოში შემოტანილი საზამთროს დიდი წილი თურქეთზე მოდის.TOP 5 ქვეყანა, სადაც საქართველო საზამთროს ყიდულობს:• თურქეთი - 1 534.1 ტონა;• ირანი - 1 474.1 ტონა;• უზბეკეთი - 68.4 ტონა;• აზერბაიჯანი - 53.1 ტონა;• ნიდერლანდები - 38.9 ტონა;

საქართველოში ეკონომიკურად აქტიური მოსახლეობის დაახლოებით, 23.2% სესხს ვერ იხდის - ამაზე მოწმობს „კრედიტინფო საქართველოს“ 2026 წლის ივლისის სტატისტიკური მონაცემები.უფრო კონკრეტულად, მიმდინარე წლის 31 ივლისის მდგომარეობით 30 დღეზე მეტი ვადაგადაცილება უფიქსირდება 375 188 მსესხებელს, საქსტატის ბოლო მონაცემებით კი, ქვეყანაში ეკონომიკურად აქტიური მოსახლეობის (სამუშაო ძალა) რაოდენობა 1 613 650-ს შეადგენს.ამასთან, „კრედიტინფოს“ მონაცემებით, საანგარიშო პერიოდში საფინანსო სექტორის ვალი 1 996 116 ადამიანს აქვს, (მოსახლეობის რაოდენობა 3 941 100 - წყარო „საქსტატი“), ეს კი თითქმის ყოველი მეორე ადამიანია.აღსანიშნავია ისიც, რომ საქართველოში იმ ფიზიკური პირების რაოდენობა, რომელთაც სესხზე 30 დღეზე მეტი ვადაგადაცილება უფიქსირდებათ, ბოლო ერთი წლის განმავლობაში 9 004-ით, ხოლო ერთი თვის განმავლობაში 1 627 პირით გაიზარდა.უფრო კონკრეტულად, „კრედიტინფოს“ 2026 წლის ივნისის მონაცემებით, „შავ სიაში“ 373 561 პირი იყო, ხოლო 2025 წლის ივლისის მდგომარეობით იმ პირების რიცხვი, რომელთაც 30 დღეზე მეტი ვადაგადაცილება უფიქსირდებოდათ კრედიტზე - 366 184-ს შეადგენდა.ამასთან, 2026 წლის 31 ივლისი მდგომარეობით, მსესხებლებიდან, რომლებიც კრედიტს ვერ იხდიან, 102 415 - კომერციული ბანკების კლიენტია, 302 793 პირი - სებ-ის მიერ სხვა რეგულირებადი საფინანსო ინსტიტუტების (მიკროსაფინანსო, სესხის გამცემი სუბიექტი); 5 326 კი - ყველა სხვა ტიპის ორგანიზაციის კრედიტორია. ეს ორგანიზაციებია: სამშენებლო კომპანია, დისტრიბუტორი, სალიზინგო კომპანია და ა.შ.რაც შეეხება ვადაგადაცილებული სესხების დარჩენილ ჯამურ ვალდებულებას, 2026 წლის 31 ივლისის მდგომარეობით, კრედიტინფოს მონაცემებით, ნაშთი 3.062 მლრდ ლარს აღწევს, რაც საფინანსო სექტორის მიერ გაცემული მთლიანი სესხების 3.8%-ია.ცნობისთვის, „კრედიტინფო საქართველოს“ სტატისტიკური მონაცემების მიხედვით, 2026 წლის 31 ივლისის მდგომარეობით, საქართველოში საფინანსო სექტორის ვალი 1 996 116 ადამიანს აქვს, ჯამში, კრედიტების მოცულობა კი 80 182 757 605 ლარს შეადგენს.

