1714460305
„ბენირე“ წარმოებაში ახალ მიმართულებას ამატებს და ექსპორტზე გასვლას გეგმავს
კესო გულუამ საბავშვო სამოსის ბრენდი, „ბენირე“ პანდემიის დროს შექმნა, შემდეგ პროგრამის „აწარმოე საქართველოში“ მიკრო და მცირე მეწარმეობის 25 000-ლარიანი გრანტი მიიღო, რაც წარმოების გაფართოებაში დაეხმარა. როგორც „კომერსანტთან“ საუბრისას ამბობს, მალე ახალ მიმართულებას ამატებენ და საბავშვო განმავითარებელი ნივთების წარმოებას იწყებენ. ამას გარდა, „ბენირე“ თბილისის მაღაზიებში შესვლას და ექსპორტზე გასვლას გეგმავს.
როდის შეიქმნა „ბენირე“ და რამ განაპირობა საბავშვო სამოსის წარმოებით თქვენი დაინტერესება?
კესო გულუა, „ბენირეს“ დამფუძნებელი: 2021 წელს შევქმენი ბრენდი, რომლის ინსპირაციაც ჩემი შვილი იყო, მისთვის დამზადდა პირველი სამოსი და ამის შემდეგ ვიფიქრე, რომ ამ ყველაფრისთვის მცირე ბიზნესის სახე მიმეცა. მალე ბრენდმა 0-დან 6 წლამდე ბავშვებისათვის შექმნილი საბავშვო სამოსის სტილით და ხარისხით პოპულარობა მოიპოვა და გაფართოებაზე დავიწყე ფიქრი.
კერძო ინვესტიციით შეიქმნა ბრენდი, თუ რაიმე გრანტი მიიღეთ?
ბრენდი კერძო ინვესტიციით შეიქმნა. თავდაპირველად პროდუქციის შეკერვა სახლის პირობებში ხდებოდა, რადგან „ბენირე“ საოჯახო ბიზნესია და საქმე ოჯახის წევრებს გვქონდა გადანაწილებული. შემდეგ სახელმწიფო პროგრამის, „აწარმოე საქართველოში“ მიკრო და მცირე მეწარმეობის გრანტი მივიღეთ 25000 ლარის ოდენობით და გავხსენი ატელიე. ამ ეტაპზე ატელიეში რომელიც თბილისში, სავაჭრო ცენტრ „ქარვასლაში“ მდებარეობს, შოურუმი მაქვს, სადაც 2 მკერავი მყავს დასაქმებული. გაყიდვები ხორციელდება ონლაინ, სოციალური ქსელების მეშვეობით. მარაგში გვაქვს გარკვეული ასორტიმენტის მზა პროდუქცია, ხოლო ამოწურული ასორტიმენტის სამოსი ზომისა და ფერის შესაბამისად მზადდება შეკვეთით. მზა სამოსის შეძენა შესაძლებელია შოურუმში.
რომელ სეგმენტზეა გათვლილი „ბენირე“, საშუალო ფასები როგორია?
სამოსი გათვლილია საშუალო სეგმენტზე ფასები 35 ლარიდან - 90 ლარამდე მერყეობს. მიუხედავად იმისა რომ ბრენდი პანდემიის დროს შეიქმნა ფასები არ გაზრდილა.
სამომავლოდ რა გეგმები გაქვთ?
იმის გამო, რომ კარგად ვიცნობ არსებული ბაზრის მოთხოვნას ვგეგმავ, რომ არსებული ბრენდის ქვეშ, წარმოებაში ახალი მიმართულება დავამატო - საბავშვო განმავითარებელი ნივთების წარმოების მიმართულებით, რაც ქსოვილებით შექმნილი ინფორმაციული და ინტერაქციული განმავითარებელი წიგნების დამზადებას გულისხმობს, რომელიც ბავშვს სხვადასხვა უნარების განვითარებაში დაეხმარება და სამყაროს აღქმისა და სწავლის პროცესს გაუმარტივებს. ამას გარდა, სამომავლოდ, მაღაზიებში შესვლასაც აუცილებლად ვგეგმავთ და, რა თქმა უნდა, გეგმაში გვაქვს ექსპორტზე გასვლა.
