1713170557
ბათუმის ნავსადგურის ახლოს გაზის სუნის გავრცელების ფაქტზე საქმის წარმოება დაწყებულია
გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, ბათუმში, მძაფრი სუნის გავრცელების ფაქტზე საქმის წარმოება რამდენიმე მიმართულებით დაიწყეს. ინფორმაციას გარემოსდაცვითი ზედამხედველობის დეპარტამენტი ავრცელებს.
“შავი ზღვის დაცვის კონვენციური სამმართველოს თანამშრომლების მიერ, ზღვის დაბინძურების ფაქტი არ გამოვლინდა. აჭარისა და გურიის რეგიონული სამმართველოს ინსპექტორების მიერ, ბათუმის პორტის უნაპირო ნავმისადგომზე, ნედლი ნავთობით გემის დატვირთვის ფაქტზე შესწავლა დაწყებულია”, – ნათქვამია ინფორმაციაში.
სოციალურ ქსელში მოქალაქეები ავრცელებდნენ ინფორმაციას, რომ ბათუმში გაზის მძაფრი სუნია და ამის გამო თავის ტკივილი აწუხებთ.
ამ ფაქტთან დაკავშირებით განცხადება გუშინ ბათუმის ნავთობტერმინალმაც გაავრცელა.
„2022 წლის 7 იანვარს, 18:24 საათზე, უნაპირო ნავმისადგომზე დაიწყო ნედლი ნავთობის ტანკერში ჩატვირთვის ოპერაცია სტანდარტულ რეჟიმში ორთქლების რეკუპერაციის დანადგარის გამოყენებით. ბათუმის ნავთობტერმინალის QHSE განყოფილების ნავთობის დაღვრაზე რეაგირების ჯგუფი და საგამოცდო და საკალიბრებელი ლაბორატორიის ეკოლოგიური მონიტორინგის სექტორი, ეკოლოგიური მონიტორინგის დარგში საკუთარ თავზე აღებული ვალდებულებების ფარგლებში, საქართველოს მოქმედი საკანონმდებლო მოთხოვნების შესაბამისად, სტანდარტულ რეჟიმში ახორციელებდნენ ატმოსფერული ჰაერის სინჯების აღებას. ჰაერის სინჯების აღება წარმოებდა 2022 წლის 7 იანვრიდან 19:00, 24:00 საათზე და 2022 წლის 08 იანვრის 07:00, 13:00, 19:00, 24:00 საათზე.
გამოცდების შედეგად, ნავთობის გოგირდწყალბადის, ნახშირწყალბადების С1-С10, არომატული ნახშირწყალბადების შემცველობა ზღვრულად-დასაშვები ნორმების საზღვრებშია, რაც დასტურდება გამოცდების ოქმებით, ასევე, აღნიშნული პერიოდისთვის წყლის მონიტორინგმა არ დაადასტურა ბათუმის ნავთობტერმინალის პასუხისმგებლობის ზონაში რაიმე სახის ნავთობპროდუქტის ან/ნავთობის დაღვრის ფაქტები.
ამას გარდა, სოციალურ ქსელებში ზემოაღნიშნული ინფორმაციის გამოქვეყნებისთანავე, ბათუმის ნავთობტერმინალის პასუხისმგებელმა დასაქმებულებმა დაუყოვნებლივ ჩაატარეს ყველა საწარმოო ობიექტისა და ტექნოლოგიური ნაგებობის შემოწმება ატმოსფეროში შესაძლო გაჟონვების და გაფრქვევების გამოსავლენად.
დილით, 09 იანვარს ბნტ-ის ტერიტორიაზე მოვიდნენ ეკოლოგიის სამსახურის წარმომადგენლები შემოვლისა და ვიზუალური მონიტორინგის განსახორციელებლად, რომლის შედეგად შედგენილი იქნა აქტი და წარმოდგენილი იქნა ყველა აუცილებელი დოკუმენტი. შემოწმების დროს, ნავთობის და ნავთობპროდუქტების არანაირი სუნი და დაღვრის კვალი აღმოჩენილი არ ყოფილა.