2026 წლის ივნისში მშენებლობის ღირებულების ინდექსი წინა თვესთან შედარებით 0.9 პროცენტით გაიზარდა, ხოლო წინა წლის შესაბამის თვესთან შედარებით 3.9 პროცენტით.მათ შორის: საცხოვრებელი სეგმენტის ინდექსი წინა თვესთან შედარებით გაიზარდა 2.6 პროცენტით, ხოლო წინა წლის შესაბამის თვესთან შედარებით 3.5 პროცენტით; არასაცხოვრებელი სეგმენტის ინდექსი წინა თვესთან შედარებით გაიზარდა 0.6 პროცენტით, ხოლო წინა წლის შესაბამის თვესთან შედარებით შემცირდა 0.1 პროცენტით; სამოქალაქო სეგმენტის ინდექსი წინა თვესთან შედარებით შემცირდა 0.5 პროცენტით, ხოლო გასული წლის შესაბამის თვესთან შედარებით გაიზარდა 5.8 პროცენტით. 2026 წლის ივნისში მშენებლობის ღირებულების ინდექსი წინა თვესთან შედარებით 0.9 პროცენტით გაიზარდა. აღნიშნული ცვლილება, ძირითადად, განპირობებული იყო მშენებლობის დარგში დაქირავებით დასაქმებულთა საშუალო თვიური ნომინალური ხელფასის 5.4 პროცენტიანი ზრდით, რამაც 1.01 პროცენტული პუნქტი შეიტანა ჯამური ინდექსის ცვლილებაში.წინა წლის შესაბამის თვესთან შედარებით მშენებლობის ღირებულების ინდექსი გაიზარდა 3.9 პროცენტით. ინდექსის ზრდა, უმეტესწილად, გამოწვეული იყო მშენებლობის დარგში ტრანსპორტირების, საწვავისა და ელექტროენერგიის ხარჯების კატეგორიის 16.6 პროცენტიანი მატებით და დაქირავებით დასაქმებულთა საშუალო თვიური ნომინალური ხელფასის 1.8 პროცენტიანი ზრდით, რამაც შესაბამისად 1.9 და 1.01 პროცენტული პუნქტი შეიტანა ჯამური ინდექსის ცვლილებაში. ამასთან, 2022 წლის თებერვალთან შედარებით მშენებლობის ღირებულების ინდექსი გაიზარდა 29.3 პროცენტით.

პორტალი www.ekalata.gov.ge საზოგადოებას აძლევს იმის საშუალებას, რომ მაქსიმალურად დაბალ ფასებში შეიძინონ პროდუქტები, - ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს განუცხადა. როგორც მთავრობის მეთაურმა განაცხადა, ეს პორტალი არის ძალიან საინტერესო, ინოვაციური შეთავაზება საზოგადოებისთვის.„მნიშვნელოვანია, რომ ფართოვდება შესაბამისი პროდუქტების ჩამონათვალი, რაც საზოგადოებას, ჩვენს მოქალაქეებს მისცემს იმის საშუალებას, რომ მათთვის სასურველი კალათი შეიძინონ ყველაზე უფრო იაფად. ამ მიმართულებით მომავალშიც უნდა გაგრძელდეს ძალისხმევა“, - განაცხადა ირაკლი კობახიძემ.ინფორმაციას მთავრობის ადმინისტრაცია ავრცელებს

საქართველოში სიმინდის იმპორტი 226%-ით გაიზარდა - პროდუქციის 92% რუსეთიდან შემოვიდა2026 წლის იანვარ-მაისში საქართველოში სიმინდის იმპორტი მკვეთრად გაიზარდა. სტატისტიკის ეროვნული სამსახურის მონაცემებით, წლის პირველ ხუთ თვეში ქვეყანაში 19 641 ტონა სიმინდი შემოვიდა, რაც წინა წლის ანალოგიურ პერიოდთან შედარებით 226%-ით მეტია.იმპორტირებული პროდუქციის ჯამურმა ღირებულებამ დაახლოებით 10 მილიონი აშშ დოლარი შეადგინა. შედარებისთვის, 2025 წლის იანვარ-მაისში საქართველომ 6 017 ტონა სიმინდი შეიძინა, რომლის ღირებულებაც 5.7 მილიონ დოლარს აღემატებოდა.