ენერგეტიკა
საზოგადოება
1714738672
კვარაცხელიას აგენტი „ნაპოლისგან“ ხელფასის 5 მილიონამდე გაზრდას ითხოვს - La Gazzetta dello Sport„ნაპოლი“ ხვიჩა კვარაცხელიასთან კონტრაქტის გახანგრძლივების განსახილველად ემზადება. კლუბში დარწმუნებულები არიან, რომ „ბარსელონა“ კვარაცხელიას გადაბირებას ვერ მოახერხებს, – წერს იტალიური გამოცემა La Gazzetta dello Sport-ი. „ნეაპოლში ამ დღეებში წვიმაა მოსალოდნელი. ამჯერად, შესაძლოა, ამინდი არ იყოს ერთადერთი ფაქტორი, რომელიც ზეგავლენას მოახდენს ნეაპოლელთა განწყობაზე – იმის გამო, რომ რაღაც დიდი მწიფდება და გულშემატკივრები ელიან დიდ ამბებს. შესაძლოა, მათ დაიბრუნონ ღიმილი თვეების შემდეგ, რადგან ხვიჩა კვარაცხელიას მენეჯერთან კონტრაქტის გახანგრძლივების საკითხი უნდა განიხილონ.მისი აგენტი მამუკა ჯუღელი ნეაპოლშია. ის ელოდება პრეზიდენტის ზარს და იმის აღიარებას, რომ ვარსკვლავური სეზონის შემდეგ კვარაცხელიას როლს აღიარებენ. ხვიჩას სურს ტოპფეხბურთელის კონტრაქტი, როგორც შეეფერება მას, ვინც თითქმის უცნობი მოთამაშეობიდან ოქროს ბურთის რეიტინგში მე-17 ადგილზე გავიდა.ხელშეკრულების ვადის გახანგრძლივების საკითხი მალე უნდა გადაწყდეს, რათა ფეხბურთელმა საქართველოს ნაკრებისთვის პირველ ისტორიულ ევროპის ჩემპიონატზე სხვა საზრუნავის გარეშე ითამაშოს. მხარეების პოზიცია ცნობილია: კვარას გარემოცვას ხელფასის მნიშვნელოვანი ზრდა სურს და საწყისი მოთხოვნა იქნება 5 მილიონი პლუს პრემიები. ნაკლებად სავარაუდოა, რომ დე ლაურენტისი ამას დათანხმდეს, მაგრამ არსებობს სურვილი, ხვიჩას მაქსიმალურად ასიამოვნოს და ახალი პროექტის ქვაკუთხედად აქციოს. ამდენად, პრეზიდენტს შეუძლია, შესთავაზოს 4 მილიონი, პლუს ბონუსები (შესაძლოა, ადვილად მისაღწევი იყოს 4.5 მილიონი). Მაგრამ საკმარისი იქნება ეს?კვარას კონტრაქტი 2027 წლამდე აკავშირებს. მისი აგენტი მოლაპარაკებისას „ბარსელონას“ ინტერესსაც გამოიყენებს. თუმცა კატალონიაში ჯერ არ არსებობს შესაფერისი საფუძველი, ხვიჩას დამატებაზე რომ იფიქრონ. დე ლაურენტისი ქართველი ტალანტის ტრანსფერს 120-დან 130 მილიონ ევრომდე აფასებს. კონტრაქტის დასრულებამდე სამი წელი დარჩა და თამაშის პირობებს „ნაპოლის“ პრეზიდენტი კარნახობს.რეალურად, „ნაპოლის“ პრეზიდენტი კვარას გაყიდვას არ აპირებს და ამიტომ გუნდის ვარსკვლავს მხოლოდ განსაკუთრებულ შეთავაზების შემთხვევაში გაუშვებს. როდესაც უკვე იძულებულია, ოსიმენს დაემშვიდობოს, ცხადია, დე ლაურენტისისთვის ძალიან რთული იქნება საჩემპიონო სეზონის ორ მთავარ გმირთან ერთდროულად დამშვიდობება. ამ მიზეზით, არ არის გამორიცხული, რომ დე ლაურენტისი დათანხმდეს 100-მილიონიან გამოსყიდვის პუნქტს. ხვიჩა ნეაპოლში თავს კარგად გრძნობს, მამამისი ბადრიც დარჩენის მომხრეა. ყველაფერი დე ლაურენტისის გადასაწყვეტია – უნდა გავიდეს მოედანზე და ეს მატჩი მოიგოს“, – წერს გამოცემა.წყარო: 1tv.ge