ამგვარად, ბათუმის ნავთობტერმინალი კატეგორიულად უარყოფს გამოქვეყნებულ დაუდასტურებელ და შეუმოწმებელ ინფორმაციას, რომელიც ეფუძნება ჭორებს და გაცნობებთ, რომ ტერმინალის მთელი საოპერაციო საქმიანობა კონტროლდება შიგა ეკოლოგიური მონიტორინგით 24/7-ზე რეჟიმში. ეკოლოგიური მონიტორინგი, როგორც მინიმუმ, მოიცავს მდინარეების და ზღვის მონიტორინგს ნავთობის, ნავთობპროდუქტების გაჟონვების არსებობაზე და ატმოსფერული ჰაერის მონიტორინგს. ტერმინალი აქტიურად თანამშრომლობს აჭარის გარემოზე ზედამხედველობის დეპარტამენტთან და დადგენილი წესით წარმოადგენს ყველა აუცილებელ ინფორმაციას თავისი საქმიანობის შესახებ ზემოაღნიშნული საკითხის ფარგლებში.
ბათუმის ნავთობტერმინალი დაბეჯითებით გირჩევთ არ გაავრცელოთ აშკარად მცდარი ინფორმაცია, რომელიც რეპუტაციულ ზიანს აყენებს კომპანიას, რომელიც თავის საქმიანობას ახორციელებს გამჭვირვალედ და საქართველოს მოქმედი კანონმდებლობის ფარგლებში. დამატებით გაცნობებთ, რომ ბტნ იტოვებს უფლებას შეიტანოს სარჩელი იმ პირების მიმართ, რომლებიც ავრცელებენ ამგვარი ხასიათის ინფორმაციას“, - აღნიშნულია განცხადებაში.
ენერგეტიკა
საზოგადოება
1714045725
ვინ არის კურიერი, რომელმაც ერთ თვეში 12 254 ლარი გამოიმუშავა (ვიდეო)ვინ არის და რას პასუხობს „ვოლტის“ კურიერი იმ ადამიანებს, რომლებმაც მისი ერთ თვეში გამომუშავებული 12 254 ლარი შეუძლებლად მიიჩნიეს:
1714042367
რა საინვესტიციო ვალდებულებით გადასცემს სახელმწიფო „კურორტ საირმეს“ 1 368 ჰა მიწას 49 წლით? - განკარგულებამთავრობის 609 განკარგულებით, სახელმწიფო „კურორტ საირმეს“ ვანსა და ბაღდათის მუნიციპალიტეტებში 49 წლიანი იჯარით, წელიწადში 1 000 ლარად 13 687 749 კვ.მ მიწის ფართობს გადასცემს. საუბარია, 65 სხვადასხვა ლოკაციაზე არსებულ სასოფლო-სამეურნეო ფართებზე და საძოვრებზე. შესაბამისი განკარგულება მთავრობის ადმინისტრაციის ვებგვერდზე 24 აპრილს გამოქვეყნდა და მას ხელს პრემიერ-მინისტრი ირაკლი კობახიძე აწერს.საინვესტიციო ვალდებულების მიხედვით, 8 წლის განმავლობაში კომპანიამ 750-ნომრიანი სასტუმრო უნდა ააშენოს. ასევე, განავითაროს სარეკრეაციო სივრცე, მოაწყოს სათხილამურო ტერასები და ტრასები.განკარგულებაში გაწერილია გრაფიკი, რომლითაც "კურორტმა საირმემ" ვალდებულებების შესასრულებლად ₾80 მლნ-ის ინვესტიცია უნდა ჩადოს. ასევე კომპანიამ მომდევნო 8 წლის განმავლობაში, უნდა დაასაქმოს 100 ადამიანი არანაკლებ 2 წლის ვადით.მიწებს კომპანიას ქონების ეროვნული სააგენტო მას შემდეგ გადასცემს, რაც საინვესტიციო თანხის 5%-ს საბანკო, გაუხმობ გარანტიად წარადგენს.სამეწარმეო რეესტრის მიხედვით, 2001 წელს დარეგისტრირებული კომპანიის წილის 100%-ის მფლობელი თემურ კოხოძეა. გენერალური დირექტორის მოვალეობის შემსრულებელი კი, ანა ჯანიაშვილი.
1714040214
ტაილანდში წელს სიცხის შედეგად 30 ადამიანი დაიღუპატაილანდში წელს სიცხის შედეგად 30 ადამიანი დაიღუპა. ამის შესახებ ინფორმაციას france24-ი ავრცელებს. ბანგკოკის საქალაქო ხელისუფლებამ მოსახლეობა მოსალოდნელი ექსტრემალური სიცხის ( 52 გრადუს ცელსიუსი) შესახებ გააფრთხილა.ტაილანდის დედაქალაქში ჰაერის ტემპერატურამ ოთხშაბათს 40.1 გრადუსს მიაღწია და მსგავსი ტემპერატურაა ნავარაუდევი დღესაც.ჯანდაცვის სამინისტრომ ოთხშაბათს განაცხადა, რომ 2024 წლის 1 იანვრიდან 17 აპრილამდე სითბური ინსულტისგან 30 ადამიანი გარდაიცვალა.