მიუხედავად იმისა, რომ იმპორტის ფიზიკური მოცულობა სამჯერ მეტზე მეტად გაიზარდა, გადახდილი თანხა იმავე ტემპით არ გაზრდილა. ამის მიზეზი სიმინდის საშუალო საიმპორტო ფასის მნიშვნელოვანი შემცირებაა.2025 წლის პირველ ხუთ თვეში ერთი კილოგრამი იმპორტული სიმინდის საშუალო ღირებულება, გადასახადების გარეშე, დაახლოებით 95 ცენტს შეადგენდა. მიმდინარე წლის ანალოგიურ პერიოდში ფასი 51 ცენტამდე შემცირდა. შესაბამისად, საშუალო საიმპორტო ღირებულება წლიურად დაახლოებით 46%-ით გაიაფდა.იმპორტის 92%-ზე მეტი რუსეთზე მოდისსაქართველოს სიმინდის იმპორტში რუსეთი მკვეთრად დომინირებს. 2026 წლის იანვარ-მაისში რუსეთიდან 18 090 ტონა სიმინდი შემოვიდა, რაც ქვეყნის მთლიანი იმპორტის 92%-ზე მეტია.რუსეთიდან შემოტანილი სიმინდის ღირებულებამ 4.54 მილიონი დოლარი შეადგინა. ეს ნიშნავს, რომ ერთი კილოგრამის საშუალო საიმპორტო ფასი დაახლოებით 25 ცენტი იყო, რაც სხვა მომწოდებელი ქვეყნებიდან შემოსული პროდუქციის საშუალო ფასზე მნიშვნელოვნად დაბალია.იმპორტის მოცულობით მეორე ადგილზე თურქეთია, საიდანაც საქართველოში 745 ტონა სიმინდი შემოვიდა. პროდუქციის ღირებულებამ 2.86 მილიონი დოლარი შეადგინა. თურქეთიდან იმპორტირებული სიმინდის შედარებით მაღალი ფასი შესაძლოა განსხვავებული დანიშნულებით, ხარისხით ან სათესლე მასალის წილით იყოს განპირობებული.2026 წლის იანვარ-მაისში სიმინდის უმსხვილესი მომწოდებელი ქვეყნები იყვნენ:რუსეთი — 18 090 ტონა, 4.54 მილიონი დოლარი;თურქეთი — 745 ტონა, 2.86 მილიონი დოლარი;ეგვიპტე — 197 ტონა, 80.2 ათასი დოლარი;საფრანგეთი — 149 ტონა, 869.3 ათასი დოლარი;არგენტინა — 130 ტონა, 70.2 ათასი დოლარი;რუმინეთი — 122 ტონა, 682.8 ათასი დოლარი;ავსტრია — 109 ტონა, 614.1 ათასი დოლარი;უკრაინა — 51.8 ტონა, 31.2 ათასი დოლარი;უნგრეთი — 18.1 ტონა, 113.1 ათასი დოლარი;საბერძნეთი — 15.7 ტონა, 85.2 ათასი დოლარი.მონაცემებიდან ჩანს, რომ სხვადასხვა ქვეყნიდან შემოტანილი სიმინდის ერთეულოვანი ღირებულება მნიშვნელოვნად განსხვავდება. რუსეთიდან, ეგვიპტიდან და არგენტინიდან იმპორტირებული პროდუქცია შედარებით დაბალი ფასით გამოირჩევა, ხოლო საფრანგეთიდან, ავსტრიიდან, რუმინეთიდან და უნგრეთიდან შემოსული სიმინდის საშუალო ღირებულება გაცილებით მაღალია.ფასებს შორის ასეთი სხვაობა შესაძლოა პროდუქციის ტიპს, ხარისხს, ჯიშს, შეფუთვასა და დანიშნულებას უკავშირდებოდეს. საქონლის იმავე საბაჟო კოდის ქვეშ შესაძლოა როგორც საკვები და საფურაჟე სიმინდი, ისე უფრო ძვირად ღირებული სათესლე მასალაც აღირიცხებოდეს.იმპორტის მკვეთრი ზრდა და რუსეთზე მაღალი დამოკიდებულება საქართველოს სიმინდის ბაზარზე ორ მნიშვნელოვან ტენდენციას აჩვენებს: ქვეყანაში გაიზარდა უცხოურ პროდუქტზე მოთხოვნა, ხოლო მიწოდების ძირითადი ნაწილი ერთ ქვეყანაზეა კონცენტრირებული.რუსეთიდან შედარებით იაფი სიმინდის დიდი მოცულობით შემოსვლამ შესაძლოა ადგილობრივ ბაზარზე ფასების შემცირებას შეუწყოს ხელი, თუმცა ამავდროულად კონკურენციას ზრდის ქართველი მწარმოებლებისთვის. ერთი მომწოდებლის 92%-ზე მეტი წილი კი ბაზარს სავაჭრო, ლოგისტიკური და პოლიტიკური შეფერხებების მიმართ უფრო მოწყვლადს ხდის.

