• Ƀ/$

სოფელ რუხში ინოვაციების ცენტრი გაიხსნა

16 ნოემბერი 15:43, 2018 წელი | მედია ბიზნესისთვის - M2B

ინოვაციების ცენტრი სამეგრელოს რეგიონის სოფელ რუხში, ენგურის ხიდიდან 600 მეტრში მდებარე მრავალფუნქციურ სავაჭრო ცენტრშია განთავსებული, რომელიც „საპარტნიორო ფონდმა“ ააშენა.

გახსნის ცერემონიალს დაესწრნენ ეკონომიკის მინისტრის მოადგილე ლაშა მიქავა, სამეგრელო- ზემო სვანეთის გუბერნატორი ალექსანდრე მოწერელია და ინოვაციების და ტექნოლოგიების სააგენტოს თავმჯდომარის მოვალეობის შემსრულებელი ავთანდილ კასრაძე.


რუხის ინოვაციების ცენტრში სისტემატიურად ჩატარდება პროგრამირების, დიზაინის, მეწარმეობისა და სხვადასხვა ბიზნესმიმართულების ტრენინგები. რეგიონის ახალგაზრდებს შესაძლებლობა ექნებათ სახელმწიფოს მხარდაჭერით  ინოვაციური იდეები რეალურ ბიზნესად აქციონ და განავითარონ თავიანთი სტარტაპ იდეები. 


,,მნიშვნელოვანია, რომ პირობით საზღვართან ასე ახლოს გაიხსნა ინოვაციების ცენტრი და იმისათვის, რომ  უზრუნველვყოთ აფხაზეთში მცხოვრები საქართველოს მოქალაქეების მაქსიმალური ჩართვა ინოვაციურ ეკოსისტემაში,  რუხის ინოვაციების ცენტრში განხორციელებული ყველა პროგრამის შესახებ ინფორმაცია, ითარგმნება აფხაზურ ენაზე; შესაბამისად, მათ ექნებათ შესაძლებლობა ონლაინ აფზახეთიდანაც დარეგისტრირდნენ სხვადასხვა პროგრამაზე.’’ - აღნიშნა ინოვაციების და ტექნოლოგიების სააგენტოს თავმჯდომარის მოვალეობის შემსრულებელმა  ავთანდილ კასრაძემ.


რეგიონებში ინოვაციების ცენტრების გახსნის მიზანია, ადგილობრივმა მოსახლეობამ, კერძო კომპანიებმა თუ ადგილობრივმა მთავრობამ გამოიყენოს აქამდე ძნელად ხელმისაწვდომი ტექნოლოგიები საკუთარი საქმიანობის განვითარებისთვის და მიიღონ ცოდნა, როგორც ინოვაციებისა და ტექნოლოგიების სფეროში, ასევე მეწარმეობის მიმართულებით.


2016 წელს ინოვაციების ცენტრები გაიხსნა ხარაგაულში, ჭოპორტსა და ბაღდათში. უახლოეს მომავალში კი ინოვაციების ცენტრი გაიხსნება  ახმეტაში.


ნოემბრის ბოლოს ტექნოპარკი უკვე თელავში, 2019 წელს კი   შოთა რუსთაველის სახელმწიფო უნივერსიტეტისა და საქართველოს ინოვაციების და ტექნოლოგიების სააგენტოს თანამშრომლობის ფარგლებში ბათუმში გაიხსნება.


მსგავს თემაზე:

რუხის საავადმყოფოს მშენებლობა წლის ბოლომდე დასრულდება


საქართველოში გზები ინოვაციური მეთოდით დაიგება



სხვა სიახლეები