• Ƀ/$

MAN-ის ავტობუსებში WI-FI უფასო იქნება

17 ოქტომბერი 13:25, 2018 წელი | მედია ბიზნესისთვის - M2B

მიმდინარე წლის ბოლოდან, MAN-ის მარკის ახალ ავტობუსებში უფასო უკაბელო ინტერნეტის როუტერები დამონტაჟდება. ამის შესახებ თბილისის მერმა კახა კალაძემ დღეს დედაქალაქის მთავრობის სხდომაზე განაცხადა. 

მისივე თქმით, საზოგადოებრივი ტრანსპორტის მგზავრებისთვის კომფორტის შექმნა ძალიან მნიშვნელოვანია.


„ჩვენ ხშირად ვსაუბრობთ საზოგადოებრივი ტრანსპორტის განვითარებაზე და ამაში მხოლოდ ავტოპარკის განახლებასა და ხაზების დამატებას არ ვგულისხმობთ. განვითარების ნაწილად მივიჩნევთ საზოგადოებრივი ტრანსპორტის აღჭურვას დამატებითი სერვისებით. ჩვენი ინიციატივაა და ამას აუცილებლად გავაკეთებთ,  რომ, სავარაუდოდ, წლის ბოლოდან MAN-ის მარკის ავტობუსებში უკაბელო ინტერნეტი დამონტაჟდეს, რომელიც ყველა მგზავრისთვის ხელმისაწვდომი იქნება. მგონია, რომ საკმაოდ მნიშვნელოვანია, რომ ადამიანებს მიეცეთ შესაძლებლობა, MAN-ის მარკის ავტობუსებში უფასო ინტერნეტით ისარგებლონ “, - განაცხადა კახა კალაძემ.


თბილისის მერის თქმით, 2019 წლის ბოლოსთვის ე.წ. ყვითელი ავტობუსების პარკი თანამედროვე, ეკოლოგიურად სუფთა ავტობუსებით სრულად ჩანაცვლდება, საიდანაც 90 ელექტროავტობუსი იქნება. 


მსგავს თემაზე:

მეტროს შემადგენლობების რაოდენობა 43-დან 55-მდე გაიზრდება


90 ელექტროძრავიანი ავტობუსი თბილისში 2019 წლიდან გამოჩნდება



სხვა სიახლეები