1714643279
სოფელ ვაზიანში 70,000 მაყურებელზე გათვლილი სტადიონის მშენებლობისთვის მთავრობამ კომისია შექმნასაქართველოს მთავრობამ გადაწყვიტა თბილისის ცენტრალური სტადიონი დედაქალაქიდან კახეთის გზატკეცილისკენ, სოფელ ვაზიანში გადაიტანოს. შესაბამისი გადაწყვეტილება პრემიერ-მინისტრმა 22 აპრილს გააჟღერა. დღეს მთავრობის ვებგვერდზე გამოქვეყნდა მთავრობის განკარგულება სპეციალური უწყებათაშორისი კომისიის შექმნის თაობაზე. განკარგულების მიხედვით, უწყებათაშორისი კომისიის თავმჯდომარე პრემიერ-მინისტრი ირაკლი კობახიძე იქნება, კომისიაში ასევე შევლენ ეკონომიკის, სპორტისა და კულტურის, ფინანსთა და ინფრასტრუქტურის მინისტრები, ასევე თბილისის მერი.ახალი სტადიონი 70,000 მაყურებელზე უნდა იყოს გათვლილი და მასზე მთავრობას სურს, რომ 2028 წლის ჩემპიონთა ლიგის ფინალი გაიმართოს.საქართველოს მთავრობას არ წარუდგენია დასაბუთება, თუ რატომ არის გამართლებული ასობით მილიონი ლარის ღირებულების ობიექტის, თბილისის ცენტრალური სტადიონის აშენება იმ ტერიტორიაზე, რომელიც ჯერჯერობით იურიდიულად თბილისის შემადგენლობაში არცაა.ვაზიანში ასევე იგეგმება თბილისის ახალი აეროპორტის აშენებაც, რომელიც ADB-ის წინასწარი შეფასებით, 1.2 მილიარდი დოლარი დაჯდება.ამჟამად თბილისის ცენტრალური სტადიონია ბორის პაიჭაძის სახელობის სტადიონი, რომელიც 55,000 მაყურებელს იტევს.
1714643097
„აშშ გმობს კრემლის მიერ შთაგონებულ „უცხოური გავლენის“ კანონმდებლობის წინ წაწევას საქართველოს პარლამენტში“ - აშშ-ის საელჩოსაქართველოში აშშ-ის საელჩო ე.წ. რუსული კანონის მეორე მოსმენით მიღებასთან დაკავშირებით განცხადებას ავრცელებს.„საქართველოს დასავლური ტრაექტორია რისკის ქვეშაა.შეერთებული შტატები გმობს კრემლის მიერ შთაგონებულ „უცხოური გავლენის" კანონმდებლობის წინ წაწევას საქართველოს პარლამენტში და მთავრობის ოფიციალური პირების ყალბ ნარატივს, რომელსაც მის დასაცავად მიმართეს. მმართველი პარტიის წევრები ცხადად ამბობენ, რომ კანონის მიზანია, ჩაახშოს კრიტიკული ხმები და გაანადგუროს საქართველოს მრავალფეროვანი სამოქალაქო საზოგადოება, რომელიც ნებისმიერ დემოკრატიულ ქვეყანაში მთავრობის კონტროლის უმნიშვნელოვანეს როლს ასრულებს.ეს კანონი და ქართული ოცნების ანტიდასავლური რიტორიკა საქართველოს სახიფათო გზაზე აყენებს.