• Ƀ/$

დიდ ბრიტანეთში საკრედიტო ბარათებით ბიტკოინის ყიდვა აკრძალეს

6 თებერვალი 15:05, 2018 წელი | კრიპტოეკონომიკა

ბრიტანულმა ფინანსურმა კონგლომერატმა Lloyds Banking Group-მა განაცხადა, რომ მის მიერ ემისირებული საკრედიტო ბარათით ბიტკოინის შეძენას აკრძალავს.

Euronews-ის ცნობით, ეს ქვეყანაში პირველი შემთხვევაა, როდესაც საფინანსო ინსტიტუტი კრიპტოვალუტის შეძენას კრძალავს.


ექსპერტების შეფასებით, ეს გადაწყვეტილება ბოლო დღეებში ბიტკოინის რეკორდულ გაუფასურებას უკავშირდება. თუ გასული წლის ბოლოს კრიპტოვალუტის კურსი $20000-ს აღწევდა, ბოლო მომაცემებით მისი ღირებულება თითქმის $6000-მდე დაეცა. 


ბიტკოინის ფასის ვარდნას უკავშირებენ, მათ შორის, იმ შეზღვუდებსაც, რომლებსაც ბიტკოინის წინააღმდეგ ჩინეთის ხელისუფლება აწესებს. ჩინეთის მთავრობამ აკრძალა ქვეყანაში ბიტკოინის მაინინგი, ასევე ყველა იმ ვებგვერდის დაბლოკვა გადაწყვიტა, რომელიც ციფრული ვალუტით ვაჭრობასთანაა დაკავშირებული.


სხვა სიახლეები