რუსეთში კონიაკის გაყიდვებით საქართველო ტოპ 5-ეულშია და მესამე ადგილი უკავია. ამის შესახებ რუსული „კომერსანატი“ ბაზრის მონაწილეებზე დაყრდნობით წერს.კერძოდ, იანვარ-ივნისის პერიოდში რუსეთში 816.7 ათასი დეკალიტრი (დალ) ქართული კონიაკი გაიყიდა (1 დალ=10 ლიტრს). ეს გასული წლის ანალოგიურ პერიოდთან შედარებით 0.4%-ით მეტია. ამასთან, რუსულ ბაზარზე კონიაკებზე მოთხოვნის მთლიან სტრუქტურაში საქართველოს წილი 11.9%-ს შეადგენს.აღსანიშნავია, რომ რუსეთში სომხური კონიაკის გაყიდვების 12.2%-ით შემცირების მიუხედავად, სომხეთი საქართველოზე ერთი პოზიციით წინ, მეორე ადგილზეა. კერძოდ, იანვრიდან-ივნისის პერიოდში რუსეთში სომხური კონიაკის საცალო გაყიდვები, წინა წელთან შედარებით, 12.2%-ით შემცირდა და 1.37 მლნ დეკალიტრი შეადგინა. სომხეთის წილი კონიაკის მთლიან მოთხოვნაში 20%-ია, რაც წინა წელთან შედარებით 1.7 პროცენტული პუნქტით ნაკლებია.ალკოჰოლური სასმელების ბაზრის ექსპერტები განმარტავენ, რომ სომხური პროდუქციის გაყიდვების შემცირება შეზღუდვებით არის განპირობებული. კერძოდ, მაისში „როსპოტრებნადზორმა“ სამი მწარმოებლის, „ვედი-ალკოს,“ „აბოვიანის კონიაკის ქარხნისა“ და „შახნაზარიანის ღვინისა და კონიაკის სახლის“ გაყიდვები შეაჩერა.რუსულ გილდია „ალკოპროს“ შეფასებით, სომხურ კონიაკს რუსეთის ბაზარზე პერსპექტივა აღარ აქვს და თავიანთი პოზიციების შენარჩუნებას მხოლოდ ყველაზე პოპულარული და დაძველებული ბრენდები, „არარატი“ და „ნოა“ შეძლებენ. თუმცა, მომავალში გარე ფაქტორებმა შესაძლოა, ამ პროდუქტებზეც იმოქმედოს.ამდენად, „ალკოპრო“ პროგნოზირებს, რომ გრძელვადიან პერსპექტივაში სომხურ კონიაკს თაროებზე საქართველოში, აზერბაიჯანსა და უზბეკეთში წარმოებული სასმელები ჩაანაცვლებს. კომპანიის პროგნოზით, ეს ქვეყნები სომხეთს, ასევე, კონიაკის დისტილატის მიმწოდებლების რანგშიც გაუსწრებენ, რომელსაც რუსული ალკოჰოლური სასმელების კომპანიები მზა პროდუქციის ჩამოსხმისთვის იყენებენ. მაგალითად, „სოიუზკონიაკის“ მონაცემებით, რუსეთმა 2025 წელს 4.5 მლნ დეკალიტრი ამ ნედლეულის იმპორტი განახორციელა, საიდანაც 2.1 მლნ დეკალიტრი სომხეთიდან იყო.იანვარ-ივნისის პერიოდში რუსეთში კონიაკის გაყიდვებით ტოპ-5 ქვეყანა ასე გამოიყურება: რუსეთი - 4.465.6 მლნ დალ (წლიურად -3.4%; ბაზრის წილი 65.1%); სომხეთი - 1.370.3 მლნ დალ ( -12.2%; ბაზრის წილი 20%); საქართველო - 816.7 ათასი დალ (+0.4%; ბაზრის წილი 11.9%); ესპანეთი - 63.4 ათასი დალ (-5.7%; ბაზრის წილი 0.9%); უზბეკეთი - 45.9 ათასი დალ (+53.6%; ბაზრის წილი 0.7%). აღსანიშნავია, რომ კვლევაში რუსულ ბაზარზე ფრანგული კონიაკის გაყიდვების მონაცემები არ არის შესული.მთლიანობაში, ბაზრის მონაწილეების შეფასებით, რუსეთში წლის პირველ ნახევარში კონიაკის გაყიდვები (ფრანგულის გამოკლებით), წინა წელთან შედარებით, 4.6%-ით შემცირდა და 6.85 მლნ დეკალიტრს მიაღწია.