1714038060
რა ღირს ბაზრებსა და მარკეტებში იმპორტირებული და ადგილობრივი წარმოების კიტრი/პომიდორისაქართველოში მიმდინარე წლის მარტში იმპორტირებულია 1,5 მლნ აშშ დოლარის ღირებულების 3 348 ტონა პომიდორი. ამასთანავე, საანგარიშო პერიოდში ქვეყანაში შემოვიდა 1,2 მლნ აშშ დოლარის 2 724 ტონა კიტრი.საქართველოს გასულ თვეში 1 კგ პომიდვრის იმპორტი 0.45 დოლარი (კურსით 1,2 ლარი), ხოლო კიტრის იმპორტი 0.44 დოლარი (1,2 ლარი) დაუჯდა.სუპერმარკეტებში 1 კგ იმპორტული პომიდვრის ფასი 4 ლარიდან იწყება, ხოლო კიტრის 3,5 ლარიდან. მონაცემები აჩვენებს, რომ იმპორტული პომიდორი მინიმუმ 233%-იანი ფასნამატით, ხოლო კიტრი 192%-იანი ფასნამატით იყიდება. რაც შეეხება ბაზრებს, აქ 1 კგ იმპორტული პომიდვრის ფასი 1,5 ლარიდან იწყება, ხოლო კიტრი 2.5 ლარიდან. მონაცემების თანახმად, იმპორტული პომიდორი ბაზარზე იყიდება 25%-იანი, ხოლო კიტრი 108%-იანი ფასნამატით.ამასთანავე, 2024 წლის მარტში საქართველოდან იმპორტირებულია ადგილობრივი წარმოების 120 ათასი დოლარის ღირებულების 131 ტონა პომიდორი და 4 ათასი დოლარის 6 ტონა კიტრი.აღნიშნული მონაცემების თანახმად, 1 კგ ქართული წარმოების კიტრის საექსპორტო ფასი 0.7 დოლარს (კურსით 1,9 ლარი) შეადგენს, ხოლო პომიდვრის 0.92 დოლარს (კურსით 2.5 ლარი).ბაზრებზე ქართული წარმოების პომიდვრის ფასი 3,5 ლარიდან იწყება, ხოლო კიტრის ფასი 3 ლარიდან. რაც შეეხება ქსელურ მარკეტებს, 1 კგ ქართული პომიდვრის ფასი 6 ლარიდან იწყება, ხოლო კიტრის - 7 ლარიდან.ცნობისთვის, მიმდინარე წლის მარტში, გასული წლის ანალოგიურ მაჩვენებელთან შედარებით, პომიდვრის იმპორტი 12%-ით შემცირდა, კიტრის კი 29%-ით გაიზარდა. ამასთანავე, მარტში ქართული წარმოების კიტრის ექსპორტი 58%-ით შემცირდა, პომიდვრის კი 55%-ით არის შემცირებული.
1714036297
რომელი ქვეყნების მოქალაქეები ითხოვენ თავშესაფარს საქართველოშიშინაგან საქმეთა სამინისტროს სტატისტიკის მიხედვით, წელს I კვარტალში, ლტოლვილის სტატუსი ჯამში 3 მოქალაქეს მიეცა. ამათგან, ორი ირანის მოქალაქეა, ხოლო ერთი დაუდგენელი.ამავე მონაცემების თანახმად, საანგარიშო პერიოდში, თავშესაფრის მაძიებლად რეგისტრირებულია, ჯამში, უცხოეთის 379 მოქალაქე, ამათგან ყველაზე ბევრი, 17,4% უკრაინის მოქალაქეებზე მოდის.უფრო კონკრეტულად, საქართველოში თავშესაფრის მაძიებლად რეგისტრირებულია: უკრაინის 66 მოქალაქე, ინდოეთის - 51, ირანის - 45, თურქეთის - 43, პაკისტანის - 35, რუსეთის - 23, ერაყის - 15, იორდანიის - 14, ნიგერიის - 12, ეგვიპტის - 11, სირიის - 10, ბელარუსის -9, და ა.შ.სტატისტიკის მიხედვით, წელს, I კვარტალში, საქართველოს დროებითი განთავსების ცენტრში მოთავსებულია უცხო ქვეყნის 59 მოქალაქე. ამათგან, ყველაზე ბევრი, 23 მოქალაქე აზერბაიჯანიდან იყო, 10 - ჩინეთიდან, 6 - რუსეთიდან, 4- თურქეთიდან და ა.შ.