საქართველოს მთავრობის განცხადებები და ქმედებები შეუსაბამოა დემოკრატიულ ღირებულებებთან, რომელიც ევროკავშირისა და ნატოს წევრობის საფუძველშია და ძირს უთხრის საქართველოს ევროატლანტიკური ინტეგრაციის გზას.განცხადებები, რომელიც არასწორად წარმოაჩენს საქართველოში უცხოურ მხარდაჭერას - რასაც ოცდათორმეტი წელია საქართველოს ეკონომიკის, დემოკრატიისა და რუსული აგრესიის შეკავების უნარის გაძლიერებისთვის უზრუნველვყოფთ - არსებითად უთხრის ძირს იმ მტკიცე ურთიერთობას, რომელიც საქართველოს მთავრობასა და ქართველ ხალხთან ჩამოგვიყალიბდა.ჩვენ ვდგავართ ქართველი ხალხის გვერდით და მხარს ვუჭერთ მათ უფლებას, რომ გაგონილი იყოს მათი ხმა. ვგმობთ ძალადობას მშვიდობიანი დემონსტრანტების წინააღმდეგ, მათ შორის ჟურნალისტების წინააღმდეგ, რომლებიც დემონსტრაციებს აშუქებენ. ძალის გამოყენება მშვიდობიანი შეკრებისა და სიტყვის თავისუფლების ჩასახშობად მიუღებელია. მოვუწოდებთ ხელისუფლებას არაძალადობრივი აქციის მონაწილეებს მისცეს შესაძლებლობა, გააგრძელონ გამოხატვის თავისუფლების უფლების გამოყენება“, - ნათქვამია საელჩოს განცხადება.
1714642171
ხუთი მომსახურება, რომელიც აპრილში გაძვირდა2024 წლის აპრილში წინა თვესთან შედარებით ინფლაციის დონემ საქართველოში 0.3 პროცენტი, ხოლო წლიური ინფლაციის დონემ 1.5 პროცენტი შეადგინა. „საქსტატის“ ინფორმაციით, რაც შეეხება საბაზო ინფლაციას, აღნიშნულმა მაჩვენებელმა 2024 წლის აპრილში, გასული წლის შესაბამის პერიოდთან შედარებით 2.3 პროცენტი შეადგინა, ხოლო თამბაქოს გარეშე წლიური საბაზო ინფლაციის მაჩვენებელი ასევე 2.3 პროცენტით განისაზღვრა.სტატისტიკის მიხედვით, საქმიანობებს შორის, წელს აპრილში, წინა წლის იგივე თვესთან შედარებით, ყველაზე მეტად ელექტროგაყვანილობის ხელოსნის მომსახურება გაძვირდა, შემდეგია ავტომობილის რეცხვის გადასახდელი და მღებავის მომსახურება.მომსახურებები, რომელიც 2024 წლის აპრილში წინა წლის ანალოგიურ პერიოდთან შედარებით ყველაზე მეტად გაძვირდა:ელექტროგაყვანილობის ხელოსნის მომსახურება - 58.4%;ავტომობილის რეცხვის გადასახდელი - 39.8%;მღებავის მომსახურება - 33%;ავტომობილის შეკეთება – 15.5%;სანტექნიკოსის მომსახურება – 14.6%.
1714636318
მთავრობამ 26 მაისის აღსანიშნავად 5.3 მლნ ლარი გამოყოსაქართველოს მთავრობამ 26 მაისის აღსანიშნავად სარეზერვო ფონდიდან 5.3 მილიონი ლარი გამოყო - ამის შესახებ მთავრობის მიერ გამოქვეყნებული დადგენილებიდან ხდება ცნობილი.სავარაუდოდ უახლოეს მომავალში გამოცხადდება გამარტივებული შესყიდვა 26 მაისს დაგეგმილი ღონისძიებების შესყიდვის თაობაზე.