ბოლო დღეებში, საქართველოში საწვავი კიდევ გაძვირდა. როგორც „ბიზნესპარტნიორს“ ნავთობპროდუქტების იმპორტიორთა კავშირის თავმჯდომარემ, ვახტანგ იობაშვილმა განუცხადა, დაახლოებით, ერთი კვირაა, რაც აბსოლუტურად ყველა ტიპის ბენზინზე ფასები 15 თეთრის ფარგლებში გაიზარდა.„მიზეზი გლობალურ ბირჟებზე მიმდინარე მოვლენები და ნავთობის ფასების აღმავალი ტენდენციაა. საქართველოშიც ფასები მომატებულია ყველა კომპანიის ავტოგასამართ სადგურზე. საუბარია, ბენზინზე. რაც შეეხება დიზელს, ჯერჯერობით, აქ მკვეთრი გაძვირება არ შეინიშნება“, - აღნიშნა ვახტანგ იობაშვილმა.ცნობისთვის, ახლო აღმოსავლეთში აშშ-სა და ირანს შორის კონფლიქტის განახლების, ასევე საუდის არაბეთსა და ტერორისტულ დაჯგუფება "ჰუსიტებს" შორის სამხედრო მოქმედებების წამოწყების გამო, გასულ კვირას, მნიშვნელოვნად  გაიზარდა ფასები მსოფლიოს სანავთობო ბაზრებზე და 1 ბარელი ბრენტის ტიპის ნავთობის ღირებულებამ, თითქმის, 99 დოლარს მიაღწია. ამჟამად, შეერთებულ შტატებსა და ირანს შორის სამხედრო დარტყმების დროებით შეჩერების ფონზე, ნავთობის ფასი 89 დოლარზეა ჩამოსული, თუმცა, მიმდინარე თვის დასაწყისში, შავი ოქროს ღირებულება 70 დოლარიც კი იყო.გლობალურ ბირჟებზე არსებული ამ არასტაბილურობის გამო, საქართველოს ნავთობპროდუქტების იმპორტიორთა კავშირის თავმჯდომარეს უჭირს პროგნოზის გაკეთება, თუ რას უნდა ელოდოს მომხმარებელი საშემოდგომოდ, საწვავის ფასებთან დაკავშირებით.ვახტანგ იობაშვილმა „ბიზნესპარტნიორთან“ საქართველოსთვის საწვავის მომწოდებელ მთავარ ქვეყნებზეც ისაუბრა და თქვა, რომ ქვეყანაში ბენზინის იმპორტი ევროპული სახელმწიფოებიდან ხორციელდება, საუბარია - ბულგარეთზე, ბელორუსზე, რუმინეთზე, საბერძნეთზე. დიზელი კი უმეტესად - რუსეთიდან და აზერბაიჯანიდან შემოდის.ცნობისთვის, 2026 წლის იანვარ-ივნისის პერიოდში, საქართველოში ჯამში 637 ათასი ტონა ბენზინი და დიზელი იმპორტირდა, რაც გასული წლის ანალოგიურ პერიოდთან შედარებით, 6.4% -ით შემცირებული მონაცემია.წყარო: "ბიზნესპარტნიორი"

საქართველოს მეზობელ ქვეყნებს შორის, თურქეთში ტაქსი ყველაზე ძვირია, - ამის შესახებ ირკვევა Numbeo-ს განახლებული მონაცემებიდან, რომელიც ჯამში 99 ქვეყანაში 1 კმ-ზე ტაქსის საშუალო ფასებს ადარებს.უფრო კონკრეტულად, Numbeo-ს მონაცემების მიხედვით, 1 კმ-ზე ტაქსის საშუალო ფასი თურქეთში 85 ცენტია. ამ მონაცემებით ქვეყანა 99 ქვეყანას შორის 68-ე ადგილზეა.მეზობელი ქვეყნებიდან ტაქსის სიძვირით თურქეთს რეიტინგში 76-ე ადგილით მოსდევს საქართველო. Numbeo-ს თანახმად, აქ 1 კმ-ზე ტაქსის საშუალო ფასი 71 ცენტია.მონაცემების მიხედვით, აზერბაიჯანში 1 კმ-ზე ტაქსის ფასი 59 ცენტია, რითაც ქვეყანა 81-ე ადგილზეა, მას კი მოსდევს რუსეთი 45 ცენტით და 87-ე ადგილით.აღსანიშნავია, რომ საქართველოს მეზობელ ქვეყნებს შორის, 1 კმ-ზე ტაქსი ყველაზე იაფი სომხეთშია. Numbeo-ს მონაცემებში სომხეთი 88-ე ადგილზეა. უფრო დეტალურად, 1 კმ-ზე ტაქსის საშუალო ტარიფი სომხეთში 43 ცენტრია.მსოფლიოს სხვადასხვა ქვეყნის მონაცემებსაც თუ გადავხედავთ, ტაქსი ყველაზე ძვირი შვეიცარიაში, მას კი მოსდევს ლუქსემბურგი და ალბანეთი.10 ქვეყანა, სადაც ტაქსის ფასები ყველაზე მაღალია: შვეიცარია - 4.7 დოლარი; ლუქსემბურგი - 4.06 დოლარი; ალბანეთი - 3.67 დოლარი; ბაჰრეინი - 3.45 დოლარი; მავრიკი - 3.19 დოლარი; იაპონია - 3.08 დოლარი; ნიდერლანდები - 3.03 დოლარი; გერმანია - 2.86 დოლარი; ბელგია - 2.75 დოლარი; მექსიკა - 2.72 დოლარი. ამასთანავე, აღსანიშნავია, რომ მსოფლიოს სხვა ქვეყნებთან შედარებით, 1 კმ-ზე ტაქსის საშუალო ფასები ყველაზე დაბალი ფილიპინებში, ინდოეთსა და ეგვიპტეშია.10 ქვეყანა, სადაც ტაქსის მომსახურება ყველაზე იაფია: ფილიპინები - 23 ცენტი; ინდოეთი - 26 ცენტი; ეგვიპტე - 30 ცენტი; ირანი - 30 ცენტი; შრი-ლანკა - 33 ცენტი; უზბეკეთი - 33 ცენტი; ტუნისი - 34 ცენტი; მოლდოვა - 34 ცენტი; ჩინეთი - 35 ცენტი; ინდონეზია - 39 ცენტი.

ბოლო 1 წელში, დედაქალაქში ქირის ფასი შედარებით გაზრდილია. კერძოდ, Galt & Taggart-ის ინფორმაციით, პირობითად, თუ 2025 წლის მაისის თვეში, თბილისში 1 კვადრატული მეტრი გასაქირავებელი საცხოვრებელი ფართი, საშუალოდ, 9.3 დოლარი ღირდა, დღევანდელი მოცემულობით ფასი, თითქმის, 10 დოლარს აღწევს.უძრავი ქონების ყიდვა-გაყიდვისა და გაქირავების პორტალ Home.ge-ში ვარაუდობენ, რომ აგვისტოს თვეში, თბილისში ქირის ღირებულება კიდევ უფრო გაიზრდება, რასაც მაღალი მოთხოვნა განაპირობებს.„როგორც ცნობილია, ზაფხულის ბოლო თვეს, დედაქალაქში რეგიონებიდან სტუდენტების დიდი ნაკადი ჩამოდის, რაც გასაქირავებელ საცხოვრებელ ფართებზე მოთხოვნას ზრდის, ეს კი ფასებზე ზეწოლას ახდენს. აქედან გამომდინარე, ველოდებით, რომ ქირის ფასი გაიზრდება“, - განუცხადა „ბიზნესპარტნიორს“ Home.ge-ს გუნდის ხელმძღვანელმა ტუსია უგრეხელიძემ.აღსანიშნავია, რომ ქირის ღირებულება განსხვავებულია უბნების მიხედვით. Galt & Taggart-ის მონაცემებით, თბილისის ცენტრში კვადრატულის საშუალო ფასი 13-14 დოლარია, გარეუბნებში კი 8-დან 9 დოლარამდე.საინვესტიციო ბანკის ინფორმაციით, ყველაზე მაღალ დონეზე გასაქირავებელი ფასი საშუალო ზომის ბინებზე ნარჩუნდება, რაც 50-დან 60 კვადრატულ მეტრამდე ფართის მქონე ბინებს გულისხმობს. ამონაგები კი ქირის ფასიდან თბილისში კვლავ საკმაოდ მაღალია და 8.4% -ს შეადგენს.წყარო: "ბიზნესპარტნიორი"